विश्वासको मतमा अनुपस्थित प्रदेश सभा सदस्यको खोजी
सुदूरपश्चिम प्रदेशका मुख्यमन्त्री कमलबहादुर शाहले विश्वासको मत लिने कार्यक्रममा सात जना प्रदेश सभा सदस्य अनुपस्थित भएका छन्।
मुख्यमन्त्री शाहलाई विश्वासको मत प्राप्त
सुदूरपश्चिम प्रदेशको मुख्यमन्त्री कमलबहादुर शाहले प्रदेश सभाबाट विश्वासको मत प्राप्त गर्नुभएको छ।
विकासको पहिलो आधार राजनीतिक स्थिरता : मुख्यमन्त्री शाह
सुदूरपश्चिम प्रदेशका मुख्यमन्त्री कमलबहादुर शाहले विकासको पहिलो आधार राजनीतिक स्थिरता रहेको बताउनुभएको छ । प्रदेश सभामा आज सम्बोधन गर्दै उहाँले यस्तो बताउनुभएको हो ।
सार्वजनिक सवारी साधनमा अपाङ्गताका समस्या सहजीकरण गरिने
अपाङ्गताका सवालमा राज्यले दिएका सुविधा कार्यान्वयन गराउन ट्राफिक प्रहरी तयार रहेको सुरक्षा तथा ट्राफिक व्यवस्थापन कार्यालयका प्रमुख प्रहरी उपरीक्षक राजीव बस्नेतले बताउनुभएको छ ।
-original-thumb.jpg)
सर्प उद्धारमा नगर प्रहरी
धनगढी उपमहानगरपालिकाको नगर प्रहरीले नगर क्षेत्रको रेखदेखसँगै सर्प उद्धारमा सक्रियता बढाएको छ । सर्प उद्धारसम्बन्धी गतवर्ष तालिम लिए पश्चात नगर प्रहरीले नगर क्षेत्रबाट सर्पको उद्धार गर्ने कार्यमा सक्रियता बढाएको हो ।
डेङ्गु सङ्क्रमण बढ्दै
सुदूरपश्चिम प्रदेशमा डेङ्गुको सङ्क्रमण बढ्न थालेको छ । बर्सातका बेला यो रोगको सङ्क्रमण बढ्ने गरेको छ । प्रादेशिक स्वास्थ्य निर्देशनालयका अनुसार, हालसम्म २२९ जनालाई डेङ्गु सङ्क्रमण भएको छ । सबैभन्दा बढी डोटीमा ५३ जनालाई डेङ्गु लागेको जनाइएको छ । कैलालीमा ४७, अछाममा ४५, कञ्चनपुरमा ३४, दार्चुलामा १८, बाजुरामा १६, डडेलधुरामा आठ, बैतडी र बझाङमा चार/चार जना डेङ्गु सङ्क्रमित भएका छन् ।
पिल्लर कटानपछि पुल जोखिममा
कैलारी गाउँपालिका–३, भितरियास्थित मोहना नदीमा निर्माणाधीन झोलुङ्गे पुलको पिल्लर कटानको जोखिममा परेको छ । पिल्लर कटानमा परेसँगै पुल पनि जोखिममा परेको हो । मोहना नदीले तीव्र रूपमा कटान गर्न थालेपछि दक्षिणतर्फको पिल्लर कटानको जोखिममा परेको हो । नदीको कटान नरोकिएकाले पुलमा हिँड्ने सपना सपनामै सीमित हुनेमा स्थानीय चिन्तित छन् । पुलको दक्षिणतर्फको पिल्लरलाई नदीले भत्काउने अवस्था देखि
-original-thumb.jpg)
मुख्यमन्त्री शाहले आज विश्वासको मत लिनुहुँदै
सुदूरपश्चिम प्रदेशका मुख्यमन्त्री कमलबहादुर शाहले बुधबार प्रदेश सभाबाट विश्वासको मत लिँदै हुनुहुन्छ । तत्कालीन मुख्यमन्त्री दीर्घबहादुर सोडारीले राजीनामा दिएपछि साउन २० गते उहाँ मुख्यमन्त्रीमा नियुक्त हुनुभएको थियो ।
हरियो धनियाँमा दुई रुपियाँ कर
पाटन नगरपालिकाले मुख्य सडक अनारखोलीमा ढाट राखेर हरियो धनियाँ बेच्दा दुई रुपियाँ प्रतिकिलो निकासी कर लिन सुरु गरेको छ । पालिकाबाहिर बिक्री हुने धनियाँ, लसुन, प्याजलगायत आलु निकासी कर लिन थालेपछि किसान मर्कामा परेका छन् । नगरपालिकाले मसलाजन्य तरकारीमा दुई रुपियाँ र सबै प्रकारका तरकारी रायो, बन्दा, आलु र काउलीमा प्रतिकिलो एक रुपियाँ कर लिन थालेको हो । आलुको उचित मूल्य नपाएको गुनासो किसानको छ ।
