प्रष्ट देखिने गरी काम गर्न सञ्चार सचिवको निर्देशन
सञ्चार तथा सूचना प्रविधि मन्त्रालयका सचिव कृष्णबहादुर राउतले मातहतका निकायलाई प्रस्ट देखिने गरी काम गर्न निर्देशन दिनुभएको छ ।
प्रहरीद्वारा गाँजा नष्ट
गाँजा खेती र कारोबारका लागि उद्गम मानिएको धनकुटाका तीन स्थानीय तहमा प्रहरीले अभियानकै रूपमा गाँजा नस्ष्ट गरेको छ ।
नहरमा डुबेको शव फेला
सशस्त्र प्रहरीको गोताखोर टोलीले इटहरी उपमहानगरपालिका –१६ स्थित नहरमा डुबी बेपत्ता भएको एक व्यक्तिको शव आइतबार फेला पारेको छ ।
शेयर धितो कर्जाको सीमा बढ्दा पनि घट्यो नेप्से परिसूचक
शेयर धितो कर्जाको सीमा बढाउँदा पनि पुँजी बजारका लगानीकर्तामा उत्साह नदेखिएपछि आज नेपाल स्टक एक्सचेञ्ज (नेप्से) परिसूचक ३५ दशमलव ६७ अङ्कले घटेको छ ।
ज्येष्ठ नागरिकको निःशुल्क आँखा उपचार
चालु आर्थिक वर्षमा मल्लरानी गाउँपालिकाले पालिका भित्रका ज्येष्ठ नागरिकलाई आँखाको उपचारको व्यवस्था गरेको छ ।
आर्थिक अनियमितताविरुद्ध धर्ना
पर्वतको कुश्मा नगरपालिकास्थित नारायण माविमा भएको आर्थिक अनियमितताको शीघ्र छानबिन होस् भनी अभिभावकले विद्यालयको गेटमा प्लेकार्डसहित धर्ना सुरु गरेका छन् ।
गोरखामा एकैदिन दुईवटा सहरी स्वास्थ्य केन्द्र सञ्चालन
गोरखाको पालुङटार नगरपालिकामा थप दुईवटा सहरी स्वास्थ्य केन्द्र स्थापना गरी सञ्चालनमा ल्याइएको छ ।
चाडपर्व लक्षित सहुलियत पसल सञ्चालन
ओखलढुङ्गामा चाडपर्व लक्षित सहुलियत मूल्य पसल सञ्चालन गरिएको छ । आम उपभोक्ताको हितलाई ध्यानमा राखी अत्यावश्यक खाद्य तथा उपभोग्य वस्तु सुपथ मूल्यमा उपलब्ध गराउन चाडपर्व लक्षित सहुलियत पसल सञ्चालन गरिएको हो ।
एमयूद्वारा क्लिनिकल लिगल एजुकेसन कार्यक्रम
मध्यपश्चिम विश्वविद्यालय (एमयू) ले क्लिनिकल लिगल एजुकेसन कार्यक्रम सञ्चालन गर्ने भएको छ । कानुन सङ्कायअन्तर्गत स्नातक तहमा अध्ययनरत विद्यार्थीहरूको अनुसन्धानको दायरा फराकिलो बनाउन कार्यक्रम सञ्चालन गर्न लागिएको हो ।
रुकुमपश्चिममा राष्ट्रिय परिचयपत्र वितरण सुरु
जिल्ला प्रशासन कार्यालय रुकुमपश्चिमले राष्ट्रिय परिचयपत्र वितरण सुरु गरेको छ । आइतबार प्रमुख जिल्ला अधिकारी हरिप्रसाद पन्तले बाँफिकोट गाउँपालिका–२ निवासी वीरबहादुर केसीलाई राष्ट्रिय परिचयपत्र हस्तान्तरण गरी औपचारिक रूपमा परिचय पत्र वितरण कार्यको सुरुवात गर्नुभएको हो ।
कृषिजन्य वस्तुको बजारीकरणका लागि योजना बनाइने
वीरेन्द्रनगर नगरपालिका प्रमुख मोहनमाया ढकालले उत्पादित कृषिजन्य वस्तुको बजारीकरणका लागि नगरपालिकाले योजना बनाउन लागेको जानकारी दिनुभएको छ ।
इजरायलका नेपालीबारे गृहमन्त्रीको गम्भीर चासो
उपप्रधानमन्त्री एवम् गृहमन्त्री नारायणकाजी श्रेष्ठले प्यालेस्टाइनी लडाकु समूह हमास र इजरायली सेनाबी शनिबार बिहानदेखि जारी लडाइँका कारण इजरायलमा रहेका नेपालीहरू समेत पीडामा परेको अवस्थाबारे गम्भीर चासो लिनुभएको छ ।
बहाकोट कोटकालिका मन्दिरको पुनर्निर्माण
पुतलीबजार नगरपालिका–८ बहाकोटमा रहेको बहाकोट कोटकालिका मन्दिरको पुनर्निर्माण गरिएको छ । चौबिसे राज्यमध्ये पर्ने बहाकोटमा पूर्व राजा पृथ्वी वीरविक्रम शाहको पालामा करिब १२० वर्ष पहिला यहाँ स्थापित कोटकालिका मन्दिर जीर्ण बनेसँगै मन्दिरको पुनर्निर्माण हो ।
