‘नसताउ मलाई’मा मिलन र अनिमाको अभिनय (भिडियो)

काठमाडौँ, माघ ११ गते। लक्ष्मण लिम्बु र सीता सिङ्क लिम्बुको आवाजमा रहेको रोमान्टिक नेपाली गीत ‘न सताउ मलाई’ को म्युजिक भिडियो सार्वजनिक भएको छ। 

गीतको शब्द लेखु सहयात्री र संगीत कमल रसाइलीले गर्नुभएको हो। गीतलाई विशेष बनाउने क्रममा एरेञ्जमेन्ट देवेश राईले गर्नुभएको छ।भिडियोमा कलाकार मिलन शंकर र अनिमा विश्वकर्माको अभिनय देख्न सकिन्छ। सिक्लेश गाउँको मनोरम दृश्यले सजिएको यो भिडियो विशाल थापाले छायांकन गर्नुभएको हो ।

मेकअपमा सृष्टि थापा रहेको भिडियोका सहायक निर्देशक सुनिल बुढाथोकी र प्रोडक्सन कन्ट्रोलर विक्रम तामाङ हुनुहुन्छ। भिडियोको निर्देशन दिलिप समनले गर्नुभएको हो।