तामाङ चलचित्र सङ्घमा नयाँ कार्यसमिति
तामाङ चलचित्र सङ्घ बागमती प्रदेशको पहिलो अधिवेशनबाट २१ सदस्यीय नयाँ कार्यसमितिको चयन भएको छ । कार्यसमितिको अध्यक्ष आशमान वाइबा, वरिष्ठ उपाध्यक्ष ध्रुव सिंह तामाङ, उपाध्यक्ष अनिता नेगी तामाङ, उपाध्यक्ष राजकुमार मोक्तान, महासचिव दावा फिन्जो तामाङ, सचिव करण तामाङ, सहसचिव हिरोज लोप्चन तामाङ, कोषाध्यक्ष सुस्मिता घलान, सह कोषाध्यक्ष राखिन्द्रकुमार तामाङ चयन हुनुभएको हो ।
गायिका जोशीको ‘पछ्यौरी’ सार्वजनिक
गायिका इन्दिरा जोशीले नयाँ गीत सार्वजनिक भएको छ । उहाँको ‘पछ्यौरी’ बोलको गीत सार्वजनिक भएको हो । रोमान्टिक शैलीको गीतको भिडियोमा इन्दिरा स्वयं र निराजन प्रधान देखिनुभएको छ । गीतमा उहाँकै स्वर, शब्द र सङ्गीत रहेको छ भने भिडियोको निर्देशक प्रवीण सिंहले गर्नुभएको हो । गीतको भिडियोमा प्रवीण श्रेष्ठको सम्पादन र हरि हुमागाईंको रहेको छ ।
खोइ उम्दा चलचित्र ? बनेन दर्शकको रुचिअनुसार नेपाली चलचित्र
अहिले नेपाली चलचित्रप्रति धेरैको लगाव बढेको छ । प्रायः दर्शक रोजी रोजी चलचित्र हेर्न रुचाउँछन् । जोरपाटी बस्ने अक्कल शर्मा चलचित्र हेर्न धेरै नै सौखिन छन् । चलचित्रमा समसामयिकता समेटिएका हुन्छन्, जुन धेरै राम्रो पक्ष हो तर नेपाली चलचित्रहरू राम्रो बने पनि कथामा भने खासै परिवर्तन नदेखिएको उहाँ दाबी गर्नुहुन्छ । चलचित्रहरूको कतिपय कथावस्तु राम्रो भए पनि त्यसको प्रस्तुति भने खासै राम्रो हुँदैन । चलचित्रको ट्रेलर हेर्दा वाह ! लागे पनि हलसम्म पुगेर पूरा चलचित्र हेर्दा त्यो झुर नै लाग्छ । नेपाली चलचित्रको प्रभाव बितेको एक दशकमा बढे पनि दर्शकमा नाक खुम्च्याउने बानी अझै हटेको छैन ।
६२ जनालाई विशिष्ट श्रेणीको चलचित्रकर्मी परिचयपत्र प्रदान
काठमाडौं, असार १६ गते । नेपाल चलचित्र विकास बोर्डको २२ औं वार्षिकोत्सवको अवसर पारेर सरकारले ६२ जना चलचित्रकर्मीलाई विशिष्ट श्रेणीको चलचित्रकर्मी परिचयपत्र प्रदान गरेको छ । बिहीबार आयोजित कार्यक्रममा सञ्चार तथा सूचना प्रविधिमन्त्री ज्ञानेन्द्रबहादुर कार्कीले परिचयपत्र प्रदान गर्नुभएको हो ।आर्थिक वर्ष २०७३/७४ को कार्यविधिअनुसार फारम भरेका चलचित्रकर्मीलाई परिचयपत्र प्रदान गरिएको हो । विशिष्ट श्रेणीको चलचित्रकर्मी परिचयपत्र प्राप्त गर्नेमा कलाकार उत्तम केसी, सुन्दरलाल श्रेष्ठ, शिवहरी नेपाल “वैरागी”, भुवन केसी, सन्तोष पन्त, किरण कुमार केसी, सुशील पोखरेल, राज कुमार पोखरेल, विजय देउजा, सपना श्रेष्ठ, प्रदिपलाल श्रेष्ठ, मोहनलाल सर्राफ, गौरीशंकर धुजु, अर्जुनजंग शाही, रवि गिरी, राजाराम पौडेल, पवन मैनाली, मनोजकुमार केसी, नारायण प्रधानलगायत अन्य हुनुहुन्छ ।