हुुम्लामा काँग्रेस र माओवादी बराबरी
स्थानीय निर्वाचनको हालसम्मको परिणाम अनुुसार हुम्ला जिल्लामा गठबन्धनका नेपाली काँग्रेस र नेकपा (माओवादी केन्द्र) तीन तीन गाउँपालिकामा जित्न सफल भएका छन् ।
वीरेन्द्रनगरको प्रमुख र उपप्रमुख दुवैमा एमालेका उम्मेदवार विजयी
मुना हमालसुर्खेत, जेठ ५ गते । वीरेन्द्रनगर नगरपालिकाको प्रमुख र उपप्रमुख दुवैमा एमालेका उम्मेदवार विजयी हुनुभएको छ । नेपाली काँग्रेस र नेकपा माओवादी केन्द्रको गठबन्धनलाई हराउँदै एमालेका उम्मेदवार विजयी हुनुभएको हो । नगर प्रमुखमा एमालेका मोहनमाया ढकाल (भण्डारी) र उपप्रमुखमा निलकण्ठ खनाल विजयी हुनुभएको छ । प्रमुखमा ढकालले १६ हजार ३८ मत ल्याउँदा उहाँका निकटतम प्रतिद्वन्द्वी काँग्रेसका उपेन्द्रबहादुर खड्काले १५ हजार ४८४ मत ल्याएर पराजित हुनुभयो । मुख्य निर्वाचन अधिकृतको कार्यालयका अनुसार उपप्रमुखमा निलकण्ठ खनालले २० हजार ३६४ मत ल्याएर विजयी हुनुभयो । उहाँका निकटतम प्रतिद्वन्द्वी माओवादी केन्द्रकी शान्ति ढकालले ११ हजार ५३३ मत ल्याएर पराजित हुनुभयो । एमालेले यस पटक वीरेन्द्रनगरमा काँग्रेसको गढ भत्काउँदै विजयी हासिल गरेको छ । एमालेले अघिल्लो निर्वाचनमा प्रमुखमा हारेको थियो । प्रमुख ढकाल अघिल्लो निर्वाचनमा उपप्रमुखमा निर्वाचित हुनुभएको थियो । यसपटक उहाँलाई एमालेले प्रमुखको उम्मेदवार बनाएको थियो । यसपटक गठबन्धनलाई हराउँदै नगरको १६ वडामध्ये ११ वटा वडासहित प्रमुख र उपप्रमुखमा एमालेले जितेको छ । काँग्रेसले पाँच वटा वडा जितेको छ । मुख्य निर्वाचन अधिकृतको कार्यालयका अनुसार वडा नं २ मा एमालेबाट गजबहादुर बुढा, वडा ३ मा विनोदसिंह विष्ट, वडा नं ४ मा शेरबहादुर के सी, वडा नं ५ मा लोकवहादुर शाही विजयी हुनुभएको छ । यस्तै, एमालेबाट वडा नं ८ मा टीकाराम शर्मा, वडा नं ९ मा ऋषि गिरी, वडा नं १० मा डिलबहादुर रखाल, वडा नं ११ मा खिमलाल देवकोटा, वडा नं १२ मा चुडामणि चपाई, वडा नं १४ मा देवबहादुर रोकाय र वडा नं १६ मा डण्डबहादुर विश्वकर्मा विजयी हुनुभएको छ । सोहीअनुसार वडा नं १ मा काँग्रेसका दिनेश खत्री, वडा नं ६ मा जनकबहादुर रावल, वडा नं ७ मा ध्रुव कुमार चपाई, वडा नं १३ मा दीपेन्द्रराज कोइराला र वडा नं १५ मा कृष्णबहादुर थापा विजयी हुनुभएको छ ।
जुम्लाको गुठीचौरमा काँग्रेस र समाजवादी विजयी
जुम्लाको गुठीचौर गाउँपालिका प्रमुखमा नेपाली काँग्रेसका दानबहादुर बुढा विजेयी हुनु भएको छ । निर्वाचन कार्यालय गोठिचौरका अनुसार कांग्रेसका बुढाले एक हजार सात सय ७५ मत प्राप्त गरी विजेयी हुनु भएको छ ।
