गोरखापत्र
आचारसंहिता पूर्णरुपमा पालन गर्ने राजनीतिक दलको प्रतिबद्धता
जिल्लास्थित राजनीतिक दलहरुले निर्वाचन आचरसंहिता पूर्णरुपमा पालना गर्ने प्रतिबद्धता व्यक्त गरेका छन् । मुुख्य निर्वाचन अधिकृत जगतबहादुर पौडेलले राजनीतिक दलहरुसँग आचारसंहिता सम्बन्धि अन्तरक्रिया कार्यक्रममा जिल्लाका सबै राजनीतिक दलले सो प्रतिबद्धता व्यक्त गरेका हुन ।
'मिस नेपाल २०२२'काे आवेदन खुला
काठमाडौं, वैशाख ६ गते । 'मिस नेपाल २०२२'का लागि आवेदन खुला गरिएको छ । 'द हिडन ट्रेजर'ले सोमबार पत्रकार सम्मेलन गर्दै आगामी नयाँ संस्करणका लागि आवेदन खुला गरेको जानकारी दिएको हो ।प्रतियोगितामा भाग लिनका लागि सोमबारदेखि वैशाख ३१ सम्म मिस नेपालको वेबसाइटमार्फत् निःशुल्क रूपमा आवेदन दिन सकिनेछ । यस्तै, यसको लागि उचाइ ५ फिट ३ इन्च र उमेर ८ देखि २७ वर्ष हुनुपर्ने छ । अडिसन काठमाडौंलगायत धरान, वीरगञ्ज, धनगढी, नेपालगन्ज, पोखरा र सुर्खेतमा हुनेछ । काठमाडौंमा भने वैशाख ९ देखि २७ सम्म अडिसन हुने आयोजकले जानकारी दिएको हो ।'हिडन ट्रेजर'ले 'मिस नेपाल २०२२' को फाइनल भने असार चार मा ललितपुरको गोदावरीस्थित नवनिर्मित सनराइज कन्भेन्सन सेन्टरमा गर्ने भएको छ ।
वीर गणेशमान राष्ट्रिय बक्सिङ (फोटो फिचर)
काठमाडौँ, वैशाख ६ गते। सर्वोच्च नेता गणेशमान सिंहको स्मृतिमा ‘गणेशमान सिंह स्मृति राष्ट्रिय बक्सिङ’ प्रतियोगिता मंगलबारदेखि काठमाडौँमा सुरु भएको छ। वैशाख १० गतेसम्म सञ्चालन हुने प्रतियोगिताको नेपाली कांग्रेसका नेता एवं स्वर्गीय गणेशमानका छोरा प्रकाशमान सिंहले उद्घाटन गर्नुभयो। बसन्तपुर डबलीमा सञ्चालित प्रतियोगिताको उद्घाटन गर्दै प्रकाशमानले नेपालमा प्रजातन्त्र ल्याउन महत्वपूर्ण योगदान दिनुभएका गणेशमानको स्मृतिमा बक्सिङसँगै रोडरेस, ब्याडमिन्टन जस्ता खेलकुद प्रतियोगिता आयोजना गर्ने बताउनुभयो। उहाँले गणेशमान सिंह फाउन्डेसनले यस प्रतियोगितालाई सरकार र विभिन्न संस्थाको सहयोगमा आगामी वर्षमा पनि निरन्तरता दिने प्रतिबद्धता जनाउनुभयो। वीर गणेशमान सिंह स्पोर्ट्स कमिटीको आयोजना गरेको प्रतियोगिातमा सात प्रदेश र तीन विभागीय टोलीको सहभागिता रहेको छ। जिल्ला र क्षेत्रीय छनोट प्रतियोगिताबाट छनोट भएर आएका खेलाडीबीच अन्तिममा वसन्तपुर डबलीमा भिडन्त भएको हो। प्रतियोगितामा पुरुषतर्फ ४८, ५७, ६३, ६९, ७५, ८१, ९१ केजी गरी सात वटा तौल समूहमा प्रतिस्पर्धा हुनेछ। यसैगरी महिलातर्फ ४८, ५४–५७, ६०, ६४–६९, ६९–७५ केजी गरी पाँच वटा तौल समूहमा प्रतिस्पर्धा हुनेछ। पहिलो दिन मंगलबार पुरुषतर्फ नौ र महिलातर्फ चार तौल समूहमा प्रतिस्पर्धा भएको छ। प्रतियोगितामा प्रदेश १ बाट सात पुरुष र चार महिला, मधेस प्रदेशबाट सात पुरुष र पाँच महिला, बागमती प्रदेशबाट सात पुरुष र तीन महिला खेलाडीले प्रतिस्पर्धा गर्नेछन्। यसैगरी गण्डकी प्रदेशबाट सात पुरुष र तीन महिला, लुम्बिनी प्रदेशबाट ६ पुरुष र चार महिला, कर्णाली प्रदेशबाट ६ पुरुष र चार महिला, विभागीय टोली त्रिभुवन आर्मी क्लबबाट सात पुरुष र पाँच महिला, एपीएफबाट सात पुरुष र पाँच महिला र नेपाल पुलिस क्लबाट चार पुरुष र दुई महिला खेलाडीले प्रतिस्पर्धा गर्नेछन्। प्रतियोगितामा ६५ पुरुष र ३७ महिला गरी कूल १०२ जना खेलाडी सहभागी छन्। प्रतियोगितामा हरेक तौल समूहका विजेताले २५ हजार रुपियाँ पुरस्कार पाउनेछन्। यसैगरी दोस्रो हुनेले १५ हजार र तेस्रो स्थान हात पार्ने दुई खेलाडीले जनही सात हजार पाँच सय रुपियाँ पुरस्कार पाउनेछन्। यसैगरी उत्कृष्ट पुरुष खेलाडीलाई मोटरसाइकल र उत्कृष्ट महिला खेलाडीलाई स्कुटर प्रदान गरिने प्रतियोगिता संयोजक राजीव श्रेष्ठले जानकारी दिनुभयो। तस्बिर: मनोजरत्न शाही
वडाबाट प्रयोग गर्दै आएको सवारी साधन फिर्ता
बाजुराको बूढीगङ्गा नगरपालिका–३ का वडा अध्यक्ष खडकबहादुर अधिकारीले वडाबाट प्राप्त गरेर प्रयोग गर्दै आउनुभएको सवारी साधन फिर्ता गर्नुभएको छ ।
थप दश जनामा सङ्क्रमण, २६ सङ्क्रमणमुक्त
पछिल्लो २४ घण्टामा दश जनामा कोरोना सङ्क्रमण पुष्टि भएको छ । स्वास्थ्य तथा जनसङ्ख्या मन्त्रालयका अनुसार तीन हजार ५८ जनाको पीसीआर परीक्षण गर्दा दश जनामा सङ्क्रमण देखिएको हो ।
आठौँ नेपाल फर्मा एक्स्पो वैशाख ९ गतेदेखि चितवनमा
आठौँ नेपाल फर्मा एक्स्पो २०२२ चितवनमा हुने भएको छ ।नेपाल औषधि उत्पादक संघले चितवन एक्स्पो सेन्टर भरतपुरमा एक्स्पोको आयोजना गर्न लागेको हो । एक्स्पो वैशाख ९ गतेदेखि ११ गतेसम्म चल्ने संघले जनाएको छ ।
सत्ता गठबन्धनको बैठक बालुवाटारमा सुरु
पाँच दलीय सत्ता गठबन्धनको बैठक प्रधानमन्त्री निवास बालुवाटारमा सुरु भएको छ । वैशाख ३० गते हुने स्थानीय निर्वाचन तयारी, चुनावी तालमेललगायतका विषयमा गठबन्धनबीच भएको सहमतिलाई अन्तिम रुप दिने दिइने भनिएको छ ।
