वैवाहिक जीवनमा बाँधिए स्वप्न सुमन र ज्योत्सना
काठमाडौं, वैशाख २४ गते । फिल्म 'म त तिम्रै हुँ'बाट नेपाली फिल्म क्षेत्रमा प्रवेश गर्नुभएकी मोडल ज्योत्सना योगी र गायक स्वप्न सुमन वैवाहिक जीवनमा बाँधिनुभएको छ । सामाजिक सञ्जालमा तस्बिर सार्वजनिक गर्दै आफूहरु विगत ४ वर्षदेखि प्रेम सम्बन्धमा रहेको पनि सुमनले जानकारी दिनुभएको हो । यस्तै, उहाँहरुले नयाँ जीवनको सुरुवातसँगै सबैको माया र आर्शीवादको खाँचो रहेकोसमेत उल्लेख गर्नुभएको छ ।
'लाइफ इन एलए'को 'उदाएर आयौ तिमी' सार्वजनिक
काठमाडौं, वैशाख २४ गते । सूर्य एन श्रेष्ठको निर्देशनमा बनेको नयाँ नेपाली फिल्म 'लाइफ इन एलए' को गीत 'उदाएर आयौ तिमी' सार्वजनिक गरिएको छ । गीतमा फिल्मका मुख्य कलाकार ब्यास बिस्शु र अकेशा विष्टलाई देख्न सकिन्छ ।गायिका प्रविशा अधिकारी तथा गायक प्रताप दासको स्वर रहेको गीतमा प्रतीक पौडेलको संगीत छ । त्रिकोणात्मक प्रेमकथा आधारित यो फिल्ममा ब्यास बिस्सु, आकेशा बिस्ट, शिल्पा मास्के, गौरव पहारी, बुद्धि तामाङ, प्रकाश घिमिरे, निलम चन्द, लोकेन्द्र लेखकका साथै अमेरिकामा बसोबास गर्ने जारेड बिलप्स, साम भुजेल, जयन्द्र चिलुवाल लगायतको पनि अभिनय छ ।ब्यास इन्टरटेनमेन्टको प्रस्तुति रहेको फिल्मलाई ब्यास बिस्सुले निर्माण गर्नुभएको हो । यस्तै, फिल्मका कार्यकारी निर्माता संसार सुवेदी र अमेरिकाको लागि राजेन्द्र ठकुराथी निर्माताको रुपमा हुनुहुन्छ । यही जेठ ६ गतेदेखि प्रदर्शनमा आउने यो फिल्ममा भूपेन्द्र अधिकारी र उज्ज्वल ढकालको सम्पादन र कविराज गहतराजसँगै सुरज श्रेष्ठको करियोग्राफी छ ।
कलाकार चिनाउने थेगो
नेपाली चलचित्र क्षेत्रमा दर्जनौँ हाँस्यकलाकारको जन्म भयो । कुनै समय यस्तो आयो टेलिशृङ्खलामा कलाकारपिच्छे थेगो बन्न थाले । कलाकारको परिचयलाई थेगोले झनै जीवन्त बनायो । यही थेगोलाई आम दर्शकले रुचाउन थाले पात्रलाई स्थापित हुन बल पुग्थ्यो । थेगोको आकर्षक प्रयोग र बोलीचालीमा सहज लाग्ने थेगोले कलाकार र दर्शकलाई नजिक बनायो । जसले समयअनुकूल उपनाम अथवा थेगोले आफूलाई परिचित बनाएपछि त्यही नै उनीहरूको ब्रान्ड बन्न पुग्यो, नेपाली कला क्षेत्रमा त्यस्ता केही हस्ती छन् जो दशकौँसम्म थेगोकै कारण चर्चामा रहे । थेगोको प्रयोगका क्रममा रमाइला किस्सा पनि छन् ।
‘जय नेपाल मुख मुखमा...’ सार्वजनिक
