विकास, सुशासन र किसानका मुद्दामा प्रतिस्पर्धा
आगामी फागुन २१ गते हुने प्रतिनिधि सभा निर्वाचन अन्तर्गत लुम्बिनी प्रदेशको नवलपरासी (बर्दघाट–सुस्तापश्चिम)–१ लाई यस पटक अत्यधिक चासोका रूपमा हेरिएको छ । विशेष गरी विनोद चौधरी पुनः उम्मेदवार बनेसँगै यस क्षेत्रको चुनावी प्रतिस्पर्धा थप रोचक बन्ने भएको छ ।
उम्मेदवार, शिक्षक र कर्मचारीलाई जरिबाना
निर्वाचन आचारसंहिता उल्लङ्घनमा संलग्न रहेको आरोपमा निर्वाचन आयोगले विभिन्न राजनीतिक दलका उम्मेदवार, सरकारी कर्मचारी तथा शिक्षकलाई जरिबाना र विभागीय कारबाही गर्ने निर्णय गरेको छ । आचारसंहिताविपरीत गतिविधि गरेको आरोपमा आयोगले नेपाली कम्युनिस्ट पार्टीका जाजरकोट निर्वाचन क्षेत्र नम्बर–१ का प्रतिनिधि सभा सदस्य पदका उम्मेदवार शक्तिबहादुर बस्नेतलाई २५ हजार रुपियाँ जरिबाना गर्ने निर्णय गरेको छ । मनोनयन दर्ताका लागि बाजागाजा बजाउँदै सो क्रममा उपस्थित व्यक्तिलाई पाँच सय रुपियाँको नोट प्रदान गरेको उजुरी आयोगमा परेको थियो ।
पन्चैबाजामा चुनावी प्रभाव
चुनावी प्रचारप्रसार र विवाहको समय एकैपटक पर्दा अहिले पन्चैबाजा बजाउने समूह पाउनै मुस्किल परेको छ । केही उम्मेदवारले उम्मेदवारी दर्तादेखि अहिले घरदैलोसम्म पनि पन्चैबाजाको समेत प्रयोग गरिरहेका छन् । यही बेलामा विवाहको अत्यधिक लगन रहेको छ ।
चार जनालाई झपट पुरस्कार
झपट पुरस्कार व्यवस्था समितिले चार जनालाई झपट पुरस्कार प्रदान गर्ने निर्णय गरेको छ । समितिका अध्यक्ष अरुण राणाको अध्यक्षतामा बसेको बैठकले सो निर्णय गरेको हो । सनत रेग्मी र राजेन्द्र थापालाई जनही एक/एक लाख रुपियाँ राशि तथा डा. गोपालप्रसाद शर्मा र डा. कान्छी महर्जनलाई संयुक्त रूपमा एक लाख रुपियाँ राशिको झपट पुरस्कार प्रदान गरिने भएको छ । आख्यानका माध्यमबाट नेपाली साहित्यको श्रीवृद्धिमा विशिष्ट योगदान दिएबापत सनत रेग्मीलाई झपट पुरस्कार प्रदान गर्न लागिएको समितिले जनाएको छ ।
ऊर्जा क्षेत्रमा बढाइँदै नियमन
विद्युत् उत्पादन क्षेत्रमा प्रवर्धक तथा सर्वसाधारणको लगानी बढ्दै जाँदा पछिल्लो समय नियामकीय व्यवस्थापनलाई पनि चुस्त पार्ने प्रयास बलियो बन्दै आएको छ । ऊर्जा क्षेत्रको मुख्य नियामकीय निकाय विद्युत् नियमन आयोगले पछिल्लो पटक जारी गरेका विद्युत्मा खुला पहँुच निर्देशिका, जलाशययुक्त आयोजनाको विद्युत् खरिदबिक्रीसम्बन्धी निर्देशिका, कम्पनीमा संस्थागत सुशासनको मापदण्डको मसौदादेखि जलविद्युत् आयोजनाको उत्पादन लागत अध्ययन प्रक्रियालगायतले नेपालको विद्युत् उत्पादन क्षेत्रमा नियमसङ्गत र जनउत्तरदायी लगानीको वातावरण सिर्जना गर्न खोजेको छ ।