एकीकृत समाजवादीको निर्वाचन घोषणापत्र सार्वजनिक
नेकपा (एकीकृत समाजवादी) पार्टीले स्थानीय तह निर्वाचनको घोषणा-पत्र सार्वजनिक गरेको छ।
-original-thumb.jpg)
तीव्र गतिका सवारीउपर सीसीटिभीमार्फत कारबाही सुरु
मधेस प्रदेशअन्तर्गत पूर्व–पश्चिम लोकराजमार्गमा सीसीटिभी फुटेजमार्फत तीव्र गतिका सवारीसाधन उपर कारबाही सुरु गरिएको छ । मधेस प्रदेश ट्राफिक प्रहरी कार्यालय पथलैया बाराले सुरु गरिएको हो ।
गुल्मीबाट एसईईमा चार हजारभन्दा बढी विद्यार्थी सहभागी हुँदै
गुल्मी जिल्लाबाट माध्यमिक शिक्षा परिक्षा (एसईई)मा चार हजार ८२३ जना विद्यार्थी सहभागी हुने भएका छन् । वैशाख ९ गते शुक्रबारदेखि सुरु हुन लागेको एसईई परीक्षामा जिल्लाका १४० वटा विद्यालयका चार हजार ८२३ विद्यार्थी सहभागी हुने भएका हुन् ।
संयुक्त लगानी गर्ने प्रतिबद्धता
रमेश विश्वकर्मागुल्मी, वैशाख ६ गते । गुल्मी जिल्लाको सदरमुकाम तम्घासमा भएको एक कार्यक्रमका सहभागीहरुले संयुक्त लगानी गर्नुपर्नेमा प्रतिबद्धता जनाएका छन् । गुल्मीमा पर्यटन सम्भावना तथा लगानी सम्भाव्यतासम्बन्धी कार्यशाला गोष्ठीमा सहभागीले संयुक्त लगानी गर्ने प्रतिबद्धता जनाएका हुन् ।जिल्लाको पर्यटन विकासका लागि वायुसेवा सञ्चालक सङ्घका प्रवक्ता तथा पर्यटन व्यवसायी योगराज कँडेल, होटल पौवाका प्रमुख कार्यकारी अधिकृत विष्णु ज्ञवाली, पर्यटन व्यवसायी निश्चल श्रेष्ठ, उद्योग वाणिज्य सङ्घका पूर्वअध्यक्ष श्रीप्रसाद भलामी र कृषि विकास बैंकका पूर्व महाप्रबन्धक कृष्ण कुँवरलगायतका उपस्थित व्यवसायीहरुले पर्यटन क्षेत्रको विकासका लागि संयुक्त लगानी गर्न आफूहरु तयार रहेको बताउनुभयो ।गुल्मीको पर्यटन माग र साहसिक पर्यटनसम्बन्धी वायुसेवा सञ्चालक संघका प्रवक्ता तथा पर्यटन व्यवसायी योगराज कँडेलले जानकारी गराउनुभयो । “पर्यटक आउने र जाने मात्र नभई पर्यटकले खर्च गर्ने वातावरण सिर्जना गर्न आवश्यक छ ।” पर्यटन व्यवसायी कँडेलले भन्नुभयो, “पर्यटकीय क्षेत्रमा व्यवस्थापन हुनु जरुरी छ । पर्यटन क्षेत्रमा चुनौती भए पनि उत्तिकै फाइदा हुने गर्दछ ।”गुल्मीको पर्यटनमा लगानी, चुनौती र स्थानीयको भूमिकासम्बन्धी होटल पौवाका प्रमुख कार्यकारी अधिकृत विष्णु ज्ञवालीले जानकारी गराउनुभयो ।