काठमाडौं, पुस ८ गते । नेपाल आइडल दोस्रो संस्करणका विजेता रवि ओड र अस्मिता परियारको स्वर रहेको ‘यही कुरा साँचो हो’ गीतको म्युजिक भिडियो सार्वजनिक भएको छ ।
खुस्बु र प्रिन्स विश्वकर्मा फिचर्ड उक्त म्युजिक भिडियोमा दुई जनाको प्रेमभावलाई देख्न सकिन्छ ।
काठमाडौंमा एक कार्यक्रमको आयोजना गर्दै गीत सार्वजनिक गरिएको हो । गीतमा माधव तिम्सिनाको शब्द छ भने यसमा सङ्गीत, एरेन्ज तथा मिक्सिङ बाबुल गिरीको छ ।
‘गीत झैँ भिडियो राम्रो बनाउने कोसिस गरेका छौँ । गीतको भाव अनुसार भिडियोमा प्रस्तुत भएकी हुँ,’’ अभिनेत्री खड्काले भन्नुभयो ।
भिडियोमा रामकुमार केसीको छायाङ्कन, राजीव समरको कोरियोग्राफी, टेकेन्द्र शाहको सम्पादन र दशरथ सुनारको निर्देशन छ ।
