कर्णालीमा चौँसट्ठी स्वतन्त्र उम्मेदवार विजयी
कर्णाली प्रदेशको स्थानीय तहका विभिन्न पदमा ६४ जना स्वतन्त्र उम्मेदवार विजयी भएका छन् । कर्णालीका ७९ वटा स्थानीय तहमा ९४६ जना स्वतन्त्र उम्मेदवार चुनावी मैदानमा थिए । पालिका अध्यक्ष, उपाध्यक्षदेखि वडा अध्यक्ष र सदस्य पदमा स्वतन्त्र उम्मेदवारले विजय प्राप्त गरेका हुन् । नगरपालिका प्रमुखमा दुई जना, गाउँपालिका अध्यक्षमा तीन जना र गाउँपालिका उपाध्यक्षमा एक जना स्वतन्त्र उम्मेदवार निर्वाचित हुनुभएको छ । यसैगरी वडा अध्यक्षमा १९ जना, वडा सदस्यमा २० जना, महिला वडा सदस्यमा आठ जना र दलित महिला वडा सदस्यमा नौँ जना स्वतन्त्र उम्मेदवार निर्वाचित हुनुभएको छ ।
बिरामीले हवाई टिकट नपाउँदा प्रशासनमा धर्ना
जिल्ला अस्पताल उपचार गर्न नसकिने भन्दै बाहिर रेफर गरिएका बिरामीले हवाई टिकट नपाउँदा बिरामी र आफन्तद्वारा जिल्ला प्रशासन कार्यालयमा धर्ना दिनुभएको छ ।
अस्पतालको बेवास्ताका कारण विना पोस्टमार्टम शव चिहानघाटमा
प्रेमराज सिंखडाकालीकोट, जेठ ९ गते । शंकास्पद रूपमा मृत्यु भएका रास्कोट नगरपालिका ८ का ४४ वर्षीय प्रेम दर्जीको शव विना पोष्टमार्टम चिहानघाटमा पुगेपछि तनाव बढेको छ । पोष्टमार्टम गर्ने भनी रास्कोट सामुदायिक अस्पतालमा दुई दिनसम्म राखिए पनि पोष्टमार्टम नगरिएको भेटिएपछि दाहसंस्कारमा किचलो थपिएको हो ।आक्रोशित आफन्त तथा मलामीहरूले विना पोष्टमार्टम दाहसंस्कार नगर्ने बताएपछि खाल्डो खनिएको भागमाथि शव राखिएको छ । जिल्लाबाट पोष्टमार्टमका लागि डाक्टरसहितको टोली आउन लागेको अस्थायी प्रहरी चौकी शान्तिघाटले गोरखापत्रलाई जानकारी दिएको छ । स्थानीय तहको निर्वाचनमा विजयी रास्कोट नगरपालिका प्रमुख धर्मराज शाही र उपप्रमुख मनिराज बरालको विजयी भोजमा सहभागी दर्जीको शनिबार पाटेडीलको पानिगौंडामा शव भेटिएको थियो । मृतक दर्जी विजयी भोजमा दमाह बजाउन र नाचगान गर्न बायालपाटासम्म उपप्रमुखको घरमा समेत पुगेको बताइएको छ । उपप्रमुख मनिराज बरालको घर पाटेडीलमा राति ८ बजेसम्म नाचगान गरेका दर्जी सोही राति बेपत्ता हुनुभएको थियो । दर्जीको शव पानिगौंडाको कुलोमा जेठ ७ गते साँझ ६ बजे भेटिएको थियो । दर्जीको शवलाई जेठ ८ गते बिहान पोष्टमार्टम गर्न रास्कोट सामुदायिक अस्पतालमा पठाइएको थियो । अस्पतालका स्वास्थ्यकर्मी शेरमान गुरूङले माथिल्लो तहको आदेशअनुसार शवलाई हेरफेर मात्र गरी पठाएको जानकारी दिनुभयो । जिल्ला प्रहरी कार्यालय कालीकोटका प्रमुख डिएसपी सिद्धराज न्यौपानेका अनुसार प्रहरीले पोष्टमार्टम गर्न अस्पताललाई पत्राचार गरिएको छ ।
