निर्धारित भाडादरभन्दा तेब्बर असुुल्दै यातायात व्यवसायी
कर्णालाी करिडोरको हुुम्ला खण्डको सलीसल्लादेखि कवाडी र बाजुुराको कोल्टीसम्म निजी यातायात ब्यवासायीले निर्धारित भाडादरभन्दा तेब्बर असुुल्नेगरेको पाइएको छ । नीति यातायात ब्यवसायीले मनोमानी ढङ्गबाट भाडा असुुल्नुु र इन्धनको मुल्यबृद्धि भएको भन्दै सरकारी स्तरबाट निर्धारण गरिएको भाडादरभन्दा तेब्बर असुुल्ने गरेको देखिएको हो ।
नयाँ नियमका कारण कर्णालीमा उडान अवरुद्ध
राजन राउतहुम्ला, जेठ २० गते ।दुई दिनदेखि नेपालगञ्जबाट कर्णालीका हिमाली जिल्लामा उडान हुन सकेको छैन । नेपाल नागरिक उड्ययन प्राधिकरण, नेपालगञ्जले हुम्ला मात्र नभई नेपालगञ्जबाट कर्णालीका हिमाली जिल्ला र सुदूरपश्चिमको बाजुराको कोल्टीका लागि कुनै पनि उडान हुन नसकेको जनाएको हो ।मौसम सफा नभई आन्तरिक उडानलाई अनुमति नदिने प्राधिकरणको नयाँ नियमका कारण यस क्षेत्रमा उडान हुन नसकेको सम्बन्धित विमान सेवा कम्पनीले जनाएका छन् । प्रविधिको प्रयोग गर्न नसकिने र आँखाले हेरेको भरमा उडान र अवतरण गर्नुपर्ने विमानस्थलमा यो नियम पालनामा कडाइ गरिएको छ । यसअघि उडान हुने र अवतरण हुने विमानस्थलको मौसमको अवस्थाका आधारमा नेपाल नागरिक उड्डयन प्राधिकरणले उडानको अनुमति दिँदै आएकामा अहिले दुवै विमानस्थलको अतिरिक्त उडान मार्ग (इनरुट)को मौसम पनि राम्रो भएमा मात्रै उडान अनुमति दिन थालिएको हो । कहिले मौसम राम्रो नभएको त कहिले मौसमसम्बन्धी जानकारी नहुँदा दुई दिनयता कर्णालीमा कुनै पनि विमान सेवा कम्पनीका जहाजले उडान भर्न नसकेका हुन् । नेपालगञ्जबाट कर्णालीका हुम्ला, जुम्ला, मुगु र डोल्पामा उडान हुने गर्छ । मौसम पूर्वानुमान महाशाखाबाट मौसमसम्बन्धी जानकारी नआउने भएका कारण समस्या देखिएको प्राधिकरणको नेपालगञ्ज कार्यालयले जनाएको छ । मौसम सफा नभई आन्तरिक उडानलाई अनुमति नदिने नेपाल नागरिक उड्ययन प्राधिकरणले नयाँ नियम ल्याएपछि कर्णालीमा उडान प्रभावित भएको छ । नेपाल नागरिक उड्डयन प्राधिकरण, सिमकोट शाखाका प्रमुख मोहन गिरीले दुई दिनयता हुम्लामा कुनै पनि उडान हुन नसेको बताउनुभयो । उहाँले हुम्लाका लागि कालीकोट र दैलेख क्षेत्रको ‘इनरुट’को मौसमको जानकारी नआएका कारण प्राधिकरणको नेपालगञ्ज कार्यालयले उडान भर्ने अनुमति नदिएको जानकारी दिनुभयो । बाजुुराको कोल्टी विमानस्थलले मौसमको विवरण उपलब्ध गराउने भए पनि कालीकोट र दैलेख क्षेत्रको ‘इनरुट’को मौसमको विवरण प्राधिकरणलाई लिन समस्या रहेको बताइएको छ । बुधबारदेखि हुम्लाको मौसम उडान भर्न उपयुक्त भए पनि उडान हुन नसक्नुको कारण ‘इनरुट’को मौसमको जानकारी नहुनु रहेको गिरीले बताउनुभयो । सिमकोटमा तारा एयरले दुई दिनदेखि यात्रुलाई बोर्डिङ पास हातमा थमाएको भए पनि बिहीबार १ बजेसम्म विमानस्थलमा कुराएर फिर्ता पठाएको छ । उडान नहुँदा राष्ट्रिय सडक सञ्जाल नजोडिएको हुम्ला जिल्लाका यात्रु बढी प्रभावित भएका छन् ।