पैँसट्ठी पालिकाको मत परिणाम सार्वजनिक
कर्णाली प्रदेशको स्थानीय तह निर्वाचनको मतगणना करिब अन्तिम चरणमा छ । कर्णालीका ७९ पालिकामध्ये बुधबार दिउँसोसम्म ६५ पालिकाको मत परिणाम सार्वजनिक भएको छ । हालसम्म मतगणना सम्पन्न भएका सबै पालिकालाई आधार बनाएर हेर्दा नेपाली काँग्रेस पहिलो, नेकपा (माओवादी केन्द्र) दोस्रो र नेपाल कम्युनिस्ट पार्टी (एमाले) तेस्रो स्थानमा देखिएका छन् । काँग्रेसले २९, माओवादीले १९ र एमालेले १० पालिकामा जित हासिल गरेको छ । यस्तै एकीकृत समाजवादीले तीन र स्वतन्त्र चार पालिकामा विजयी भएका छन् । पाँच पालिकाको मत सार्वजनिक
पुस्तकालय सहायक छोडेर पालिका अध्यक्षमा विजयी
भेरी ज्ञानोदय क्याम्पस जाजरकोटको पुस्तकालय सहायक पदवाट राजिनामा दिएर राजनितीमा प्रवेस गर्नुभएका वीरबहादुर गिरी गाउँपालिकाको अध्यक्षमा निर्वाचित हुनुभएको छ ।
हुम्लाको चङ्खेलीमा स्थगित भएको मतगणना कार्य सुुरु
चंखेली गाउँपालिकामा स्थगित भएको मतगणना कार्य सुुरु भएको छ । पुनःमतदान भएपछि चङ्खेली गाउँपालिका–२ को महादेब मावि मतदान केन्द्रमा विहीबार विहानै देखि मतगणना कार्य सुुरु भएकोे निर्वाचन अधिकृत हेमकुुमार ढकालले जानकारी दिनुुभयो ।
काँग्रेस सभापति शाही सवार गाडी दुर्घटना, तीन जना घाइते
हरिकृष्ण ऐडी मुगु, जेठ ४ गते । काँग्रेस पार्टी मुगुका जिल्ला सभापति ऐनबहादुर शाही सवारी दुर्घटनामा पर्नुभएको छ । सोरु गाउँपालिका ६ बन्जाहा भन्ने स्थानमा शाही सवार गाडी दुर्घटनामा परेको प्रहरी नायव उपरीक्षक सुवास हमालले जानकारी दिनुभयो ।उहाँकाअनुसार सभापति ऐनबहादुर शाही, कुबेरजंङ शाही र नरबिर शाही सवार गाडी दुर्घटना हुदा घाइते हुनुभएको छ । उहाँहरुलाई माउन्टेन हेलिकप्टरबाट बाँकेको कोहलपुरस्थित मेडिकल कलेजमा उपचारका लागि लगिएको छ प्रहरी नायब उपरीक्षकले जानकारी गराउनुभयो । उहाँहरु जिल्लाको सदरमुकाम गमगढीदेखि सोरु गाउँपालिकाको सदरमुकाम सोरुकोटमा जाँदैगर्दा सोरुको बन्जाहा भन्ने ठाँउमा आज गाडी दुर्घटना भएको थियो । जिल्ला सभापति शाही सवार गाडी लु १ ज १७७२ नम्बरको भएको प्रहरीले जनाएको छ ।
पुनः मतदान भएको चङ्खेलीमा ८६ प्रतिशत बढी मत खस्यो