नवनिर्वाचित जनप्रतिनिधिद्वारा शपथ, केहीले गर्नुभयो पदभार ग्रहण
प्रेमराज सिंखडाकालीकोट, जेठ ९ गते । कालीकोटका नौ वटा पालिका प्रमुखहरुले पद तथा गोपनीयताको शपथ ग्रहण लिनुभएको छ । जिल्ला न्यायाधीश तथा प्रमुख निर्वाचन अधिकृत लालकाजी श्रेष्ठले उहाँहरुलाई शपथ खुवाउनुभएको हो । जिल्ला समन्वय समितिको सभाहलमा आयोजित कार्यक्रममा खाँडाचक्र नगरपालिका प्रमुख कमल शाही, तिलागुफा नगरपालिका प्रमुख शङ्करप्रसाद उपाध्याय, रास्कोट नगरपालिका प्रमुख धर्मराज शाही, नरहरिनाथ गाउँपालिका अध्यक्ष नगेन्द्र विष्ट, शान्नीत्रिवेणी गाउँपालिका अध्यक्ष मोहन केसी, पलाँता गाउँपालिकाका अध्यक्ष विष्णुबहादुर रोकाया, पचालझरना गाउँपालिका अध्यक्ष देवजङ शाहीले शपथ लिनुभएको हो । यस्तै, शुभकालिका गाउँपालिका अध्यक्ष गोविन्द्र आचार्य र महावै गाउँपालिका अध्यक्ष खेमबहादुर सिहंले पनि पद तथा गोपनीयताको शपथ लिनुभयो । जिल्लाका नौ स्थानीय तह मध्ये खाँडाचक्र नगरपालिका र शान्नीत्रिवेणी गाउँपालिकामा स्वतन्त्र उम्मेदवार कमल शाही र मोहन केसीले जित्नुभएको थियो । रास्कोट नगरपालिका, पलाँता गाउँपालिका, पचालझरना गाउँपालिका, शुभकालिका गाउँपालिका र महावै गाउँपालिका अध्यक्षमा माओवादी केन्द्रले जित हात पारेको छ । तिलागुफा नगरपालिका र नरहरीनाथ गाउँपालिकामा नेपाली कांग्रेसका उम्मेदवार निर्वाचित भएका छन् । जिल्लाका तीन स्थानीय मध्ये एक नगरपालिका र दुई गाउँपालिकामा नेकपा एमालेका उम्मेदवारले उपप्रमुख र उपाध्यक्ष जितेका छन् । माओवादी केन्द्र पाँच प्रमुखसहित चार उपप्रमुख र उपाध्यक्ष, कांग्रेसले दुई प्रमुखसहित एक उपाध्यक्ष जितेको छ । दुई प्रमुखमा भने स्वतन्त्र उम्मेदवार निर्वाचित भएका छन् । सबैले आजै पदभारग्रहण गर्नेशपथसँगै तत्काल पदभार ग्रहण गर्नेमा खाँडाचक्र नगरपालिका प्रमुख कमल शाही, तिलागुफा नगरपालिका प्रमुख शङ्करप्रसाद उपाध्याय, रास्कोट नगरपालिका प्रमुख धर्मराज शाही हुनुहुन्छ । यस्तै नरहरीनाथ गाउँपालिका अध्यक्ष नगेन्द्र विष्ट, शान्नीत्रिवेणी गाउँपालिका अध्यक्ष मोहन केसी, महावै गाउँपालिका अध्यक्ष खेमबहादुर सिहंले पनि पदभार ग्रहण गर्नुभएको छ । पद तथा गोपनीयताको शपथपछि नौ वटा स्थानीय तहका प्रमुख मुख्य निर्वाचन कार्यालय जिल्ला अदालतमा । तस्विरः प्रेमराज सिम्खडा ।
