‘तिम्रै नाम होस्’ सार्वजनिक
नायिका केकी अधिकारी गायक राजेश पायल राईसँग ‘तिम्रै नाम होस्’ नामक म्युजिक भिडियोमा प्रेमिल मुडमा देखिनुभएको छ । गीतमा गायिका अस्मिता अधिकारी र गायक राजेश पायल राईको स्वर सुन्न सकिन्छ । वसन्त सापकोटाले सङ्गीत दिनुभएको गीतलाई गोपाल लोहारले लेख्नुभएको हो । सुदीप बरालले छायाङ्कन रहेको गीतमा अर्जुन जीसीले सम्पादन गर्नुभएको छ ।
उम्दा गीतकार विश्वम्भर
डा. विश्वम्भर प्याकु-यालको परिचय अर्थविदका रूपमा मात्र चिनाउँदा अन्याय नै हुन्छ । उहाँ साहित्यकार, कवि तथा गीतकर पनि हुनुहुन्छ । बर्दियाको सदरमुकाम गुलरियामा जन्मिनुभएको प्याकु-यालले कक्षा ७ सम्म त्यहीँ अध्यापन गर्नुभयो । त्यसपछि काठमाडौँ आएर आफ्नो काकाकहाँ बसेर थप पढाइलाई निरन्तरता दिनुभयो ।
गायिका कपुर विवाह बन्धनमा
बलिउडको चर्चित गीत ‘बेबी डल’की गायिका कनिका कपुर विवाह बन्धनमा बाँधिनुभएको छ । कनिकाले आफ्नो पुरानो प्रेमी गौतमसँग लन्डनमा विवाह गर्नुभएको हो । कनिकाको विवाहको तस्बिर अहिले सामाजिक सञ्जालमा भाइरल भइरहेको छ
'धोकेबाजको राज्य' सार्वजनिक
सुनिल बिसीको नयाँ गीत 'धोकेबाजको राज्य' सार्वजनिक गरिएको छ । गीत सुनील बिसीको युट्युब च्यानलबाट सार्वजनिक गरिएको हो।
अर्जुनसँग विवाह बन्धनमा बाँधिदै मलाइका
भारतीय अभिनेत्री मलाइका र अभिनेता अर्जुन कपुरले विवाह गर्ने भएका छन् ।
भूतको कथा भुलभुलैया २
पछिल्ला केही वर्ष बलिउडमा हरर चलचित्र धेरै नै चल्न थालेका छन् । प्रियदर्शन निर्देशित २००७ मा प्रदर्शनमा आएको चलचित्र ‘भुलभुलैया’ को सिक्वेल हो ‘भुलभुलैया २’ । पुरानो चलचित्रमा अक्षयकुमार र विद्याबालन अभिनय रहेको थियो । निर्देशक अनिश बज्मीले एउटा फरक कथामा ‘भुलभुलैया २’ दर्शकसामु पेस गरेका छन् । चलचित्रमा पुरानो कथाको केही तार जोडिएका छन् तर पुरानो चलचित्रमा मञ्जुलीका थिइन् भने यसमा चुडैल भनिएको छ । चलचित्र डरलाग्दो भयानक सङ्गीतले भने दर्शकलाई पुरानो ‘भुलभुलैया’ को अवश्य नै याद गराउँछ ।
असार १० मा सौगात र सलोनको 'घनचक्कर'
सौगात मल्ल, सलोन बस्नेत र जेबी डिसीको मुख्य भूमिका रहेको फिल्म 'घनचक्कर' को रिलिज मिति घोषणा गरिएको छ । निर्माण टिमले पोस्टर सार्वजनिक गर्दै असार १० गतेबाट फिल्म प्रदर्शनमा आउने जानकारी दिएको हो ।
'लाइफ इन एलए' आजदेखि प्रदर्शनमा
सूर्य एन श्रेष्ठकाे निर्देशनमा बनेको चलचित्र 'लाइफ इन एलए' आज शुक्रबारबाट प्रदर्शनमा आएको छ । फिल्म अमेरिकाको एलएमा ७० प्रतिशत र नेपालमा ३० प्रतिशत छायांकन गरिएको हो ।
