पुल र सडकका लागि पहल गर्नेलाई भोट
बाँके, फूलजोर र लखन्देहीखोलामा पुल नहुँदा बर्सौंदेखि सास्ती खेप्न बाध्य सर्लाहीका एक दर्जनभन्दा बढी पालिकाका बासिन्दाले चुनाव नजिकिएसँगै सडक र पुलका लागि पहल गर्ने उम्मेदवारलाई मत दिने बताएका छन् । महोत्तरी, सर्लाही र सिन्धुलीको चुरे भेगदेखि ब
धार्मिक सहिष्णुता, सामाजिक सद्भाव कायम
यही फागुन २१ गते हुने प्रतिनिधि सभा सदस्य पदको निर्वाचनलाई शान्तिपूर्ण तरिकाले भयरहित वातावरणमा सम्पन्न गर्न जिल्ला प्रशासन कार्यालय बाँकेले सर्वपक्षीय बैठकको आयोजना गरी सातबुँदे निर्णय गरेको छ । सो बैठकले धार्मिक सहिष्णुता, सामाजिक सद्भाव र निर्वाचन आचारसंहिताको पालना गर्नुपर्नेमा विशेष जोड दिँदै होली र रमजान दुवै पर्वलाई मर्यादित तरिकाले मनाउनेलगायतका महत्वपूर्ण निर्णय गरेको बाँकेका प्रमुख जिल्ला अधिकारी दिलकुमार तामाङले बताउनुभयो ।
भूमिहीनको समस्या जहिले नि उस्तै
निर्वाचनका समयमा महत्वपूर्ण एजेन्डा बन्ने भूमिहीन सुकुमवासीको समस्या निर्वाचनपश्चात् भने कुनै पनि राजनीतिक दलले उठाउने गरेको देखिँदैन । निर्वाचनका समयमा सबै उम्मेदवारले बहस गर्ने तर निर्वाचन सकिएपछि घोषणापत्रमा भएका वाचा बिर्सिंदा सुकुमवासी समस्या समाधान हुन नसकेको गुनासो बर्दियाका भूमिहीन सुकुमवासीले गरेका छन् ।
चुनावी एजेन्डा : ज्योतिनगर पहिरो नियन्त्रण
यही फागुन २१ गते हुने निर्वाचनमा बुटवलको ज्योतिनगर पहिरो नियन्त्रण सबै उम्मेदवारको प्रतिबद्धतामा परेको छ । नेपाली कांग्रेस, नेकपा (एमाले), राष्ट्रिय स्वतन्त्र पार्टी तथा नेपाली कम्युनिस्ट पार्टीका उम्मेदवारले ज्योतिगर पहिरो नियन्त्रण गर्ने प्रतिबद्धता जनाएका छन् । एमालेबाट रुपन्देही क्षेत्र नं. २ का उम्मेदवार विष्णु पौडेलको प्रतिबद्धतापत्रमा ज्योतिनगर पहिरो नियन्त्रणको कुरा प्राथमिकतामा परेको छ ।
सबै जिल्लामा पुगे निर्वाचन सामग्री
प्रतिनिधि सभा सदस्य निर्वाचनका लागि कर्णाली प्रदेशका १० वटै जिल्लामा निर्वाचन सामग्री सुरक्षित रूपमा वितरण भइसकेको छ । निर्वाचन आयोगले निर्वाचन तयारी अन्तिम चरणमा पुगेको जानकारी दिएको छ ।
कालापहाड गएका मानिस चुनावमा गाउँ फर्किंदै
दसैँतिहार सकिएलगत्तै रोजगारीको खोजीमा जिल्लाबाहिर गएका सर्वसाधारण अहिले धमाधम घर फर्किन थालेका छन् । २१ फागुनमा हुने प्रतिनिधि सभा सदस्य निर्वाचनमा आफ्नो मताधिकार प्रयोग गर्न उनीहरू गाउँ फर्किएका हुन् ।
दलहरूका पुरानै वाचा
