‘गाउँ आएको बाटो’ गाउँको यथार्थ कथा
अन्ततः माइलाले गाउँ नै छाडे । भोजपुरको ग्रामीण बस्तीमा चोयाका चित्रा र अन्य सामग्री बनाएर बेच्ने माइला (दयाहाङ राई) ले विदेश र सहरभन्दा गाउँमै जीविका चलाउन खोजे । रैथाने ज्ञान, सिपमा स्वरोजगारी खोज्दै गरेका माइलाको जीवनका उचारचढाव नै चलचित्र, ‘गाउँ आएको बाटो’ हो । ‘गाउँ आएको बाटो’ ले सामाजिक चरित्रमा फेरबदल ल्यायो । गाउँलेको खानाको स्वाद र तरिकामा परिवर्तन ल्यायो । बालबालिकाको रुचि बदलिदियो । रैथाने ज्ञान र सिपलाई थिलथिलो बनाइदियो । अन्ततः रैथाने ज्ञान र सिपको व्यापार डामाडोल बनाइदियो । चलचित्रको साङ्गोपाङ्गो यही कथाका पात्र र प्रवृत्तिलाई माइलाकी श्रीमती पशुपति राई र छोरा प्रसन्न राई (बिन्द्रे) ले राम्रो ढङ्गले प्रस्तुत गरेको पाइन्छ ।
तस्बिर हेर्दै जीवनरेखाको सम्झना
चलचित्र जीवनरेखाको छायाङ्कन सेट र कलाकार तयार थिए । चलचित्रका नायक शिव श्रेष्ठ सेटमा जान तयार थिए तर मेकअप भएको थिएन । मेकअप म्यान मुम्बईबाट आइपुगेका थिएनन् । निर्देशकको निर्देशन अनुसार नायक श्रेष्ठको मेकअप वसुन्धरा भुसालले गरिदिनुभयो । ४४ वर्षअघिको यो घटना गोरखापत्रको फोटो प्रदर्शनीमा सुनाउँदै हुनुहुन्थ्यो, वरिष्ठ कलाकार भुसाल । अभिनेतृ भुसाल अभिनीत चलचित्र ‘जीवनरेखा’ को छायाङ्कनका बेलाको तस्बिर गोरखापत्रको तस्बिर प्रदर्शनीमा राखिएको छ । सोही तस्बिर देखेपछि भुसालले अतितको सम्झना गर्नुभयो । उहाँले भन्नुभयो, “तस्बिर प्रदर्शनीले पुराना घटनाका दृश्य कसरी निकाल्दो रहेछ । यस्ता प्रदर्शनीले नयाँ पुस्तालाई विगत र अहिलेको अवस्थाको राम्रो ज्ञान दिन्छ ।”
एपमा ‘पशुपति प्रसाद २ : भस्मे डन’
चलचित्र ‘पशुपति प्रसाद’ को चरित्र ‘भस्मे डन’ मा केन्द्रित सिक्वेलका रूपमा निर्माण भएको चलचित्र ‘पशुपति प्रसाद २ : भस्मे डन’ अब ओटिटीमा हेर्न सकिन्छ । चलचित्र शनिबार ‘सिनेमाघर एप’ मा रिलिज भएको हो । दीपेन्द्र के खनालको निर्देशन रहेको चलचित्रमा विपिन कार्की, सौगात मल्ल, स्वस्तिमा खड्का, रवीन्द्रसिंह बानियाँ, माओत्से गुरुङ, प्रकाश घिमिरे, लोकेन्द्र लेखकलगायतको अभिनय रहेको छ ।
गायन प्रतियोगितामा पत्रकार सम्मानित