चुनावलाई लक्षित गरेर काँग्रेसको चुनावी गीत ‘जय नेपाल मुख मुखमा...’को म्युजिक भिडियो सार्वजनिक भएको छ । गीतको भिडियो बिहीबार काठमाडौँको दरबारमार्गस्थित क्युज सिनेमामा रिलिज गरिएको छ । नेपाली काँग्रेसका प्रवक्ता प्रकाशशरण महत, वरिष्ठ अभिनेता नीर शाह, भुवन केसी, नेपाल चलचित्र कलाकार सङ्घका अध्यक्ष रवीन्द्र खड्कासहित गीतका कलाकारले भिडियो सार्वजनिक गर्नुभएको हो । गीतलाई युवा गायक कृष्ण विकले गाउनुभएको छ । कृष्णलाई महिला स्वरमा गायिका प्रीति आलेले साथ दिनुभएको छ ।
‘मायाको मौसम’ सार्वजनिक
सदु खनालको शब्द रचनामा रहेको पहिलो गीत ‘मायाको मौसम’ सार्वजनिक भएको छ । गीतमा गायिका ममता गुरुङ र गायक एवं गीतकार डीपी खनालको आवाज सुन्न सकिन्छ । रोमान्टिक भर्सनको गीतलाई शङ्कर थापा ‘स्माइल’ले सङ्गीत दिनुभएको छ ।
‘रङ्गमञ्च अझै सोचेजस्तो भएको छैन’
रङ्गमञ्चमा अभिरुचि राख्नेबीच पशुपति राईको बेग्लै पहिचान छ । राई रङ्गमञ्चमा प्रवेश गर्नुभएको १८ वर्ष भइसकेको छ । तीन दर्जनभन्दा बढी नाटकमा उहाँले अभिनय गरिसक्नुभएको छ भने केही चलचित्र र थुप्रै म्युजिक भिडियोमा पनि उहाँले अभिनय गरिसक्नुभएको छ । हालैमात्र नयाँ चलचित्र ‘आँखा’मा अनुबन्धित हुनुभएकी राईसँग रङ्गमञ्चको यात्राबारे गरिएको कुराकानी ।
अब राजनीतिबाट कला क्षेत्रलाई अगाडि बढाउँछु : भुवन केसी
अभिनेता भुवन केसी मंगलबार नेपाली काँग्रेसमा प्रवेश गर्नुभएको छ। बालुवाटारमा आयोजित कार्यक्रममा प्रधानमन्त्री एवं काँग्रेस सभापति शेरबहादुर देउवाले भुवनसहितका कलाकारलाई पार्टी प्रवेश गराउनुभयो।
मदनकृष्णलाई जन्मदिनको उपहार : सय करोड दर्शक पाउने अपेक्षा
काठमाडौं, वैशाख २० गते । गीतकार तथा संगीतकार पुष्पन प्रधानले 'एउटा सपना छ'को लेजेन्डरी भर्सन सार्वजनिक गर्नुभएको छ । क्रियटिभ ह्याट्सले मदनकृष्ण श्रेष्ठको ७२ औं जन्मदिनको अवसर पारेर भिडियो उपहार दिएको हो । सराना श्रेष्ठको कथा र निर्देशनमा तयार भएको भिडियोमा हरि हुमागाईले छायाङ्कन र सम्पादन गर्नुभएको हो । गायक तथा सङगीतकार पुष्पन प्रधानले यो गीतको पहिलो भर्सनले सय करोड दर्शक पाउने आफ्नो जीवनको पहिलो गीत भएको बताउनुभयो। कार्यक्रममा श्रेष्ठले आफूले जिन्दगीमा धेरै गीत गाउन नसकेको भन्दै यो गीत आफ्ना लागि सधै नै विशेष रहने अपेक्षा गर्नुभयो । भिडियोमा मदनकृष्ण र आँचल शर्माको अभिनय देख्न सकिन्छ । आँचल मदनकृष्णकी नातिनीको भूमिकामा देखिनुभएको छ। यस्तै, भिडियोमा बिरामी भएर सबै विर्सिएका आफ्ना हजुरबुबालाई भेट्न गाउँ फर्किएकी नातिनी र हजुरबुबाको कथालाई देखाइएको छ ।