खराब मौसमकै कारण जेठ १५ गते तारा एयरको जहाज दुर्घटनामा परेपछि प्राधिकरणले मौसमको रिपोर्टका आधारमा मात्रै उडान अनुमति दिन थालेको हो । नयाँ व्यवस्थाअनुसार प्रविधि जडान नभएका विमान र विमानस्थलबाट उडान मार्ग (इनरुट)को मौसमलाई पनि हेर्न थालिएको हो । यसअघि विमान उडान हुने र अवतरण हुने विमानस्थलको मौसमका आधारमा मात्रै उडान अनुमति दिइन्थ्यो । दुर्घटना न्यूनीकरणका लागि यो व्यवस्था गरिएको प्राधिकरणले जनाएको छ ।
समन्वय नहुँदा पुस्तक ढुवानी प्रभावित
नयाँ शैक्षिक सत्र सुरु भएको डेढ महिना बितिसक्दासमेत कर्णालीका अधिकांश विद्यालयमा पुग्नुपर्ने पाठ्यपुस्तक पुगेका छैनन् । ढुवानीको समस्या देखाउँदै कर्णालीका सामुदायिक विद्यालयमा समयमै पाठ्यपुस्तक पु-याइएको छैन ।
-original-thumb.jpg)
चार करोड पेश्की लिएको छ महिनासम्म सडकको काम अलपत्र
प्रेमराज सिम्खडा कालिकोट, जेठ १९ गते । कालीकोट जिल्लाको रास्कोट नगरपालिकाको मुल सडक कालोपत्रे गर्ने काम अलपत्र परेको छ । कर्णाली प्रदेश सरकारको लगानीमा नगरपालिका भित्रको मूल सडक शान्तिघाट सिपखाना सडक अन्र्तगत शान्तिघाटबाट वडिमालिकासम्मको १२ किलोमिटर सडक कालोपत्रे गर्न गएको पुसमा काम सुरु भएको थियो । निर्माण कम्पनीले स्र्काभेटरसहित ल्याएर काम सुरु भएको र सुरुमा साँघुरो सडकलाई फराकिलो गर्ने बताएको थियो । औपचारिक शिलान्यास भएको छ महिना पुग्दासम्म पनि कुनै पनि काम भएको छैन । निर्माण कम्पनीले काम गर्ने भन्दै अग्रिम भुक्तानी (पेश्की)वापत चार करोड ४० लाख भुक्तानी लिइसकेको पूर्वाधार विकास कार्यालय कालीकोटले जनाएको छ । कार्यालयका इन्जिनियर लक्ष्मणप्रसाद पाण्डेले निमार्ण कम्पनीलाई यही जेठ ३ गते पत्राचार गरेर साईडमा आएर काम गर्न निर्देशन गरेको जानकारी दिनुभयो । निर्माण कम्पन्नी केएस शनिदेव जेभिले सडक कालोपत्रेका लागि २०७८ साल असार ३ गते ठेक्का सम्झौता गरेको थियो । निर्माण कम्पनीले २५ करोड ५५ हजारमा सम्झौता गरेको थियो । ठेक्का सम्झौता भएको एक वर्ष पुग्दा सम्म एक प्रतिसत पनि माम भएको छैन ।
प्रदेश र संघको निर्वाचनमा पनि तालमेल हुन्छः नेपाल