नेपाल सरकार युवा तथा खेलकुद मन्त्रालय राष्ट्रिय युवा परिषद् सानोठिमी भक्तपुरद्वारा आयोजित गायन प्रतियोगितामा दीपकराज कालीराज प्रथम, राजा राजपुत द्वितीय र सुरज खाती तृतीय हुनुभएको छ । नेपाल सरकारबाट राष्ट्रियस्तरमा सञ्चालन गरिएको पहिलो गायन रियालिटी सोमा १६ वर्षदेखि ४० वर्षसम्मका सर्जकबाट भिडियो माग गरिएको थियो । देशैभरिबाट आधुनिक लोक र पप, ¥याप विधामा ६५ जना युवाले भिडियो पठाएका थिए । उक्त डिजिटल अडिसनमा सहभागी प्रतिस्पर्धीमध्येबाट २१ जना युवा प्रतिभालाई काठमाडौँ बोलाइएको थियो । सोही २१ जना प्रतिस्पर्धीमध्ये प्रथम, द्वितीय र तृतीय विजेता घोषणा गरिएको हो ।
नाचघरमा गुञ्जियो लोकभाका
प्रतिनिधि सभाका उपसभामुख इन्दिरा रानामगरले नेपाली मौलिक लोकगीतमा सम्बन्धित क्षेत्रको कथा, व्यथा र संस्कृतिलाई अमर बनाउने ताकत हुने बताउनुभएको छ । उपसभामुख मगरले नेपाली मौलिक गीत/सङ्गीतको प्रवर्धन एवं प्रचार तथा कलाकारको हौसलाका लागि सङ्गीत तथा नाट्य प्रज्ञा–प्रतिष्ठानले साङ्गीतिक गतिविधिमार्फत प्रशंसनीय कार्य गरिरहेको बताउनुभयो । उहाँले नेपाल सङ्गीत तथा नाट्य प्रज्ञा–प्रतिष्ठान, लोकसङ्गीत विभागद्वारा शुक्रबार राजधानीमा आयोजित राष्ट्रिय लोकगीत प्रस्तुति–२०८१ मा यस्तो धारणा व्यक्त गर्नुभएको हो ।
कीर्तिपुरमा गुजय मालाकारको एकल संगीतिक साँझ
वरिष्ठ संगीतकार गुजय मालाकारको एकल संगीतमा आयोजित सांगितिक कार्यक्रम सम्पन्न भएको छ।
‘शास्त्र परिवर्तन गर्नुपर्ने’
पूर्वप्रधानमन्त्री एवं नेपाल समाजवादी पार्टीका अध्यक्ष डा. बाबुराम भट्टराईले चलचित्र ‘पुजार सार्की’ हेरेपछि धार्मिक शास्त्रमा नै परिवर्तन गरी जातीय विभेद अन्त्यतर्फ लाग्नुपर्ने बताउनुभएको छ । बिहीबार दिउँसो चलचित्र हेरेपछि सङ्क्षिप्त प्रतिव्रिmया दिँदै भट्टराईले यसको लडाइँ लामो भएको बताउनुभयो । उहाँले ‘पुजार सार्की’ हेर्दाहेर्दै म भावुक भएको र कतिपय प्रसङ्ग आफैँसँग पनि मिलेको बताउनुभयो । उहाँले भन्नुभयो, “यो लामो लडाइँ हो । जातीय विभेद आर्थिक, राजनीतिक तथा सांस्कृतिक रूपमा त छँदै छ । यसमा धार्मिक शास्त्रको पनि आड रहेको छ । धार्मिक शास्त्रलाई नै परिवर्तन नगरेसम्म नेपाल मात्र होइन दक्षिण एसियामा नै जातीय विभेद अन्त्य हुन गाह्रो छ । यो मुद्दालाई यो चलचित्रले गहिरो गरी उठाएको छ ।”
‘लन्डन टु पेरिस’ को गीत सार्वजनिक
चलचित्र ‘लन्डन टु पेरिस’ को नयाँ गीत ‘हतारले’ सार्वजनिक भएको छ । प्रदर्शनरत चलचित्रको गीत युट्युबमार्फत सार्वजनिक गरिएको हो । गीतमा सलिन मगरको शब्द, सङ्गीत र स्वर छ । गीतमा मुख्य चार कलाकार निश्चल खड्का, कबिर खड्का, गरिमा शर्मा र रुष्मा थापा देखिनुभएको छ ।
