.JPG)
अन्नपूर्ण प्रथम हिमालमा वसन्तयामको पहिलो सफल आरोहण
अन्नपूर्ण प्रथम हिमालको चुचुरोमा वसन्तकालिन यामको पहिलो सफल आरोहण भएको छ । म्याग्दीको अन्नपूर्ण गाउँपालिका ४ नारच्याङस्थित आठ हजार ९१ मिटर अग्लो अन्नपूर्ण प्रथमको चुचुरोमा शनिबार सात जना विदेशी आरोहीले सफल आरोहण गरेका हुन् ।
ताल्चा विमानस्थलमा सातामै चार दिन सेवा
नियमित सेवा दिन नसकेका कारण मुगुवासीले बारम्बार गुनासो गरिरहने नेपाल वायुसेवा निगमको सेवा अहिले नियमित हुन थालेको छ । पछिल्लो समय निगमले सातामै चार दिन उडान सेवा दिन थालेको छ । नेपाल एयरलाइन्स रारा ताल्चा विमानस्थलका स्टेसन इन्चार्ज नवीनकुमार विष्टका अनुसार गत फागुनको अन्तिम साताबाट नेपालगन्जबाट हप्ताको चार पटक आइतबार, मङ्गलबार, बिहीबार र शुक्रबार उडानको व्यवस्था मिलाइएको छ । साथै बिहीबार प्रदेश राजधानी सुर्खेतबाट पनि ताल्चा विमानस्थलसम्म उडान गरिएको उहाँले जानकारी दिनुभयो ।
कर्णालीको बालुवामा प्याज खेती
मरुभूमि जस्तै रहेको कर्णाली नदी बगरको बालुवामा स्थानीय किसानले प्याज खेती गरेर आम्दानी गर्न थालेका छन् । कैलालीको टीकापुर नगरपालिका–८, फाँटागाउँका ६० घरपरिवारले कर्णाली नदीको बालुवामा प्याज खेती गरेर फाइदा लिन थालेका हुन् । बाँझो रहेको बगरमा उनीहरूले केही वर्षयता प्याज खेती गरेर कमाइ गरिरहेका छन् ।
यस्तो छ आजको मौसम पूर्वानुमान
हाल नेपालमा पश्चिमी र स्थानीय वायुको आंशिक प्रभाव रहेको छ । यसको प्रभाव रहँदा कोशी प्रदेशलगायत बाँकी पहाडी र हिमाली भू–भागमा साधारणतया बादल लाग्ने छ ।
बक्यौता नपाएपछि उजुरी
पश्चिम नवलपरासीको प्रतापपुर गाउँपालिकामा सञ्चालित इन्दिरा सुगर मिल्स एन्ड इन्डस्ट्रिजले किसानको करोडौँ रुपियाँ बक्यौता भुक्तानी नगरेको भन्दै कारबाहीका लागि गृहमन्त्रालयमा उजुरी परेको छ ।
तिलोत्तमामा ६ विद्यालय समायोजन, ७ को तह मिलान
रुपन्देहीको तिलोत्तमा नगरपालिकाले शिक्षा क्षेत्र सुधारका लागि महत्त्वपूर्ण कदम अघि बढाएको छ । नगरपालिकाले विद्यालयहरू एकीकरण (मर्ज) र केही विद्यालयको तह मिलान गरी ठूला तथा व्यवस्थित विद्यालयमा रूपान्तरण गर्ने प्रक्रिया सुरु गरेको हो ।
धुर्कोट आधारभूत अस्पतालमा दन्त सेवा सुरु
धुर्कोट गाउँपालिका–६ स्थित धुर्कोट आधारभूत अस्पतालमा दन्त सेवा सुरु भएको छ । शनिबारबाट अस्पतालमा दन्त सेवा सुरु भएको हो। दाँत फाल्ने, सफा गर्ने र औषधी प्रदान गर्ने सेवा अस्पतालबाट प्रदान हुनेछ ।
तमोर नदीले बगाएर बालक बेपत्ता
ताप्लेजुङमा तमोर नदीले बगाएर एक बालक बेपत्ता भएका छन् । प्रहरीका अनुसार मेरिङ्देन गाउँपालिका–६ नाल्बुका मिङमा शेर्पाका नौ वर्षीय छोरा फुर्वा शेर्पा तमोरले बगाएर बेपत्ता हुनुभएको हो ।
बोर्ड अध्यक्ष श्रेष्ठको राजीनामा
कार्यभार समालेको १७ महिनामै नेपाल धितोपत्र बोर्डका अध्यक्ष सन्तोषनारायण श्रेष्ठले राजीनामा दिनुभएको छ । शुक्रबार बोर्ड सञ्चालक समितिको बैठकमा उहाँले राजीनामा घोषणा गर्नुभएको हो । त्यसपश्चात् उहाँले अर्थ मन्त्रालयमा पुगेर अर्थमन्त्री डा. स्वर्णिम वाग्लेलाई राजीनामापत्र बुझाउनुभएको थियो ।
