गायिका इन्दिरा जोशी विवाह बन्धनमा बाँधिदै
काठमाडौं, जेठ ३१ गते । गायिका इन्दिरा जोशी आज विवाह बन्धनमा बाँधिदै हुनुहुन्छ । उहाँले आफ्नो प्रेमी तथा फेसन डिजाइनर शरद केडियासँग बिहे गर्न लाग्नुभएको हो । दुई वर्षदेखि प्रेममा रहेका यी जोडीले गतवर्ष सगरमाथाको नाम्चेमा पुगेर इन्गेज्मेन्ट गरेका थिए । शरदले इन्दिरालाई इन्गेज्मेन्ट औँठी लगाइदिएपछि इन्दिराले विवाहको प्रस्ताव स्वीकार गर्नुभएको थियो ।
मनसुन फेसन
भनिन्छ वर्षायाममा फेसनेबल हुन गाह्रो हुन्छ । मौसमअनुसार आफूलाई फेसनमा ढाल्नु कठिन काम हो । तर फेसन विशेषज्ञहरूको भनाइ मान्ने हो भने प्रकृतिले मौसम भिन्न बनाएजस्तै हामीले लगाउने पोसाक पनि मौसमअनुसार भिन्न बनाउन सक्यौँ भने फेसनेबल बन्न सकिन्छ ।
‘सिल्ली फो’को प्रदर्शन अर्को महिना
राजबहादुर साने निर्देशित चलचित्र ‘सिल्ली फो’ असार ३१ गतेबाट प्रदर्शनमा आउने भएको छ । हाँस्य कथावस्तुमा निर्माण भएको चलचित्रमा नायिका केकी अधिकारी मुख्य पात्रका रूपमा हुनुहुन्छ ।
"कथा भन्नु नै कथक हो"
काठमाडौं, जेठ २९ गते। नम्रता केसी आफूलाई एक नृत्याङ्गनाको रुपमा चिनाउँनुहुन्छ। सर्लाहीमा जन्मिएर काठमाडौंमा बस्दै आउनुभएकी केसीले भारतको लखनउ विश्वविद्यालयबाट कथक नृत्यमा स्नातकोत्तरसम्मको अध्ययन गर्नुभएको छ। काठमाडौंमै रहेर एस्थेटिक डान्स स्टुडियोमार्फत् कथक नृत्यको प्रशिक्षण चलाइरहनुभएकी केसीले भर्खरै कथक नृत्यमा एक वर्षे कोर्स पनि सुरु गर्नुभएको छ। कथक नृत्यमा आधारित रहेर केसीसँग सुकृत नेपालले गरिएको यो कुराकानी : नाच्नु भनेको के हो ?नाच्नु भनेको अभिव्यक्ति हो।के हो कथक नाच ?कथा भन्नु नै कथक हो। कसरी सिक्नुभयो कथक ?मेरो नृत्य सिकाइको आधार पढाइ नै हो। सानैदेखि नाच्न मन गर्ने भएकाले बुवाको प्रेरणामा पद्मकन्या कलेजमा नृत्य विषय लिएर अध्ययन सुरु गरे। त्यहाँ पढ्दा लोक नृत्य र शास्त्रीय नृत्य पढ्न पाइन्थ्यो। लोक नृत्यसँगै शास्त्रीय नृत्य पढ्दै जाँदा कथकको अभ्यास सुरुभयो। नृत्य विषय लिएरै स्नातक तहको पढाइ सकेपछि स्नातकोत्तर पनि यसमै गर्नुपर्छ भन्ने लाग्यो तर त्यतिबेला नेपालमा नृत्यमै स्नातकोत्तर पढ्न सकिने व्यवस्था थिएन। त्यसैले भारतको लखनउ विश्वविद्यालयबाट कथकमा स्नातकोत्तर गरेँ। नेपालमा कथक नृत्यको भविष्य कस्तो देख्नुहुन्छ ?कथक विश्वव्यापी रुपमै प्रसिद्ध शास्त्रीय नृत्य हो। अन्तर्राष्ट्रिय व्यापकताले नेपालमा पनि यसको भविष्य वा सम्भावना राम्रै छ। अनि नेपालमा कथा पनि धेरै छन् !अहिलेसम्म कतिजति प्रस्तुति दिनुभयो ?