बाँकेमा मङ्गलबारदेखि कोभिडविरुद्धको खोप अभियान पुनः सुरु गरिने
बाँकेमा जेठ १० गते अर्थात् मङ्गलबारदेखि कोभिडविरुद्धको खोप अभियान पुनः सुरु गरिँदैछ ।
हुम्लामा २० प्रतिशत मत बदर
जिल्लामा खसेको मतमध्ये २० दशमलव ८९ प्रतिशत मत बदर भएको छ । सात वटै गाउँपालिकाका ५४ वटा मतदान केन्द्रमा खसेको एक लाख ४९ हजार २८३ मतमा २६ हजार ९५२ मत बदर भएको मुुख्य निर्वाचन अधिकृत जगतबहादुुर पौडेलले जानकारी दिनुभयो ।
नवनिर्वाचित प्रमुख र अध्यक्षलाई शपथ
सुर्खेत जिल्लाका नौवटै स्थानीय तहका प्रमुख र अध्यक्षले पद तथा गोपनीयताको शपथ लिनुभएको छ । आइतबार जिल्ला समन्वय समितिको हलमा उहाँहरूको शपथग्रहण कार्यक्रम भएको हो । स्थानीय तह सदस्य निर्वाचन ऐन २०७९ अन्तर्गत निर्वाचित पदाधिकारीलाई मुख्य निर्वाचन अधिकृत एवं जिल्ला न्यायाधीश डा. राजेन्द्रकुमार आचार्यले पद तथा गोपनीयताको शपथ खुवाउनुभएको हो । सुर्खेत जिल्लामा पाँच नगरपालिका र चार गाउँपालिका रहेका छन् ।
‘योजना वितरणमा पारदर्शी बन्नेछु’
स्थानीय तहको निर्वाचनमा दैलेखको नौमूले गाउँपालिकामा नेकपा माओवादी केन्द्रका उम्मेदवार छविराम सुवेदी ठूलो मतान्तरसहित विजयी हुनुभएको छ । उहाँ तीन हजार २०० मत प्राप्त गरी विजयी हुनुभएको हो । उहाँको निकटतम प्रतिद्वन्द्वी नेपाली कांग्रेसका भदे बुढामगरले दुई हजार ५४४ मत प्राप्त गर्नुभयो ।
फेरि मतदान गर्न १३ घण्टा पैदल हिँड्नु नपराेस् : मासपुरवासी
बैशाख ३० गते सम्पन्न स्थानीय तह निर्वाचनका लागि मतदान गर्न हुम्लाको मासपुरवासीले १३ घण्टा पैदल हिड्नु पर्ने बाध्यता भयो । गाउँमै मतदान केन्द्र नतोकिदाँ मासपुरबासीले मतदान गर्न सास्ती खेप्नु परेको गुनासो गरेका छन् ।
जनप्रतिनिधिका नयाँ प्रतिबद्धता
कालीमाटी गाउँपालिका सल्यानमा यस अघि निर्वाचित जनप्रतिनिधिले गाउँमै क्याम्पस सञ्चालन गर्ने प्रतिबद्धता गरेका थिए । पाँच वर्ष बित्यो तर गाउँमा क्याम्पस स्थापना भएन । उच्च शिक्षाका लागि सल्यान सदरमुकाम वा सुर्खेत जानुपर्ने बाध्यता छ । गाउँपालिकाभित्रका खरका छाना हटाउने घोषणा प
जुम्लाकाे सिँजामा टेलिफोन सेवा सुचारु