समाइराको तेस्रोलिङ्गीदेखि डान्सिङ् स्टारसम्मको यात्रा
तेस्रोलिङ्गी महिलाहरुलाई राम्रो नाच्ने विशेष वरदान भगवानबाट नै पाएको रे भन्ने सुनेकी समाइरालाई सानैदेखि नाच्ने ठूलो रहर थियो । काठमाडौंमा जन्मिएकी समाइरा बच्चा बेलादेखि नै आफू केटा जस्तै देखिएपनि स्वभाव सबै केटीको रहेको बताउनुहुन्छ ।
कलाकारको नेता बन्ने चाह
स्थानीय चुनावको रौनकले सबैलाई छोएको छ । कलाकारिता क्षेत्रबाट पनि चुनावमा उठेकाहरूको अग्रता र जित हासिल गरिरहेका छन् । पार्टी प्रवेशदेखि चुनाव प्रचारप्रसारमा कलाकार अगाडि नै थिए । सफल चलचित्र चपली हाइटमा नायकका रूपमा अभिनय गर्नुभएको राज घिमिरे (सानुराजा घिमिरे) स्थानीय चुनावबाट वडाध्यक्षमा निर्वाचित हुनुभएको छ ।
नेपाल भित्रिए दुई अमेरिकी रियालिटी सो
अमेरिकामा सफल दुई रियालिटी सो ‘मेरो भ्वाइस कप यूएसए’ र ‘मेरो डान्स कप यूएसए’ नेपाल भित्रिएका छन् । बुधबार राजधानीमा एक कार्यक्रमका बीच यी दुई रियालिटी सो नेपाल आएको जानकारी गराइयो । चौथो संस्करणमा रहेको ‘डान्स कप’ र दोस्रो संस्करणमा रहेको ‘भ्वाइस कप’को अहिले अमेरिका र क्यानडालगायतका देशमा अडिसन भइरहेको छ भने टप १२ मा छनोट भएका प्रतिस्पर्धीले नेपाल आएर आफ्नो प्रस्तुति दिने छन् । दुवै कार्यक्रमको फाइनल भने अमेरिकामा हुनेछ ।
कान्सको रेड कार्पेटमा सुरक्षा
काठमाडौं, जेठ ५ गते । नेपाली अभिनेत्री सुरक्षा पन्त रातो पहिरनमा सजिएर कान्सको रेड कार्पेटमा सहभागी हुनुभएको छ । आफ्नो अभिनय रहेको अन्तर्राष्ट्रिय फिल्म 'द एट माउन्टेन्स' को स्पेशल स्क्रिनका लागि पन्त कान्स फिल्म फेष्टिभलमा सहभागी हुनुभएको हो । पन्तले उक्त चलचित्रको टिमसहित कान्सको रेड कार्पेटमा वाक गर्नुभएको छ । फेष्टिभलमा इटालियन कलाकार, बेल्जियमका निर्देशकद्वय फिलिक्स भ्यान ग्रोनिगेन र शार्लोट भ्यान्डामेर्शसहितको सहभागिता देख्न सकिन्छ । कान्सको अफिसियल निमन्त्रणामा रेड कार्पेटमा हिँड्ने सुरक्षा पहिलो नेपाली कलाकार हुन् । यस्तै, फेस्टिभल मे १७ देखि २८ सम्म फ्रान्समा आयोजना हुने बताइएको छ ।
नवजोत सिद्धुलाई एक वर्ष जेल सजायको फैसला
काठमाडौं, जेठ ५ गते । ३४ वर्ष पुरानो सडक दुर्घटनासम्बन्धी मुद्दामा भारतको उच्च न्यायलयले पञ्जाब काँग्रेसका पूर्वअध्यक्ष, कमेडियन तथा क्रिकेटरसमेत रहेका नवजोत सिंह सिद्धुलाई एक वर्षको जेल सजाय सुनाएको छ ।भारतीय सञ्चारमाध्यमले जनाए अनुसार सिद्धुलाई आजै गिरफ्तार गरिने छ । सिद्धुको आक्रमणबाट एक वृद्धको ज्यान गएको थियो । अदालतले चार वर्षअघिको फैसलालाई पनि पुनरावलोकन गरेको छ । त्यसबेला उनलाई १ हजार भारु धरौटीमा छाडिएको थियो ।