नविन शाही सुर्खेत, जेठ १९ गते । नेपाल कम्युनिष्ट पार्टी (एकीकृत समाजवादी)का अध्यक्ष एवम् पूर्वप्रधानमन्त्री माधवकुमार नेपालले सत्तागठबन्धन दलहरुबीच प्रदेश र संघको निर्वाचनमा पनि तालमेल हुने बताउनुभएको छ । पार्टीबाट निर्वाचित जनप्रतिनिधीलाई बधाई ज्ञापन गर्न सुर्खेत आउनुभएका नेता नेपालले पत्रकार सम्मलेनमा बोल्दै दलहरुबीच चुनावी समीक्षाबाट आत्मालोचना भएकाले आगामी निर्वाचनमा पनि तालमेल हुने बताउनुभएको हो । ‘अहिलेको गठबन्धनबीच सम्बन्ध रहिरहन्छ । यस बाहेकको गठबन्धन हुने विकल्प छैन ।’ अध्यक्ष नेपालले भन्नुभयो, ‘स्थानीय तहको निर्वाचनमा गठबन्धनबीच कहिँकतै असहयोग भए तर सम्बद्ध दलहरुले आत्मालोचना गर्नुभएको छ । त्यसैले पनि प्रदेश र संघको निर्वाचनमा तालमेल कायम रहन्छ ।’अध्यक्ष नेपालले गठबन्धन सरकारले जनभावनाअनुसारको नीति कार्यक्रम र बजेट ल्याएको बताउनुभयो । ‘संसद बन्द गरी बजेट ल्याएको भए चुनावी बजेट भन्न सकिन्थ्यो । यो चुनावी बजेट होइन । चुनावको बेला परेको बजेट हो ।’ अध्यक्ष नेपालले भन्नुभयो, ‘गठबन्धन सरकारले उठाएका कुरामा हामी उत्साहित छौं । सरकारले जनभावनालाई अधिकतम समेटेर नीति कार्यक्रम बजेट ल्याएको छ ।’स्थानीय तह निर्वाचनमा नेकपा एकिकृत समाजवादी पार्टीले गर्व गर्न लायक सफलता प्राप्त गरेको बताउनुभयो । ‘कतिपय स्थानमा योग्य, सक्षम, अनुभवी र लोकप्रिय व्यक्ति उम्मेदवार विजय भएकाले गर्व गर्न लायक सफलता प्राप्त भएको निष्कर्ष निकालेका छौं’ अध्यक्ष नेपालले भन्नुभयो, ‘निर्वाचित जनप्रतिनिधीले आफ्नो योग्यता र प्रभावकारिता देखाउँदै आफ्नो पालिकालाई नमूना पालिका बनाउन पार्टीले उहाँहरुलाई प्रशिक्षित र उत्प्रेरित बनाउने छ ।’स्थानीय तहको निर्वाचनमा चुनाव चिन्ह अस्पष्ट हुँदा मत बदर भएकाले आफ्नो पार्टीले धेरै सीट गुमाउनु परेको अध्यक्ष नेपालले बताउनुभयो ।
हुम्लामा एक बोरा सिमेन्टको मूल्य ६ हजार ! खच्चडमा ढुवानीमा भए ६१ प्रतिशत सस्तो
सडक सञ्जालसँग सदरमुुकाम नजोडिएको हिमाली जिल्ला हुम्लामा सिमेन्टको मुल्य ६१ प्रतिशत भन्दा बढीले सस्तो भएको छ । जिल्लाको दक्षिणी क्षेत्र सडक सञ्जालसँग जोडिनुु र छोटो दुरीबाट खच्चडमा सिमेन्ट ढुवाँनी गर्न थालिएपछि मुल्य सस्तिएको हो ।
ठडिए द्वन्द्वमा जलेका अदालत भवन
जुम्लामा द्वन्द्वकालमा जलेर नस्ट भएका सुर्खेत उच्च अदालतको जुम्ला इजलास र जिल्ला अदालत जुम्लाका दुई भवन उद्घाटन गरिएका छन् । सर्वोच्च अदालतका कायम मुकायम प्रधानन्यायाधीश दीपककुमार कार्कीले बुधबार ती भवनको उद्घाटन गर्नुभएको हो । वि.सं २०५९ कात्तिक २८ गते माओवादी सशस्त्र युद्धका समयमा जुम्ला आक्रमण हुँदा जलेको तत्कालीन पुनरावेदन अदालत (हालको सुर्खेत जुम्ला उच्च अदालत इजलास र जिल्ला अदालत जुम्लाको नवनिर्मित आधुनिक भवनहरू उद्घाटन गरिएका हुन् ।
लेक लागेर प्रहरीको मृत्यु