त्यसरी गनेकै त छैन। तर, धेरै गरेको छु, गर्दैछु।कथक नृत्यले जीवनको गुजारा चल्छ ?यो प्रश्नको जवाफ साधारणीकरण गरेर दिन सकिँदैन होला, किनभने यो सापेक्षित हुन्छ। मेरो अनुभवबाट भन्नुपर्दा आवश्यक विशेषज्ञता हासिल गरेर काम गर्ने हो भने कथक नृत्य गरेर वा पढाएर काठमाडौंमा साधारण किसिमले गुजारा चल्छ। हामीले भर्खरै अनामनगरमा एस्थेटिक डान्स स्टुडियोको प्रशिक्षण केन्द्र खोलेका छौं जहाँ हामी तीन महिनादेखि शास्त्रीय नृत्य मात्रै सिकाइरहेका छौं। कथक गरेरै जीवन गुजारा गर्न सकियोस् भनेर भर्खरै कथकको एक वर्षे कोर्स पनि सुरु गरेका छौं। आवश्यकता पर्दा भविष्यमा अरु विधाहरु पनि सिकाउन सक्छौं तर अहिलेलाई यसैले पुगिरहेको छ। जीवनको सहकार्य र रंगमञ्चको सहकार्य कस्तो छ ? गाउँघरतिर सब्जी फलाउन थाङ्ग्रो लगाउने चलन छ। मेरो श्रीमान मेरो लागि त्यस्तै थाङ्ग्रो हो। जसको सहयोगले म फुल्दै छु, फैलिदै छु।अहिले केमा व्यस्त हुनुहुन्छ ?व्यस्तताको हिसावले अहिले पुरै समय कथक नृत्यको प्रशिक्षणमा नै गइरहेको छ। एस्थेटिक डान्स स्टुडियोको अनामनगरस्थित प्रशिक्षण केन्द्रमा बिहान ७ बजेदेखि साँझ ७ बजेसम्म नै विभिन्न समूहमा कथक सिक्ने प्रशिक्षार्थी हुनुहुन्छ, उहाँहरुलाई सिकाएर र नयाँ कामको योजना बनाएर अघि बढ्दैछु। हामीले भर्खरै नृत्य श्रृंखला सुरु गरेका छौं। नेपालमा नृत्यको पनि नियमित प्रदर्शन होस् भन्ने उद्देश्य राखेर सुरु गरिएको यो कार्यक्रमको दुईवटा श्रृंखला काठमाडौंमा सफलतापूर्वक सम्पन्न भइसकेको छ। अब तेश्रो श्रृंखला असार महिनामा पोखरामा र नयाँ प्रस्तुतिसहितको चौथो श्रृंखला आगामी साउनमा काठमाडौंमा गर्ने तयारी हुँदैछ। नाटक छोडेर नृत्यतिर लाग्नुको कारण ?दुई वटा नाटक खेलेको हो। तर, मूल कुरा ती नाटकमा अभिनय गर्दैगर्दा पनि म नृत्याङ्गना नै थिए। अहिले पनि नृत्याङ्गना नै छु। खासमा नृत्य र नाटकसम्बन्धी यो बुझाइ नै मलाई अपुरो लाग्छ। हामीले गर्ने नृत्य पनि अभिनय नै हो। नाट्य भनेको नृत्यको विकसित रुप हो। कथक पढ्दा हामी पनि पूर्वीय शास्त्रका अभिनय सिद्धान्त पढ्छौं। त्यसकारण अभिनय छोडेर नृत्यतिर लागेको भन्दा पनि नृत्यमार्फत अभिनयको फरक भाषा खोजिरहेको भन्न रुचाउँछु। त्यसबाहेक नेपालको नाटक क्षेत्रसँगको सहकार्य मलाई मनपर्छ र जुरेको बेला केही कामहरु गर्दै आएकी छु र गरिरहने रहर पनि छ।
'बाँकी एउटा सपना' बोलको गीत सार्वजनिक