राजु लामालाई काठमाडौंमा स्वागत
काठमाडौं, जेठ ५ गते । सगरमाथा आरोहणपछि बिहीवार काठमाडौं फर्किनुभएका गायक राजु लामालाई त्रिभुवन विमानस्थलमा राष्ट्रिय झण्डा, बाजागाजासहित स्वागत गरिएको छ ।जलवायु परिर्वतनविरुद्धको सन्देश दिन उहाँले 'इम्याजिन नेपाल एक्सिपिडिसन'मार्फत सर्वोच्च शिखर आरोहण गर्नुभएको थियो । ६ हजार ५०० मिटर उचाइको क्याम्प-३ मा उहाँले साङ्गीतिक प्रस्तुतिसमेत दिनुभएको थियो । गायक लामाले सगरमाथाको टुप्पोमा पुग्दा आफ्नो आँखाबाट आँसु आएको बताउनुभयो । उहाँले भन्नुभयो, 'यसपटक मैले जलवायु परिवर्तनको विषयमा सन्देश दिन चढेको हुँ । कार्वन उत्र्सजन घटाउने सन्देश मेरो हो ।' यस्तै, उहाँले युवाहरुलाई सजग गराउनका लागि पनि सगरमाथा चढेको जानकारी दिनुभयो । जलवायु परिवर्तनको विषयमा युवाहरु सजग हुन आवश्यक रहेको भन्दै लामाले टुप्पोमा पुग्न सकेकोमा खुशी व्यक्त गर्नुभयो ।
युवा पुस्तामाझ मौलिक पहिरनको बढ्दो क्रेज
कुनै चाडपर्व होस् या कार्यक्रम आफ्नो मौलिक पहिरन हाकुपटासीमा सजिन मन लाग्छ पूर्वमिस नेवाः नीतु डङ्गोललाई । उहाँले आफ्नो पहिचान र सान भनेको आफ्नो मौलिक भाषा, खाना र वेशभूषा भएका कारण हाकुपटासी लगाउन मनलाग्ने बताउनुभयो । मौलिक पहिरनमा आफ्नो संस्कृति झल्किनुको साथै अलि फेसनेबल पनि देखिने उहाँको धारणा छ । कालो पृष्ठभूमिमा रातो किनाराको हाकुपटासी, चौबन्दी चोली, पछ्यौरा, कल्की र बाजुको पहिरनमा सजिएर डङ्गोल थुप्रै पटक -याम्प सोमा उत्रिसक्नुभयो ।
‘नइ बाल पुरस्कार’ घोषणा
नइ प्रकाशनले पन्ध्र वर्ष ननाघेका आठ बालबालिकालाई २०७८ सालको ‘नइ बाल पुरस्कार’ समर्पण गर्ने घोषणा गरेको छ ।नइ प्रकाशनका अध्यक्ष इन्दिरा प्रसाईंको अध्यक्षतामा बुधबार बसेको नइ प्रकाशनको बैठकले सो निर्णय गरेको हो ।
‘कान्स फिल्म फेस्टिभल’मा नायिका पन्त
अभिनेत्री सुरक्षा पन्त ‘कान्स फिल्म फेस्टिभल २०२२’मा सहभागी हुने भएको छ । उहाँ मङ्गलबार फ्रान्सको पेरिसमा हुने फेस्टिभलमा सहभागी हुन जानुभएको छ । कान्स फेस्टिभलमा पन्त नेपालमा छायाङ्कन गरिएको फ्रेन्च चलचित्र ‘द एट माउन्टेन्स’को प्रतिनिधित्व गर्दै हुनुहुन्छ । “
अस्मिता अधिकारीलाई 'छिन्नलता प्रतिभा पुरस्कार'