अभिनेता केसी र खड्कासहितका कलाकार काँग्रेसमा प्रवेश
‘‘काँग्रेसको इतिहास हेर्दा सबैभन्दा विश्वासिलो छ । स्वतन्त्र भएर बोल्न पाउने, स्वतन्त्र भएर काम गर्न पाउने, हाम्रो आवाज सुन्ने र हरेकलाई सम्मान गर्ने पार्टी भएकाले काँग्रेस प्रेवश गरेकी हुँ ।’’
बेलबटमको पुरानो फेसन नयाँ लुक्स
समय फेसनको छ, समयअनुसारको फेसन फलो गर्नेहरू दिनानुदिन बढेको पाइन्छ । समयको माग र बजारमा चलेको ट्रेन्डलाई फरक तरिकाले फेसन गर्नेहरूमा सहरिया युवापुस्ता निकै अगाडि छन् । साना नानीदेखि पाकाहरूसम्मलाई फेसनले निकै प्रभाव पारेको देखिन्छ ।
नेपालगञ्जमा बागचन्दको जस्टिस कन्सर्ट
दिगो विकासका अभियन्ता तथा गायक रोहनरत्न बागचन्दले नेपालगञ्जबाट जस्टिस कन्सर्ट साङ्गीतिक अभियानको थालनी गर्नुभएको छ । दिगो विकास लक्ष्य–१६ शान्ति न्याय र मजबुत संस्थाको स्थानीयकरणका लागि विभिन्न गतिविधि गर्दै आउनुभएका गायक रोहनरत्न बागचन्दले विश्वमा बढ्दै गएको विभेद, हिंसा र गरिबीका कारण पुनः सबै मानव जातिले न्यायप्रति प्रतिबद्धता जनाउनुपर्ने बताउँदै न्यायलाई नदीझैँ बग्न देऊ भन्ने गीतबाट आफ्नो प्रस्तुति सुरु गर्नुभयो ।
सलिना महर्जनलाई मिस नेवा:को उपाधि
काठमाडौं, वैशाख १९ गते । १६ औँ संस्करणको मिस नेवा : को उपाधि काठमाडौं चःमतीकी सलिना महर्जनले जित्नुभएको छ । 'नेप्लिज फेसन होम'द्वारा राजधानीको कमलादीस्थित नेपाल प्रज्ञा प्रतिष्ठानमा आयोजित प्रतियोगितामा उहाँले १८ प्रतिस्पर्धीलाई पछाडि पार्दै उपाधि जित्नुभएको हो ।सलिनालाई उपाधिसँगै एक लाख नगद र 'नेपाल क्योकुसिन सेइसिन काइकान कराँते'को सद्भावना दूत पनि नियुक्त गरिएको छ । उहाँलाई गत वर्षकी मिस नेवाः कृषा महर्जनले ताज पहिराइदिनुभएको हो । यस्तै, ठमेलकी सबिना बज्राचार्य फस्ट र भक्तपुर ठिमीकी सेलिना प्रजापतिले सेकेन्ड रनरअपकाे उपाधि जित्नुभएकाे छ । रोजिन शाक्यको कोरियोग्राफी तथा मिस नेवाः ११४१ कृषा महर्जन र फष्ट रनर्सअप प्रिया तण्डुकारको संयोजनमा सम्पन्न अन्तिम स्पर्धामा पूर्व उद्योगमन्त्री रविभक्त श्रेष्ठ अतिथिको रूपमा सहभागी हुनुहुन्थ्याे । प्रतियोगितामा मुख्य निर्णायकको रुपमा एनआरएन युकेका पूर्व अध्यक्ष अशोकबाबु श्रेष्ठ र नेपाल टेलिकमका मेनेजर सरोज शाक्य, ओजेश सिंह, अशोककुमार श्रेष्ठ, प्रवेशमान शाक्य, एलिशा बज्राचार्य, लक्ष्मण महर्जन, मनीश्री रत्न बज्राचार्य र मञ्जु कार्की पाण्डे हुनुहुन्थ्यो ।