काठमाडौं, जेठ २९ गते । टंक तिमिल्सिना र अपेक्षा गिरिको स्वर रहेको 'बाँकी एउटा सपना' बोलको गीत सार्वजनिक भएको छ ।भिडियाेमा गायक तिमिल्सिना र गिरिकै अभिनय देख्न सकिन्छ । गीतमा शब्द, संगीत तथा एरेन्ज पनि गायक टंक तिमिल्सिनाकै रहेको छ । यस्तै, गीतमा कुमार राना मगरको मिक्सिङ, सञ्जिव बराइलीको गितार र रत्न विकको बासुरी र दिम भुवन गन्धर्वको मादल छ । गीतको भिडियो उत्तम हुमागाईंले छायांकन गर्नुभएको हो भने दिपेन बस्न्यातले सम्पादन गर्नुभएको हो। र भिडियो जिवन शाहीले निर्देशनमा बनेको हो ।
गायिका इन्दिरा जोशी र शरद्को मेहेन्दी
काठमाडौं, जेठ २९ गते । गत वर्ष इन्गेजमेन्ट गर्नुभएकी गायिका इन्दिरा जोशी र फेसन डिजाइनर शरद् केडियाको मेहेन्दी उत्सवको तस्बिर सार्वजनिक गरिएको छ ।तस्बिरमा पहेंलो सारीमा सजिएकी इन्दिराले हातमा मेहेन्दी लगाउनुभएको छ । तीन वर्षदेखि सम्बन्धमा रहेको यी जोडीले गत वर्ष सगरमाथा क्षेत्रको नाम्चेमा पुगेर इन्गेजमेन्ट गर्नुभएको थियो ।शरद्ले त्यहाँ इन्दिरालाई इन्गेजमेन्ट औंठी लगाइदिनुभएको थियो । र सँगै नाम्चेमै इन्दिराले बिहेको प्रस्ताव समेत स्वीकार्नुभएको थियो ।
जस्टिन बीबरको अनुहारको आधा भाग 'प्यारालाइज्ड'
काठमाडौं, जेठ २९ गते । २८ वर्षीय क्यानडियन गायक तथा गीतकार जस्टिन बीबर हाल खतरनाक रोगसँग जुधिरहेका छन् । बीबरले इंस्टाग्राम अकाउन्टमार्फत आफ्नो अनुहारको आधा भागमा प्यारालाइसिस भएको जानकारी दिनुभएको हो ।“तपाईं देख्न सक्नुहुन्छ म एउटा आँखा झिम्क्याउन नै सक्दिनँ । मलाई 'राम्से हन्ट सिन्ड्रोम'का रोग लागेको हो । मेरो एकातिरको भाग नचल्दा म हाँस्न सकेको छैन । अनुहारको एक साइड त पुरै प्यारालाइसिस भएछ जसले मेरो छाला, दिमाग, शक्ति लगायतक मेरै स्वास्थ्यलाई असर गरेको छ”, बीबरले भिडियाेमा भन्नुभएकाे छ ।बिबरको भएको यस संक्रमणको बारेमा उहाँले आगामी डकुमेन्ट्री श्रृंखला 'जस्टिन बीबर : सिजन्स'मा पनि बताउने भएको छ । १० भागको यो कार्यक्रम जनवरी २७ मा रिलिज हुने बताइएको छ ।
आमा–बुवाकै पथमा
कुनै समय यस्तो थियो कि नेपाली चलचित्रका कलाकारले आफ्नो बुवाले जे पेसा अँगाले आफूले पनि त्यही पेसा अँगाल्नुपर्छ भन्ने मान्यता राख्थे । त्यही कुराले अहिले पनि निरन्तरता पाइरहेको छ ।
फिल्म ‘काँडेतार’को टिजर रिलिज
काठमाडौं, जेठ २८ गते । फिल्म ‘काँडेतार’को टिजर रिलिज भएको छ । नवल खड्काको निर्देशन रहेको फिल्मको टिजर शुक्रबार युट्युबमार्फत सार्वजनिक गरिएको हो ।सामना फिल्म्स प्रालिको ब्यानरमा बनेको फिल्मको लेखन शिवम् अधिकारी र नवलले गर्नुभएको हो । फिल्ममा नवल खड्का, गौरव पहारी, रेविका गुरुङ, सुरविना कार्की, मुरलीधर, प्रेम सुब्बा, परशुराम चौधरी, सञ्जय खतिवडा, राजेन्द्र भगत, पन्नालाल सिकदार, प्रकाश गिरीका साथै बाल कलाकार नादिया खड्का र सनया खड्काले अभिनय छ ।