प्रतिनिधि सभा सदस्य निर्वाचन नजिकिँदै गर्दा बझाङका सबै राजनीतिक दल र उम्मेदवार घरदैलो, सार्वजनिक सभा र विभिन्न प्रचार माध्यममार्फत मतदातासँग प्रत्यक्ष भेटघाटमा जुटेका छन् । उम्मेदवारले अझै पनि पुराना चुनावी मुद्दा र वाचाको भरमा आफ्नो प्रचार रणनीति निर्माण गरेका छन् ।
गुगलमा जागिर पाएपछि थारू चेलीको चौतर्फी प्रशंसा
विश्वको एक ठुलो प्राविधिक कम्पनी गुगल (सर्च इन्जिन) मा सफ्टवेयर इन्जिनियरको पूर्णकालीन जागिर पाएपछि थारू चेली आयशा चौधरीको चौतर्फी प्रशंसा भइरहेको छ । कमैले पाउने अवसर कञ्चनपुरको बेलौरी नगरपालिका–४ की उहाँले ठुलो सफलता प्राप्त गरेको भन्दै विभिन्न विद्यालयले आयशालाई सम्मान गरिरहेका छन् । सामाजिक सञ्जालदेखि सञ्चार माध्यममा समेत उहाँको सफलताको चर्चा भएको छ ।
-original-thumb.jpg)
चेपाङगाउँमा चुनावको सल्लाह
सिद्धिको तल सडकमा विभिन्न राजनीतिक दलका उम्मेदवार र कार्यकर्ता सवारीसाधनमा चुनावी नारा घन्काउँदै मत माग्दै थिए । माथि कासवाङस्थित सुक्खा पहराको छाप्रोमा वयोवृद्ध ७७ वर्षीय जोडी वृषबहादुर र भुरीमाया चेपाङ डोको बुन्दै हुनुहुन्थ्यो ।
एकाउन्न प्रतिशत महिला मतदाता, एक जना महिला उम्मेदवार
काठमाडौँको गोकर्णेश्वर नगरपालिका वडा नं. ३ का रविरत्न श्रेष्ठ कृषि पेसामा संलग्न हुनुहुन्छ । काठमाडौँमै अर्गानिक तरकारी पु¥याउने अठोटका साथ उहाँले २०७६ मा वैदेशिक रोजगारीबाट फर्किएपछि कृषि कर्म थाल्नुभएको हो । उहाँले चार लाख रुपियाँभन्दा बढी लागतमा टहरा बनाएर मौसमी तरकारी लगाउनुभएको छ । लगानी थपेपछि आम्दानी केही वृद्धि भएको छ । उहाँले भन्नुभयो, “तर भने जस्तो उत्पादन छैन । लगानी र मेहनत धेरै आम्दानी सीमित भएकाले खर्च धान्न समस्यै छ ।”
भन्सार नाका निगरानीका लागि परिपत्र
प्रतिनिधि सभा निर्वाचनको मिति नजिक आउँदै गर्दा सीमाक्षेत्रमा अवैध व्यापार बढ्न सक्ने सम्भावनालाई ध्यान गर्दै भन्सार विभागले सबै भन्सार कार्यालयलाई परिपत्र गरेको छ ।
डेरी उद्योगलाई जरिबाना
वाणिज्य, आपूर्ति तथा उपभोक्ता संरक्षण विभागले गोकर्णेश्वर नगरपालिका–९, अत्तरखेलको भगवती डेरी उद्योगको अनुगमन गरी २० हजार रुपियाँ जरिबाना गरेको छ ।
पर्यटनबाट अर्थतन्त्र उकास्ने वाचा
निर्वाचनमा उत्साहजनक रूपमा सहभागी भइरहेका राजनीतिक दलहरूले पर्यटन क्षेत्रलाई राष्ट्रिय अर्थतन्त्र, रोजगारी र उद्यमशीलताको मुख्य आधार बनाउने साझा प्रतिबद्धता अघि सारेका छन् । आगामी बिहीबार हुने गइरहेको प्रतिनिधि सभा सदस्य निर्वाचनका लागि राजनीतिक दलहरूले जनतासमक्ष लगेका प्रमुख वाचामध्ये पर्यटन र नागरिक उड्डयन क्षेत्रमा आर्थिक रूपान्तरण गर्ने साझा एजेन्डा अघि सारेका हुन् ।