गण्डकी प्रदेशले करको दायरा फराकिलो बनाउछ : अर्थमन्त्री शेरचन
गण्डकी प्रदेशका अर्थमन्त्री जीत शेरचनले करको दर नभएर दायरा बढाउने बताउनुभएको छ । उहाँले प्रदेशका लाइफलाईनका योजनालाई अघि बढाउने बताउनुभयो ।
‘जिटुजी’ मार्फत खरिद हुँदै रासायनिक मल
सरकारले छिमेकी मुलुक भारतसँग जिटुजी (सरकार–सरकार) मार्फत डेढ लाख मेट्रिक टन रासायनिक मल खरिद गर्न लागेको छ । पश्चिम एसियाली मुलुकमा जारी युद्धका कारण मल आपूर्तिमा असहज भएपछि जिटुजीमार्फत मल खरिद गर्न लागिएको हो । कृषि तथा पशुपन्छी विकास मन्त्रालयले रासायनिक मलको आपूर्ति व्यवस्था सहज बनाउन परराष्ट्र मन्त्रालमार्फत भारतलाई पत्राचार गरेको जनाएको छ ।
नल, पराल जलाउँदा बिग्रँदै माटो
कैलालीका किसान गहुँको नल, धानको पराल र बाली चुट्दाको भुस बारीमै जलाउन थालेका छन् । सिजन अनुसार किसानले बारीमा बाली उठाइसकेपछि पराल, नल, र भुस बाल्ने गरेका छन् ।
यस्तो छ आजका लागि तय भएको विदेशी मुद्राको विनिमयदर
नेपाल राष्ट्र बैंकले आज (आइतबार)का लागि विदेशी मुद्राको विनिमयदर निर्धारण गरेको छ । निर्धारित विनिमयदरअनुसार अमेरिकी डलर एकको खरिददर १४८ रुपियाँ ३९ पैसा र बिक्रीदर १४८ रुपियाँ ९९ पैसा तोकिएको छ ।
सदस्यता नवीकरणको म्याद थप
नेपाल कम्युनिस्ट पार्टी (एमाले) ले सदस्यता नवीकरणको समयावधि दुई महिना थप गरेको छ । एमालेले फागुन–चैतमा सदस्यता नवीकरण गरिसक्ने व्यवस्था गरेकामा आमनिर्वाचनका कारणले जेठ मसान्तसम्म समय थप गरेको जनाएको छ ।
कांग्रेसको अबको बाटो साङ्गठनिक र वैचारिक एकता
नेपाली कांग्रेसको दोस्रो विशेष महाधिवेशनपछि उत्पन्न द्विपक्षीय विवाद निरूपण भएपछि १५ औँ महाधिवेशनका सन्दर्भमा बहस आरम्भ भएको छ । सर्वोच्च अदालतले शुक्रबार दिएको आदेशमा विशेष महाधिवेशनबाट सभापति गगनकुमार थापाको नेतृत्वमा निर्वाचित केन्द्रीय कार्यसमितिले आधिकारिकता प्राप्त गरेपछि कांग्रेसका सम्पूर्ण पार्टीपङ्क्ति १५ औँ महाधिवेशनउन्मुख भएको हो ।
गैरपर्यटकीय भिसा सिफारिस अब सहज
नेपालस्थित विभिन्न वायुसेवा कम्पनीमा विदेशी जनशक्तिलाई काममा लगाउने क्रममा गैरपर्यटकीय भिसा सिफारिस अब मन्त्रालयबाटै गर्न सकिने भएको छ । संस्कृति, पर्यटन तथा नागरिक उड्डयन मन्त्रालयका अनुसार यसअघि नेपालस्थित विभिन्न वायुसेवा कम्पनीमा विदेशी जनशक्तिलाई काममा लगाउन गैरपर्यटकीय भिसा सिफारिसका लागि आवश्यक कानुनी प्रक्रिया पूरा गर्न नेपाल नागरिक उड्डयन प्राधिकरणमार्फत सम्बन्धित मन्त्रालयमा सिफारिस पठाइने व्यवस्था रहेकोमा अब भिसा सिफारिस मन्त्रालयमै गर्न सकिने भएको हो ।
कानुन निर्माण ढिलो हुने छैन : सभामुख
सभामुख डोलप्रसाद अर्यालले कानुन निर्माणमा एक मिनेट पनि ढिलो गर्न नहुने बताउनुभएको छ । लायन्स क्लब इन्टरनेसनलले आयोजना गरेको कार्यक्रमलाई सम्बोधन गर्दै सभामुखले नयाँ कानुनको निर्माण र संशोधन गर्न एक इन्च पनि सम्झौता नगरिने प्रस्ट पार्नुभएको हो ।