मणि थापा र दीपक शर्माको सङ्गीत रहेको ‘काँडेतार’को छायाङ्कन सौरभ लामाले गर्नुभएको हो । फिल्ममा श्री श्रेष्ठको द्वन्द्व र कविराज गहतराजको कोरियोग्राफी रहेको छ भने नवल खड्का, माकिको राई र अञ्जु केसीको निर्माण रहेको छ । यस्तै, फिल्मकी कार्यकारी निर्माता सत्यकला राई हुन् ।
गायक धर्मेन्द्र सेवानका 'एैयो रैयो सैयो' सार्वजनिक
काठमाडौं, जेठ २८ गते । गायक धर्मेन्द्र सेवानको नयाँ गीत ‘एैयो रैयो सैयो’ सार्वजनिक भएको छ । भिडियो गायक ‘धर्मेन्द्र सेवान’कै युट्युब च्यानलमार्फत सार्वजनिक गरिएको हो ।गीतमा शब्द, संगीत धन माया परियारको रहेको छ । रमाईलो झ्याऊरे गीतको भिडियोमा धमेन्द्रलाई अभिनेत्री नम्रता सापकोटले अभिनयमा साथ दिनुभएको छ । भिडियोमा सहयोगको नाममा दृष्टीविहिनको नाटक प्रेम अभियानमार्फत प्रस्तुत गरेका छन् । यस गीतको भिडियोमा जानुका थापा मगर, सुभम भुजेल, पवन बस्नेत काजी लगाएतको पनि अभिनय रहेको छ ।सुभम भुजेलको कोरियोग्राफी रहेको भिडियोमा सञ्जित श्रेष्ठको छायाँकन रहेको छ । भिडियोलाई बिजेश पौडेलले निर्देशन तथा सम्पादन गर्नुभएको हो ।
बेपत्ता छोराको पर्खाइमा बसेका बाबुआमाको कथा 'पानीफोटो'
काठमाडौं, जेठ २८ गते । फिल्म 'पानीफोटो'को डायनामिक मोसन पोस्टर सार्वजनिक गरिएको छ । मोसन पोस्टरसँगै यसै फिल्ममार्फत निर्देशनमा डेब्यु गरेका अभिनेता खगेन्द्र लामिछानेले सन्देश समेत दिनुभएको हो ।निर्देशक लामिछानेले बलिउडमा चलेको सोही चलनलाई पछ्याउँदै फिल्मको सम्पूर्ण जानकारी दर्शकसँग बाँड्नुभएको छ । आफूसहित अनुप बराल, मेनुका प्रधान र मलिका महतको लुक्स सार्वजनिक गर्दै उहाँले सपनाको जवाफ नहुने बताउनुभयो ।फिल्ममा माओवादी जनयुद्धमा बेपत्ता छोराको पर्खाइमा बसेका बाबुआमाको कथा समेटिएको छ । ‘पानीफोटो’ दशक अगाडि गुरुकुलमा मञ्चन भएको चर्चित नाटक ‘पानीफोटो’ कै अनुरुपण गरिएको फिल्म हो । स्वयम् खगेन्द्रले आफू लिखित नाटकलाई फिल्मको स्वरुप दिनुभएको हो । फिल्ममा खगेन्द्रबाहेक अनुप बराल, मेनुका प्रधान र मालिका महत प्रकाश घिमिरे, माओत्से गुरुङ्ग, बुद्धि तामाङ्ग, रमेश अधिकारी, कमलमणी नेपाल, अनुज पाण्डे, राधा श्रेष्ठ, श्यामकुमार खड्का जस्ता चर्चित कलाकारहरुको अभिनय छ ।दीपक बज्राचार्यको छायांकन र निमेष श्रेष्ठको सम्पादन रहेको फिल्म भदौ १० मा प्रदर्शन हुने घोषणा गरेको फिल्म दुई हप्ता प्रिपोन्ड हुँदै साउन १३ गतेदेखि देशव्यापी प्रदर्शनमा आउँदैछ ।‘पशुपति प्रसाद’ र ‘धनपती’ जस्ता नेपाली मौलिक स्वादका फिल्मको निर्माण गरेको टुकी आर्टस् प्रा.लिले मञ्जुश्री फिल्मस् प्रोडक्सनसँगको सहकार्यमा ‘पानीफोटो’ निर्माण गरेको हो । फिल्मको निर्माता रोजिना सिटौला र रबिन्द्र बज्राचार्य हुन् ।