अध्यादेश सर्वसम्मतले स्वीकृत
सुदूरपश्चिम प्रदेश सामयिक कर सङ्कलन सम्बन्धी अध्यादेश २०८१ प्रदेश सभाबाट सर्वसम्मतले स्वीकृत भएको छ ।
सुदूरपश्चिम प्रदेश सभाको बैठक आज बस्दै
आजको बैठकमा आर्थिक मामिला मन्त्री बहादुरसिंह विष्टले सुदूरपश्चिम प्रदेश सामयिक कर सङ्कलन सम्बन्धी अध्यादेश २०८१ स्वीकृत गरियोस भन्ने प्रस्ताव पेश गर्ने कार्यसूची छ।
झुण्डिएको अवस्थामा बालकको शव फेला
कैलालीको गोदावरी नगरपालिकामा एक बालकको शव फेला परेको छ । गोदावरी नगरपालिका–४ बसन्तपुरका १० वर्षीय बालक सुनील साउँदको सोमबार साँझ शव फेला परेको हो ।
ड्र्यागन खेतीमा युवाको आकर्षण
कैलालीको घोडाघोडी नगरपालिका–८, जरहीका करण साउद ड्र्यागन (सिउँडी) फलको खेती गरी मनग्गे आम्दानी गर्न थाल्नुभएको छ । वैदेशिक रोजगारीका सिलसिलामा भारतको पन्जाबमा लामो समय बिताएका साउद बल्ल बुद्धि फिरेको बताउनुहुन्छ । इन्टरनेटको माध्यमबाट सिउँडी फल खेतीबारे जानकारी पाएपछि उहाँले भारतबाट नै बेर्ना ल्याएर व्यावसायिक खेती थाल्नुभएको थियो । तीन कट्ठा जमिनमा सिउँडी फल लगाएको तीन वर्षपछि आम्दानी दिन थालेको छ ।
कृषकको खेतबारी अनुगमन
बडीमालिका नगरपालिका र बुढीगङ्गा नगरपालिकाका अगुवा कृषकको बारीमा सम्बद्ध अधिकारीले अनुगमन गरेका छन् । कृषकले उत्पादन गरेको कृषि उपज र अवस्थाका बारेमा बुझ्न सम्बद्ध अधिकारीले बारी अनुगमन गरेका हुन् । स्थानीय जनप्रतिनिधि, प्रशासन कार्यालय, कृषि ज्ञान केन्द्र, कृषि विकास शाखा, भेटेरिनरी तथा पशु सेवाविज्ञ केन्द्र, जिल्ला समन्वय समिति, कोष तथा लेखा नियन्त्रण कार्यालय र नेपाल पत्रकार महासङ्घसहितका प्रतिनिधिले कृषकको बारी अनुगमन गरेको कृषि ज्ञान केन्द्र प्रमुख भूमिराज उपाध्यायले बताउनुभयो ।
राजधानी पुग्न न बस, न प्लेन
सङ्घीय राजधानी काठमाडौँ जाने बस सेवा बन्द भएको करिब चार वर्ष बितिसकेको छ । प्रदेश राजधानी धनगढीसम्म जोड्ने हवाई सेवा पनि तीन वर्षदेखि ठप्प छ । लामो दुरीको बस र प्रदेश राजधानीको हवाई सेवा बन्द हुँदा बर्खाका बेला स्थानीयलाई मर्का परेको छ । जिल्ला सदरमुकाममा बसपार्क भए पनि काठमाडौँ चल्ने लामो दुरीको बस सेवा सुचारु छैन । करिब १७ करोड रुपियाँ खर्च गरेर निर्माण गरिएको पाटन विमानस्थल पनि २०७८ चैत ११ गतेदेखि बन्द छ । विमानस्थलको धावनमार्ग र टर्मिनल भवन आकर्षक छ तर यहाँबाट न हवाई उडान सञ्चालनमा छ, न त काठमाडौँ जाने बस नै पाइन्छ ।
सामुदायिक वनमा कागती र डाले घाँसखेती
बेत वन भनेर पहिचान बनाएको टीकापुर-७ स्थित सती कर्णाली सामुदायिक वनमा कागती र डाले घाँसखेती सुरु गरिएको छ । वनले यस वर्ष एक सय ५० कागतीका र एक हजार डाले घाँस बकाइनो तथा आँपका बिरुवा रोपेको हो ।
सुदूरपश्चिमको मुख्य न्यायाधिवक्ता जोशी नियुक्त