जुम्ला, जेठ ८ गते । जुम्लाको सिँजा गाउँपालिकामा पहिलो पटक टेलिफोन सेवा सञ्चालन भएको छ । नराकोटमा निर्मित टेलिफोन टावरलाई पुनः सञ्चालन गरी टेलिफोन सञ्चालन गरेको हो । यसअघिसम्म बन्द अवस्थामा रहेको टेलिफोन सेवा नव निर्वाचित गाउँपालिका अध्यक्ष पूर्णप्रसाद धितालको पहलमा सञ्चालनमा आएको हो । सेवा सञ्चालनसँगै सिंजाबासी लाभान्वित बनेको स्थानीय डिल्लीप्रसाद तिवारीले बताउनुभयो । विद्युतको भोल्टेज नपुगेपछि सोलार व्यट्रि व्यवस्थापन गरेर टेलिफोन सञ्चालनमा ल्याएको नेपाल टेलिकम जुम्लाका प्राविधिक चित्र शाहीले जानकारी दिनुभयो । सिँजा गाउँपालिकामा रहेको उक्त टावरले हिमा गाउँपालिकाको केही क्षेत्रमा समेत टेलिफोन सेवा लिन पाएका छन् ।
डोल्पामा जेठ ११ गतेदेखि यार्सा सङ्कलन खुला गरिने
डोल्पा जिल्लामा यार्सागुम्बा सङ्कलनका लागि यही जेठ ११ गतेदेखि खुला गरिने भएको छ । शनिबार सदरमुकाम दुनैमा जिल्ला समन्वय समिति डोल्पाका प्रमुख शेरबहादुर बुढाको अध्यक्षतामा जिल्लाका विभिन्न निकायका प्रमुख प्रतिनिधिको सहभागितामा बसेको बैठकले शे–फोक्सुण्डो राष्ट्रिय निकुञ्जभित्र र विभिन्न सामुदायिक वनमा रहेका यार्सा पाटन आगामी असार १० गतेसम्म सङ्कलन गर्न पाउने निर्णय गरेको हो । स्थानीयवासी यार्सागुम्बा सङ्कलनबाट आम्दानीले लिन गर्दछन् ।
गठबन्धनको प्रभाव : खुम्च्यायो महिला सहभागिता
स्थानीय तह निर्वाचनमा जिल्लाका सातमध्ये दुईवटा गाउँपालिकामा मात्र महिला उपाध्यक्ष निर्वाचित भएका छन् । गठबन्धनका कारण उपाध्यक्षमा महिलाको उम्मेदवारी दुईवटा गाउँपालिका खुम्चिएको हो ।
तीन दिनदेखि उच्च रक्तश्राव भएकी सुत्केरीको उद्धार
एक जना सुत्केरीको हेलिकोप्टरबाट उद्धार गरिएको छ। सुत्केरी भएको तीन दिनसम्म लगातार रक्तश्राव नरोकिएपछि हेलिकप्टरबाट उद्धार गरिएको हो।
हिमा गाउँपालिका अध्यक्षद्वारा सबै नागरिकको निःशुल्क स्वास्थ्य बीमा गर्ने प्रतिबद्धता
जुम्लाको हिमा गाउँपालिका अध्यक्ष लक्ष्मणबहादुर शाहीले नागरिकको निःशुल्क स्वास्थ्य बीमा गर्ने प्रतिबद्धता व्यक्त गर्नुभएको छ । उहाँले गाउँपालिकाको पहिलो निर्णय सबै नागरिकको निःशुल्क स्वास्थ्य बीमा गर्ने निर्णय गरिने जानकारी दिनुभयो ।
यारी सोलार मिनीग्रीडको काम अन्तिम चरणमा
बिद्युत सेवा नभएको उत्तरी नाम्खा गाउँपालिका–५ को यारीमा सोलार मिनीग्रीडको निर्माण कार्य अन्तिम चरणमा पुुगेको छ । ५० किलोवाट क्षमता उक्त योजना जेठ अन्तिमसम्म उक्त मिनीग्रीडबाट बिद्युत उत्पादन गर्ने भएपछि कामलाई तिब्रता दिईएको हो ।