आजदेखि दसैँलक्षित सहुलियत पसल सञ्चालन
चाडपर्वलक्षित सहुलियत पसल आइतबार (आज) देखि उपत्यकासँगै बाहिरी जिल्लामा सञ्चालन हुँदै छन् । सरकारले चाडपर्वमा उपभोक्तालाई राहत दिन उपत्यकासँगै उपत्यकाबाहिरका विभिन्न जिल्लामा सहुुलियत पसल सञ्चालन गर्न लागेको हो । सरकारी स्वामित्वमा सञ्चालित खाद्य व्यवस्था तथा व्यापार कम्पनी लिमिटेड, दुग्ध विकास संस्थान (डिडिसी) र साल्ट टे«डिङ कर्पोरेसनमार्फत सहुलियत पसल सञ्चालन हुन लागेका हुन् ।
‘पार्टी नेतृत्व छोड्छुभन्दा सुख छैन’
प्रधानमन्त्री एवं नेपाल कम्युनिस्ट पार्टी (माओवादी केन्द्र) का अध्यक्ष पुष्पकमल दाहाल ‘प्रचण्ड’ ले आफूले पार्टी नेतृत्व छाड्न खोजे पनि जिम्मेवारी लिन कोही तयार नभएको बताउनुभएको छ । माओवादी केन्द्रका सचिव राम कार्कीद्वारा लिखित पुस्तक ‘विकल्प’ को शनिबार लोकार्पण गर्दै उहाँले भन्नुभयो, “मैले नेतृत्व लिएको ३५ वर्ष पुग्यो । अब छोड्छुभन्दा पनि सुख छैन । तपाईंहरूले प्रचण्डले छोड्नु पर्छ र फलानो आउनु पर्छ भन्नुभयो भने म सबैभन्दा बढी खुसी हुने थिएँ तर परिस्थिति त्यस्तो भइरहेको छैन ।”
-original-thumb.jpg)
जलवायु परिवर्तनका असरबारे परिचर्चा
नेपाल–बेलायतबिच मैत्री सन्धि भएको शतवार्षिकीको अवसरमा स्कटल्यान्डको एडिनबरास्थित रोयल बोटानिक गार्डेनमा जलवायु परिवर्तनसम्बन्धी कार्यक्रम सम्पन्न भएको छ । बेलायतस्थित नेपाली राजदूतावास र बेलायतको परराष्ट्र मन्त्रालयको संयुक्त आयोजना तथा रोयल बोटानिक गार्डेन र ब्रिटिस काउन्सिलको सहकार्यमा सम्पन्न कार्यक्रममा गत एक सय वर्षमा जलवायु परिवर्तनबाट नेपालको जैविक विविधता, भूगोल, अर्थतन्त्र र जनजीवनमा परेको प्रभाव र यसलाई न्यूनीकरण गर्न अपनाइएको प्रयासहरू र अन्तर्राष्ट्रिय सहयोगको आवश्यकतामाथि छलफल भएको थियो ।
टिप्परको मनोमानीको कारक डिपो
टिप्परले ढाला थपेर क्षमताभन्दा बढी बालुवा र गिट्टी ढुवानी गर्नुपर्ने अवस्थाका लागि आमउपभोक्ता नभएर त्यसको बिचौलिया वर्गमा पर्ने डिपोहरू कारक रहेका छन् । डालाभरि सामान ल्याउन नसके बिक्री नै नहुने भएकाले ओभरलोड बोक्नु बाध्यता रहेको टिप्परचालक बताउँछन् । सधैँभरि सिधै उपभोक्ताले सामान नलिने हुँदा उनीहरूले डिपोमा लगेर बेच्नै पर्ने बाध्यता हुन्छ । डिपोले सरकारले तोकेसरह सामान लिएर जाँदा नउठाउने भएपछि बाध्य भएर ओभरलोड बोकेको स्वयम् टिप्परचालक बताउँछन् ।
कोरियनको उडान नरोकिने
सरकारले कोरियन एयरको नेपाल उडान नरोक्ने भएको छ। नेपाल नागरिक उड्डयन प्राधिकरणले कोरियन एयरले दुई देशबिचको हवाई सेवा सम्झौताको प्रावधानविपरीत महँगो टिकट शुल्क लिएर एकलौटी उडान गर्दै आएको र नेपाल वायुसेवा निगमको नियमित उडानलाई प्रभावित पार्दै आएको जनाउँदै अक्टोबर २९ तारिखदेखि सुरु हुने विन्टर सेड्युलका टिकट बिक्री नगर्न निर्देशन दिएको थियो।
सेना र प्रहरीले गरे छिन्नमस्ता मन्दिरको सरसफाइ
जिल्ला प्रशासन कार्यालयको अगुवाइमा राजविराज नगरपालिका कार्यालय र तीनै तहका सुरक्षा संयन्त्र टोलीसहित शनिबार छिन्नमस्ता मन्दिरको परिसर र पोखरी सरसफाइ गरेका छन् ।