कार्यक्रममा सूचना प्रविधिमन्त्री ज्ञानेन्द्रबहादुर कार्कीले बनिरहेका स्टुडियोलाई सञ्चालन गर्न प्राथमिकता दिँदै अगाडि बढ्ने र आगामी दिनमा पनि विशिष्ट श्रेणीको परिचय पत्र वितरण गर्ने बताउनुभयो । कार्यक्रममा परिचयपत्र प्रदान गरिएका ६२ जना फिल्मकर्मीको एक लाख रुपैयाँ बराबरको बीमासमेत गरिएको छ ।विशिष्ट श्रेणीको चलचित्रकर्मी परिचयपत्र प्राप्त गर्ने चलचित्रकर्मीः– चैत्यदेवी सिंह– मोहनलाल सराफ– गौरीशंकर धुजु श्रेष्ठ– नरेन्द्रबहादुर खड्का क्षेत्री– अर्जुनजंग शाही– रविप्रसाद गिरी (रविन गिरी)– सानुकुमार ताम्राकार– ऋद्धिचरण श्रेष्ठ– राजाराम पौडेल– सन्तोष पन्त– मन्दिल श्रेष्ठ– उज्जवलप्रसाद घिमिरे ।– पवनप्रसाद मैनाली– भुवन के.सी.– सुन्दरलाल श्रेष्ठ- शिव ढकाल- विरेन्द्र नारायण श्रेष्ठ- किरण कुमार के.सी.- जुजुभाइ महर्जन (जय श्रेष्ठ)- गणेशप्रसाद उपाध्याय खनाल - मदन घिमिरे- प्रकाश चन्द्र सुबेदी- नानीबाबु महर्जन- उत्तम केसी- अर्जुन श्रेष्ठ- गोपालकाजी कायस्थ- राजेन्द्र शर्मा शलभ- दिनेशराज दहाल (डि.सी.)- धिरन शाक्य (धिरेन शाक्य)- रुद्रप्रसाद पन्त (आर.पी. पन्त) निर्माता कलाकार- हिमाल बहादुर के.सी.- सुशील पोखरेल- डा. भोला प्रसाद रिजाल- दयाराम दाहाल- बनिष विक्रम शाह- नरेन्द्र महर्जन- माधव प्रसाद थपलिया-लक्ष्मणविक्रम बस्नेत- कुल बहादुर महत (जेठा दाई) - उद्धवराज भट्टराई- कमल कान्त सेढाई ।- ज्योती लाल राना - मनोज कुमार आचार्य- मुकुन्द किशोर भट्टराई- किशोर कुमार ढकाल- नारायण प्रधान- उत्तम द्वा- शिवहरी नेपाल “वैरागी“- चिरञ्जीवी बस्नेत- दीर्घ वीर गुरुङ- लव वैष्णव (शर्मा)- मनोजकुमार के.सी.- केशव प्रसाद पण्डित “शुरवीर“ .- रिता राना (रितु)- सपना श्रेष्ठ- प्रदिपलाल श्रेष्ठ- रामकाजी घिमिरे- विकास राज आचार्य- विजय देउजा- ज्ञानेन्द्र बहादुर देउजा- मदनमान पति बज्राचार्य- राजकुमार पोखरेल
'प्रकाश'को 'जोर मैना' गीत सार्वजनिक
काठमाडौं, असार १६ गते । दिनेश राउतले निर्देशन गर्नुभएको फिल्म 'प्रकाश'को 'जोर मैना' बाेलकाे गीत सार्वजनिक गरिएको छ । बिहीबार सार्वजनिक गरिएको गीतमा दीपक शर्माको शब्द तथा सङ्गीत र ध्रुव बिस्कोको स्वर छ । महेन्द्र अधिकारीले निमार्ण गर्नुभएको फिल्म जुम्लाको परिवेशमा छायाङ्कन भएको हो । फिल्मको गीतमा प्रदीप खड्का र रेणु योगी जुम्लेली पात्रमा देखिएका छन् । फिल्ममा दिया मास्के, प्रकाश घिमिरे, निरज पन्थी, गोविन्द सुनुवार, रामबाबु रेग्मी, लोकेन्द्र लेखक, दीपेन्द्र शाहीलगायतका कलाकारको अभिनय छ । बिनिस इन्टरटेनमेन्टकाे ब्यानरमा निर्माण भएको फिल्ममा विकास सुवेदीको लेखन, राजेश श्रेष्ठको छायाङ्कन, जीवन थापाको सम्पादन, सुवास भुषाल, दीपक शर्मा, तारा प्रकाश लिम्बू र एलिस कार्कीको सङ्गीत, उत्तम न्यौपानेको साउण्ड डिजाइन र शैलेश श्रेष्ठको पार्श्व सङ्गीत छ ।
