चलचित्र ‘बगान’ फागुनमा

काठमाडौँ, कात्तिक १६ गते । अभिनेता सरोज खनालको ‘डेब्यु’ निर्देशन रहेको नेपाली चलचित्र ‘बगान’ फागुन १२ गते रिलिज हुने भएको छ।  काठमाडौँमा सोमबार चलचित्र रिलिज मिति, शीर्ष गीत ‘उडी छुनु छ आकाश’को लिरिकल भिडियो तथा टिजर सार्वजनिक गरिएको हो। 

गीतमा सुरेश वाग्लेको शब्दरचना, हरि लम्सालको सङ्गीत र वानिका प्रधानको स्वर रहेको छ। चलचित्रमा अभिनेत्री वसुन्धरा भुसाल, नीर शाह, मिथिला शर्मा, करिश्मा मानन्धर, सरोज खनाल, आकाश श्रेष्ठ, नवअभिनेत्री प्रमिला कार्कीलगायतको अभिनय रहेको छ।