उपभोक्ता अदालतले पायो नेतृत्व
आठ महिनादेखि नेतृत्वविहीन उपभोक्ता अदालतले नेतृत्व पाएको छ । मन्त्रीपरिषद्को मङ्गलबारको बैठकले न्यायपरिषद्को सिफारिसमा काठमाडौँ जिल्ला अदालतसमेत हेर्ने गरी न्यायाधीश डा. दिवाकर भट्टलाई उपभोक्ता अदालतको अध्यक्ष तोकेको हो ।
-original-thumb.jpg)
दलले बुझाए लेखा परीक्षण प्रतिवेदन
निर्वाचन आयोगमा ९६ राजनीतिक दलले गत आवको लेखा परीक्षण प्रतिवेदन बुझाएका छन् । आयोगको अभिलेखबमोजिम गत असारसम्म १२२ राजनीतिक दलको दर्ता कायम रहेकामा २६ दलले आर्थिक वर्ष २०८१/८२ को लेखा परीक्षण प्रतिवेदन बुझाएका छैनन् । आयोगको कानुन तथा राजनीतिक दल व्यवस्थापन महाशाखाका अनुसार ९५ दलले तोकिएको समयसीमाभित्र लेखा परीक्षण प्रतिवेदन बुझाएको र एउटा दलले समयसीमापछि प्रतिवेदन बुझाएको हो । नेपाल विवेकशील पार्टीले समयसीमापछि फागुन ८ गते मात्रै प्रतिवेदन बुझायो ।
निर्वाचनमा सुरक्षाकर्मी घाइते भए उपचार खर्च सरकारले बेहोर्ने
सरकारले निर्वाचनका क्रममा घाइते भएका सुरक्षाकर्मी तथा निर्वाचन प्रहरीको उपचार खर्च बेहोर्ने भएको छ । फागुन १२ गतेका मन्त्रीपरिषद् बैठकका निर्णय बुधबार सिंहदरबारमा सार्वजनिक गर्दै गृहमन्त्री ओमप्रकाश अर्यालले निर्वाचनको अवधिमा सुरक्षाकर्मीको मृत्यु भएमा निजको आश्रित परिवारलाई आर्थिक सहायता उपलब्ध गराउने निर्णय भएको जानकारी दिनुभयो ।
आरोहीको नक्कली उद्धारमा संलग्न सिंह पक्राउ
हिमाल आरोहणमा जाने विदेशी पर्यटकमा समान्य स्वास्थ्य समस्या देखिँदा डर, त्रास देखाई उद्धारका नाममा ठगी गर्ने गिरोहका थप एक जनालाई प्रहरीले पक्राउ गरेको छ ।
राजमार्गलाई आपत्कालीन विमान अवतरणयोग्य बनाउने नीति कागजमै सीमित
सरकारले प्राकृतिक प्रकोप वा मुख्य विमानस्थल बन्द भएको अवस्थामा राहत सामग्री ढुवानी र सुरक्षाका लागि प्रयोग गर्ने लक्ष्यसहित राष्ट्रिय राजमार्गलाई आपत्कालीन विमान अवतरण (इमर्जेन्सी ल्यान्डिङ) योग्य बनाउने कार्यक्रम अगाडि सारे पनि अहिलेसम्म कार्यान्वयन हुन सकेको छैन ।
जल सङ्कटमा समग्र मधेश
आसन्न प्रतिनिधि सभा सदस्य निर्वाचनका लागि राजनीतिक दलले घोषणापत्रमार्फत समग्र विकासका लागि आकर्षक प्रतिबद्धता व्यक्त गरेका छन् । ती प्रतिबद्धतामा मधेश प्रदेशको प्रमुख समस्याबारे स्पष्ट रूपमा उल्लेख गरिएको छैन । पछिल्लो वर्षमा मधेश प्रदेशमा जल सङ्कट प्रमुख समस्या बनेको छ । विगतदेखि नै दलले मधेशलाई अन्नको भण्डार बनाउने, कृषि क्रान्ति ल्याउने र मधेशले देशलाई खुवाउने जस्ता आकर्षक नारा दिँदै आएका छन् तर मधेश प्रदेश दिनप्रतिदिन गहिरिँदो जल सङ्कटको चपेटामा पर्दै आएको छ । गत वर्ष सङ्घीय सरकारले मधेशका भूभागलाई सुक्खा सङ्कटग्रस्त क्षेत्र घोषणा गरेको थियो ।