कार्तिक १८ मा 'बुलाकी'
काठमाडौं, असार १५ गते । फिल्म 'बुलाकी' कार्तिक १८ बाट प्रदर्शनमा आउने भएको छ । निर्माण पक्षले फिल्मको रिलिज मितिसँगै पोस्टर समेत सार्वजनिक गरेको हो ।सार्वजनिक गरिएको पोस्टरमा सुरक्षा पन्त, नरेन खड्का र विराज विष्ट फिचर्ड छन् । कर्णाली भेगको जनजीवन तथा संस्कृति समेटिएको फिल्ममा लक्ष्मण सुनारको निर्देशन रहेको छ । डोल्पा, जाजरकोट र रुकुममा खिचिएको फिल्ममा सुरक्षा, नरेन्द्र खड्का, नवअभिनेता विराज विष्ट र प्रकाश कँडेल, रमेश बुढाथोकी, सुशील पोखरेल, लक्ष्मी गिरी, कुलदीप अधिकारी, झलनाथ खत्री, सरस्वती खत्री, उपासना वाइवा, सोनु सेढाइँ, धनबहादुर राई, लक्ष्मण देवकोटा, वसन्त परियारको अभिनय छ ।छत्रेश्वरी म्यानेजमेन्टको ब्यानरमा सौगात कँडेल सह निर्माता रहेको फिल्ममा शिव ढकालको छायाङ्कन छ ।
सम्पदा संरक्षणमा तल्लीन बम्जन
संस्कृति, कला, भाषामा समुदायको अस्तित्व देख्नुहुने सेलो गीतकार फूलकुमार बम्जन हाल आफ्नो सपनालाई साकार पार्ने लयमा मेहनत गरिरहनुभएको छ । सिन्धुली कमलामाई–२, खोल्मेडाँडाका बम्जनलाई समुदायको अस्तित्वसँग जोडिएका सामग्री बाजा, पुस्तकलाई डोकोभरि सजाउनुभएको छ ।
‘बिनिथ : द ब्रेभरी’को प्रदर्शन भदौमा
कुलवीर थापाको वास्तविक कथामा निर्माण भएको चलचित्र ‘गोर्खा : बिनिथ द ब्रेभरी’को ट्रेलर सार्वजनिक भएको छ । ट्रेलरमा कुलवीर थापाले जर्मनसँगको युद्धमा देखाएको बहादुरीलाई प्रस्तुत गरिएको छ । ट्रेलर सार्वजनिकसँगै आगामी भदौ २४ गतेलाई चलचित्रको प्रदर्शन मिति पनि घोषणा गरिएको छ ।
असारे भाका गाउँदै रोपाइँ
असारया सिनाज्या, फुल फुलो ससिवा सिरीसिरी फँसडाया, मन चङ्गा ... (असारको सिमसिमे पानीमा धान रोप्दै गर्दा बहने चिसो हावाले मनै चङ्गा गराउँछ) ।उपत्यकाका नेवार बस्तीमा असारे भाका गाउँदै रोपाइँको रौनक सुरु भइसकेको छ । अघिल्लो वर्षको तुलनामा यस पटक पानी चाँडो परेकाले चाँडै रोपाइँको रौनक सुरु भएको हो । असारे भाका गाउँदै रोपाइँ गर्नुको मज्जा नै छुट्टै हुन्छ, ललितपुर हरिसिद्धिकी हरिमाया म
रामोजीमा निताको चलचित्र
पछिल्लो दशकमा नेपाली चलचित्रले छायाङ्कनको दायरा फराकिलो पार्दै लगेका छन् । कुनै समय नेपालमा मात्र छायाङ्कन गरिने चलचित्र अहिले विदेशका उत्कृष्ट लोकेसनमा खिचिन थालिएको छ । यही क्रममा नेपाली चलचित्रको इतिहासमा पहिलो पटक चलचित्र ‘ह्रस्व दीर्घ’ भारतको प्रख्यात रामोजी फिल्म सिटीमा खिचिने भएको छ ।
नेपाली चलचित्र प्रदर्शनलाई प्राथमिकता