मनोज र अस्मिताको 'खोलीको पानी' सार्वजनिक
काठमाडौं, जेठ २८ गते । गायिका अस्मिता अधिकारी र गायक मनोज खनालको स्वरमा रहेको 'खोलीको पानी' बोलको लोक आधुनिक गीत सार्वजनिक गरिएको छ । मौलिकतामा आधारित यो गीत सरोज पोखरेल नामक युट्युब च्यानलबाट सार्वजनिक गरिएको हो ।गीतमा नेपाली साहित्यका अनेक आयाममा कलम चलाउने गीतकार विष्णु भण्डारीको शब्द र सरोज पोखरेलको सङ्गीत छ । गीतलाई सुनिल परियारले एरेन्ज गर्नुभएको हो भने गीतमा समारिका ढकाल र प्रिन्स विस्वकर्माको अभिनय देख्न सकिन्छ । गीतको भिडियो साजन कट्टेलको निर्देशन गर्नुभएको हो ।
दुर्गमको यथार्थ म्युजिक भिडियो रेलको बाटो
हालसम्म सडक सञ्जाल नजोडिएको हिमाली जिल्ला हुम्लाको यथार्थ झल्काउने प्रयास म्युजिक भिडियो रेलको बाटोले गरेको छ । जिल्लाका विभिन्न बस्ती र रमणीय स्थानमा पुगेर कलाकारले सो प्रयत्न गर्नुभएको हो ।
नाटक ‘चोरको स्वर’
चेम्जोङ गाउँका १९ वर्षे किशोर (दुलहा)ले भर्खरै एउटी किशोरीलाई भगाएर लगेको छ । त्यसैले चेम्जोङ गाउँबाट बुढ्यौलीसहित आफन्त शेर्मा गाउँमा आएर चोरको स्वर भन्दै थियो । यो आर्टमान्डु नेपालको प्रस्तुतिमा नयाँ नाटक ‘चोरको स्वर’को एक अंश हो । अनिल सुब्बा र अन्वेश राई थुलुङको निर्देशनमा मञ्चन भएको नाटकले लिम्बू समुदायमा रहेको भागी विवाहको परम्परालाई पेस गरेको छ ।
'मनमा पिर' बोलको गीत सार्वजनिक
काठमाडौं, जेठ २६ गते । रामजी खाँड र प्रविशा अधिकारीकाे स्वर रहेको 'मनमा पिर'बोलको गीत सार्वजनिक गरिएको छ । गीतको भिडियो ‘नमस्ते प्लस’ युट्युब च्यानलमार्फत भिडियो सार्वजनिक गरिएको हो ।गीतको शब्द रामकान्त न्यौपानेले कोर्नुभएको हो भने गीतमा संगीत बादल घिमिरेको र विशाल निरौलाको एरेन्ज छ। विक्रम चौहानको कथा एवं निर्देशनमा तयार भिडियोमा बादल घिमिरे र प्रियना आचार्यले अभिनय रहेको छ ।भिडियोले सामाजिक कथा प्रस्तुत गरेको मोडल घिमिरे बताउनुहुन्छ । उहाँले स्रोता दर्शकबाट गीतलाई लिएर राम्रो प्रतिक्रिया मिलिरहेकोसमेत बताउनुभयो । ‘गीत ट्रेन्डिङमा पनि अगाडि आईरहेको छ । भ्युज पनि राम्रो गईरहेको छ’ गीतको प्रारम्भिक प्रतिक्रियाबारे उहाँले भन्नुभयो ‘रेस्पोन्स पनि सबैले राम्रो दिनुभएको छ ।’प्रकाश खड्काले छायाँकन गर्नुभएको भिडियोमा सागर भण्डारी र पुष्पलता भट्टराई लगायतको समेत अभिनय छ । यस्तै, भिडियोमा मिलन विश्वकर्माले सम्पादन गर्नुभएको हो ।