राजन रावतहुुम्ला, जेठ ४ गते । पूनः मतदान कार्य भएको चङ्खेली गाउँपालिका–२ को महादेब मावि मतदान केन्द्रमा ८६ दशमलव ३७ प्रतिशत मत खसेको छ । बिबादपछि पुनः मतदान कार्य भएको सो केन्द्रमा शान्तिपुर्ण मतदान कार्य सम्पन्न भएको हो ।बिहान ७ बजेबाट सुुरु भएको मतदान कार्यमा मतदाताको उत्साहपुर्वक सहभागिता जनाउँदै मतदान कार्य सम्पन्न भएको छ । प्रमुुख जिल्ला अधिकारी सीता परियारकाअनुुसार पूनः मतदान भएको महादेब मावि मतदान केन्द्रमा ७८० मत खसेको छ । मतदाताको उलेख्य सहभागिता रहेको उहाँले बताउनुभयो । मतदान कार्य ६ बजेर ४० मिनेट जाँदासम्म भएको उहाँले बताउनुुभयो । कुुल खसेको मतमा ३९५ पुुरुष र ३८५ महिलाले मतदान गर्नुभएको छ । मतदान कार्य बेलुुका ५ बजेसम्म हुनुुपर्नेमा मतदाताहरु सो समयभित्र मतदानस्थलमा प्रवेश गरेकाकारण समय लम्बिएको छ ।उक्त मतदान केन्द्रमा ९०३ जना मतदाता रहनुुभएको छ । बैशाख ३० गते मतदानमा ३९० जनाले मात्र मत खसेको थियो । कम मत खसेको भन्दै गठबन्धन दलहरुले पुनः मतदान गर्नुपर्ने माग गरेका थिए । त्यसपछि निर्वाचन आयोग पुनः मतदान गर्ने निष्कर्षमा पुुगेको थियो । सो मतदान केन्द्रमा सुुरक्षा ब्यवस्था कडा पारिएको थियो । मतदान कार्य शान्तिपूर्ण रुपमा सम्पन्न भएको सुरक्षा निकायले जनाएको छ ।
छत्रेश्वरीमा एमालेका ओजबहादुर विजयी
सल्यानको छत्रेश्वरी गाउँपालिका अध्यक्ष र उपाध्यक्ष दुवै पदमा नेकपा (एमाले) विजयी भएको छ ।
भेरी र बारेकोटमा एमाले, छेडागाडमा काँग्रेस बिजयी
वासुदेव शर्मा जाजरकोट, जेठ ४ गते । जाजरकोटको भेरी नगरपालिकमा दोस्रो कार्यकालका लागि पुनः नेकपा (एमाले) का चन्द्रप्रकाश घर्ती निर्वाचित हुनुभएको छ । छेडागाड नगरपालिका प्रमुखमा गठबन्धनबाट नेपाली काँग्रेसका रत्नबहादुर खडका विजयी हुनुभएको छ ।त्यस्तै, बारेकोट अध्यक्षमा एमालेबाट बीरबहादुर गिरि निर्वाचित हुनुभएको छ । सत्ता गठबन्धनका उम्मेदवार गगनबहादुर खडकालाई फराकिलो मतान्तरले पराजित गर्दै उहाँ बिजयी हुनुभएको हो । अन्तिम मतगणनाको परिणामअनुसार एमालेका चन्द्रप्रकाश घर्तीले पाँच हजार २१० मत ल्याएर बिजयी हुनु भएको छ । उहाँका निकटतम प्रतिद्धन्दी माओवादी केन्द्रका गगनबहादुर खडकाले चार हजार १८८ मत प्राप्त गर्नुभएको छ । घर्तीले खडकालाई १ हजार २२ मतको अन्तरले पराजित गर्नुभयो । २०७४ सालको स्थानीय तह निर्वाचनमा काग्रेसलाई पराजित गर्दै उहाँ बिजयी हुनुभएको थियो । नगरप्रमुख र उपप्रमुख दुवै एमालेले जितेको थियो । यसपाली उपप्रमुखमा सत्ता गठबन्धनबाट काग्रेसकी सीता गौतम ६ हजार ४६८ मतका साथ बिजयी हुनुभयो । उहाँका निकटतम प्रतिद्धन्दी एमालेकी साबित्रि चन्दले पाँच हजार ६०३ मत प्राप्त गर्नुभयो । यस्तै, छेडागाड नगरपालिकाको प्रमुखमा गठबन्धनको तर्फबाट काग्रेसका रत्नबहादुर खडका बिजयी हुनुभएको छ । उहाँले एमालेका लालबहादुर महतारालाई पराजित गर्दै नगरप्रमुखमा बिजयी