नेपाल चलचित्र कलाकार सङ्घको आयोजनामा नेपाली चलचित्र क्षेत्रको समस्या र चलचित्रकर्मीहरूको अवस्था विषयक अन्तक्र्रिया कार्यक्रम सम्पन्न भएको छ ।सङ्घका अध्यक्ष रवीन्द्र खड्काको अध्यक्षतामा सम्पन्न भएको उक्त कार्यक्रममा चलचित्र विकास बोर्डका सदस्य सचिव टङ्क महतले विकास बोर्डले समग्र चलचित्र उद्योग र चलचित्रकर्मीहरूको उत्थानमा प्रयासरत् रहेको बताउँदै छिट्टै प्रभावकारी चलचित्र नीति ल्याउने कार्य गरिरहेको बताउनुभयो । कार्यक्रममा चलचित्रकर्मी मोहन निरौला र सञ्चारकर्मी शान्तिप्रियले तयार गर्न‘भएको अवधारणा पत्र प्रस्तुत गरिएको थियो । अवधारणा पत्रमा अधिवक्ता कृष्ण ढुङ्गाना, सञ्चारकर्मी कृष्ण भट्टराई, सङ्गीतकार सन्तोष श्रेष्ठ र सञ्चारकर्मी डब्बु क्षेत्रीले आ–आफ्नो कुराहरू राख्नुभएको थियो ।
विवाह र सम्बन्धमा अड्किएको कथा
वैवाहिक जीवनको वास्तविक अर्थ के हो ? विवाह गर्दा हेरेर गर्ने कि रोजेर गर्ने भन्ने जस्ता प्रश्नको जवाफ निर्देशक राज मेहताको पारिवारिक तथा कमेडी चलचित्र ‘जुग जुग जियो’मा पाइन्छ । वर्षौंदेखि बलिउडमा विवाह र सम्बन्ध विच्छेदजस्ता सामाजिक विषयलाई लिएर चलचित्र बनिरहेका छन् ।
चलचित्र कृष्ण लीलाको 'ए मेरो हजुर' सार्वजनिक
काठमाडौं, असार ११ गते । नेपाली चलचित्र कृष्ण लीलाको 'ए मेरो हजुर' बोलको नयाँ गीत सार्वजनिक भएको छ । शुक्रबार काठमाडौंमा एक कार्यक्रमकाबीच गीत सार्वजनिक गरिएको हो । गीतको भिडियोमा नायक पुष्प खड्का र श्रद्धा क्षेत्रीको अभिनय छ । रवि ओड र सुनिता कार्कीको स्वरमा रहेको गीतको संगीत डा. डि.आर. उपाध्यायले भर्नुभएको छ ।त्यस्तै, सिलान लम्सालले सम्पादन गर्नुभएको भिडयो दीपक वलीले निर्देशन गर्नुभएको हो । भिडियोको कोरियोग्राफी माइकल चन्दले गर्नुभएको हो भने छायांकन उत्सव दाहालले गर्नुभएको हो । गीत सार्वजनिक भएपछि नायक पुष्प खड्काले मौसमसँग च्यालेन्ज गरेर भिडियो बनाइएकोले उत्कृष्ट रहेको बताउनुभयो । भिडियोको सुटिङ ५ हजार २ सय मिटिरको उचाईमा भएको हो । मोडेल श्रद्धा क्षेत्रीले गीतले राम्रो चर्चा पाउने बताउनुभयो । त्यस्तै, गायक रवि ओडले म्युजिक भिडियोको लागि भनेर गीत गाएपनि पछि फिल्ममा हाल्ने कुराले उत्साहीत बनाएको जानकारी दिनुभयो ।
'प्रेमगन्ज'को गीत 'माथि माथि' सार्वजनिक
काठमाडौं, असार ११ गते । परिच्छेद सेनको डेब्यू निर्देशन रहेको चलचित्र 'प्रेमगन्ज'को शीर्ष गीत 'माथि माथि आकाशमा' सार्वजनिक भएको छ । गीतमा बेनिशा हमाल, तेज गिरि, राइडर प्रशन, सुप्रिया खनाललाई देख्न सकिन्छ । चलचित्रले दुई कालखण्डको प्रेमकथालाई प्रस्तुत गरेको छ ।चलचित्रको गीतमा पुरुषोत्तम ढुङ्गेलको शब्द रचना छ भने किरण भुसालको सङ्गीत छ । सुगम पोख्रेल र अस्मिता अधिकारीको आवाज रहेको गीतलाई सञ्जय लामाले छायाङ्कन गर्नुभएको हो । अनन्तमान श्रेष्ठ कार्यकारी निर्माता रहेको चलचित्रको लेखक पनि परिच्छेद सेन नै हुन् ।