धनकुटामा चार्डपर्व लक्षित बजार अनुगमन तीव्र
कबिराज घिमिरे हिले, असोज १९ गते । दशैं लगायत चाडपर्व नजिकिएसँगै स्थानीय प्रशासन धनकुटाले बजार अनुगमनलाई तीव्रता दिएको छ।जिल्ला प्रशासन कार्यालाय धनकुटाको नेतृत्वमा खाद्य प्रविधि गुण नियन्त्रण डिभिजन कार्यालय, घरेलु तथा साना उद्योग कार्यालय धनकुटा र राष्ट्रिय उपभोक्ता संघ धनकुटाले संयुक्त रुपमा अनुगमनलाई तीव्रता दिएका हुन्। अनुगमन टोलीले खाद्यान्न, इन्धन, लत्ताकपडा, माछामासु, तरकारी, फलफूल लगायतका थोक तथा खुद्रा पसलमा अनुगमन गर्न सुरु गरेको हो । चाडपर्वको समयमा व्यापारीहरूले जथाभावी मूल्य लिने, म्याद गुज्रिएका अखाद्य वस्तुलाई बेच्ने लगायतका समस्या देखिने गरेकाले अनुगमन तीब्र पारिएको धनकुटाका प्रमुख जिल्ला अधिकारी पुण्यविक्रम पौडेलले जानकारी दिनुभयो ।अनुगमनको क्रममा धनकुटाको छथरजोरपाटी गाउँपालिका वडा नं.–६ स्थित सिँधुवा बजारमा खुद्र तथा किराना पसल अनुगमन गरेको छ। बजारका आधा दर्जनभन्दा बढी खुद्रा तथा किराना पसलहरुमा अनुगमन गरी ५५ हजारभन्दा बढीका म्याद गुज्रिएका खाद्यवस्तु नष्ट गरिएको छ। बजारका अधिकांश खुद्रा तथा किराना पसलमा म्याद गुज्रेका खाद्यवस्तु फेला परेका थिए। अनुगमनका क्रममा म्याद गुज्रेकामा खानेकुरा र पेयपदार्थ पाइएको थियो। उक्त म्याद गुज्रेका खाद्यबस्तुहरु जफत गरी स्थानीय जनप्रतिनिधि, प्रहरीको रोहबरमा नस्ट गरिएको छ। म्याद गुज्रेका खाद्यबस्तु आगामी दिनमा नवेच्न सुझाव तथा चेतावनी दिइएको जिल्ला प्रशासन कार्यालयका प्रमुख प्रशासकीय अधिकृत अंकित मग्रातीले बताउनुभयो। प्रशासनले धनकुटाका अन्य बजारमा पनि अनुगमन गरी म्याद गुज्रेका सामान नष्ट गर्ने जनाएको छ।
बद्रीविक्रम वाङमय पुरस्कारबाट डा. गैरे र अभिलाषी सम्मानित
कर्मयोगी बद्रीविक्रम थापाको नाममा स्थापित ‘कर्मयोगी बद्री विक्रम पूर्णिमा वाङ्मय पुरस्कार–२०८०’ बाट साहित्यकार डा. नारायणप्रसाद शर्मा गैरे र कवि नवीन अभिलाषी सम्मानति हुनुभएको छ ।
राष्ट्र निर्माणमा लाग्न कर्मचारीसँग आग्रह
नेकपा (एमाले) का केन्द्रीय सदस्य छक्कबहादुर लामाले राष्ट्रसेवक कर्मचारीलाई आफ्नो अधिकारका लागि लड्नुका साथै राष्ट्र निर्माणमा जुट्न आग्रह गर्नुभएको छ ।
काठे गाई संरक्षरण गर्ने कृषकलाई सुत्केरी खर्च
पर्वतको विहादी गाउँपालिकाले लोपोन्मुख स्थानीय काठे गाईको सरंक्षण गर्न भनी गाईपालक कृषकलाई सुत्केरी खर्च दिदैआएको छ । घरमा पालेको लोकल गाई सुत्केरी हुँदा कृषकलाई प्रोत्साहनका लागि लोकल गाई संरक्षण कार्यक्रम अन्तर्गत सुत्केरी खर्च दिइने गरेको हो ।
बैदेशिक रोजगारीबाट फर्किएकाहरु सङ्गठित
ताप्लेजुङमा बैदशिक रोगजारीबाट फर्किएका युवाहरु सङ्गठित भएका छन् । बैदशिक रोगजारीबाट फर्किएका युवाहरुले सदरमुकाम फुङ्लिङमा शनिबार जिल्ला भेला सम्पन्न गर्दै सङ्गठित भएका हुन् ।
बोटानिक गार्डेनमा जलवायु परिवर्तनसम्बन्धी गोष्ठी
नेपाल–बेलायतबीच मैत्रीसन्धी भएको शतवार्षिकीको अवसरमा स्कटल्याण्डको एडिनवरास्थित रोयल बोटानिक गार्डेनमा जलवायु परिवर्तनसम्बन्धी कार्यक्रम सम्पन्न भएको छ ।