बाबा निरालाको चर्तिकला ‘आश्रम ३’
आश्रम ३ को कथा पम्मी (आदिति पोहङकर)को विद्रोहबाट सुरु हुन्छ जहाँ उनी बाबा निराला (बबी देओल)को आश्रमबाट भाग्न सफल हुन्छिन् तर भूपा (चन्दन राय) र उसका गुन्डाहरू अझै पनि उनको खोजी गरिरहेका हुन्छन्, जसका कारण उनी सहरभित्र नै ठाउँ–ठाउँ बदलिएर लुकेर बसेकी हुन्छिन् । पम्मी जस्तै अरू महिला पनि बाबा निरालाको अन्यायबाट पीडित हुन्छन् । बाबा निराला महिलाप्रति धेरै नै आकर्षित हुने भएको हुनाले उनका दिनप्रतिदिनका महिलामाथि गरिएका बलात्कार हत्या–हिंसाका करतुत बाहिर आउँदै जान्छन् तर पनि उनीमाथि कसैले औँला उठाउन सकेका हुँदैनन् ।
प्रकाश र शान्तिश्रीकाे 'मन भुल्छ' सार्वजनिक
काठमाडौं, जेठ २५ गते । गायक प्रकाश दूतराज र शान्तिश्री परियारको आवाजमा नयाँ गीत 'मन भुल्छ' सार्वजनिक गरिएको छ । चर्चित गीत ‘जाम भो माइली’पछि दूतराजले 'मन भुल्छ' ल्याउनुभएको हो । प्रकाशकै शब्द तथा संगीत रहेको यो गीतलाई कृष्ण विकले एरेन्ज गर्नुभएको हो । गीतको भिडियोमा भने यसअघिकै भिडियोका पात्रहरुलाई समेटिएको छ । प्रकाशका ‘बैनी झ्यालैमा’, ‘चोली मैलै भो’, ‘घर कता हो बैनीको’, ‘जाम भो माइली’ चर्चित गीतका भिडियोहरु हुन् । भिडियोमा प्रकाश दूतराजसँगै सुजल बम, भूमिका गिरी, जुना सुन्दास, आयुष्मा कार्की, विजय पुन, गीता ढुंगाना र रोशनी कार्कीको अभिनय देख्न सकिन्छ । यस्तै, मौसम हिमालीले भिडियोको निर्देशन गर्नुभएको हो भने अनिल के मानन्धरले खिच्नुभएको भिडियोलाई नवीन घर्तीमगरले सम्पादन गर्नुभएको हो ।
युट्युब ट्रेन्डिङमा 'डाँडाको वरपीपल'
काठमाडौं, जेठ २५ गते । बक्स अफिसमा सफलता पाउन नसकेको फिल्म ‘डाँडाको वरपीपल’ युट्युबमा रिलिज भएको छ । फिल्मले युट्युबमा भने राम्रो दर्शक बटुलेको हाे । फिल्म अहिले युट्युव ट्रेन्डिङको शीर्षस्थानमा छ । फिल्ममा अभिनेता सलोन बस्नेत र रुविना श्रेष्ठको मुख्य भूमिका छ । फिल्ममा शिव श्रेष्ठ, भुवन केसी, गौरी मल्ल, सलोन बस्नेत, रुबिना थापा, विनोद न्यौपाने, राजीवजङ्ग बस्नेत, अस्मिता जुरेली, हिउँवाला गौतम, उतम केसी, सङ्गम भण्डारी, सुशान्तकुमार श्रेष्ठ, प्रभात पल, अस्मी थापा, प्रदीप गिरी, ज्ञानकुमार कट्टेललगायतको अभिनय छ । नवराज गिरीको लगानी रहेको सिनेमालाई सुशान्त प्रजापतिले खिच्नुभएको हो । फिल्मलाई शोभित बस्नेतले निर्देशन गर्नुभएको हो ।