सुर्खेतमा एमाले र काँग्रेस बराबर
स्थानीय तह निर्वाचन २०७९ अन्तर्गत सुर्खेतका सबै पालिकाको मतगणना परिणाम सार्वजनिक भइसकेको छ । निर्वाचन अधिकृतको कार्यालयका अनुसार सुर्खेतका नौवटै स्थानीय तहको परिणाम सार्वजनिक भएको हो । यस पटकको निर्वाचनमा सुर्खेतमा नेकपा एमालेले केही सुधार गरेर एमाले र काँग्रेस बराबर रहेका छन् ।
निर्वाचित जनप्रतिनिधिलाई शपथ ग्रहणसँगै प्रमाणपत्र वितरण
सल्यानमा नर्वाचित जनप्रतिनिधिहरुलाई शपथ ग्रहणसँगै प्रमाणपत्र वितरण गरिएको छ ।
निर्वाचित जनप्रतिनिधिलाई शपथ तथा प्रमाणपत्र
हरिकृष्ण ऐडी मुगु, जेठ ६ गते । जिल्लाका चारवटा स्थानीय तहका निर्वाचित जनप्रतिनिधिलाई निर्वाचित भएको प्रमाणपत्र प्रदान गरिएको छ । छायाँनाथ रारा नगरपालिकामा निर्वाचित सबै पदाधिकारीलाई प्रमाणपत्र प्रदान गरिएको निर्वाचन अधिकृतको कार्यालय गमगढीले जनाएको छ । नगर प्रमुख, उपप्रमुख, गाउँपालिका अध्यक्ष, उपाध्यक्ष , वडा अध्यक्ष , वडा सदश्यलाई प्रमाणपत्र प्रदान गरिएको हो । जिल्लाको समन्वय समितिको हलमा मुख्य निर्वाचन कार्यालयबाट आज दिउँसो कार्यक्रम आयोजना गरी छायाँनाथ रारा नगरपालिकाका प्रमुख लगायत खत्याड गाउँपालिका अध्यक्ष, सोरु गाउँपालिका अध्यक्ष र मुगमकार्मारोङ गाउँपालिकाका निर्वाचित पदाधिकारीलाई मुख्य निर्वाचन कार्यालयका अधिकुत पुण्यप्रसाद सापकोटाले शपथ खुवाउनुभयो ।
हुम्लाका नवनिर्वाचित गाउँपालिकाका अध्यक्षहरुलाई शपथ
राजन रावतहुुम्ला, जेठ ६ गते । सातमध्ये छ वटा गाउँपालिकाका नवनिर्वाचित अध्यक्षलाई पद तथा गोपनीयताको शपथ ग्रहण गराइएको छ । उहाँहरुलाई मुुख्य निर्वाचन अधिकृत एवम् जिल्ला न्यायाधीश जगतबहादुुर पौडेलले शपथ खुवाउनुुभयो । मुुख्य निर्वाचन अधिकृत पौडेलले नवनिर्वाचित सातवटा गाउँपालिकाका अध्यक्षमध्ये छ जनाको पद तथा गोपनीयताको शपथ खुवाउने कार्य सम्पन्न भएको बताउनुुभयो । शुक्रबार शपथ लिनुुहुने अध्यक्षमा नाँम्खा गाउँपालिकाका प्रेम लामा, सिमकोट गाउँपालिकाका बिजय भण्डारी, खार्पुनाथका कर्णबहादुुर रावल, सर्केगार्डका ठानबहादुुर रोकाया, अदानचुुलीका मोहनबिक्रम सिंह र ताँजाकोटका लालकेश जैसी रहनुुभएको छ । निर्वाचित अध्यक्षहरुलाई प्रमाणपत्र समेत मुख्य निर्वाचन अधिकृत पौडेलले प्रदान गर्नुभयो । सो कार्य भएपछि औपचारिक रुपमा निर्वाचित अध्यक्षहरुको