कुशल पाइलटको कथा रनवे ३४
बलिउड अभिनेता अजय देवगनले फेरि एक पटक चलचित्र ‘रनवे ३४’ बाट आफ्नो निर्देशकीय क्षमता देखाएका छन् । चलचित्रको कथा सन् २०१५ मा दोहाबाट कोचिन आउँदै गरेको जेट एयरवेजको विमानसँग भएको सत्य घटनामा आधारित छ । एउटा पाइलटले खराब मौसम हुँदाहुँदै पनि कसरी जोखिम उठाएर यात्रुहरूको बचाव गर्छन् भन्ने कुरा चलचित्रमा देखाइएको छ ।
ज्याकलिन फर्नान्डिजको सम्पत्ति जफत
काठमाडौं, वैशाख १८ गते । बलिउड अभिनेत्री ज्याकलिन फर्नान्डिजको नाममा रहेको ७.२७ करोड (भारु) बराबरको सम्पत्ति जफत गरिएको छ । यो सम्पत्तिमध्ये ५.७१ करोड (भारु) सुकेश चन्द्रशेखरले ज्याकलिनलाई उपहार दिएकोसमेत बताइएको छ । भारतीय सञ्चार माध्यमले जनाए अनुसार प्रवद्र्धन निर्देशनालय (ईडी)ले दुई सय करोड मनी लाउन्ड्रिङ (सम्पत्ति शुद्धीकरण) मुद्दामा मुछिएकी ज्याकलिनको सात करोड भारु बराबरको सम्पत्ति जफत गरेको हो ।यस्तै, चन्द्रशेखरले ज्याकलिनलाई एक लाख ७३ हजार अमेरिकी डलरदेखि २७ हजार डलरसम्म रकम दिएको बताइएको छ । यसअघि पनि सुकेशले बयानमा ज्याकलिनलाई गुसी च्यानलमार्फत १५ जोडी इयररिङ, मूल्यवान ब्याग र अन्य विलासी सामग्री उपहार दिएका थिए । साथै, सात करोड बराबरको गहना र अन्य उपहार पनि दिएको सुकेशले बताएकाे भारतीय सञ्चार माध्यमले उल्लेख गरेको छ ।
कंगना रनौतको 'धाकड'
काठमाडौं, वैशाख १७ गते । बलिउड अभिनेत्री कंगना रनौत अभिनित फिल्म 'धाकड'को ट्रेलर रिलिज भएको छ । ट्रेलरमा कंगनाको एक्सनसँगै अर्जुन रामपाल र दिव्या दत्तालाई पनि देख्न सकिन्छ ।रजनीश राजी घईले निर्देशन गर्नुभएको 'धाकड' आगामी मे २० मा रिलिज हुने भएको छ । यस्तै, फिल्म हिन्दीका साथै तेलुगू, तमिल र मलायलम भाषामा पनि रिलिज गरिने बताइएको छ ।'धाकड' मा रितेश शाहको लेखन र फिल्मका निर्माता दीपक मुकुट र सोहेल मक्लै हुनुहुन्छ ।
विश्व नृत्य दिवस : नृत्य विधा सृष्टिकै सुन्दर उपहार