हुनुभएको हो । खडकाले आठ हजार ६०५ मत प्राप्त गरी जिय हुनुभयो । उहाँका निकटतम प्रतिद्धन्दी एमालेका महताराले चार हजार ९१८ मत प्राप्त गर्नुभयो । महताराले २०७४ को स्थानिय तह निर्वाचनमा खडकालाई पराजित गर्दै नगर प्रमुखमा विजय हुनु भएको थियो । उपप्रमुखमा सत्ता गठबन्धनकै चन्द्रबहादुर थापा निर्वाचित हुनुभयो । थापा सात हजार ४६१ मत ल्याएर विजय हुनुभयो । उहाँका निकटतम प्रतिद्धन्दी एमालेकी अन्जु थापाले पाँच हजार ४३६ मत प्राप्त गर्नुभयो । १३ वडा रहेको छेडागाडमा काग्रेसले ४, माओबादी केन्द्रले ४, एमालेले ४, समाजवादीले १ वडामा बिजयी बनेको छ । बारेकोटमा एमालेका बीरबहादुर गिरी बिजयी हुनुभएको छ । काग्रेसका निर्बतमान अध्यक्ष महेन्द्रबहादुर शाहलाई एक सय ९ मतले पराजित गर्दै गिरी बिजयी हुनुभएको हो ।गिरीले तीन हजार ९५४ मत प्राप्त गरी बिजयी हुनुभयो । उहाँका निकटतम प्रतिद्धन्द्धी काग्रेसका शाहले तीन हजार ८४५ मत प्राप्त गर्नुभयो । उपाध्यक्षमा माओवादी केन्द्रका नरबहादुर गिरी बिजयी हुनुभयो । गठबन्धनका उपाध्यक्षका उमेदवार गिरीले तीन हजार ६६३ मत प्राप्त गर्नुभयो । उहाँका निकटतम प्रतिद्धन्दी एमालेकी गीता सिहले तीन हजार ४०१ मत प्राप्त गर्नुभयो । भेरीमा एक उपप्रमुखसहित काग्रेस ७, माओबादी केन्द्र ४, एमालेले २ वटा वडा अध्यक्ष जितेको छ ।
अस्पतालको ल्याव सेवा सुचारु
गत वैशाख २६ गतेबाट बन्द रहेको ल्याव सेवा पुनः सुुचारु भएको छ । स्थानीय तह निर्वाचनमा खटिएका कर्मचारी फिर्ता हुुँदा सेवा सुचारु भएको हो ।
खत्याड गाउँपालिकामा गठबन्धनका उम्मेदवार निर्वाचित
हरिकृष्ण ऐडीमुगु, जेठ ४ गते । मुगुको खत्याड गाउँपालिकाको अध्यक्षमा नेकपा (माओवादी केन्द्र) का अजबहादुर शाही बिजयी हुनुभएको छ । उपध्यक्षमा नेपाली काँग्रेसकी सरिता रोकाया निर्वाचित हुनुभएको छ । खत्याड निर्वाचन कार्यालयका निर्वाचन अधिकृत डा. बाबुराम ढुङ्ग्यानाका अनुसार अध्यक्ष पदमा उम्मेदवार शाहीले ३ हजार ५ सय २१ मत ल्याएर ५ बर्षका लागि प्रमुखमा निर्वाचित हुनुभएको हो । उहाँको प्रतिद्वन्दी नेकपा (एमाले) का लालबहादुर मल्ल ले २ हजार ६ सय २१ मत ल्याएर पराजित हुनुभयो । यस्तै गठबन्धनको तर्फबाट उपाध्यक्षमा काँग्रेसकी सरिता रोकायाले ४ हजार ५ सय ४८ मत ल्याएर बिजयी हुनुभएको छ । प्रतिद्वन्दी एमालेकी कविता गिरिले २ हजार ४ सय ९९ मत प्राप्तगरी पराजित हुनुभयो । ११ वडा रहेको खत्याड गाउँपालिकामा एमालेले ३ वटा, कांग्रेसले ३ वटा र यसैगरी माओवादीले ५ वटा वडामा जित हात पारेको छ । ०७४ को स्थानीय तह निर्बाचनमा एमालेले गाउँपालिका अध्यक्ष, उपाध्यक्षसहित ४ वटा वडामा जितेको थियो ।