हलिउड फिल्म 'जोकर'को सिक्वेल बन्ने
काठमाडौं, जेठ २५ गते । हलिउड फिल्म ‘जोकर’को सिक्वेल बन्ने भएको छ । टड फिलिप्सको निर्देशनमा बनेको यो फिल्मको दोस्रो सिक्वेलको टाइटल ‘जोकर : फोलाइ अ ड्युक्स’ राखिएको हो । यस फिल्मलाई फिलिप्स र स्कट सिल्भरले मिलेर लेख्ने भएका छन् । सन् २०१९ मा प्रदर्शनमा आएको जोकरले विश्व बक्स अफिसमा एक बिलियन डलर कमाइ गरेको थियो । यो फिल्म उत्कृष्ट फिल्म, निर्देशक र एडप्टेड पटकथासहितको १२ विधामा ओस्कार अवार्डमा मनोनीत भएको थियो ।
युवापुस्तामा कपाल रँगाउने बढ्दो फेसन
कपालमा रातो, नीलो, हरियो, पहेँलो रङ लगाउनु फेसनका रूपमा लोकप्रिय हुँदै छ । अहिलेका युवा वर्ग आफ्नो कपाललाई विभिन्न रङ लगाउने गरेको पाइन्छ । बजारमा देखिएका नयाँखालका कपालको रङ (हेयर कलर) लगाउने प्रतिस्पर्धा नै चलेको छ । सहर बजारमा रातो, नीलो, बैजनी, खैरो रङको कपाल पार्ने युवाको जमात भेटिन्छ । “विगतलाई हेर्दा अहिले हेयर कलरप्रति मानिसको सोचाइमा परिवर्तन भएको छ,” सौन्दर्यकर्मी ओसिका मुल्मीले भन्नुभयो, “केही समयअघिसम्म हेयर कलर महिलाले नै बढी
चलचित्र अवार्ड आयोजना हुने
सर्ट फ्लाएर्स चलचित्र अवार्ड–०७९ आयोजना हुने भएको छ । स्थानीय निर्वाचनका कारण स्थगित गरिएको अवार्ड अब आगामी कात्तिक ५ गते विराटनगरमा आयोजना गरिने भएको छ ।
'मिस नेपाल वर्ल्ड' : 'ओपनिङ राउण्ड'मा 'आईआईएफटी'को पहिरनमा
काठमाडौं, जेठ २४ गते । 'मिस नेपाल वर्ल्ड-२०२२'का प्रतियोगीहरु हिजोआज प्रशिक्षणमा व्यस्त छन् । ‘मिस नेपाल वल्ड’को यस संस्करणमा २४ जना सुन्दरी ताजका लागि प्रतिस्पर्धा गर्दैछन् ।नेपालको सौन्दर्य प्रतियोगितामध्येकै उत्कृष्ट ‘मिस नेपाल वर्ल्ड-२०२२’को ग्राण्ड फिनाले यही १८ जुन अर्थात् असार ४ गते हुँदैछ । हरेक सौन्दर्य प्रतियोगिताको ‘ओपनिङ राउण्ड’लाई महत्वका साथ लिइन्छ, किनकि पहिलो राउण्डसँगै दर्शकमाझ प्रतियोगीकाे पहिलो परिचय खुल्छ । त्यसैले प्रतियोगीहरुले ‘ओपनिङ राउण्ड’मा पहिरनले ड्रेसको बेग्लै महत्व राख्छ ।यसपटक ‘मिस नेपाल वल्र्ड’का प्रतियोगीहरु पहिलो राउण्डमा 'आईआईएफटी'बाट फेसन डिजाइनिङ ग्राजुएट गरेका डिजाइनरहरुले तयार पारेको डिजाइनिङ पहिरनमा प्रस्तुत हुने भएका छन् ।आईआईएफटी अर्थात् इन्टरनेशनल इन्स्टिच्युट अफ फेसन टेक्नोलोजीबाट ग्राजुएट गरेका १० जना फेसन डिजाइनरहमा पेशल खड्का, पम्फा श्रेष् मगर, संगीत आचार्य, गीता मिश्र, सविता महर्जन, सरिता श्रेष्ठ, दिलमाया मगर, राजन शाह, सविता चेम्जोङ र सुनैना शाहीले आईआईएफटीका निर्देशक विपना थापाको निर्देशन र एकेडेमिक हेड सविन ढुंगाना हुनुहुन्छ ।डिजाइनरहरुले चार वटा थिममा पहिरन तयार गरिरहेको आईआईफटीले जनाएको छ । तर, के कस्तो थिम भने खुलाइएको छैन ।