फिल्ममा बेनिशा हमाल, तेज गिरीसँगै सुरक्षा पन्त, सम्पदा बानियाँ, राइडर प्रशान्त, सुप्रिया खनाल, सिमरन खड्का, पबन भट्टराई, नरेश पौडेल, रश्मि भट्ट, गीता अधिकारी, सन्जोग रसाइलीको आदि कलाकारको अभिनय छ । चलचित्रको ट्रेलर साउन १० गते रिलिज हुँदैछ भने भदौ ३ गते नेपाललगायत भारतका केही सहरमा चलचित्र एकसाथ प्रदर्शन हुँदैछ ।
छिरिङ शेर्पा र सरोज प्रजाको जोडीलाई 'डान्सिङ स्टार्स नेपाल'को उपाधि
काठमाडौं, असार ११ गते । टेलिभिजन रियालिटी शो 'डान्सिङ स्टार्स नेपाल'को उपाधि छिरिङ शेर्पा र सरोज प्रजाको जोडीले जितेको छ । शुक्रबार राति भएकाे ग्रान्ड फिनालेमा उपाधिसँगै यो जोडीले १५ लाख रुपियाँ पुरस्कार जित्नुभएको हो ।यस्तै, प्रीति आले मगर र शेखर घर्ती मगरको जोडीले फस्ट रनरअप हुँदै २ लाख रुपियाँ जित्नुभएको हो भने परमिता राणा र जेडी तमुको जोडी सेकेन्ड रनरअपकाे उपाधि जित्नुभएकाे छ ।विजेतालाई हिमालय टेलिभिजनका अध्यक्ष धर्मराज भुसाललले पुरस्कार र ट्रफी प्रदान गर्नुभएको हो । गत जेठदेखि सुरु भएको प्रतिस्पर्धामा १२ जना सेलिब्रिटी र कोरियोग्राफर जोडीले भाग लिएका थिए । गौरी मल्ल, दिलीप रायमाझी र रेनशा बान्तवा राई निर्णायक रहेको डान्सिङ स्टार्स नेपालको निर्देशन लक्ष्मण पौडेलले गर्नुभएको हो ।
दुबईमा बृहत् साङ्गीतिक कार्यक्रम हुने
नेपाली कलाकारले दुबईमा बृहत् साङ्गीतिक कार्यक्रम गर्ने हुनुभएको छ । भदौ ५ गते दुबईको वल्र्ड ट्रेड सेन्टरमा नेपाल ईभ टुरिजम टुर आयोजना हुन लागेको हो ।
‘सुगर फ्री’ सार्वजनिक
अम्बिका थापा निर्मित सुन्दर म्युजिक भिडियो त्रिमूर्ति इन्टरटेन्मेन्टबाट सार्वजनिक भएको छ । राजेन्द्र बुढाथोकी र अस्मिता अधिकारीको सुमधुर स्वर समेटिएको ‘सुगर फ्री...’ गीतमा सङ्गीतकार राजेन्द्र बजगाईंको सङ्गीत तथा सङ्गीत संयोजन रहेको छ ।
चलचित्र ‘काख्रे’को ट्रेलर सार्वजनिक
तामाङ भाषाको चलचित्र ‘काख्रे’ (गँगटो)को ट्रेलर सार्वजनिक भएको छ । कथाकार ऋतुराज पाख्रिनका अनुसार चलचित्रमा गाउँबाट रोजगारी खोज्दै राजधानी आएका युवाले भोगेकोे समस्याको सेरोफेरो कलात्मक ढङ्गले प्रस्तुत गरिएको छ । राष्ट्रिय नाचघर जमलमा यही असार १८ गते विशेष च्यारिटी सो हुने निर्माण पक्षले जनाएको छ ।
श्रेष्ठ र शाहलाई सम्मान
नेपाल उद्योग परिसङ्घको पर्यटन समितिले पर्वतारोही एवं फोटो पत्रकार पूर्णिमा श्रेष्ठ र कान्स फिल्म फेस्टिभलमा अवार्ड जित्न सफल नेपाली चलचित्र निर्देशक, निर्माता अविनाश विक्रम शाहलाई सम्मान गरेको छ ।
मिस नेपालको अभिनय यात्रा