नविन शाहीसुर्खेत, जेठ १८ गते । यार्सा संकलन सुरक्षामा खटिएका सहायक प्रहरी हवल्दारको लेक लागेर मृत्यु भएको छ । दैलेखको महाबु गाउँपालिका –४ स्थायी ठेगाना भई हाल कोहलपुर नगरपालिका –११ बाँके घर भएका सहायक प्रहरी हवल्दार राजबहादुर सिंहको उपचारका क्रममा मृत्यु भएको हो । मृतक सिंह मुगुको मुगुम कार्मारोङ गाउँपालिका –२ ठूलिकोशी रिमारस्थित यार्सा संकलन सुरक्षामा खटिनुभएको थियो । ड्युटिका क्रममा मंगलबार विहानदेखि टाउको दुख्ने र स्वास प्रश्वासमा समस्या भएपछि बुधबार हेलिकप्टरमार्फत उहाँलाई कोहलपुर मेडिकल कलेज लगिएको थियो ।उपचारकोक्रममा दिउँसो २ बजे उहाँलाई चिकित्सकले मृत घोषणा गरिएको कर्णाली प्रदेश प्रहरी कार्यालयले जनाएको छ । मृतक सिंह २०६७ सालमा प्रहरी जवान पदमा भर्ना भई जिल्ला प्रहरी कार्यालय मुगुमा कार्यरत हुनुहुन्थ्यो ।
कर्णाली स्वास्थ्य विज्ञान प्रतिष्ठान र न्यूफाउन्डल्याण्डबीच समझदारी
कर्णालीमा स्वास्थ्य सेवा, शिक्षा र अनुसन्धानको क्षेत्रमा द्विपक्षीय सहकार्य गर्न कर्णाली स्वास्थ्य विज्ञान प्रतिष्ठान (कास) जुम्ला र मेमोरियल विश्वविद्यालय न्यूफाउन्डल्याण्ड क्यानडाबीच समझदारी भएको छ । प्रतिष्ठानका उपकुलपति डा. मङ्गल रावल र मेमोरियल विश्वविद्यालय क्यानडाका प्रोभोष्ट तथा भ्वाइस प्रिसिडेन्ट मार्गेरेट स्टिलले पाँच वर्षका लागि उक्त समझदारीपत्रमा हस्ताक्षर गर्नुभएको हो ।
कामु प्रधान न्यायाधीश कार्की हुुम्लामा
सर्वोच्च अदालतका कायम मुकायम प्रधान न्यायाधीश दिपककुुमार कार्की पहिलो पटक हुुम्ला आइपुुग्नुु भएको छ । बुधवार बिहान नेपाली सेनाको हेलिकोप्टरमा मुुगुुबाट आउनुभएको हो । हुुम्ला जिल्लाका जिल्ला न्यायाधीश जगतबहादुुर पौडेलकाअनुसार प्रधान न्यायाधीश कार्की जिल्ला आउनुभएको हो ।
अभिभावकत्व पाएका बालबालिका अलपत्र
पूर्वप्रधानमन्त्री तथा तत्कालीन मन्त्री तथा सांसदहरूले अभिभावकत्व लिएका मुगुका गरिब परिवारका १७ बालबालिका अहिले अलपत्र भएका छन् । पूर्वप्रधानमन्त्री केपी शर्मा ओलीलगायतका तत्कालीन मन्त्री तथा सांसदले मुगुका अतिविपन्न बाल
अविवाहित महिलालाई भत्ता
रुकुम पश्चिमको सानीभेरी गाउँपालिकाले ४० वर्षमाथिका अविवाहित महिलालाई सामाजिक सुरक्षा भत्ता दिने भएको छ । गाउँपालिकाको पहिलो कार्यपालिका बैठकबाट ४० काटेका अविवाहित महिलालाई सामाजिक सुरक्षा भत्ता दिने निर्णय गरिएको हो ।
जोखिमयुक्त सडकले सास्ती
कर्णाली कोरिडोरको प्रवेशद्वार मानिने खुलालुमा जोखिमयुक्त सडकका कारण यात्रुहरूलाई सास्ती भएकोे छ । पुल पार गर्नासाथ ओरालोमा ठूला ढुङ्गा रहेको र ती ढुङ्गा पन्छाउन कसैले पनि चासो नदिँदा सो सडकखण्ड जोखिमयुक्त भएको छ । यहाँ सडक पार गर्न घण्टौँ लाग्ने गरेको छ ।