नृत्य एक कला हो, जसले लयबद्ध वा सङ्गीतको तालमा शरीरको चाललाई दर्शाउँछ । भनिन्छ– नृत्यबिना संसार नै अधुरो हुन्छ । अन्तर्राष्ट्रिय तथा विश्व नृत्य दिवस वर्ष अप्रिल महिनाको २९ तारिखमा संसारभर नृत्यसम्बन्धी विभिन्न कार्यक्रम गरी मनाइन्छ ।
सौगात र दीयाको 'मन्त्र' प्रदर्शनमा
काठमाडौं, वैशाख १६ गते । आजबाट नयाँ नेपाली फिल्म 'मन्त्र' प्रदर्शनमा आएको छ । अभिनेता सौगात मल्ल र अभिनेत्री दीया पुन अभिनित फिल्मले ट्रेलरबाट नै राम्रो प्रतिक्रिया पाएको थियो । 'मन्त्र'सँगै बलिउड फिल्म 'हिरोपन्ती २' र 'रनवे ३४' पनि आजबाट प्रदर्शनमा आएको हो ।खिलबहादुर गुरुङको निर्देशनमा तयार भएको यो फिल्म मनास्लु हिमालको फेदमा खिचिएको छ । सुरेश कार्की, रवि राज कार्की र सुभा श्रेष्ठले निर्माण गर्नुभएको फिल्ममा बुद्धि तामाङ, नमिता तामाङ, वीरबहादुर लामा र पासाङ छिरिङ शेर्पाको यसमा अभिनय छ ।यस्तै, फिल्ममा परिछेद सेनको कथा, सञ्जय लामाको छायाङ्कन र मित्र डी गुरुङकाे सम्पादन छ ।
साउनमा आँधी तुफान २
गोरखापत्र समाचारदाताकाठमाडौँ, वैशाख १६ गते । चलचित्र ‘आँधी तुफान २’को पोस्टरसहित प्रदर्शन मिति घोषणा गरिएको छ । चलचित्र साउनमा प्रदर्शनमा आउने भएको छ भने चलचित्रको पोस्टरमा मुख्य कलाकारलाई स्थान दिइएको छ । लेडिज एक्सन चलचित्रले नारी शक्तिको काथा बोल्ने निर्माता तथा लेखक मौनता श्रेष्ठले बताउनुभयो । २०६३ सालमा निर्माण भएको ‘आँधी तुफान’को सिक्वेललाई यस पटक मदन घिमिरेले निर्देशन गर्दै हुनुहुन्छ ।ओम साई भक्त मुभी प्रालीको ब्यानरमा निर्माण भएको चलचित्रमा रवि गिरी, पुस्कर राउत, सञ्चित भण्डारी, आरती आचार्य, सोनी बीसी, याङ्शु श्रेष्ठ, विन्दीया ठकुरी, रूपा केसी, ऋचा थापा, चक्र राई, सञ्जय खतिवडा, कनिज कोइराला, सपना श्रेष्ठ, राजु घिमिरे, शत्रुधन अन्सारी, जोया बुढाथोकी, मुकेश कपाली, योचिना खड्गी, अची श्रेष्ठ, सुदीप आचार्य र बालकलाकार अरुण कालिराजको अभिनय छ ।चलचित्रमा निर्देशक मौनता श्रेष्ठको कथा, पटकथा तथा संवाद, रामशरण उप्रतीको छायाङ्कन, कमल राई र अभि वाग्लेको कोरियोग्राफी, सुरेश अधिकारी र विक्रम थापाको सङ्गीत, हरि उप्रती र दीपेन्द्र खड्काको गीत रचना, प्रेम चुल्ठेको द्वन्द्व निर्देशन, सुवानी मोक्तान, विनुसा राई र अर्चन लिम्बूको स्वर र मन्दिल श्रेष्ठको सम्पादन रहेको छ ।
दुई दिन बिदाले हलमा दर्शक बढ्ने विश्वास