आठबिस नगर प्रमुख र उपप्रमुखमा एमाले विजयी
जिल्लाको आठबिस नगरपालिकामा नेकपा (एमाले) का उम्मेदवार तर्कबहादुर बडुवाल नगर प्रमुख र उपप्रमुखमा कल्पना थापा विजयी हुनुभएको छ ।
चौरजहारीमा माओवादीका पुष्प र ईश्वरी विजयी
रुकुम पश्चिमको चौरजहारी नगरपालिकामा नेकपा माओवादी केन्द्रले विजयी हाँसिल गरेको छ । नगरप्रमुख र उपप्रमुखमा माओवादी केन्द्रका पुष्प वादी र ईश्वरी शर्मा वि.एम.ले जित हाँसिल गर्नुभएको हो । निर्वाचन अधिकृतको कार्यालय चौरजहारीका अनुसार पुष्प वादीले ६ हजार ८८२ मत प्राप्त गर्दा उहाँका निकटतम प्रतिद्वन्द्वी नेपाली कांग्रेसका प्रेमबहादुर ओलीले ६ हजार ३११ मत प्राप्त गर्नुभएको छ । यस्तै जनता समाजवादी पार्टीका प्रशाराम खत्रीले १७ र राप्रपाका उम्मेदवारले ८ मत ल्याउनुभएको छ ।
आठबिसकोटमा माओवादीका रवि र धनकुमारी विजयी
जिल्लाको आठबिसकोट नगरपालिकामा माओवादी केन्द्रका उम्मेदवारले विजय हाँसिल गरेका छन् । नगर प्रमुख र उपप्रमुखमा माओवादी केन्द्रका रवि केसी र धनकुमारी शाही निर्वाचित भएको निर्वाचन अधिकृतको कार्यालय आठबिसकोटले जनाएको छ । प्रमुखमा रविले सात हजार ३७९ मत प्राप्त गर्दा उहाँका निकटतम प्रतिद्वन्द्वी नेपाली कांग्रेसका धिरेन्द्रकुमार बटालाले ६ हजार ६१५ मत प्राप्त गर्नुभएको छ ।
चन्दननाथ नगरमा स्वतन्त्र उम्मेदवार कठायत र उपमेयरमा काँग्रेसका खड्का विजयी
जुम्लाको एक मात्र चन्दननाथ नगरपालिका चन्दननाथमा स्वतन्त्र उम्मेदवार विजयी भएका छन् । स्वतन्त्र उम्मेदवार राजुसिंह कठायत विजयी भएका हुन् । उहाँले दुई हजार चार सय तीन मत प्राप्त गरेका छन् । यसैगरी उपप्रमुखमा नेपाली कांग्रेसकी रामदेवी खड्का विजयी भएकी छन् । खड्काले दुईहजार आठ सय ८ मत मत प्राप्त गरेकी छन् ।
अदानचुुलीमा गठबन्धनबाट सिंह र रोकाया विजयी
अदानचुली गाउँपालिकामा अध्यक्षमा नेपाली कांग्रेसका मोहनविक्रम सिंह र उपाध्यक्ष नेकपा माओवादी केन्द्रका कर्ण रोकाया निर्वाचित हुनुुभएको छ । उहाँहरु दुुवै गठबन्धन दलका तर्फबाट विजयी हुनुु भएको हो ।
सल्यानको दार्मा गाउँपालिकामा माओवादीको 'क्लिन स्वीप'
सल्यान जिल्लाको दार्मा गाउँपालिकामा नेकपा माओवादी केन्द्रले 'क्लिन स्वीप' गरेको छ । अध्यक्ष, उपाध्यक्ष र छ वटै वडा जितेर माओवादीले दार्मामा जित दर्ता गर्दै पहिलो पटक क्लिन स्वीपको इतिहास रच्न सफल भएको हो ।
सर्केगार्ड गाउँपालिकामा कांग्रेस विजयी
