गोरखापत्र अनलाइन
बेलौरीका विद्यालय चार दिन बन्द
कञ्चनपुरको बेलौरी नगरपालिकाले पालिकास्थित विद्यालयहरूमा थप चार दिन बिदा दिएको छ ।मौसम प्रतिकुलताका कारण मङ्गलबारदेखि पुस २५ गतेसम्म चार दिन जाडो बिदा दिइएको पालिकाको शिक्षा शाखा प्रमुख अमित प्रसाद भट्टले जानकारी दिनुभयो ।
गाडीसहित अवैध माछा बरामद
जिल्ला कपिलवस्तुको शिवराज नगरपालिकामा प्रहरीले शङ्कास्पद अवस्थामा रहेको बोलेरो पिकअप गाडीसहित सुकाइएको सिद्रा माछा बरामद गरेको छ ।
प्रतिनिधि सभा निर्वाचन : बैतडीमा बढ्दो राजनीतिक चहलपहल
आगामी फागुन २१ गते हुने प्रतिनिधि सभा सदस्य निर्वाचन नजिकिँदै जाँदा बैतडी जिल्लामा राजनीतिक गतिविधि बढ्दै गएको छ । विभिन्न राजनीतिक दलका सम्भावित उम्मेद्वारहरू निर्वाचन क्षेत्र केन्द्रित गतिविधिमा सक्रिय देखिन थालेका छन् ।
उत्कृष्ट सहकारी, कर्मचारी र किसान सम्मानित
जिल्ला सहकारी सङ्घ गुल्मीको ३२ औँ वार्षिक साधारणसभाको अवसरमा उत्कृष्ट कार्य गर्ने दुई सहकारी संस्था र दुई जना व्यवस्थापकलाई सम्मान गरिएको छ ।
खेतमा भेटियो मृत हात्ती
झापाको बुद्धशान्ति गाउँपालिका –३ को एक कृषकको खेतमा जङ्गली हात्ती मृत फेला परेको छ । मंगलबार बिहानै मृत जंगली हात्ती देखेपछि स्थानीयले प्रहरीलाई खबर गरेका थिए ।
तीन सातादेखि बन्द रहेको जलविद्युत् उत्पादन पुनः सुरु
गत मङ्सिर अन्तिम सातादेखि बन्द रहेको ७३ मेगावाट क्षमताको सानिमा मिडल तमोर हाइड्रोपावरको विद्युत् उत्पादन पुनः सुरु भएको छ ।
-original-thumb.jpg)
गोरखामा च्याउ खाँदा एकाघरका चार जना बिरामी
यहाँ परालको टौवामा उम्रिएको च्याउको तरकारी बनाएर खाँदा एका परिवारका चार जना बिरामी परेका छन् ।
क्यान्सर पीडितलाई सहयोग गर्न क्यान्सर विजेताद्वारा साइकल यात्रा
क्यान्सर प्रभावित विपन्न परिवारलाई सहयोग जुटाउने उद्देश्यले मध्य पहाडी लोक मार्गको यात्रा सुरु गरेको क्यान्सर विजेताको टोली टोली धनकुटा आइपुगेको छ ।
सत्य र न्याय बुझेर मात्र मतदान गर्नुहोला
भदौ २३ र २४ गते जेनजीको असाधारण आन्दोलनपछि सत्ता बदलियो । आन्दोलनको जनादेशसँगै प्रधानमन्त्री सुशीला कार्कीको नेतृत्वमा गठित सरकारलाई फागुन २१ गते प्रतिनिधि सभाको निर्वाचन सम्पन्न गर्नुपर्ने कार्यादेश प्राप्त छ ।
पाषाणकालीन कलाका वस्तु फेला
दाङ जिल्लाको तुई उपत्यकामा मानव सभ्यताका पूर्वपाषाण, मध्यपाषाण र नवपाषाण गरी तीन वटै कालका महत्त्वपूर्ण प्रमाण फेला परेको छ । त्रिभुवन विश्वविद्यालय अन्तर्गत नेपाली इतिहास तथा पुरातत्व विभागका प्राडा डिल्लीराज शर्मा नेतृत्वको टोलीले गरेको प्रारम्भिक, सांस्कृतिक तथा पुरातात्विक सर्वेक्षणमा ती सामग्री फेला परेका हुन् ।
अरुण जलविद्युत् आयोजना स्वदेशी पूँजीमा निर्माण गरिने
सङ्खुवासभाको भोटकोला गाउँपालिका—२ मा पहिचाहन गरिएको ४५४ मेगावाटको किमाथाङ्का अरुण अर्धजलाशययुक्त जलविद्युत आयोजना स्वदेशी पूँजीमा निर्माण गर्ने गरी लगानी ढाँचा (मोडालिटी) तयार भएको छ ।
ऋषिदेव सीमापार हुँदै, हराउँदै
कृषिमा यान्त्रिकीकरण सुरु भएसँगै परम्परागत रूपमा माटोको काम (माटो काट्ने, पोखरी खन्ने, डाँडाकाँडा बिराएर खेतीयोग्य जमिन बनाउने) गर्दै आएका अल्पसङ्ख्यक ऋषिदेव (मुसहर) बेरोजगार भएका छन् ।
बागलुङमा धान उत्पादन बढ्यो
बागलुङमा ८४ मेट्रिक टन धान बढी उत्पादन भएको छ । गत वर्ष २० हजार सात सय मेट्रिक टन उत्पादन भएकोमा बढेर यस वर्ष २० हजार सात सय ८४ मेट्रिक टन धान फलेको हो ।
पुल भासिएपछि पथरी कानेपोखरी सडक अवरुद्ध
निर्माणाधीन पूर्वपश्चिम राजमार्ग अन्तर्गत मोरङको कानेपाखेरी–पथरी खण्डमा पर्ने मोरङ्गीखोलाको पुल भासिएपछि राजमार्ग अवरुद्ध भएको छ । इलाका प्रहरी कार्यालय पथरीका
कृषि पेसाले बदलेको जीवन
यहाँको अर्जुनचौपारी गाउँपालिका–१, थापाथोकका फणिनारायण अर्याल सुन्तला र कफी खेती गरेर आफ्नो जीवनलाई हराभरा बनाउनुभएको छ । ४६ वर्षअगाडि २०३६ सालमा विद्यालयमा बागवानी पढ्दै गर्दा सुन्तलाका बिरुवाबाट आफ्नो यात्रा थाल्नुभएको थियो । कृषि विषय अध्ययन गर्दा सहपाठीले सरकारी जागिरतर्फ ध्यान दिएको तर आफू व्यावहारिक ज्ञानलाई महìव दिँदै सुन्तला खेतीमा होमिएको अर्यालले बताउनुभयो ।