असार ३१ म पुजा र आकाशको 'सम्झना बिर्सना'
काठमाडौं, जेठ २४ गते । अभिनेत्री पुजा शर्मा र आकाश श्रेष्ठ अभिनित फिल्म 'सम्झना बिर्सना' को नयाँ प्रदर्शन मिति तय गरिएको छ । यसअघि जेठ ६ गते प्रदर्शन हुने तयारीमा रहेको फिल्मलाई अब ३१ असारको लागि प्रदर्शन घोषणा गरिएको हो । फिल्मलाई निमेष प्रधानले निर्देशन गर्नुभएको हो भने अद्वितीय प्रधानको प्रस्तुति र रेबिका प्रधान निर्माता रहेको सिनेमामा पूजा, आकाशका अलवा सुनील थापा, छुल्ठिम गुरुङ र शिशिर राणाको अभिनय छ ।निर्देशक निमेषकै कथा, पटकथा रहेको फिल्ममा संवाद लेखनमा अभिनेता राणा र शिव ढकालले खिच्नुभएको हो। यस्तै, राजन इशान र सुदर्शन तामाङको सङ्गीतसँगै कमल राईको कोरियोग्राफी र तारा थापा ‘किम्भे’ को सम्पादन छ । आदित्य फिल्म्स्को प्रस्तुति रहेको सिनेमाको क्रिएटिभ हेड स्वर्गीय विशारद बस्नेत हुन् ।
'द सिक्रेट्स अफ राधा'को प्रदर्शन मिति सार्वजनिक
काठमाडौं, जेठ २४ गते । सृष्टि श्रेष्ठ अभिनित चलचित्र 'द सिक्रेट्स अफ राधा'को प्रदर्शन मिति पनि घोषणा गरिएको छ । चलचित्रले मंगलबार नयाँ पोस्टर सार्वजनिक गर्दै भदौ १० गतेलाई नयाँ रिलिज मितिको रुपमा तय गरेको हो।सुवर्ण थापा निर्देशित चलचित्रमा अभिनेत्री श्रेष्ठले एकल आमाको भूमिकामा अभिनय गर्नुभएको छ । फिल्ममा सौगातसहित खगेन्द्र लामिछाने, मेनुका प्रधान, पशुपति राई, दिव्यदेव पन्त, पुष्कर गुरुङ, लोकेन्द्र लेखक लगायतको अभिनय छ ।
'सम्राट पृथ्वीराज'ले कमायो तीन दिनमा ४० करोड
काठमाडौं, जेठ २४ गते । अभिनेता अक्षय कुमार र मानुषी छिल्लर अभिनित फिल्म 'सम्राट पृथ्वीराज'ले बक्स अफिसमा पहिलो साता राम्रो कमाई गरेको छ । फिल्मले भारतबाट मात्र तीन दिनमा ४० करोड कमाएको हो । पहिलो र दोस्रो दिनको तुलनामा तेस्रो दिन फिल्मको कलेक्सनमा ५० र २० प्रतिशतले वृद्धि भएको छ । भारतीय सञ्चार माध्यमले जनाए अनुसार फिल्मले तेस्रो दिन १६.१० करोड कमाएको छ ।तीन सय करोडको मेगा बजेटमा बनेको फिल्मले तेस्रो दिन १६ करोड १० लाख रुपैयाँ कलेक्सन गरेको बताइएको छ । यस अनुसार ३ हजार ७५० भन्दा बढी स्क्रिनमा रिलिज भएको फिल्मले पहिलो साता अर्थात् ३ दिनमै भारतबाट ३९.४० करोडको बक्स अफिस कलेक्सन गरेको छ भारतीय सञ्चार माध्यमले उल्लेख गरेको छ । योसँगै 'वर्ल्ड वाइड' फिल्मले ६० करोडभन्दा बढी कमाएको छ ।