हुम्ला जिल्लाको मध्य क्षेत्रको सर्केगार्ड गाउँपालिकाको अध्यक्षमा नेपाली कांग्रेसका ठान बहादुुर रोकाया निर्वाचित हुनु भएको छ । उहाँ गठबन्धन दलका तर्फबाट निर्वाचित हुनु भएको हो ।
गठबन्धन अघिअघि, एमाले पछिपछि
वैशाख ३० गते भएको स्थानीय तह निर्वाचनको मतगणनाको परिणाम धमाधम आइरहेको छ । कर्णालीका कतिपय पालिकाको नतिजा टुङ्गो लागिसकेको छ भने कतिपय ठाउँमा मतगणना जारी छ । मङ्गलबारसम्मको नतिजामा धेरैजसो पालिकामा काँग्रेसका प्रतिनिधिले विजय प्राप्त गरेका छन् । समग्रमा गठबन्धनका उम्मेदवारले विजयमा अग्रता लिएका छन् भने नेपाल कम्युनिस्ट पार्टी (एमाले)ले पछ्याउँदै गइरहेको देखिन्छ ।
चिङ्गाड गाउँपालिकाको अध्यक्ष र उपाध्यक्षमा एमालेका उम्मेदवार विजयी
मुना हमालसुर्खेत, जेठ ३ गते । चिङ्गाड गाउँपालिकाको अध्यक्ष र उपाध्यक्षमा एमालेका उम्मेदवार विजयी हुनुभएको छ । गाउँपालिका अध्यक्षमा एमालेका बोधविक्रम जिसी र उपाध्यक्षमा मिनाकुमारी रोकाय विजयी हुनुभएको हो । अध्यक्षमा जिसिले तीन हजार ५९१ मत ल्याउनु भएको छ । उहाँका प्रतिष्पर्धी नेपाली काँग्रेसका डोरप्रसाद शर्माले तीन हजार ५३० मत ल्याउनुभयो । यस्तै उपाध्यक्ष रोकायले तीन हजार ५८१ मत ल्याउनुभएको छ । उहाँका प्रतिष्पर्धी काँग्रेसका मनमाया आचार्यले तीन हजार ४६९ मत ल्याएर पराजित हुनुभयो । छ वटा पालिका रहेको सो गाउँपालिकामा एमाले र काँग्रेसले तीन तीन वटामा जित हासिल गरेका छन् । वडा नं १ मा एमालेका टेकबहादुर रजाली विजयी हुनुभएको छ । उहाँले ६८२ मत ल्याएर वडा अध्यक्षमा विजयी हुनुभयो । वडा नं ४ मा एमालेका टेकबहादुर रानाले ६०१ मत ल्याएर वडा अध्यक्षमा विजयी हुनु भएको छ । वडा नं ५ मा एमालेकै लालबहादुर जिसीले ५३० मत ल्याएर वडा अध्यक्षमा विजयी हुनु भएको छ । यस्तै, वडा नं २ मा काँग्रेसका प्रेमबहादुर खड्का विजयी हुनुभएको छ । उहाँले ६९५ मत ल्याएर वडा अध्यक्षमा विजयी हुनुभयो । वडा नं ३ मा काँग्रेसकै वीरबहादुर जिसीले ७२१ मत ल्याएर वडा अध्यक्षमा विजयी हुनुभयो । यस्तै, वडा नं ६ मा काँग्रेसका भिमबहादुर बुढाले ५१४ मत ल्याएर वडा अध्यक्ष विजयी हुनुभयो ।
गोलाप्रथाबाट महिला सदस्यमा तामाङ चयन
राजन रावतहुुम्ला, जेठ ३ गते । चङ्खेली गाउँपालिका –५ को महिला सदस्य गोलाप्रथाबाट चयन गरिएको छ । दुवै जना प्रतिस्पर्धीले बराबर मत ल्याएपछि गोलाप्रथाबाट महिला सदस्य चयन गरिएको हो ।महिला सदस्यमा गोलाप्रथाबाट चयन हुनेमा नेक्पा गाउँकी बेलसरा तामाङ रहनुुभएको छ । मत बरावर आएको जानकारी निर्वाचन अधिकृतको कार्यालयबाट आएपछि गोलाप्रथाबाट आफू चयन भएको उहाँले बताउनुुभयो । उहाँ नेकपा (एमाले) को तर्फबाट उम्मेदवार रहनुभएको थियो ।