“सबै मिलेर व्यवसाय गरेमा अनिवार्य सफल हुन सकिन्छ ।” ज्ञवालीले भन्नुभयो, “आन्तरिक कृषिलाई पर्यटनसँग जोड्न आवश्यक छ ।” आफूहरुले देशभर होटल पौवाका एक सय शाखा विस्तार गर्ने गरेर लागेको बताउनुभयो ।पर्यटन व्यवसाय सञ्चालन, रोजगारी, सम्भावना र व्यवस्थापनसम्बन्धी पर्यटन व्यवसायी निश्चल श्रेष्ठले प्रस्तुति राख्नुभयो । पर्यटन व्यवसायी श्रेष्ठले पर्यटन क्षेत्रले विश्वभर १० प्रतिशतमा रोजगारी दिएको कारणले पर्यटकीय क्षेत्रको विकास गर्न आवश्यक रहेको बताउनुभयो ।श्रेष्ठले भन्नुभयो, “पर्यटन क्षेत्रमा सामान्य लगानीमा पनि राम्रो काम गर्न सकिन्छ । पर्यटनसँग जोडिएका उद्योगहरु सञ्चालन गर्न सजिलो छ ।” पर्यटन क्षेत्रले गरिबी हटाउने र रोजगारी सिर्जना गर्ने भएकाले होटल व्यवस्थापन कक्षा जिल्लामा सञ्चालन गर्न आफू तयार रहेको बताउनुभयो ।लगानीका लागि बैंकर्स एसोसिएसनका तर्फबाट आनन्द उपाध्याय र कालिदास पाण्डेले बैंकले लगानी गर्न तयार रहेको बताउनुभयो । कृषि विकास बैंकका पूर्व महाप्रबन्धक कृष्ण कुँवरले गुल्मीमा पर्यटक नआउने कारणको अध्ययन गर्नपर्ने आवश्यक रहेको बताउनुभयो ।“हामीसँग भएको स्रोत साधनलाई उच्चतम प्रयोग गरेर पर्यटक ल्याउन सकिन्छ ।” कुँवरले भन्नुभयो, “पर्यटकीय क्षेत्रलाई भत्काउने र बिगार्ने नगरिकन पर्यकटकलाई आकर्षित गर्न सकिन्छ ।” भएको स्रोतसाधनलाई उच्चतम प्रयोग गर्न सकेमा पर्यटकको सङ्ख्यामा वृद्धि हुनेमा उहाँको दाबी छ ।टिप्पणीकर्ता उद्योग वाणिज्य सङ्घका गुल्मीका पूर्वअध्यक्ष श्रीप्रसाद भलामीले एक्लो भएर व्यवसाय गर्ने युग हराइसकेकाले सबै मिलेर संयुक्त व्यवसाय गर्नुपर्ने बताउनुभयो । “लगानीकर्तालाई आकर्षित गरेर जिल्लामा व्यवसायलाई अगाडि बढाएर पर्यटनको सङ्ख्या वृद्धि गर्न सकिन्छ ।” टिप्पणी गर्दै भलाद्मीले भन्नुभयो, “लगानी लगाएर शिक्षा र स्वास्थ्यमा विकास गरेर आन्तारिक पर्यटक र बाह्य पर्यटक भित्र्याउन सबै लाग्नुपर्दछ ।”उहाँले लगानीकर्तालाई ढुक्क भएर लगानी गर्ने वातावरण सिर्जना गर्न आवश्यक रहेको बताउनुभयो ।