काठमाडौँ, माघ १५ गते। सोनाम ल्होसारको अवसर पारेर गायक विजय लामाको राजधानीमा साङ्गीतिक प्रस्तुति हुने भएको छ।
२८ सय ६१ औँ सोनाम ल्होसारको अवसरमा माघ १७ गते टुँडिखेलमा गायक लामाले आफ्नो व्याण्डसहित एकल साङ्गीतिक प्रस्तुति दिने कार्यक्रम छ।
विजय लामा एण्ड द व्याण्डको प्रस्तुति रहने कार्यक्रममा गायक लामाले आफ्ना चर्चित गीत प्रस्तुत गर्नुहुनेछ। उहाँका नखानु पानी तोङ्बाको, उँभो उँभो लेकमा म जाँदा, रोसीखोला पारी मेरो मामा, माया है बस्ला रसैले गीत चर्चित छन्।
टुँडिखेलको प्रस्तुतिपछि उहाँ संयुक्त अरब इमिरेट्स (यूएई) जाने कार्यक्रम छ। उहाँले फेब्रुअरी १ तारिखमा दुबईको क्लब याक एण्ड यती एभरेष्ट बर दुबईमा एकल साङ्गीतिक प्रस्तुति दिने कार्यक्रम छ।