कुमारीको मनोभावमा आधारित नाटक ‘अग्निच्क्षु’ मञ्चित
कुमारीलाई जीवित देवीको मान्यता दिइन्छ । निश्चित समय मन्दिरमा बसेपछि उहाँहरू सामान्य जीवनमा फर्कनुहुन्छ । यिनै कुमारीको मनोभाव समेटिएको नाटक ‘अग्निच्क्षु’ बत्तिसपुतलीस्थित शिल्पी थिएटरमा दुई सातादेखि मञ्चन भइरहेको छ ।
‘गाजलु नयन’ सार्वजनिक
रमेशकुमार बस्नेतको शब्द, दाउद राईको सङ्गीत र स्वरमा ‘गाजलु नयन’ गीतको म्युजिक भिडियो सार्वजनिक गरिएको छ । गीतमा ममता गुरुङले स्वरमा साथ दिनुभएको छ ।
‘ह्रस्व दीर्घ’ मा नीता
अभिनेतृ नीता ढुङ्गाना मुख्य भूमिकामा रहेको चलचित्र ‘ह्रस्व दीर्घ’ को प्रवर्धन पोस्टर सार्वजनिक गरिएको छ । पोस्टरमा नीता, किरण केसी, बुद्धि तामाङ, रवीन्द्र झा, आदर्श मिश्र र दक्षिण भारतीय अभिनेता ब्रह्मानन्दम राखिएको छ । चलचित्रलाई चन्द्र पन्तले निर्देशन गर्नुभएको छ ।
‘रोड थ्रिलर’ विधामा बन्यो ‘बाटो : रोड टु डेथ’
नेपालमा पछिल्लो समय फरक-फरक विधामा चलचित्र बनिरहेका छन् । सामाजिक, हास्य विधामा बन्ने चलचित्रको सङ्ख्या बढी भए पनि केही निर्देशकले नयाँ विधा दर्शकसामु ल्याइरहेका छन् ।
वेब सिरिज ‘साहु बा’
टेलिशृङ्ला र टेलिफिल्म निर्माण न्यून बन्दै गएको बेला दर्शकबिच अहिले वेब सिरिज लोकप्रिय बनेका छन् । राजधानीमा मङ्गलबार ‘साहु बा’ को प्रवर्धन सामग्री सार्वजनिक गरिएको छ । सिरिजमा अभिनेतृ प्रियङ्का कार्की, कविता नेपाली, विजु पार्की, नम्रता श्रेष्ठ, छुल्ठिम गुरुङ, अमितेश शाह, अमित गिरी, सरिता गिरी, सुजय योङ, रमेश अधिकारी, प्रदीप बाँस्तोलालगायत कलाकारको अभिनय रहेको छ ।
‘नेपाल अफ्रिका चलचित्र महोत्सव’ मा १० देशका २८ चलचित्र प्रदर्शन हुने
कलेज अफ जर्नालिजम एण्ड मास कम्युनिकेसन र विलक्षण क्रियसनको आयोजनामा आगामी असारमा हुने ‘१२औँ नेपाल अफ्रिका चलचित्र महोत्सव २०२४’ मा प्रदर्शनका लागि १० देशका २८ चलचित्र, वृत्तचित्र र लघु चलचित्र छनोट भएका छन् ।
‘पेन्सनपट्टा’ फिल्मको तयारीमा माओत्से गुरुङ
निर्देशक तथा अभिनेता माओत्से गुरुङ नयाँ फिल्मको तयारीमा जुट्नुभएको छ । उहाँ ‘पेन्सनपट्टा’ नामक फिल्मको तयारीमा लाग्नुभएको छ । मङ्सिर पहिलो सातादेखि पोखरा आसपासमा छायाङ्कन गरिने फिल्मका कलाकार भने तय भइसकेका छैनन् ।