गाउँपालिकाको नमुना भवन
२०७४ सालको निर्वाचनबाट गठन भएका धेरै स्थानीय तहले आफ्ना प्रशासनिक भवन निर्माण गरेका छन् । तीमध्ये पूर्वी सुर्खेतको सिम्ता गाउँपालिकाको भवन विशेष प्रकृतिको र मौलिक छ । वीरेन्द्रनगरदेखि ७० किलोमिटर पूर्वमा रहेको सिम्ता गाउँपालिकाको प्रशासनिक भवन पालिकाको नाम सिम्ता शब्दकै प्रारूपमा निर्माण गरिएको छ तर भवनको नाम सतहबाट देखिँदैन । केही उचाइको स्थान वा हवाई अथवा ड्रोनमार्फत खिचिएका चित्रमा आकर्षक देखिन्छ ।
भालुको आक्रमणमा एक जना घाइते
हुम्ला, जेठ १७ गते। मङ्गलबार दिउँसो नाम्खा गाउँपालिका-४ को याल्वाङमा भालुको आक्रमणमा परेर एकजना घाइते हुनुभएको छ। घरबाट घट्टतर्फ जाँदै गर्दा बाटोमा भालुले आक्रमण गरेको हो। प्रहरी नायब उपरीक्षक कृष्णराज ओझाका अनुसार भालुको आक्रमणबाट स्थानीय ४८ वर्षीय कुन्जेन लामा घाइते हुनुभएको हो। घाइते लामाको कान र हातमा चोट लागेको छ। लामाको दायाँ कान च्यातिएको छ। घाइते लामालाई नाम्खा गाउँपालिका याल्वाङ स्वास्थ्य चौकीमा प्राथमिक उपचारपछि जिल्ला अस्पताल हुम्लामा रेफर गरिएको छ।
राष्ट्रपति भण्डारी सुर्खेतमा
राष्ट्रपति विद्यादेवी भण्डारी अनौपचारिक भ्रमणको सिलसिलामा सुर्खेत आइपुग्नुभएको छ ।
कामदारले ज्याला नपाएपछि उजुरी
सिमकोट गाउँपालिका–७, चुकेनी बस्तीस्थित खानेपानी योजनामा रकम हिनामिना भएको आरोप लगाउँदै स्थानीय उपभोक्ताले जिल्ला प्रशासन कार्यालयमा उजुरी दर्ता गरेका छन् । योजनाको काम सम्पन्न नगरी उपभोक्ता समितिलाई बजेट भुक्तानी भएको तर उपभोक्ता समितिका अध्यक्षले कामदारलाई रकम नदिएको आरोप उजुरीमा उल्लेख छ ।
बालविवाह र छाउपडी प्रथा अन्त्य गर्न माग
कर्णालीमा कुसंस्कारका रुपमा विद्यमान बालविवाह तथा छाउपडी प्रथा अन्त्य गर्न नागरिक समाजका अगुवाले जोड दिनुभएको छ । क्षेत्री समाज राष्ट्रिय महासङ्घ केन्द्रीय कार्यसमिति काठमाडौँद्वारा सोमबार जुम्लामा आयोजित अन्तक्र्रिया कार्यक्रममा राजनीतिक विश्लेषक डा सुरेन्द डा केसीले बालविवाहमुक्त कर्णाली निर्माणका लागि सचेतनाका कार्यक्रम सञ्चालन गर्न जरुरी छ भन्नुभयो । “छाउपडी प्रथाका कारण पनि यहाँका महिलाको अवस्था निकै दयनीय छ ”, उहाँले भन्नुभयो, “ बालविवाह तथा छाउपडी प्रथा अन्त्य गर्न सामूहिक प्रयत्नको खाँचो छ ।”
बादी समुदायवाट पहिलो कार्यपालिका सदस्य