काठमाडौं, जेठ ४ गते । 'छिन्नलता प्रतिभा पुरस्कार २०७९' गायिका अस्मिता अधिकारीलाई प्रदान गरिने भएको छ । गुठीले हरेक वर्ष गायक/गायिकालाई सम्मान गर्दै छिन्नलता गीत पुरस्कार प्रदान गर्दै आएको छ । यो वर्षको प्रतिभा पुरस्कार अधिकारीलाई प्रदान गर्ने निर्णय गरेको हो । अधिकारीले आफूले छिन्नलता प्रतिभा पुरस्कार पाउन लाग्दा खुसी भएको सामाजिक सञ्जालमार्फत जानकारी दिनुभएको छ ।'छिन्नलता पुरस्कार! ओहो! छिन्नलता प्रतिभा पुरस्कारमार्फत सम्मानित हुन लागेको थाहा पाउँदा एकछिन त कस्तो अवाक नै भएँ । नेपाली सङ्गीत जगतको यति ठूलो सम्मान मेरो लागि गीत सङ्गीत क्षेत्रमा अझै अगाडि बढ्न ठूलो प्रेरणा हुनेछ । यो खुसीको अवसरमा आज सम्मको यात्रामा साथ सहयोग दिने हजुरहरू सम्पूर्णमा मनैदेखि आभार तथा कृतज्ञता प्रकट गर्न चाहन्छु,' उहाँले फेसबुकमा लेख्नुभएको छ ।
रमणीय स्थानमा खिचिएकोे हिन्दी चलचित्र ‘थार’
पश्चिमा शैली बनेको हिन्दी चलचित्र हो, ‘थार’ । यसले गब्बर सिंह अभिनीत चलचित्र ‘शोले’को झल्को गराउँछ । निर्देशक राजसिंह चौधरीले एउटा समान्य कथालाई बिल्कुलै नयाँ ढङ्गबाट प्रस्तुत गरेका छन् । उनको निर्देशकीय पक्षले दर्शक चलचित्रबाट धेरै नै सन्तुष्ट हुन्छन् । यस चलचित्रको मुख्य पात्र भनेकै यसमा खिचिएको लोकेसन हो । यद्यपि चलचित्रलाई विभिन्न रमणीय ठाउँमा खिचिएको छ जसले चलचित्रका कलाकारहरूको भूमिकालाई पनि बिर्साइदिन्छ ।
‘के घर के डेरा’को छायाङ्कन सुरु
निर्देशक दीपेन्द्र के. खनालको नयाँ चलचित्र ‘के घर के डेरा’को छायाङ्कन सुरु भएको छ । चलचित्रको पहिलो दिन गीत सुटिङबाट छायाङ्कन सुरु भएको हो । चलचित्रको पूरै छायाङ्कन काठमाडौँ उपत्यकामै गरिने निर्देशक खनालले जानकारी दिनुभयो ।
'लाइफ इन एलए'को नयाँ गीत सार्वजनिक
काठमाडौं, जेठ ३ गते । फिल्म 'लाइफ इन एलए'को नयाँ गीत सार्वजनिक गरिएको छ । आर्यन पाठकको शब्द, सङ्गीत र स्वर रहेको गीतमा ब्यास बिस्सु र अभिनेत्री अकेशा विष्ट फिचर्ड छन् ।यस्तै, फिल्मलाई सूर्य एन श्रेष्ठले निर्देशन गर्नुभएको हो । शिल्पा मास्के, गौरव पहारी, बुद्धि तामाङ, प्रकाश घिमिरे, लोकेन्द्र लेखक फिल्मको मुख्य भूमिकामा हुनुहुन्छ ।ब्यास इन्टरटेनमेन्टको प्रस्तुति रहेको फिल्मको निर्माण पनि ब्यासले नै गर्नुभएको हो । फिल्मको निर्देशक वली एसोसियट र कार्यकारी निर्मातामा संसार सुवेदी र निर्मातामा राजेन्द्र ठकुराठी हुनुहुन्छ ।फिल्म आगामी जेठ ६ गतेबाट प्रदर्शनमा आउने भएकाे छ ।
विश्वज्योति हल नयाँ स्वरुपमा
