इजरायलबाट १० नेपालीको शव नेपाल ल्याउने पहल सुरु
तेल अबिबस्थित नेपाली राजदूतावासले हमासको आक्रमणमा मारिएका १० जना नेपालीको शव नेपाल पठाउन इजरायल सरकार र सम्बन्धित निकायसँग समन्वय एवं सहकार्य थालेको बताएको छ ।
बङ्करमा फसेका नेपाली विद्यार्थीको उद्धार : आउन चाहनेलाई नेपाल ल्याइने
प्रधानमन्त्री पुष्पकमल दाहाल ‘प्रचण्ड’ले राष्ट्रिय शोकको घडीमा राजनीतिक दल, नागरिक समाज एकाकार भएर सरकारप्रति ऐक्यबद्धता प्रकट गरेकोमा सबैप्रति कृतज्ञता ज्ञापन गर्नुभएको छ ।
चौतारीको इतिहास मेटिएको गुनासो
हिमाली जिल्ला म्याग्दीको सदरमुकाम बेनीको मुटुमा पर्ने वीरेन्द्रचोकको चौतारीको इतिहास मेट्ने काम गरिएको भन्दै सर्वसाधारणले गुनासो गरेका छन् ।
मदन भण्डारी राजमार्गमा एक सय आठ पुल निर्माण
पूर्व-पश्चिम जोड्ने देशको चौथो राजमार्गका रूपमा मदन भण्डारी राजमार्ग आयोजनाअन्तर्गत एक सय आठ पुल निर्माण गरिएको छ ।
पक्की पुल बगाएदेखि नागरिकलाई सास्ती
मुस्किलले निर्माण भएर अन्तिम चरणमा पुगेको तिलागुफा नगरपालिका वडा ९, १० र ११ जोड्ने भैसीगौडा पक्की पुल बाढीले बगाएपछि अहिले स्थानीयलाई आवत–जावतमा समस्या परेको छ ।
सामुदायिक वनमा बाघको अवस्था बुझ्न क्यामेरा ट्यापिङ
चितवन राष्ट्रिय निकुञ्जले माडी क्षेत्रमा पर्ने सामुदायिक वनमा बाघको अवस्था बुझ्न क्यामेरा ट्यापिङ गर्ने भएको छ ।
स्रोत नखुलेका दुई लाख भारतीय नोट बरामद
नेपाल–भारत सीमा क्षेत्रबाट सशस्त्र प्रहरीले स्रोत नखुलेको दुई लाख एक हजार भारतीय रुपियाँ बरामद गरेको छ ।
सुत्केरी पशु स्याहारका लागि प्रोत्साहन भत्ता
बाँकेको खजुरा गाउँपालिकामा गाई र भैंसी दुहुनो भएपछि किसानलाई प्रोत्साहन भत्ता उपलब्ध गराउन थालिएपछि पशुपालनतर्फ किसानको रुची बढ्न थालेको छ ।
चिल्ड्रेन पार्कमा डुबेर बालकको मृत्यु
गौरादह नगरपालिका –२ स्थित लायन्स चिल्ड्रेन पार्कको फाउन्टेनमा डुबेर एक बालकको मृत्यु भएको छ । मृत्यु हुनेमा गौरादह –१ का अन्दाजी १४ वर्षीय सत्यम राई रहेको प्रहरीले जनाएको छ ।
भिनाजुको कुटाइबाट सालाको मृत्यु
भीरकोट नगरपालिका–२ केगाँमा भिनाजुको कुटाईबाट घाइते सालाको मृत्यु भएको छ । ७२ वर्षीय भिनाजु ठग बहादुर विकको कुटाइले तीन महिना पहिला घाइते भएका बिरुवा ७ सपौदेका ४५ वर्षीय मनबहादुर विकको मृत्यु भएको हो ।
मलद्वारभित्र ब्राउनसुगर लुकाएर ल्याउने दुई पक्राउ
मलद्वाराभित्र लुकाएर ब्राउनसुगर ल्याउने दुई जनालाई प्रहरीले पक्राउ गरेको छ । झापाको भद्रपुर र मेचीनगर नगरपालिकाबाट लागू औषध ब्राउनसुगरसहित दुई जना पक्राउ परेका छन् ।
जाजरकोट–जुम्ला सुरुङमार्ग : प्रि–फिजिबिलिटी अध्ययनमै अलमल