गोरखापत्रकर्मी तामाङलाई पति शोक
लेखक तथा पत्रकार पदम श्रेष्ठको ५७ वर्षको उमेरमा बुधबार काठमाडौँमा निधन भएको छ । गोरखापत्रकर्मी शिवा तामाङका पति पदम श्रेष्ठको मस्तिष्कघात (ब्रेन ह्यामरेज) का कारण बुधबार दिउँसो २ बजे लाजिम्पाटस्थित घरमै निधन भएको हो । स्वर्गीय श्रेष्ठका भाइ मदन श्रेष्ठका अनुसार कम्प्युटरमा काम गर्दागर्दै लेखक श्रेष्ठ ढल्नुभएको थियो ।
विश्व वरीयतामा त्रिविको सामान्य सुधार
विश्वका प्रतिष्ठित विश्वविद्यालयको वरीयतामा त्रिभुवन विश्वविद्यालयले सामान्य सुधार गरेको छ । विश्वविद्यालयले बुधबार पत्रकार सम्मेलन गरेर दिएको जानकारी अनुसार टाइम्स हाइअर एजुकेसनको वरीयतामा त्रिवि एक हजार पाँच सय वटा विश्वविद्यालयको सूचीभित्र परेको छ । पत्रकार सम्मेलनमा दिइएको जानकारी अनुसार गत वर्ष (सन् २०२५) मा पनि त्रिविको वरीयता यही नै थियो ।
नेपाली नागरिकको उद्धारमा जटिलता
थाइल्यान्ड, म्यान्मार र कम्बोडियामा अवैध अनलाइन स्क्याम धन्दामा नेपाली नागरिकको तस्करी बढिरहेको छ । उद्धार गरिएका नेपालीको सङ्ख्या बर्सेनि बढ्दै जाँदा आवश्यक स्रोतसाधन, जनशक्ति र आर्थिक अभावका कारण सरकारलाई थप चुनौती सामना गर्नु परेको छ ।
-original-thumb.jpg)
निर्वाचन प्रचारप्रसार १८ गते मध्यरातिदेखि निषेध
फागुन २१ गते सम्पन्न हुने प्रतिनिधि सभा सदस्य निर्वाचनको प्रचारप्रसार कार्य फागुन १८ गते राति १२ बजेदेखि निषेध गर्ने निर्णय निर्वाचन आयोगले गरेको छ । यस अवधिमा पालना गर्नुपर्ने निर्वाचन आचारसंहिताको पूर्ण पालना गराउन गृह मन्त्रालयमार्फत सबै जिल्लाका प्रमुख जिल्ला अधिकारी र सुरक्षा निकायलाई निर्देशन दिने निर्णय पनि आयोगले गरेको छ ।
जनप्रतिनिधिबाटै आचारसंहिता उल्लङ्घन
आगामी फागुन २१ गते हुने प्रतिनिधि सभा सदस्य निर्वाचनको प्रचारप्रसार गर्ने क्रममा स्थानीय तहका जनप्रतिनिधिले पनि प्रत्यक्ष रूपमा निर्वाचन आचारसंहिता उल्लङ्घन गरी निर्वाचन प्रचारप्रसारमा लागेको पाइएको छ ।
तीन दिन सिमा नाका बन्द हुने
सप्तरीमा तीन दिन भारतीय सिमा नाका बन्द गरिने भएको छ । फागून २१ गते हुने प्रतिनिधि सभा सदस्य निर्वाचनलाई लक्षित गरी सिमा नाका बन्द गरिने भएको हो ।