सौन्दर्य प्रतियोगिता हिजोआज धमाधम बढ्दै छन् । यस्ता प्रतियोगितामध्ये सबैभन्दा पहिलो र प्रतिष्ठित मानिँदै आएको ‘मिस नेपाल’ नै हो । यो सौन्दर्य प्रतियोगिताको आधिकारिक आयोजक ‘हिडन् ट्रेजर’ हो । सन् १९९४ देखि आरम्भ भएको मिस नेपाल सौन्दर्य प्रतियोगिताको उपाधि यस वर्ष प्रियङ्का रानी जोशीले प्राप्त गर्नुभएको छ । प्रियङ्कासम्म आइपुग्दा २५ जनाले यो उपाधि हासिल गरिसक्नुभएको छ ।
डान्सिङ स्टार्सको उपाधि शेर्पा र प्रजाले जित्यो
एक टेलिभिजनले आयोजना गरेको टेलिभिजन रियालिटी शो डान्सिङ स्टार्स नेपालको उपाधि छिरिङ शेर्पा र सरोज प्रजाको जोडीले जितेको छ । शुक्रबार राति सम्पन्न फाइनलमा उपाधि जितेसँगै जोडीले १५ लाख रुपैयाँ पुरस्कार प्राप्त गरेको छ।
आजदेखि चलचित्र 'घनचक्कर' प्रदर्शनमा
काठमाडौं, असार १० गते । नेपाली चलचित्र 'घनचक्कर' आज शुक्रबारदेखि प्रदर्शनीमा आएको छ । सौगात मल्ल, सरोज खनाल, सलोन बस्नेत, शिशिर भण्डारी, कस्मिरा लामा, आशान्त शर्मा, ईश्वरी खड्का, कृष्णभक्त महर्जनलगायतका कलाकारको अभिनय रहेको चलचित्रलाई जितेन्द्र राजोपाध्यायले निर्देशन गर्नुभएको हो ।चलचित्रलाई सुसन प्रजापतिले छायाङ्कन गर्नुभएको हो र अष्ट महर्जनको द्वन्द्व निर्देशन, प्रदीप श्रेष्ठ र साइमन राजवंशीको कोरियोग्राफी, मित्र डी गुरुङको सम्पादन, विपिन आचार्य र देव कोइमीको सङ्गीत, अर्जुन सिंहको कथा र काजी लिम्बूको पटकथा–संवादमा फिल्म निर्माण भएको छ ।
एलओडी क्लबमा ‘कुटुम्ब’को प्रस्तुति
ठमेलस्थित ‘एलओडी’ क्लबमा शनिबार साङ्गीतिक समूह ‘कुटुम्ब’ आफ्नो प्रस्तुति दिनुहुने भएको छ । सधैँ ‘डिजे’ सङ्गीत घन्किने यस पटक लोकधुन गुञ्जिनेछ ।पञ्चेबाजा, धिमे, सारङ्गी, मुरली र मादलको धुनले क्लबको माहोल फरक हुने आयोजकले जनाएका छन् । कुटुम्बले सोही दिन स्थानीय लोकबाजाको प्रयोग गर्नुहुनेछ ।
मल्टिप्लेक्सको बढ्दो आकर्षण
पछिल्लो समय नेपालका चलचित्र भवन अत्याधुनिक र सुविधासम्पन्न बन्दै गइरहेका छन् । काठमाडौँसहित नेपालका मुख्य सहरमा सुविधासम्पन्न हल खुल्ने क्रम निकै बढेको छ । चलचित्र भवन सिङ्गल स्क्रिनबाट मल्टिप्लेक्समा परिणत हुने क्रम जारी छ । जमलको विश्वज्योति हल अहिले मल्टिप्लेक्समा परिणत भएको छ ।
'शमशेरा' को टिजर सार्वजनिक
काठमाडाैं, असार ८ गते । रणवीर कपुरको बहुप्रतिक्षित फिल्म 'शमशेरा' को टिजर सार्वजनिक भएको छ । टिजरमा रणवीर र सञ्जय दत्तको खतरनाक लुक देखिन्छ । यससँगै निर्माण पक्षले फिल्मको ट्रेलर रिलिज मिति पनि घोषणा गरेको छ । 'शमशेरा'को ट्रेलर भने जुन २४ मा रिलिज हुँदैछ । करण मल्होत्राले निर्देशन गर्नुभएको यो फिल्म जुलाई २२ मा हलमा रिलिज हुने भएको छ ।सञ्जय दत्त, रणवीर कपुर र वाणी कपूरसमेत रहेका 'शमशेरा' फिल्मलाई आदित्य चोपडाले निर्माण गर्नुभएको हो ।