सातामा दुई दिन सार्वजनिक बिदा दिने निर्णयले चलचित्र क्षेत्रमा उत्साह छाएको छ । कोरोना महामारीले धरापमा परेको चलचित्र क्षेत्र दुई दिन बिदा दिने निर्णयले चलचित्रकर्मी खुसी भएका छन् । निर्माता सङ्घका अध्यक्ष आकाश अधिकारीले लामो समयदेखिको आफूहरूको माग पूरा भएको भन्दै खुसी व्यक्त गर्नुभयो । “चलचित्र हेर्ने समय भनेको बिदाको दिनमा हो । हप्तामा एक दिन बिदामा मानिसले के मात्र गरोस् तर दुई दिन बिदा भएपछि एक दिन त मनोरञ्जनलाई छुट्याउँछ । चलचित्र हेर्न समय प्राप्त होस् भनेर चलचित्र प्रदर्शनी कुनै बिदा वा पर्वलाई लक्षित गर्ने गर्छौं । निर्णय स्वागतयोग्य छ,” अधिकारी थप्नुभयो, “पटक–पटक सरकारलाई दबाब दिएका थियौँ ।”
'अवतार : द वे अफ वाटर' काे प्रदर्शन मिति सार्वजनिक
काठमाडौं, वैशाख १५ गते । हलिउडको चर्चित फिल्म 'अवतार'को दोस्रो भागको प्रदर्शन मिति घोषणा गरिएको छ । निर्माता जेम्स क्यामरुनले सिनेमा कन्भेन्सनको मञ्चमा उक्त घोषणा गर्नुभएको हो ।योसँगै फिल्मको दोस्रो भागको नाम पनि सार्वजनिक गरिएको छ । 'अवतार'को दोस्रो भाग अर्थात् सिक्वेलको आधिकारिक शीर्षक 'अवतारः द वे अफ वाटर' राखिएको छ । फिल्म १६ डिसेम्बरमा विश्वभरका सिनेमाघरमा रिलिज हुँदैछ । रिलिज मितिसँगै फिल्मको फर्स्ट लुक पनि सार्वजनिक भएको हाे ।फिल्ममा केट विन्सलेट, साम वर्थिंगटन, जोए साल्दाना, स्टीफन लङ, विन डिजेल, एडी फाल्को, क्लिफ कर्टिस, सिगौर्नी वीभर, जियोभन्नी रिबिसी, मिशेल येओह, जर्मेन क्लेमेन्ट, उना च्याप्लिन र थप कलाकारहरूको अभिनय रहेको छ । 'अवतार २' को बजेट २५० मिलियन अमेरिकी डलर (३० अर्ब २५ करोड रुपियाँ) रहेको छ । यस्तै, फिल्म विश्वका १६० भाषामा रिलिज हुने बताइएको छ ।
क्रिकेटरको सङ्घर्ष जर्सी
सन् २०१९ मा बनेको तेलगु चलचित्रको रिमेक हो चलचित्र ‘जर्सी’ । चलचित्रमा एउटा क्रिकेट खेलाडीको सङ्घर्षलाई देखाइएको छ । खेलमा पनि राजनीति मिसिएको हुन्छ । चलचित्र एउटा मध्यमवर्गीय परिवारको सङ्घर्षको कथा हो ।
'कबड्डी ४' को ट्रेलर सार्वजनिक
काठमाडौं, वैशाख १४ गते । फिल्म 'कबड्डी ४' को ट्रेलर सार्वजनिक भएको छ । बुधबार सार्वजनिक भएको ४ मिनेट २८ सेकेण्ड लामो ट्रेलरमा मुख्य कलाकार दयाहाङ राई, सौगात मल्ल, मिरुना मगर, गौमाया गुरुङ, बुद्धि तामाङ र विजय बराल देख्न सकिन्छ । सामाजिक कथावस्तुलाई कमेडीमार्फत प्रस्तुत गरिएको फिल्मलाई रामबाबु गुरुङले निर्देशन गर्नुभएको हो । फिल्मको अन्तिम सिरिजसम्म आइपुग्दा काजीले प्रेमीका पाउँछन् कि पाउँदैन, उहाँको बिहे हुन्छ कि हुँदैन भन्ने प्रश्नमा चलचित्र घुमेको छ ।