प्रवर्धनमा ‘सतीदेवी’
लक्ष्मण सुवेदी निर्देशित चलचित्र ‘सतीदेवी’ को प्रवर्धन सामग्री सार्वजनिक गरिएको छ । छोरी मात्रै जन्मिँदा समाजले हेर्ने दृष्टिकोण, अभिभावकले गर्ने भेदभाव तथा छोरीले आफ्नो परिवारका लागि उठाउने जोखिमका विषयलाई मुख्य रूपमा प्रवर्धनमा समेटिएको छ । निर्देशक सुवेदीकै लेखन र निर्माण रहेको चलचित्रको शीर्ष भूमिकामा मलिका महत हुनुहुन्छ । हर्षिका वली र मञ्जिला बानियाँ बालकलाकार रहेको सो चलचित्रमा कुलबहादुर अधिकारी, सिर्जना अधिकारी, रमेश बुढाथोकी, भोलाराज सापकोटा, सन्दीपबाबु लोहनी, सुजिता शिवाकोटी, सन्देश लिम्बू, मनीषा सापकोटालगायतको अभिनय छ ।
‘खुर्सानीलाई बियाँ’ सार्वजनिक
गायक राजनराज शिवाकोटी र गायिका सदीक्षा कट्टेलको स्वरको ‘खुर्सानीलाई बियाँ’ म्युजिक भिडियो सार्वजनिक गरिएको छ । राजेन्द्र थापाको शब्द र राजनराजको सङ्गीत रहेको म्युजिक भिडियोलाई प्रसन्न पौडेल र प्रचण्ड पौडेलले निर्देशन गर्नुभएको छ । भिडियोमा यशराज गराच, सामरिका ढकाल, अनिशा न्यौपाने र सरोज प्रजाको अभिनय छ ।
‘खुर्सानीलाई बिया’ सार्वजनिक
गायक राजनराज शिवाकोटी र गायिका सदिच्छा कट्टेलको स्वरमा रहेको गीत ‘खुर्सानीलाई बियाँ’ सार्वजनिक भएको छ । गीतमा राजेन्द्र थापाको शब्द र राजनराजको सङ्गीत छ ।
‘द स्कुल वाल’ र ‘पाउलो’ किनो फेस्टिभलको फाइनलमा
लघु चलचित्र ‘द स्कुल वाल’ रसियाको किनो फेस्टिभलको फाइनलमा पुगेको छ । सेप्टेम्बर १२ देखि १६ सम्म रसियाको क्रेस्टोभय ५ मा आयोजना हुने चलचित्र महोत्सवमा नेपालको अर्को लघुचलचित्र ‘पाउलो’ पनि छनोट भएको छ ।
‘पचेडा’ चेपाङ जीवनी
चेपाङ जङ्गलमै किन बसिरहेका छन् ? उनीहरू किन अवसरका लागि सहर पस्दैनन् ? यसै जिज्ञासाको उत्तर खोज्दै निर्माण गरिएको वृत्तचित्र ‘पचेडा’ को प्रचार सामग्री सार्वजनिक गरिएको छ । वृत्तचित्र ‘पचेडा’ का निर्देशक दीपेन्द्र केसीका अनुसार वृत्तचित्रमार्फत सन्तलालको परिवारले बाँच्नका लागि गरिरहेको सङ्घर्षको कथालाई जस्ताको त्यस्तै देखाउने कोसिस गरिएको छ । वृत्तचित्रमा सन्तलाल चेपाङको कथा देखाइएको छ । उक्त कथालाई निर्देशकले तीन भागमा खिच्नुभएको छ ।
हमालको ‘यो नेपाली शिर उचाली’