गुल्मी जिल्ला सामुद्रिक सतहबाट ४ सय ६४ मिटरमा रिडी र २ हजार ६ सय ९० मिटरमा अग्लो थाप्ले लेक रहेकाले पर्यटन क्षेत्रमा थुप्रै सम्भावाना बोकेको जिल्ला हो । जिल्लामा पाल्पा–रिडी–तम्घास–धुर्कोट–मदाने–मालिका–मुसिकोट–रुद्रवेणी–कालीगण्डकी–सिद्धार्थ राजमार्ग, सिद्धार्थ राजमार्ग–रुद्रवेणी–मुसिकोट–इस्मा–मालिका–मदाने–धुर्कोट–तम्घास–रिडी, मध्यपहाडी राजमार्ग–वामीटक्सार–तम्घास–रिडी–रुद्रवेणी, सालझण्डी–ढोरपाटन–मदाने–मालिका–तम्घास–कालीगण्डकी, पाल्पा–रिडी–रुद्रवेणी–खैरेनी–ढोरपाटन र सन्धिखर्क–तम्घास–मजुवा–सालझण्डीलगायतका धेरै पर्यकटकीय मार्गहरु रहेकाले यसलाई जोड दिनुपर्ने पर्यटन व्यवसायीहरुले बताउनुभयो ।गुल्मी उद्योग वाणिज्य सङ्घले सञ्चालन गरेको चौथो गुल्मी महोत्सवको अवसरमा पर्यटन सम्भावना तथा लगानी सम्भाव्यतासम्बन्धी छलफल गरेको वाणिज्य सङ्घका अध्यक्ष ईश्वरीप्रसाद पौडेलले जानकारी दिनुभयो ।
काँग्रेसबाट बुटवलको प्रमुखमा खेलराज
नेपाली काँग्रेस बुटवल उपमहानगर समितिले वैशाख ३० गते हुने स्थानीय तहको निर्वाचनमा बुटवल उपमहानगरपालिकाको प्रमुखमा खेलराज पाण्डेको नाम सर्वसम्मतले सिफारिस गरेको छ ।
चुनावी तालमेलको निर्णय गर्ने अधिकार पालिकास्तरीय कमिटीलाई
जनार्जन खत्रीसर्लाही, वैशाख ६ गते । सर्लाहीमा सत्तारुढ गठवन्धनले चुनावी तालमेल गर्ने अधिकार पालिका स्तरीय कमिटीलाई सुम्पिएको छ । मङ्गलबार सदरमुकाम मलङ्गवामा बसेको सत्तारुढ गठवन्धनका नेताहरुको बैठकले चुनावी तालमेलबारे निर्णय गर्ने अधिकार पालिका स्तरीय कमिटीलाई दिने र त्यसमा जिल्लाले समन्वय गर्ने निर्णय गरेको हो । सत्ता गठवन्धनभित्रका नेपाली काँग्रेस, नेकपा माओवादी केन्द्र, नेकपा (एकीकृत समाजवादी) र जनता समाजवादी पार्टी (जसपा) बीच पालिकाहरुमा आवश्यकता अनुसार गठबन्धन गर्ने निर्णय भएको नेपाली काँग्रेस सर्लाहीका पूर्व जिल्ला सभापति नागेन्द्रकुमार रायले जानकारी दिनुभयो ।जिल्लाबाट निर्णय गर्दा तल्ला कमिटीले सो निर्णय अस्वीकार गर्न सक्ने र त्यसबाट गठबन्धनभित्र थप फाटो आउन सक्ने भएकाले स्थानीय अवस्था र कार्यकर्ताको माग अनुसार चुनावी तालमेलबारे निर्णय गर्ने अधिकार पालिकास्तरीय कमिटीलाई नै दिइएको रायले बताउनुभयो । नेकपा माओवादी केन्द्र सर्लाहीका संयोजक कमल बुढाथोकीले सम्भव भएसम्म जिल्लाका २० वटै पालिकामा चारवटै दलबीच तालमेल गर्ने र नभए गठबन्धनभित्रकै दुई वा तीन दलबीच भए पनि चुनावी तालमेल गर्ने निर्णय भएको बताउनुभयो । चारवटै दलबीच तालमेल नभएको अवस्थामा मित्रवत् प्रतिस्पर्धा गर्ने निर्णय भएको बुढाथोकीले बताउनुभयो । बैठकमा सहभागी नेकपा (एकीकृत समाजवादी)की