जाजरकोटदेखि जुम्ला जोड्ने सुरुङमार्ग निर्माणको योजना अघि बढ्न सकेको छैन । आयोजनाको ‘प्रि–फिजिबिलिटी’ अध्ययनमै अलमल देखिएको छ ।
मोटरसाइकलको ठक्करबाट घाइते पौडेलको मृत्यु
धरान चतरा सडक खण्डअन्तर्गत मकवानपुरको हेटौँडा उपमहानगरपालिका–१७ सानो गंगटेमा मोटरसाइकलको ठक्करबाट घाइते भएका एकजना साइकलयात्रीको उपचारको क्रममा सोमबार विहान मृत्यु भएको छ ।
प्रमद्वारा त्रिपक्षीय सहायताको प्रस्ताव
प्रधानमन्त्री पुष्पकमल दाहाल ‘प्रचण्ड’ ले नेपाल–चीन–भारतको त्रिपक्षीय सहायताका अवधारणा सार्वजनिक गर्नुभएको छ । हालै मात्र चीनको भ्रमण गरेर आउनुभएका प्रधानमन्त्री प्रचण्डले चीनका राष्ट्रपति सी चिनफिङले ‘नेपाल अब भूपरिवेष्ठित देशबाट भूजडित देश हुने छ’ भनी उल्लेख गर्नुभएको अवधारणामा आफू पूर्ण सहमत रहेको पनि बताउनुभयो । नेपाल–चीन फ्रेन्डसिप फोरमले राजधानीमा आइतबार आयोजना गरेको ‘बिआरआईको एक दशक ः व्यापार लगानी सम्पर्क सञ्जाल र प्राज्ञिक सम्बन्ध’ विषयक अन्तर्क्रियामा उहाँले भारतका प्रधानमन्त्री नरेन्द्र मोदीलाई नेपाल–चीन–भारत त्रिपक्षीय सहायताको प्रस्तावमा सहमत हुन आफूले आग्रह गरेको पनि जानकारी दिनुभयो ।
जोखिम न्यूनीकरणमा पूर्वतयारी आवश्यक
स्वास्थ्य तथा जनसङ्ख्यामन्त्री मोहनबहादुर बस्नेतले प्राकृतिक विपत्तिमा हुने जोखिम न्यूनीकरणका लागि स्वास्थ्य आपत्कालीन पूर्वतयारी हुनुपर्ने बताउनुभएको छ। स्वास्थ्य तथा जनसङ्ख्या मन्त्रालय र विश्व स्वास्थ्य सङ्गठनको संयुक्त आयोजनामा काठमाडौँमा आइतबारदेखि सुरु भएको स्वास्थ्य आपत्कालीन तयारी बलियो बनाउन स्वास्थ्यसँग नेपाली सेना, नेपाल प्रहरी र सशस्त्र प्रहरीको संयुक्त पहलसम्बन्धी दुईदिने कार्यशालामा मन्त्री बस्नेतले जोखिम न्यूनीकरणमा पूर्वतयारी हुनुपर्ने बताउनुभयो । नेपाल प्राकृतिक प्रकोपको सधैँ जोखिममा रहेकाले यसबाट हुने धनजनको क्षति कम गर्न समयमा घाइतेको स्वास्थ्योपचार गर्न स्वास्थ्यका साथै नेपाली सेना, नेपाल प्रहरी, सशस्त्र प्रहरी, नागरिक समाज र दातृनिकायको पनि उत्तिकै भूमिका हुनेमा मन्त्री बस्नेतले जोड दिनुभयो।
विद्यालय शिक्षा विधेयक शिक्षक केन्द्रित : नेविसङ्घ
नेपाल विद्यार्थी सङ्घले विद्यालय शिक्षा विधेयक–२०८० विद्यार्थी केन्द्रित नभएर शिक्षक केन्द्रित रहेको जनाएको छ । सरकारले संसद्मा पेस गरेको विद्यालय शिक्षासम्बन्धी कानुन संशोधन र एकीकरण गर्न बनेको विधेयकका सन्दर्भमा आफ्नो धारणा सार्वजनिक गर्न आइतबार आयोजित पत्रकार सम्मेलनमार्फत नेविसङ्घले प्रस्तावित विद्यालय शिक्षा विधेयकमा व्यवस्था भएका प्रावधान विद्यार्थी केन्द्रित नभएको धारणा अघि सारेको छ ।
हुलाक टिकट नेपालमै छापिने