पदवहाली भएको छ । सो कार्यक्रममा निर्वाचित अध्यक्षहरुको तर्फबाट खार्पुनाथ गाउँपालिकाका अध्यक्ष रावलले अब नयाँ जिम्मेवारी काँधमा आएको र जनताको पक्षमा काम गर्ने प्रतबद्धता ब्यक्त गर्नुभयो । कार्यक्रममा प्रमुख जिल्ला अधिकारी सीता परियार, संबिधान सभाका सदस्य रीता शाही, सुुरक्षा निकायका प्रमुख, नाम्खा र खार्पुनाथ गाउँपालिकाका निर्वाचन अधिकृत लगायतको उपस्थिति रहेको थियो । बिहीबार राती मात्र मतगणनाको परिणाम सार्वजनिक भएको चङ्खेली गाउँपालिकाका निर्वाचित अध्यक्ष प्यारीलाल शाही भने मौसम बिग्रेको र हेलिकोप्टरका लागि इन्धन नभएको कारण उडान नभएपछि कार्यक्रममा उपस्थित हुन सक्नुु भएन । उहाँ बिहान हेलिकोप्टरबाट सिमकोट आउने कार्यक्रम थियो । यसैबीच पद तथा गोपनीताको शपथ लिएपछि सिमकोट गाउँपालिकाका अध्यक्ष भण्डारीले पनि गाउँपालिकाका उपाध्यक्ष, वडा अध्यक्ष, महिला सदस्य, दलित महिला सदस्य र अन्य सदस्यलाई शपथ खुवाउनुुभयो ।
कर्णाली प्रदेशसभाको १०औँ अधिवेशन आह्वान
कर्णाली प्रदेशसभाको १०औँ अधिवेशन जेठ १० गते दिउँसो २ बजे बोलाइएको छ । कर्णाली प्रदेश सरकारको सिफारिसमा प्रदेश प्रमुख तिलक परियारले अधिवेशन आह्वान गर्नुभएको हो ।
हुम्लाको चङ्खेलीमा स्वतन्त्र उम्मेदवार शाही विजयी
जिल्लाकाे चङ्खेली गाउँपालिकाको अध्यक्ष पदमा स्वतन्त्र उम्मेदवार प्यारीलाल शाही विजयी हुनुभएको छ । उहाँले गठबन्धन तर्फ नेकपा(माओवादी केन्द्र)का उम्मेदवार गोबिन्द शाहीलाई पाँच सय बढी मतान्तरले पराजित गर्दै अध्यक्षमा निर्वाचित हुनुभएको छ ।
मुसीकोटमा काँग्रेस विजयी
जिल्लाको मुसिकोट नगरपालिकाको प्रमुखमा नेपाली कांग्रेसका महेन्द्र केसी र उपप्रमुखमा नेकपा (एकिकृत समाजवादी) का विमल कुमार पुन विजयी हुनुभएको छ ।
जनप्रतिनिधिले लिए शपथ : सधैँ राम्रो काम गर्न सुझाव
जिल्लाका ११ स्थानीय तहमा निर्वाचित हुनुभएका नगर प्रमुख तथा अध्यक्षहरूले पद तथा गोपनीयताको शपथ लिएका छन् । निर्वाचित प्रमुख तथा अध्यक्षलाई मुख्य निर्वाचन अधिकृत एवम् जिल्ला न्यायाधीश दण्डपाणि लामिछानेले शपथ ग्रहण गराउनु भएको छ ।
जाजरकोटका पालिका प्रमुख र अध्यक्षले लिए शपथ
जाजरकोटका सातवटै पालिकाका नगर प्रमुख, पालिका अध्यक्षले शपथ ग्रहण लिएका छन् । मुख्य नवनिर्वाचित जनप्रतिनिधिले निर्वाचन अधिकृतको कार्यालयमा पद तथा गोपनीयताको शपथ ग्रहण लिएका हुन् ।