नेत्री एवं प्रदेश सभा सदस्य बेची लुङ्गेलीले गठबन्धनभित्रका दलबीच चुनावी तालमेलसँगै कहाँ कुन दलले नेतृत्व लिने भन्ने निर्णय पनि तल्लो कमिटीले नै गर्ने गरी छलफलबाट उठेको जानकारी दिनुभयो । गठबन्धनको बैठकमा नेपाली काँग्रेसबाट जिल्ला सभापति सुरेन्द्रप्रसाद सिंह, पूर्व केन्द्रीय सदस्य जङ्गीलाल राय, पूर्वमन्त्री शम्भुलाल श्रेष्ठ र नेता कृष्णदेव यादव, नेकपा माओवादी केन्द्रबाट पूर्वमन्त्री रामेश्वर राय यादव, केन्द्रीय सदस्य अच्यूतम काफ्ले, जिल्ला संयोजक कमल बुढाथोकी सहभागी हुनुहुन्थ्यो । यस्तै, नेकपा (एकीकृत समाजवादी) बाट जिल्ला अध्यक्ष सुरेन्द्र लामा, प्रदेशसभा सदस्यद्वय डिल्लीप्रसाद अधिकारी र बेची लुङ्गेली, जिल्ला सचिव गोविन्द अधिकारी र जनता समाजवादी पार्टी (जसपा) बाट बहालवाला कृषि तथा पशुपंक्षी विकास मन्त्री महेन्द्र राय यादव, सर्लाही क्षेत्र नं. १ का सङ्घीय सांसद प्रमोद साह, जिल्ला अध्यक्ष वीरेन्द्र राय, प्रदेशसभा सदस्य अशोक यादव, जिल्ला समन्वय समितिका सभापति मेथुर चौधरी बैठकमा सहभागी हुनुभएको थियो । चुनावी तालमेल हुने नहुने भन्ने अन्यौलताका कारण सर्लाहीमा सत्तारुढ गठबन्धनले उम्मेद्वार छान्न सकिरहेका छैनन् । जिल्लामा अहिलेसम्म कुनै पनि दलसँग तालमेल गर्ने निर्णय नगरेको नेकपा एमालेले भने धमाधम आकांक्षीहरुको नाम जिल्ला कमिटीमा सिफारिस गरिरहेको छ ।
रुरुक्षेत्रकाे तीनमुखे पुल सञ्चालनमा, पूर्व मुख्यसचिव पौडेलकाे सपना पूरा
तिलाचन पाण्डेतम्घास, वैशाख ६ गते । पूर्व मुख्यसचिव लीलामणि पौडेललाई २०३३ सालमा रिडीखोलामा बगाएको स्मरण गर्नुहुँदै बनाइएको पुल सञ्चालनमा आएको छ । विद्यार्थी हुँदा अध्ययन गरेर फिर्ता हुँदा उहाँलाई रिडीखोलाले बगाएको थियो । रिडीको पारी स्याङजाको कारीकोटमा हनुमानको मूर्ति भए पनि त्यो मूर्ति हेर्न जान पुल नभएकै कारणले अँध्यारोमा परेको र स्याङजासँगको सम्बन्ध नै नभएजस्तो हुने गरेकाले पनि पुलको आवश्यकता बढेको उहाँको भनाइ छ । वि.सं.२०६९ सालदेखि तीनमुखे पुलको अवधारणा र २०७१ साल मङ्सिर १५ गते सो पुल शिलान्यासपछि अहिले सञ्चालनमा आउँदा रुरुक्षेत्रको पहिचान स्थापित भएको छ । तीन वटै जिल्लाहरुको सम्बन्धलाई थप विस्तार गर्न र पर्यटकीयस्थल बनाउन यो तीनमुखे पुलले मद्दत गरेको छ । नयाँ डिजाइन भएकाले तत्कालीन इन्जिनियरले जोखिम मोलेर काम गर्न डराएकाले केही समय निर्माणमा ढिलाइ भएको पौडेल बताउनुहुन्छ । नेपालकै आकर्षक नमूना पुल निर्माणले तीन जिल्लाबीच थप सम्बन्ध बढ्ने र आन्तरिक पर्यटकमा समेत वृद्धि हुने उहाँको दाबी छ ।