कार्यान्वयनले लिन थाल्यो गति
सरकारले शासकीय सुधारको २० दिनको यात्रामा आफ्ना एक सय प्रतिबद्धताका अधिकांश बुँदामा तीव्रतासाथ पाइला अघि बढाएको छ । प्रधानमन्त्री वालेन्द्र शाहको नेतृत्वमा सरकार गठन भएकै दिन चैत १३ गतेको मन्त्रीपरिषद्को पहिलो बैठकले पारित गरेको एक सय कार्यसूचीलाई मूर्तरूप दिन सरकारले गति बढाएको हो । सरकारले आफ्नै काम कसरी भइरहेको छ भनेर आन्तरिक कार्यदक्षता सञ्जाल बनाएको छ । हरेक दिन उक्त सूची पल्टाउने र परिमार्जनसहित परिणाम दिने व्यवस्था गरेको छ ।
करोडौँका ‘होल्डिङ सेन्टर’ अलपत्र
कोभिड–१९ महामारी नियन्त्रणका लागि विभिन्न जिल्लामा निर्माण गरिएका होल्डिङ सेन्टर प्रयोगविहीन छन् । करोडौँ रुपियाँ लगानीमा निर्माण गरिएका यी संरचना सञ्चालन र व्यवस्थापनको स्पष्ट योजना नहुँदा अलपत्र बनेका हुन् ।
प्रधानमन्त्री, मन्त्री ९ बजे नै कार्यकक्षमा
पछिल्लो समय सरकारी कामकाजलाई चुस्त बनाउन प्रधानमन्त्री र मन्त्री बिहान ९ बजे नै सिंहदरबार पुग्ने अभ्यास सुरु भएको छ । यसले कर्मचारी प्रशासनमा अनुशासन र समय पालनाको सकारात्मक सन्देशसमेत दिएको छ । प्रधानमन्त्री र मन्त्री समयमै कार्यालय उपस्थित हुनु र जिम्मेवारीपूर्वक काम गर्नुलाई सुशासनको पहिलो सर्तका रूपमा लिइएको छ । प्रधानमन्त्री र मन्त्री नै समयमै कार्यालय आउने र पूरा समय बस्ने भएपछि कर्मचारी स्वतः समयमै कार्यालय पुग्ने गरेको पाइएको छ ।
चट्याङ लागेर किसानको मृत्यु
बारामा चट्याङ लागेर एक जना किसानको मृत्यु भएको जिल्ला प्रहरी कार्यालयले जनाएको छ । मृत्यु हुनेमा जिल्लाको कोल्हवी नगरपालिका –५ सोनाभारका ३२ वर्षीय लुटावन चौधरी रहेको जिल्ला प्रहरी कार्यालयका प्रहरी प्रवक्ता विजयराज पण्डितले जानकारी दिनुभयो ।
सल्यान जिप दुर्घटना अपडेट : चारको मृत्यु, १४ घाइते
सल्यानको बनगाड कुपिण्डे नगरपालिका–१२ पुथालास्थित भित्री सडक खण्डमा जन्ति बोकेको जिप दुर्घटना हुँदा चार जनाको मृत्यु भएको छ । १४ जना घाइते भएका छन् ।
दुई सवारी दुर्घटना, भारतीय नागरिकसहित नौ घाइते
हेटौँडा–भीमफेदी–कुलेखानी–काठमाडौँ सडकखण्ड अन्तर्गत भीमफेदी गाउँपालिका–६, जुरिखेतमा स्कार्पियो र सुमो दुर्घटना हुँदा चालकसहित नौ जना घाइते भएका छन् ।
सल्यानमा जन्ती बोकेको गाडी दुर्घटना, १८ जना घाइते
सल्यानमा जन्ती बोकेको गाडी दुर्घटना हुँदा १८ जना घाइते भएका छन् । घाइतेमध्ये केहीको घटनास्थलमै मृत्यु भएको हुनसक्ने सल्यानका प्रमुख जिल्ला अधिकारी महेन्द्रकुमार सापकोटाले जानकारी दिनुभएको छ ।
अध्यक्ष ओली उपचारपछि अस्पतालबाट घर फिर्ता
नेपाल कम्युनिष्ट पार्टी (एमाले) का अध्यक्ष केपी शर्मा ओली उपचारपछि अस्पतालबाट आज घर फर्कनु भएको छ । त्रिभुवन विश्वविद्यालय (त्रिवी) शिक्षण अस्पतालमा उपचार गराइरहनुभएका उहाँ आज उपचारपश्चात घर फर्कनुभएको अस्पतालका प्रवक्ता डा. गोपाल सेढाइँले जानकारी दिनुभयो । शल्यक्रियापछि अध्यक्ष ओली चिकित्सकको निगरानीमा रहनुभएको थियो ।