जाजरकोट, जेठ १७ गते । जिल्लाको भेरी नगरपालिका वार्ड नं. १ रावतगाउँका डोटे बादी नगरकार्यपालिका सदस्यमा निर्वाचित हुनुभएको छ । बादी समुदायबाट पहलिो पटक स्थानीय तह सरकारमा सहभागिता जनाउन पाएको भन्दै यहाँका वादीबस्ती निकै हर्षित भएका छन ।नगरकार्यपालिकाको निर्वाचनमा सत्ता गठवन्धनको तर्फवाट नेपाली काँग्रेसले उहाँलाई अल्पसंख्यक पुरुषवाट उम्मेदवार वनाएको थियो त्यसपछि उहाँ निर्वाचित हुनु भएको थियो । स्थानीय बादी अगुवा तीले बादी आफ्नो जातीवाट कार्यपालिका सदस्यमा निर्वाचित सदस्यले आफूहरुका सवाल उठाउनेमा आसावादी रहेको बताउनुभयो । आफूहरुको पुर्खेउली पेशा मादल व्यवसायलाई उत्थान गर्न आवाज उठाउनेमा आसावादी भएको तिले वताउनु हुन्छ । बादी समुदायका लागि परीवारको आधारभुत आवस्यकता र छोराछोरीको शिक्षा प्रदान गराउनका लागि लागि पर्ने बताउनु भयो । बादी समुदायले परम्परादेखि अपनाउँदै आएको सुल्पा वनाउने र मादल वनाउने पेशालाई परिमार्जन गरी विस्तार गर्ने योजना राखेको बताउनु भयो ।
कामै नगरी रकम भुक्तानी खोज्नेविरुद्ध अदालतमा आरोपपत्र दायर
अख्तियार दुरुपयोग अनुसन्धान आयोगले दैलेख जिल्ला आठविस नगरपालिका ८ मा रहेको गणेश आधारभुत विद्यालय व्यवस्थापन समितिका सदस्य मुक्तिप्रसाद उपाध्याय, व्यवस्थापन समितिका अध्यक्ष सन्तकबहादुर कामी र विद्यालयका प्रधानाध्यापक अनिल कुमार शाहीविरुद्ध विशेष अदालत काठमाडौंमा सोमबार आरोप पत्र दायर गरेको छ ।
कर्णालीमा छैन रासायनिक मल, रित्तै छ गोदाम
मानो रोपेर मुरी उब्जाउने सिजन शुरु भइसकेको कर्णाली प्रदेशमा रासायनिक मलको अभाव भएको छ । कृषि सामग्री कम्पनी लिमिटेड प्रादेशिक कार्यालय सुर्खेतमा अहिले एक सय ५० टन डीएपी र १० टन पोटास मल मात्रै मौज्दात रहेको छ । युरिया मल राख्ने गोदाम भने रित्तै छ ।
घाइते वडा सभापति भण्डारीलाई सुर्खेत लगियो
नेपाली काँग्रेस अदानचुली गाउँपालिका– २ का वडा सभापति रतन भण्डारी कुटपिटबाट गम्भीर घाईते हुनु भएपछि उपचारका लागि उहाँलाई जिल्ला बाहिर सुर्खेत रिफर गरिएको छ । गाउँपालिकाको स्वास्थ्य चौकीमा उहाँको उपचार हुन नसक्ने भएपछि स्वास्थ्यकर्मीले उहाँलाई जिल्ला बाहिर रिफर गर्नुभएको हो ।
कर्णालीले खसभाषा संरक्षण गर्नुपर्छ : अध्यक्ष अवस्थी
भाषा आयोगका अध्यक्ष लवदेव अवस्थीले मातृभाषाको संरक्षणमा जोड दिनुपर्ने बताउनुभएको छ । भाषा आयोगले जुम्लामा बहुभाषिक शिक्षा नमूना, विकास प्रशिक्षण कार्यक्रममा अध्यक्ष अवस्थीले भाषाको विरासत र ईतिहास बोकेको कर्णालीले मातृभाषा खसभाषाको संरक्षण आवश्यक रहेको बताउनुभयो ।
जाजरकोटको चार पालिकाको कार्यपालिका सदस्यमा गठबन्धन बिजयी