गोलाप्रथाबाट छानिन असफल नेपाली काँग्रेसकी उम्मेदवार गोरीकला तामाङबीच सो कार्य गरिएको हो । उहाँहरु दुुबै जनाले पचासी पचासी मत ल्याउनुुभएको निर्वाचन अधिकृत यामकुुमार ढकालले जानकारी दिनुभयो । मतगणना स्थलमा उहाँहरु दुुवै जना नभएको भए पनि पछि बोलाएर गोलाप्रथाबाट सो टुङ्गो लगाइएको बताउनुुभयो । डाँफे आधारभूत विद्यालय मतदान केन्द्रमा कुल १९६ मतदाता रहेकामा २६ मत बदर भएको थियो । गाउँपालिका केन्द्र पिप्लाङमा रहेको निर्वाचन अधिकृतको कार्यालयमा एक दिन पैदल हिंडेर उहाँहरु दुुई जना आइपुुग्नुुभएको थियो । दुःख गरी पैदल हिंडेर आए पनि गोलाप्रथामा सदस्य छनाेट भएपछि खुशी लागेको उहाँले बताउनुभयो ।
बनगाड कुपिण्डे नगरपालिका प्रमुखमा माओवादी र उपप्रमुखमा कांग्रेस विजयी
प्रतीक इच्छुक शर्मासल्यान, जेठ ३ गते । बनगाड कुपिण्डे नगरपालिकामा गठबन्धनका उम्मेदवार माओवादी केन्द्रका कर्णबहादुर बुढाथोकी विजयी हुनु भएको छ । निकटतम प्रतिद्वन्द्वी एमालेका गोविन्दकुमार पुनलाई २ हजार ७४६ मतले पछि पार्दै बुढाथोकी विजयी हुनु भएको मुख्य निर्वाचन अधिकृत कार्यालय सल्यानले जनाएको छ । मुख्य निर्वाचन अधिकृत कुलप्रसाद पाण्डेकाअनुसार विजयी बुढाथोकीले ७ हजार ४६६ मत ल्याउनु भएको छ भने निकतम प्रतिद्वन्द्वी एमालेका गोविन्दकुमार पुनले ४ हजार ७२० मत प्राप्त गर्नु भएको हो । यस्तै, नगरपालिकाको उपप्रमुखमा नेपाली कांग्रेसका पुरुषोत्तम आचार्य विजयी हुनुभएको हो । कांग्रेसबाटै बागी उम्मेदवारी दीपेन्द्र विष्टलाई १ हजार ५५५ मतले पछि पार्दै आचार्य विजयी हुनु भएको हो । । आचार्यले ५ हजार ७ ३५ मत ल्याउँदा कांग्रेसकै बागी उम्मेदवार विष्टले ४ हजार १८० मत पाउनु भएको हो ।बन्गाड कुपिण्डे नगरपालिकामा कांग्रेस र माओवादीले गठबन्धन गरेका थिए भने एमाले राप्रपासँग मिलेर निर्वाचनमा होमिएको थियो । नगरप्रमुख र उपप्रमुखमा सुरुवातमा प्रतिस्पर्धा भए पनि पछिल्लो समयमा गठबन्धन टिमले एक हजारभन्दा बढी मत फरक पार्दै आएको थियो ।०७४ को स्थानीय निर्वाचनमा बन्गाडकुपिण्डे नगरपालिकामा एमालेका जिल्ला अध्यक्ष रहेका गोविन्दकुमार पुन र माओवादी केन्द्रका जिल्ला अध्यक्ष कर्णबहादुर बुढाथोकीबीच प्रतिस्पर्धा भएको थियो । बुढाथोकी ९३ मतान्तरले पराजय हुनु परेको थियो ।
जाजरकोटमा काँग्रेस दुई र माओबादी केन्द्र एकमा बिजयी
