गोरखापत्र अनलाइन
बाघले गर्दा बर्दिया परिचित
सन् २०१० मा रुसमा आयोजित अन्तर्राष्ट्रिय सम्मेलनमा नेपालसहित १३ देशले २०२२ सम्ममा बाघको सङ्ख्या दोब्बर बनाउने लक्ष्य तय गरेपछि नेपालले पनि सक्रिय संरक्षण अभियान चलायो । यसको उल्लेखनीय परिणामस्वरूप बर्दिया राष्ट्रिय निकुञ्जमा बाघको सङ्ख्या उल्लेख्य रूपमा वृद्धि भएको छ ।
कुशको शव बनाएर दाहसंस्कार
भारतको उत्तराखण्ड राज्य, पौडी गढवालको बाकुडास्थित बिनु नदीमा गत बुधबारदेखि बेपत्ता भएका बर्दियाका नरेन्द्र खड्काको परिवारलाई पाँच दिनसम्म खोजी गरे पनि फेला पार्न नसकेपछि कुशको शव बनाएर दाहसंस्कार गरिएको छ । बिहान पहिरो र त्यसपछिको बाढीमा परी बेपत्ता भई फेला पर्न नसकेपछि परिवारले उहाँको कुशको शव बनाएर दाहसंस्कार गरेका हुन् ।
चिनियाँ चिकित्सक टोली क्यान्सर अस्पतालमा
बिपी कोइराला मेमोरियल क्यान्सर अस्पतालमा बोनम्यारो प्रत्यारोपण युनिट स्थापनाका लागि चिनियाँ विज्ञ टोली बिहीबार चितवन आएको छ । चिनियाँ टोली र क्यान्सर
डोको, थुन्से र ढाकर बेचेर परिवार पाल्नुहुन्छ परियार
बेनी नगरपालिका–९ तोरीपानीका ४९ वर्षीय शेरबहादुर परियारले बाँस र निगालोको चोया काडेर डोका,डाला थुन्से, ढाकर बनाउनुहुन्छ । बाँसका वस्तु बनाउन सिपालु कालीगढ उहाँले आफ्ना उत्पादन बेचेर मासिक रु १२ हजार आर्जन गर्दै आउनुभएको छ ।
मानव–वन्यजन्तु द्वन्द्व घटाउन पोखरी निर्माण
वनमा पानीको स्रोत मासिँदै गएपछि मानव वस्तीमा वन्यजन्तु आउन थालेपछि डिभिजन वन कार्यालयले वन्यजन्तुका लागि पोखरी निर्माण गरेको छ ।
सात वर्षदेखि अधूरै बृहत् लिफ्ट आयोजना
बागलुङ नगर खानेपानी तथा उपभोक्ता समितिले आम उपभोक्तालाई लिफ्टमार्फत पानी वितरण गर्दा मासिक रु पाँच लाख विद्युत् महसुल तिर्दै आएको छ ।
सरकारी कार्यालयमा छैन नागरिक बडापत्र
रुकुमपश्चिमका दर्जनभन्दा बढी कार्यालयले सूचनाको हकसम्बन्धी कानुनले व्यवस्था गरेको प्रावधान कार्यान्वयन नगरेको पाइएको छ । जिल्ला हुलाक कार्यालयले गरेको अनुगमनका क्रममा १४ कार्यालयमा नागरिक बडापत्र नभएको, ११ कार्यालयले स्वतः सूचना प्रकाशन नगरेको, नौ कार्यालयको वेबसाइट नै नरहेको पाइएको हो ।
भोजपुरमा उद्योग दर्ता बर्सेनि घट्दो, खारेजी बढ्दो
भोजपुरमा घरेलु उद्योग दर्ताको सङ्ख्या घट्दै गएको छ । घरेलु उद्योग कार्यालयका अनुसार बर्सेनि क्रमिक रूपमा घरेलु तथा साना उद्योग दर्ता घटेको हो ।
पाल्पाका दुई सहकारीका व्यवस्थापकलाई ठगीको आरोप
पाल्पाका दुई सहकारी संस्थाका व्यवस्थापकलाई सहकारी ठगीको आरोप लागेको छ । रम्भा–४, हुमिनको लालीगुँरास बचत तथा ऋण सहकारी संस्थाका व्यवस्थापक विष्णुबहादुर बम्रेललाई झण्डै तीन करोड रकम हिनामिना गरेको आरोप छ ।
शुक्लाफाँटामा दुर्लभ वन्यजन्तु कृष्णसारको सङ्ख्यामा वृद्धि
शुक्लाफाँटा राष्ट्रिय निकुञ्जमा संरक्षित दुर्लभ वन्यजन्तु कृष्णसारको सङ्ख्या निरन्तर बढ्दै गएको छ । पुनःस्थापन गरिएको एक दशकमा कृष्णसारको सङ्ख्या बढेर तीन सय १० पुगेको छ ।
पदमार्गको अभाव हुँदा ओझेलमा जल्पाताल
चारैतिर अग्ला पहाड । बीचमा टक्क अडिएकोे निश्चल पानी । शान्त र मनोरम वातावरण । स्वच्छ, सुन्दर तलाउ आगन्तुकलाई स्वागत गर्न तत्पर छ । अनेक रङ्गका फूलले यहाँको वातावरण मनमोहक बनाएको छ । यहीँ दृश्य अवलोकन गर्न जल्पातालमा पुग्ने मोहित हुन्छन् ।
मातृशिशु मृत्युदर उच्च
सुरक्षित प्रसूति सेवाको विस्तार भए पनि कर्णालीमा मातृशिशु मृत्युदरमा कमी आएको छैन । यहाँ बर्सेनि विभिन्न कारणले सुत्केरी आमा र नवजात शिशुको ज्यान जाने गरेको छ । अत्यधिक रक्तस्राव, इम्बोलिज्म, पाठेघर फुट्ने, गर्भवती अवस्थामा हुने कम्पनलगायतका कारण सुत्केरीले ज्यान गुमाउने गरेका छन् ।
पत्रकार उमेश राउतको कृष्ण भजन ‘वंशी बजाइदेऊ’ सार्वजनिक
पत्रकार उमेश राउतको सङ्गीत र स्वरमा ‘वंशी बजाइदेऊ’ कृष्ण भजन सार्वजनिक भएको छ । भगवान् श्रीकृष्णको भक्तिभावमा आधारित उक्त भजन ‘उमेश राउत’ युट्युब च्यानलमा सार्वजनिक भएको हो ।
बागलुङका एक जनप्रतिनिधि व्यावसायिक स्याउखेतीमा रमाउँदै
छ वर्ष अघि ताराखोला गाउँपालिका–५ का अध्यक्ष मनबहादुर रोकाले परीक्षणका लागि जुम्लाबाट बिरुवा ल्याएर थाल्नुभएको स्याउखेती अहिले व्यावसायिक खेतीमा परिणत भएको भएको छ ।
बाह्रवनमा कुहिँदै करोडौँको काठ
कैलालीको बाह्रवन साझेदारी वनमा करोडभन्दा बढी मूल्यको काठ कुहिन थालेका छन् ।