सुदूरपश्चिम प्रदेशको मुख्य न्यायाधिवक्तामा धनगढीका ठेकेन्द्रराज जोशी नियुक्त हुनुभएको छ । प्रदेश सरकारको सिफारिसमा प्रदेश प्रमुख नजिर मियाँले जोशीलाई मुख्य न्यायाधिवक्ता नियुक्त गर्नुभएको हो ।
सहजपुर-बिपीनगर-बोगटान सडक हस्तान्तरण
सहजपुर-बिपीनगर-बोगटान सडक कालोपत्रे गर्ने काम सम्पन्न भएसँगै सडक डिभिजन कार्यालयलाई हस्तान्तरण गरिएको छ । निर्माणाधीन सहजपुर-बिपीनगर-बोगटान सडकको ५० किलोमिटर पिएलआर-कुमार जेभीले निर्माण गरेको हो ।
भिरालो बस्तीमा डरैडरको बास
बाजुराको पाखो तथा भिरालो बस्तीका स्थानीयलाई यति बेला राती घरमा डरैडरको बास बस्नु परेको छ ।
नहर भत्किँदा धानखेतीमा क्षति
गत असार अन्तिम साता आएको बाढीले महाकाली सिँचाइ तेस्रो चरणको नहर भत्किँदा मटेनाका स्थानीयका धानखेती र घर जोखिममा परेका छन् । असारपछिको वर्षाले स्थानीयको धानखेती कटान हुन थालेको छभने चार घर जोखिममा परेका छन् ।
-original-thumb.jpg)
मुख्यमन्त्री शाहले ३० गते विश्वासको मत लिनु हुने
सुदूरपश्चिम प्रदेशका मुख्यमन्त्री कमलबहादुर शाहले साउन ३० गते विश्वासको मत लिनु हुने भएको छ । सो दिन बिहान ११ बजे बस्ने प्रदेशसभा बैठकमा विश्वासको मत लिनु हुने मुख्यमन्त्रीका स्वकीय सचिव राम विष्टले जानकारी दिनुभयो ।
पहिरोले दुई घरमा क्षति , दुई घर जोखिममा
वर्षासँगैको पहिरोले बैतडीको डिलाशैनीमा दुई घर भत्किएका छन् । डिलाशैनी गाउँपालिका वडा नं.३ दौंखोलाका अम्मर बोहराका घरमा क्षति पुगेको हो ।
मुख्यमन्त्री शाहलाई भेट्न नमिल्ने
सुदूरपश्चिम प्रदेशका मुख्यमन्त्री कमलबहादुर शाहले व्यक्तिगत, संस्थागत र सामूहिक भेटघाट बन्द गर्नु भएको छ ।
खानेपानीको पैसा हिनामिना
टीकापुर साना सहरी खानेपानी तथा सरसफाइ उपभोक्ता संस्थाको लाखौँ रकम संस्थाका पदाधिकारीले हिनामिना गरेको पाइएको छ । संस्थाका सचिव मनिष बलायरले २०८० फागुनमा सात लाख ५० हजार रुपियाँ केही दिनका लागि सापटी लिएको तर हालसम्म फिर्ता नगरेको पाइएको छ । यस्तै, पूर्वउपाध्यक्ष गोपी जैसीले नौ लाख ५० हजार रुपियाँ पेस्की लिएको रकम हालसम्म फिर्ता नगरेको र सो रकम खानेपानी कार्यालयको आव.२०८०/८१ को लेखा परीक्षण प्रतिवेदनमा पनि उल्लेख गरिएको छैन ।
घुइयाँघाट सडकको अवस्था दयनीय
धनगढी बजारको मुख्य सडक झिलिमिली बत्तीले सिँगारिएको भए पनि भित्री सडकको अवस्था भने दयनीय रहेको छ । सडक बिग्रेको कैयौँ वर्षसम्म निर्माण वा मर्मतसम्भारको काम नभएपछि धनगढी नगर क्षेत्रको भित्री सडकको अवस्था दयनीय बनेको हो । यस्तै सडकमध्येको एक ज्वलन्त उदाहरण हो, धनगढी गाउँ–घुइयाँघाट सडक, स्थानीय तहको निर्वाचनमा उम्मेदवारका लागि चुनावी मसलासमेत बनेको सीगाउँसम्म जोड्ने यो सडक जीर्ण बनेको छ । सडक भत्केर हिँड्नसमेत अप्ठ्यारो हुने अवस्थामा पुग्दासम्म निर्माण वा मर्मतको कार्य भएको छैन । सडक थोत्रो भइसक्दासम्म निर्माण नहुनु दुर्भाग्य रहेको स्थानीयको भनाइ छ ।