बाँसुरी फिल्मस् र सुष्मा प्रोडक्सनको प्रस्तुतिमा तयार भएको फिल्ममा कमलमणि नेपाल, पुष्कर गुरुङ, कविता आले, जयनन्द लामा, प्रकाश घिमिरे, माओत्से गुरुङ, शरद अधिकारी लगायतका कलाकारको अभिनय रहेको छ ।फिल्ममा शैलेन्द्र डी कार्कीको छायांकन, निमेष श्रेष्ठको सम्पादन, कालीप्रसाद बाँस्कोटा, एसडी योगी, अनुपम शर्माको संगीत, रामबाबु गुरुङ र उपेन्द्र सुब्बाको लेखन छ । फिल्मका निर्माता विशाल गुरुङ, सुष्मा गुरुङ, मधु मिजार र मणिराम पोखरेल हुनुहुन्छ ।फिल्म आगामी जेठ १३ मा नेपालभर प्रदर्शन हुने भएको छ ।
मलाई मन परेका पाँच चलचित्र
गायक प्रमोद खरेल नेपाली सुगम सङ्गीत र पाश्र्व गायनमा चिनाइरहनुपर्ने नाम होइन । उनले नेपाली साङ्गीतिक क्षेत्रमा झन्डै दुई हजार गीत रेकर्ड गराएका छन् । ‘म बिना कसै कसैलाई’, ‘डुबायो पापी मायाले’, ‘झुम्कावाली’, ‘किन लाग्छ माया’, ‘यो कुरा गोप्य’, ‘म बाँचेकै’, ‘नोगेन’ र ‘सिमलको भुवा झैं’लगायतका गीत लोकप्रिय छन् । प्रमोद ‘द भ्वाइस अफ नेपाल’को तीनै संस्करणका निर्णायकमध्ये एक हुन् । यिनै प्रमोदलाई मन परेका यी पाँच चलचित्र :
अभिनेत्री अनु शाहसँग १६ प्रश्न
तपाईंसँग सबैभन्दा बहुमूल्य वस्तु के छ ? मैले अहिले चलाइरहेको आइफोन नै हो । यदि घर छाडेर जानु पर्दा एउटा वस्तु मात्र लिएर जानु परे के लैजानुहुन्छ ? मोबाइल फोन र पैसा लिएर जान्छु । तपाईंलाई आफ्नो सबैभन्दा बढी गर्व लाग्ने वस्तु के हो ? मसँग त्यस्तो गर्व लाग्ने सामान केही छैन ।
'गङ्गुबाई काठियावाडी' नेटफ्लिक्समा रिलिज
काठमाडौं, वैशाख १३ गते । सञ्जय लीला भन्सालीले निर्देशन गर्नुभएको फिल्म 'गङ्गुबाई काठियावाडी' मङ्गलबारबाट ओटीटी प्लेटफर्म 'नेटफ्लिक्स'मा रिलिज भएको छ । आलिया भट्ट अभिनीत फिल्म सिनेमा हलमा फेब्रुअरी २५ मा रिलिज भएको हो । फिल्ममा सन् १९६० को दशकमा मुम्बईको कमाठीपुरमा वेश्यालय चलाउने गङ्गुबाईको कथा प्रस्तुत गरिएको छ । फिल्मले बक्स अफिसमा झण्डै दुई सय करोड भारु कमाइ गरेको थियो ।फिल्ममा आलियासँगै शान्तनु महेश्वरी, विजय राज, इन्दिरा तिवारीलगायतको मुख्य भूमिका छ । फिल्ममा अजय देवगण केमियो भूमिकामा देखिनुभएकाे छ।