हुलाक टिकट अब नेपालमै छापिने भएको छ । हुलाक टिकट छाप्न हुलाक सेवा विभाग र भक्तपुर सानोठिमीस्थित जनक शिक्षा सामग्री केन्द्रबिच सहमति भएको छ । विभागका महानिर्देशक प्रदीपराज अधिकारीले टिकट छाप्न विदेश जानुपर्ने बाध्यताको अन्त्य गर्न खोजिएको बताउँदै भन्नुभयो, “सुरक्षासाथ नेपालमै छाप्न सक्ने प्रकाशनगृहको खोजी हुँदा जनक शिक्षा उपयुक्त देखियो । मतपत्र, राजस्वका स्टिकरलगायत त्यहीँ छापिने रहेछन् । निजी छापाखानाले सुरक्षाका साथ छाप्न सक्ने देखिएन । सरकारी निकाय पनि भएकाले जनक शिक्षालाई यसको जिम्मेवारी दिने सहमति ग¥यौँ । स्वदेशी संस्थालाई प्रवर्धन गर्नु पर्छ । यतिका लागि विदेश जानुपर्ने आवश्यकता छैन ।”
‘तिम्रो खुशी’ को लोकार्पण
गीतकार लक्ष्मणकृष्ण ताम्राकारको गीति आल्बम ‘तिम्रो खुशी’ आइतबार कुपण्डोलमा लोकार्पण गरिएको छ । लामो समयदेखि उपन्यास विधामा कलम चलाउँदै आउनुभएका ताम्राकारले क्यान्सरजस्तो जटिल रोगलाई जितेर केही समय यता गीत रचनातर्फ लाग्नुभएको छ ।
पर्यटकीय प्रवर्द्धनका लागि सम्पदा तालिम
प्राचीन कपिलवस्तुको पहिचान तथा पर्यटन प्रवर्द्धनका लागि तौलिहवामा सात दिने स्थानीय पर्यटक पथ प्रदर्शक तालिमको सुरुवात गरिएको छ ।
'बालसुधार गृह व्यवस्थापनमा सरकार क्रियाशील छ’
महिला, बालबालिका तथा ज्येष्ठ नागरिकमन्त्री सुरेन्द्रराज आचार्यले बालसुधार गृह व्यवस्थापनमा सरकार क्रियाशील रहेको बताउनुभएको छ ।
जिप दुर्घटनाका घाइते तीन जनालाई हवाईद्वारा उद्धार
हुम्लाको सिमकोट गाउँपालिका–५ मा भएको जिप दुर्घटनाका तीन घाइतेलाई हवाई साधनद्वारा उद्धार गरिएको छ ।
एमाले सिध्याउन पार्टीभित्रैबाट घेराबन्दी भएको थियो : अध्यक्ष ओली
पूर्व प्रधानमन्त्री एवम् नेकपा (एमाले) का अध्यक्ष केपी शर्मा ओलीले गत निर्वाचनमा एमालेलाई सिद्ध्याउन पार्टीभित्रैबाट प्रयत्न भएको बताउनुभएको छ ।
पालिकास्तरीय भलिबल प्रतियोगिता हुँदै
गुल्मीको तम्घासमा पालिकास्तरीय भलिबल प्रतियोगिता हुनेभएको छ । जिल्ला भलिबल सङ्घको आयोजनामा प्रथम पालिकास्तरीय पुरुष र महिला भलिबल प्रतियोगिता हुनेभएको पत्रकार सम्मेलनमार्फत महासचिव नारायण आचार्यले जानकारी दिनुभयो ।
ऊर्जा क्षेत्रको सर्वाङ्गीण विकासको लक्ष्यका साथ नयाँ विद्युत विधेयक
ऊर्जा, जलस्रोत तथा सिँचाइमन्त्री शक्तिबहादुर बस्नेतले मुलुकको समग्र आर्थिक क्षेत्रको विकासलाई केन्द्रमा राखेर ऊर्जा क्षेत्रको सर्वाङ्गीण विकास गर्ने लक्ष्यका साथ ‘विद्युत विधेयक, २०८०’ प्रस्तुत गरिएको बताउनुभएको छ ।
क्यानाडामा नेपथ्यको दोस्रो कन्सर्ट
नेपथ्यको दोस्रो कन्सर्ट भ्यानकुभरमा कन्सर्टको सुरुवात ‘सा कर्णाली’ म्युजिक भिडियोबाट भएको थियो भने त्यसपछि ‘मै मरी जाउँला’ गीतलाई निरन्तरता दिएको थियो ।