वासुदेव शर्माजाजरकोट, जेठ १६ गते । जाजरकोटका भेरी, छेडागाड नगरपालिका, जुनीचाँदे, कुशे र बारेकोटमा कार्यपालिका गठन भएको छ । भेरी, छेडागाड, जुनीचाँदे, शिवालय गाउँपालिकामा सत्ता गठबन्धनबाट नेपाली काग्रेस र नेकपा (माओवादी केन्द्र) का सदस्य बिजयी भएका छन् । कुशेमा काग्रेस र बारेकोटमा नेकपा (एमाले) एकलौटी कार्यपालिका सदस्य चयन गरेको हो । भेरी नगरपालिकाको नगर कार्यपालिका निर्वाचनबाट सत्ता गठबन्धनका उमेदवार बिजयी भएका छन् । नगर कार्यपालिका सदस्यका लागि भएको निर्वाचनमा काँग्रेसको तर्फबाट चार, माओबादी केन्द्रको तर्फबाट चार सदस्य बिजयी भएका हुन् । नगर कार्यपालिकामा ५ जना निर्वाचित र ३ जना गरी ८ जना समावेशी खुल्ला सदस्य निर्वाचित हुने व्यवस्था छ । गत वैशाख ३० गते निर्वाचित भएको नगरप्रमुख, नगर उपप्रमुख वडा अध्यक्ष वडा सदस्यहरुले मतदान गर्नुभएको थियो ।मुख्य निर्वाचन कार्यालयमा भएको निर्वाचनमा सत्ता गठबन्धन दल काँग्रेसको तर्फबाट दलित अल्पसंख्यक सदस्यमा डोटे बादी, महिला सदस्यमा कालीका खत्री, भिमकुमारी पुन, सिर्जना घर्ती माओवादीको तर्फबाट खुल्ला सदस्य पदमा मनिराम दमाई, गोपाल लुहार महिला सदस्यमा लिलादेबी गौतम विक, मोति नेपाली कार्यपालिका सदस्यमा निर्वाचित हुनुभएको छ । त्यसैगरी शिवालय गाउँपालिकाको गाउँ कार्यपालिका सदस्यमा गठबन्धन दल नेपाली काँग्रेसबाट खुल्ला दलित अल्पसंख्यक सदस्यमा शेरबहादुर नेपाली (बादी) महिला सदस्यमा तारा थापामगर, पुष्पा बिक, माओबादी केन्द्रको तर्फबाट खुल्ला दलित अल्पसंख्यक सदस्यमा लिले सुनार महिला सदस्यतर्फ भबिसरा बिसी, पार्वती विक निर्वाचित हुनुभएको छ । जुनीचाँदे गाउँपालिका र छेडागाड नगरपालिकामा सत्ता गठबन्धन दलबाट कार्यपालिका सदस्यमा निर्वाचित भएका छन् । भेरी, छेडा, शिवालय र जुनीचाँदेमा कार्यपालिका सदस्य काँग्रेस र माओवादी केन्द्रबाट बिजयी भएका छन । बारेकोटमा एमालेको बहुमत पुगेका कारण कार्यपालिका सदस्यमा पूरै बिजयी भएका छन् । कुशे गाउँपालिकामा काँग्रेसको बहुमत भएका कारण पूरै काँग्रेसका सदस्य बिजयी भएका हुन् । कार्यपालिका सदस्यहरुको पालिकामा महत्वपुर्ण भुमिका रहने भएकाले पालिकाका कार्यक्रम कार्यपालिका सदस्यबाट अनुमोदन भएपछि लागुहुने व्यवस्था छ । नगरपालिका तथा गाउँपालिकाले पूर्णता पाएका छन् । कार्यपालिका सदस्यसँगै पालिकालाई नियमित कार्य सञ्चालन गर्ने ढोका खुल्ला भएको छ । नलगाड नगरपालिकामा आज कार्यपालिका सदस्य चयनका लागि आज मतदान हुनेभएको छ ।
फोहोर व्यवस्थापनका लागि नगरप्रमुखको घरदैलो अभियान
मुगु जिल्लाको छायाँनाथ रारा नगरपालिकाका नवनिर्वाचित नगरप्रमुख विष्णुकुमार भामले नगरको फोहोर व्यवस्थापनका लागि अभियान सुरु गर्नुभएको छ । नगरप्रमुख भामले घरदैलो अभियान चलाएर जथाभावी फोहोर नफाल्न आग्रह गर्नुभएको हो । उहाँले सरसफाईलाई व्यवस्थापन गर्नका लागि गमगढी बजारको घरदैलोमा पुग्नु भएको हो ।