काठमाडौं, जेठ ३ गते । जमलस्थित विश्वज्योति हल शुक्रबारदेखि सञ्चालनमा आउने भएको छ । सोमबार महजोडी मदनकृष्ण श्रेष्ठ र हरिवंश आचार्यले विश्वज्योति मल्टिप्लेक्सको शुभारम्भ गर्नुभएको हो । थ्रिडी र अत्याधुनिक प्रविधि जडान गरिएको हल सुविधा सम्पन्न हल मल्टिप्लेक्सको माथिल्लो तलामा खुलेको छ । हलमा २०१ र ८९ सिट क्षमताका दुई अडिटोरियम छन् । शुक्रबारदेखि हलमा नियमितरुपमा लक्का जवानसहित डक्टर स्ट्रेन्ज २ लगायतका फिल्म प्रदर्शन हुने भएकाे छ ।
किरात समुदायले मनाए उँभौली
पुरुष कालो कोट, खाँडी, अल्लोको धागोबाट बुनिएका कपडाबाट निर्मित दौरासुरुवाल, टोपी, कम्बरमा पटुकामा सजिएका थिए, कसैको चमार र सिर्लिङ त कसैको हातमा सेउली थियो । भर्खरैका बालबालिकादेखि उमेरले सात दशक कटिसकेका वृद्धसमेत ढोलझ्याम्टाको तालमा ताल मिलाएर एक साथ भनिरहेका थिए, ‘सै ढोले सै ! अर्को ढोले खै !’
'द-बाङ द टुर'को पहिलो कन्सर्ट ठमेलमा, १० नेपाली कलाकारले प्रस्तुति दिने
काठमाडौं, जेठ २ गते । 'द-बाङ द टुर' रिलोडेडको प्रि 'शो' ठमेलको एलओडी क्लबबाट सुरू हुने भएको छ । कार्यक्रममा सहभागी १० जना नेपाली कलाकारले आगामी बुधबार एलओडीमा प्रस्तुतिसमेत दिने बताइएको छ।पहिलो 'शो' ठमेलमा नेपाली कलाकार सुशान्त केसी, स्वप्न सुमन, त्रिशाला गुरुङ, रोहित शाक्य, शिव परियार, सुबानी मोक्तान, सन्जु मोक्तान, टुन्ना बेल्ला थापा, प्रवेश कुमार श्रेष्ठ र समीर श्रेष्ठले एकसाथ प्रस्तुति दिनुहुनेछन् । कार्यक्रममा प्रवेश टिकट पाँच हजार रुपैयाँ लाग्ने छ । यस्तै, साेही टिकटले दशरथ रंगशालामा हुने द-बाङ टुरको 'शो' पनि हेर्न पाउनेछन् । बलिउड अभिनेता सलमान खानको जेठ १४ गते दशरथ रंगशालामा सांगीतिक कार्यक्रममा हुनेछ । सोही दिनको कार्यक्रममा सहभागी हुने नेपाली कलाकारले एलओडीमा प्रस्तुति दिन लागेका हुन् ।
'नेपाल ट्यालेन्ट हन्ट'को डिजिटल अडिसन सुरु
काठमाडौं, जेठ २ गते । नयाँ टेलिभिजन रियालिटी सो 'ट्यालेन्ट हन्ट' को अडिसन सुरु भएको छ । निर्माण संस्था साइना साहारा ग्रुपले अडिसन खुला गरेको हो ।निर्माता टेकप्रसाद बाँस्तोलाले मुलुकका धेरै प्रतिभालाई एउटै मञ्चमा प्रस्तुत गर्ने उद्देश्यले रियालिटी सो निर्माण हुन लागेको बताउनुभयो । गायन, नृत्य, अभिनय, कमेडी विधाका प्रतिभाले प्रतिस्पर्धा गर्नसक्ने यो सोमा विजयी हुनेले ५० लाख रुपैयाँ नगद प्राप्त गर्ने बताइएको छ ।कार्यक्रमकाे निर्णायकमा गौरी मल्ल, रमेश उप्रेती, निशा अधिकारी र यम बराल छन् । अडिसनमा भाग लिन चाहनेले १५ सेकेन्डदेखि ३ मिनेटसम्मको भिडियो बनाइ पठाउनुपर्ने भएको छ । असोजमा विजेता छनौट हुने आयोजकले जनाएको छ ।