महानायक राजेश हमालको नयाँ टेलिभिजन सो ‘यो नेपाली शिर उचाली’ को प्रसारण सुरु भएको छ । कार्यक्रममा हमालले विदेशी भूमिमा सङ्घर्ष गरी गर्व गर्न लायक काम गरेका नेपालीसँग उनीहरूको कर्मथलोमै पुगेर साक्षात्कार गर्ने छन् । कार्यक्रमको पहिलो सिजन बेलायत र युरोपियन मुलुकलाई कर्मभूमि बनाएका नेपालीको कथाबाट सुरु हुँदै छ । कार्यक्रमको पहिलो भागको टिजर आफ्नो फेसबुक पेजमा सेयर गर्दै प्रस्तोता हमालले लेख्नुभएको छ, ‘कार्यक्रम हेरिसकेपछि तपाईंले पनि भन्नुहुने छ ‘यो नेपाली शिर उचाली’ ।
दलित वेदनामाथि पुजार सार्की
नेपाली समाजमा छुवाछुत, विभेद व्याप्त छ । धर्म, संस्कृति र परम्पराका नाममा यस्ता मानवीय संवेदनाहीन थिति पाइन्छ । यसै विषयलाई लिएर नेपाली चलचित्र बेलाबखत निर्माण हुँदै आएको छ । पछिल्लो पटक पुजार सार्कीले यही सामाजिक विषयवस्तुलाई जोडतोडसाथ उठाएको छ । नेपालमा दलित विषयमा निर्माण भएको सम्भवतः पहिलो चलचित्र हो ‘रगत’ । ‘बाटोमुनिको फूल’ ‘पण्डित बाजेको लौरी’, ‘प्रकाश’ जस्ता चलचित्रले समेत दलितको कथा, व्यथा, पीडा र वेदनालाई दर्शकसम्म पु¥याउने जमर्को गरेका थिए ।
हलमा दुई नयाँ चलचित्र
चलचित्र ‘गाउँ आएको बाटो’ र ‘लन्डन टु पेरिस’ शुक्रबारदेखि राजधानीमा प्रदर्शन सुरु भएको छ । नवीन सुब्बा निर्देशित र दयाहाङ राईको शीर्ष भूमिका रहेको ‘गाउँ आएको बाटो’ ले गाउँमा मोटरबाटो आएपछि बाबुछोराको सम्बन्धमा आउने उतारचढावलाई चित्रण गरेको छ । चलचित्र किराँत राई समुदायमा आधारित भए पनि बुवाले छोरालाई हुर्काउन गर्ने सङ्घर्षको कथा हो । नवीन सुब्बा र महेश राईले मिलेर लेखेको चलचित्रमा दयाहाङ राई, पशुपति राई, प्रसन राई, केशव राई, सुमित्रा राई, राज थापा, प्रेम सुब्बालगायतको अभिनय छ ।
नेपाली चलचित्रले बजार लिँदै
पोखरामा एक समय थियो, दुई/तीन महिनासम्म एउटै चलचित्र चल्थ्यो, ब्लाकमा पनि टिकट बिक्थ्यो । सिङ्गल स्क्रिन हलमा चलचित्र हेर्नेको ताँती लाग्थ्यो । धेरैजसो चलचित्र हिन्दी हुन्थे । अहिले समय बदलिएको छ । पोखराका आधाभन्दा बढी सिङ्गल स्क्रिन हल बन्द छन् । दर्शकको रोजाइमा नेपाली चलचित्र पर्न थालेका छन् ।
नेपाल आदिवासी जनजाति चलचित्र महोत्सव सुरु
चौथो नेपाल आदिवासी जनजाति चलचित्र महोत्सव आजदेखि भृकुटीमण्डपस्थित राष्ट्रिय सभागृहमा सुरु भएको छ । झाँकी प्रदर्शन, विशेष सांस्कृतिक प्रस्तुतिसहित महोत्सव सुरु भएको हो । महोत्सवको उद्घाटन उपसभामुख इन्दिरा रानाले गर्नुभयो ।
