गोरखापत्र अनलाइन
फराकिलो करको दायरा
राष्ट्रिय स्वतन्त्र पार्टीले गत २१ फागुन २०८२ को आमनिर्वाचनबाट स्पष्ट बहुमत प्राप्त गरेको छ । युवा नेतृत्वको यो जितसँगै पार्टीले चुनावको समयमा जारी गरेको ‘नागरिक करार’ मार्फत डिजिटल सुशासन, सात प्रतिशत आर्थिक वृद्धिसँगै अर्थतन्त्रको आकारमा समेत वृद्धि र युवालाई स्वदेशमा नै रोजगारी उपलब्ध गराउने वाचा पूरा गर्नुपर्ने समय आएको । वाचा पूरा गर्न सबैभन्दा ठुलो चुनौती भनेको राजस्व सङ्कलन गर्नु रहेको छ ।
सिमकोट–हिल्सा सडकको लाग्ना खण्ड पुनः सञ्चालनमा
सिमकोट–हिल्सा सडकअन्तर्गत लाग्ना खण्डमा सिमकोट गाउँपालिका–७ डाँडाफयाँका स्थानीयले अवरुद्ध गरेको सडक सञ्चालनमा आएको छ। स्थानीय बासिन्दा र निर्माण व्यवसायीबिच सहमति भएपछि अवरुद्ध सडक पुनः सुचारु भएको हो।
मनाइयो रजत जयन्ती
डल्लु आवासीय विद्यालयले २५ औँ रजतजयन्ती मनाएको छ । काठमाडौँ महानगरपालिकाका कार्यवाहक मेयर सुनिता डङ्गोलको प्रमुख आतिथ्यमा रजतजयन्ती कार्यव्रmम आयोजना गरिएको थियो । कायक्रममा ‘डल्लु आवासीय विद्यालय रजत स्मारिका २०८१’ को विमोचनसमेत गरिएको थियो ।
कला प्रदर्शनीमा महाबौद्ध पहिलो
शिक्षकले विद्यालयमा पठनपाठन गराउँदा प्रस्तुत गर्ने कला प्रदर्शनीमा नाम्खा गाउँपालिका–४ को महाबौद्ध माध्यमिक विद्यालय पहिलो भएको छ । विद्यालयका शिक्षकले सामूहिक रूपमा तयार पारेको शैक्षिक कला प्रदर्शनीमा महाबौद्धले सर्वाधिक अङ्क ल्याएको हो । कला प्रदर्शनीमा सिमकोट गाउँपालिकाको कर्णाली मावि दोस्रो र सिमकोट गाउँपालिकाकै सैपाल हिमाल मावि तेस्रो भए ।
ठड्याइयो बिस्काः जात्राको आकर्षण ‘योसिं’
बिस्काः जात्रामा प्रमुख आकर्षणका रूपमा रहेको भैलः (भैरवनाथ) को प्रतीक मानिने लिङ्गो (योसिं) तान्त्रिक विधि अनुरूप पूजाअर्चना गरी सोमबार उठाइएको छ । बिस्काः जात्राको चौथो दिन पुरानो वर्षको बिदाइको पूर्वसन्ध्यामा भेलुखेल योसिंखेलमा लिङ्गो ठड्याइन्छ । सयौँ युवाले डोरीको सहायताले तानेर ५५ हात लामो लिङ्गो उठाएका थिए ।
हर्षोल्लासपूर्वक मनाइँदै नयाँ वर्ष
समयको गतिसँगै २०८२ सालको बिदाइपछि नयाँ वर्ष २०८३ सालको आगमन भएको छ । वर्षको पहिलो महिनाको पहिलो दिन वैशाख १ गतेलाई नयाँ वर्षका रूपमा मनाइन्छ । साथीभाइ तथा आफन्तजनसँग भेटघाट गरेर नयाँ वर्ष मनाउने चलन छ ।
सप्तरीमा पूर्वाधार विकास कार्यालयका योजना सञ्चालनमा अन्योल
मधेश प्रदेश सरकारअन्तर्गत पूर्वाधार विकास कार्यालय सप्तरीमार्फत सञ्चालन हुने योजनाहरूमा अन्योल देखिएको छ।
घरजग्गा कारोबार तीन वर्षयताकै उच्च विन्दुमा
घरजग्गा कारोबार तीन वर्षयताकै उच्च विन्दुमा पुगेको छ । नेपाल राष्ट्र बैङ्कले सोमबार सार्वजनिक गरेको तथ्याङ्क अनुसार २०८१/८२ को चौथो त्रैमासमा कारोबार उल्लेख्य रूपमा बढ्दै बजारमा पुनः चहलपहल देखिएको हो । राष्ट्र बैङ्कले गरेको रियलस्टेट कारोबारको वर्तमान अवस्था तथा प्रवृत्तिसम्बन्धी अध्ययनका अनुसार पछिल्लो अवधि अर्थात् अघिल्लो आव २०८१/८२ मा करिब १५ अर्बसम्म पुगेको देखिएको छ । आव २०७७/७८ देखि २०८१/८२ सम्म घरजग्गा कर्जा ७२.४१ प्रतिशत र आवासीय कर्जा ६१.५५ प्रतिशतले वृद्धि भएको सो अध्ययनले देखाएको छ । घरजग्गा क्षेत्रबाट प्राप्त सरकारी राजस्व आव २०७८/७९ को पहिलो त्रैमासमा २३.७ अर्बसम्म पुगेको थियो । त्यसपछि घट्दै २०७९/८० को पहिलो त्रैमासमा ८.२ अर्बमा झरेको देखिएको छ ।