यता, रुरुक्षेत्रका स्थानीय चुरामणी तिमिल्सेनाले तीनमुखे पुल बनेपछि पर्यटकको मुख्य केन्द्रबिन्दु पुल बनेको प्रतिक्रिया दिनुभयो ।अन्य कुनै स्थानमा यस्तो पुल नभएकाले अवलोकन गर्न आउने भएकाले पर्यटनसँगै धार्मिक क्षेत्रको पनि थप प्रचारप्रसार हुने बताउनुभयो । यो सँगै यहाँका होटल व्यवसायीहरु पनि फस्टाउँदै जाने र पैदल यात्रीहरुका लागि तीन जिल्ला जान र आउन थप सहज हुने उहाँको भनाइ छ । अहिले सो पुलमा फोटो खिच्न र टिकटक बनाउन आउँनेहरुको भीड लाग्ने गरेको उहाँले बताउनुभयो । पुलले गुल्मीको रुरुक्षेत्र गाउँपालिका १ रिडी, स्याङ्जाको कालीगण्डकी १, कारिकोट चण्डिभञ्ज्याङ, पाल्पाको तानसेन नगरपालिका १४ अर्गली जोडेको छ ।कालीगण्डकीमा बनाएको झोलुङ्गे पुलको मुख्य पिलर १७७.४ मिटर लम्बाइमा तीन जिल्लाको मध्य भागको दुरीमा रहेको छ । मध्य भागमा रहेको पिलरबाट हरेक जिल्लामा पुग्न बराबर दूरी छ । तत्कालीन नेपाल सरकारका मुख्य सचिव लीलामणि पौडेल र गुल्मी क्षेत्र नम्वर–२ का सांसद चन्द्र भण्डारीले शिलान्यास गरेको पुल निर्माण सम्पन्न भएको सस्पेन्सन ब्रिज डिभिजन कार्यालयका प्रमुख भरत अर्यालले जानकारी दिनुभयो । पुल निर्माणको जिम्मा नयाँबाटो, रुबिना, मना जेबीले पाएको थियो । नौ करोड ८८ लाख २६ हजार ३३२ रुपियाँमा ती संस्था र स्थानीय पूर्वाधार विभाग सस्पेन्सन ब्रिज डिभिजन पुल्चोकबीच सम्झौता भएको थियो । तीन पटक सम्म म्याद थप गरी कार्य सम्पन्न भएको सस्पेन्सन ब्रिज डिभिजन कार्यालयले जनाएको छ । प्रधानमन्त्रीले उद्घाटन गर्ने योजनानिर्माण सम्पन्न भएकाले प्रधानमन्त्री शेरबहादुर देउवाबाट उद्घाटन गर्ने योजना भएकोमा निर्वाचन आचारसंहिताका कारण रोकिएको अर्यालले बताउनुभयो ।
गठबन्धन टुटाउने षड्यन्त्र भयो : प्रधानमन्त्री देउवा
प्रधानमन्त्री शेरबहादुर देउवाले गठबन्धन टुटाउने षड्यन्त्र भइरहेको बताउनुभएको छ । नेपाल विद्यार्थी संघको स्थापना दिवसका अवसरमा मङ्गलबार काठमाडौंमा आयोजित कार्यक्रमलाई सम्बोधन गर्नुहुँदै प्रधानमन्त्री देउवाले गठबन्धन टुटाउने षड्यन्त्र भइरहेको बताउनुभएको हो ।