वासुदेव शर्मा जाजरकोट, जेठ ३ गते । जाजरकोटको कुशे, शिवालय गाउँपालिकामा नेपाली काँग्रेस, नलगाड नगरपालिकामा माओबादी केन्द्रका उम्मेदवारले पालिकाको प्रमुख निर्वाचित भएका छन् । कुशे गाउँपालिकामा काँग्रेसका उम्मेदवार हरिचन्द्र वस्नेत, शिबालय गाउँपालिकामा शेरबहादुर शाही, नलगाड नगरपालिकाको नगर प्रमुखमा नबिन रावत बिजय हुनुभएको हो । २०७४ को स्थानिय तहको निर्वाचनमा बिजय भएका बस्नेत पुन ः अध्यक्षमाा निर्वाचित हुनुभएको छ । जिल्ला निर्वाचन कार्यालयले दिएको जानकारीअनुसार एकीकृत समाजबादीका तप्तबहादुर हमाललाई पराजित गर्दै बस्नेत निर्वाचित हुनुभएको छ । उपाध्यक्षमा काँग्रेसका उम्मेदवार देवीका सिह बिजय हुनुभएको छ । मत गणनाको अन्तिम मत परिणामअनुसार बस्नेतले तीन हजार ४ सय २३ मत प्राप्त गरी पालिकाको अध्यक्षमा विजय हुनु भएको छ । उहाँका निकटतम प्रतिद्वन्दी एकीकृत समाजबादीका हमालले ३ हजार १ सय ८२ मत प्राप्त गरी पराजित हुनुभयो । त्यसैगरी उपाध्यक्षमा काँग्रेसबाट देवीका सिहले ३ हजार पाँच सय ८७ मत प्राप्त गरि बिजय हुनु भएको छ भने उहाँका निवकटतम प्रतिस्पर्धी माओबादी केन्द्रका बिकास रोकाय २ हजार नौ सय १८ मत प्राप्त गर्नुभयो । शिवालय गाउँपालिकामा काँग्रेसका शेरबहादुर शाहीले ३ हजार तीनसय तीन मत प्राप्त गरी अध्यक्षमा निर्वाचित हुनुभएको छ । उहाँका निकटतम प्रतिद्वन्दी एमालेका रंगनाथ योगीले २ हजार सात सय १८ मत प्राप्त गरी पराजित हुनुभयो । त्यसैगरी उपाध्यक्षमा माओवादी केन्द्रकी गिता शाहीले २ हजार छ सय ५९ प्राप्त गरी बिजयी हुनुभएको छ । उहाँका निकटतम प्रतिस्पर्धी नेकपा एमालेका नैनसरा शाहीले २ हजार चार सय ३९ मत प्राप्त गर्नुभयो । नलगाड नगरपालिकाको नगर प्रमुखमा माओबादी केन्द्रका नविन रावत बिजय हुनुभएको छ । उहाँले ५ हजार पाँचसय ९९ मत प्राप्त गरी बिजय हुनु भएको छ । उहाँका निकटतम प्रतिद्वन्दी एमालेका धर्मबहादुर शाहीले ३ हजार ६ सय २६ मत प्राप्त गर्नुभएको थियो । गठबन्धनबाट नगर उपप्रमुखमा काग्रेसका सरिता सिहले ५ हजार चारसय ६ मत प्राप्त गरी निर्वाचित हुनुभएको छ । उहाँका निकटतम प्रतिद्वन्दी एमालेका सुनिता बोहराले ३ हजार तीन सय ९३ मत प्राप्त गर्नुभएको थियो । अन्य भेरी नगरपालिकाको मत गणना जारी छ । नेकपा (एमाले) का चन्द्रप्रकास घर्र्ती पुन नगर प्रमुखमा दोहोरिने बताइएको छ ।
जाजरकोटका स्थानीय तहमा गठबन्धन विजयी
जाजरकोटको नलगाड नगरपालिका प्रमुखमा नेकपा (माओवादी केन्द्र)का डम्बरबहादुर रावत निर्वाचित हुनुभएको छ । रावतका प्रतिस्पर्धी नेकपा (एमाले)का धर्मबहादुर शाहीलाई एक हजार ९७३ मतले पराजीत गर्दै निर्वाचित हुनुभएको हो ।