विद्युत् खपत विस्तारको रणनीति बनाइने
ऊर्जा, जलस्रोत तथा सिँचाइ मन्त्रालयले विद्युत्को आन्तरिक खपत विस्तारका लागि नयाँ रणनीति बनाउने भएको छ । ऊर्जा, जलस्रोत तथा सिँचाइमन्त्री विराजभक्त श्रेष्ठले नेपाल उद्योग परिसङ्घका पदाधिकारीसँगको छलफलमा यस्तो जानकारी गराउनुभएको हो ।
पानीको गुणस्तरमा नयाँ मापदण्ड
सरकारले बजारमा उपलब्ध पिउने पानीको गुणस्तर सुनिश्चित गर्न र वातावरणीय प्रदूषण न्यूनीकरण गर्ने उद्देश्यले नयाँ मापदण्ड जारी गरेको छ । वाणिज्य, आपूर्ति तथा उपभोक्ता संरक्षण विभागले पिउने पानीको बोतल तथा जारको लेबलिङ र गुणस्तर नियमनसम्बन्धी नयाँ व्यवस्था कार्यान्वयनमा ल्याएको हो ।
सप्तरीमा १४ फरार प्रतिवादी पक्राउ
सप्तरी प्रहरीले अदालको फैसला कार्यान्वयन गर्ने शिलशिलामा विभिन्न मुद्दामा १४ जना फरार प्रतिवादीहरुलाई पक्राउ गरेको छ । पक्राउ पर्नेमा घरेलु हिंसाका १०, कुटपिटका दुई, जालसाजीका एक र चेक अनादर मुद्दाका एक जना गरी १४ जना प्रतिवादीहरु रहेका छन् ।
आयातित सामानमा अधिकतम खुद्रा मूल्य अनिवार्य राख्न निर्देशन
सरकारले नेपालमा आयात गरिने सम्पूर्ण वस्तुमा अबको १५ दिनपछि अनिवार्य रूपमा अधिकतम खुद्रा मूल्य (एमआरपी) उल्लेख गर्न निर्देशन दिएको छ । वाणिज्य, आपूर्ति तथा उपभोक्ता संरक्षण विभाग र नेपाल समुद्रपार निकासीपैठारी सङ्घका प्रतिनिधिबिच आइतबार भएको छलफलले उपभोक्ता हित र बजार व्यवस्थापनलाई थप पारदर्शी बनाउने उद्देश्यका साथ निकासीपैठारीकर्तालाई यस्तो निर्देशन दिएको हो ।
पेट्रोलियममा उच्च मूल्य बढेको वर्ष
एक वर्षको अवधिमा बजारमा पेट्रोलियम पदार्थमा उच्च मूल्यवृद्धि भएको छ । अन्तर्राष्ट्रिय बजारमा मूल्य बढ्दा त्यसको मारमा नेपाली उपभोक्ता परेका हुन् । एक वर्षको अवधिमा पेट्रोल लिटरमा ५६ रुपियाँ, डिजेल प्रतिलिटरमा ५८ रुपियाँ, हवाई इन्धन आन्तरिक लिटरमा ८८ रुपियाँ र खाना पकाउने एलपी ग्यास प्रतिसिलिन्डरमा एक सय रुपियाँ मूल्य बढेको छ । नेपाल आयल निगमका अनुसार २०८१ चैत अन्तिममा प्रतिलिटर १६३ रहेको पेट्रोलको मूल्य अहिले बढेर २१९ रुपियाँ पुगेको छ । यस्तै प्रतिलिटर १४९ रुपियाँ रहेको डिजेलको मूल्य बढेर लिटरमा २०७ रुपियाँ पुगेको छ ।
वैशाखका लागि पनि घट्यो ब्याजदर
मुद्दती निक्षेपको ब्याजदर निरन्तर घटाइरहेका वाणिज्य बैङ्कले नयाँ वर्षको सुरुवात पनि ब्याजदर घटाएरै गरेका छन् । बैङ्कहरूले २०८३ वैशाखका लागि मुद्दती निक्षेपको ब्याजदर घटाएका हुन् ।
वार्षिक मेलामै सीमित ‘सलहेस फूलवारी’
जनकपुरको जानकी मन्दिर पछिको दोस्रो धार्मिक–पर्यटकीय सम्भावना बोकेको सलहेस फूलवारी अहिलेसम्म वार्षिक मेलामै सीमित रहेको छ।