न्यून गुणस्तरसम्बन्धी बयसट्ठी वटा मुद्दा दायर
खाद्य प्रविधि तथा गुण नियन्त्रण विभागले न्यूनस्तर तथा दूषित खाद्य पदार्थ उत्पादन र बिक्रीवितरण गर्नेविरुद्ध ६२ वटा मुद्दा विभिन्न जिल्ला प्रशासन कार्यालय र अदालतमा दायर गरेको छ । यीमध्ये २० वटा दूषित खाद्य पदार्थ, ३४ वटा न्यून गुणस्तर, चार वटा लेबलसम्बन्धी र चार वटा ऐनविपरीतका कार्यसँग सम्बन्धित रहेका विभागले जनाएको छ ।
जाली नोटको कारोबार बढ्न सक्ने
प्रतिनिधि सभाको आसन्न निर्वाचनका बेला नक्कली (जाली) नोटको कारोबार बढ्ने जोखिम उच्च छ । खास गरी भारतसँग सीमा जोडिएका तराई मधेशका क्षेत्रमा त्यस्तो जोखिम उच्च रहने गर्छ । सोही सम्भावनालाई ख्यालमा राख्दै जाली नोटको कारोबार न्यूनीकरण गर्न नेपाल राष्ट्र बैङ्क जनकपुरले जलेश्वरमा सचेतना कार्यक्रम गरेको छ । राष्ट्र बैङ्कका अनुसार निर्वाचन नजिकिँदै जाँदा बजारमा ठुलो परिमाणमा नगद चलनचल्ती हुने, गाउँ गाउँसम्म रकम ओसारपसार बढ्ने तथा अस्थायी रूपमा खुल्ने शिविर र प्रचारप्रसारका कार्यक्रममा नगद प्रयोग अधिक हुने भएकाले जाली नोट प्रचलनमा आउने सम्भावना रहन्छ ।
‘बर्दघाट एसएमई भिलेज समुन्नतिको आधार बन्ने’
बर्दघाट एसएमई भिलेज समुन्नत नवलपरासीको आधार बन्ने विश्वास लगानीकर्ताले गरेका छन् । नेपाल उद्योग परिसङ्घको आयोजना तथा बर्दघाट उद्योग वाणिज्य सङ्घ, उद्योग व्यापार सङ्घ बर्दघाट र नेपाल उद्योग परिसङ्घ युवा उद्यमी मञ्चको सहआयोजनामा नवलपरासीको बर्दघाटमा आयोजित अन्तर्क्रियामा लगानीकर्ताले यस्तो विश्वास गरेका हुन् । परिसङ्घका कार्यवाहक अध्यक्ष निर्वाण चौधरीले बर्दघाट एसएमई भिलेजलाई मोडल ग्राम बनाउन पाइलट प्रोजेक्टका रूपमा अगाडि बढाउनुपर्ने बताउनुभयो । उहाँले बर्दघाट एसएमई ग्राममार्फत यस क्षेत्रमा साना तथा मझौला उद्योगलाई प्रवर्धन गर्न सकिने बताउनुभयो ।
कांग्रेसका पन्ध्र उम्मेदवारका दस प्रतिज्ञा
नेपाली कांग्रेसका काठमाडौँ, भक्तपुर र ललितपुरका १५ उम्मेदवारको ‘काठमाडौँ उपत्यका विकास प्रतिज्ञापत्र’ सार्वजनिक गरिएको छ । काठमाडौँको बृहत्तर एकीकृत विकासका लागि १० बुँदे प्रतिज्ञापत्र सार्वजनिक गरिएको हो । काठमाडौँमा बिहीबार आयोजित कार्यक्रममा तीन वटै जिल्लालाई एउटै सहरका रूपमा लिई स्थानविशेषका विशिष्ट मौलिक पक्षलाई दृष्टिगत गरी एकीकृत सहरी विकास योजना तर्जुमा गरी कार्यान्वयनको लक्ष्यसाथ कांग्रेस उम्मेदवारको प्रतिज्ञापत्र सार्वजनिक भएको हो ।
जैविक विविधता संरक्षण गर्ने समझदारी
नेपाल र भारत सरकारबिच जैविक विविधता संरक्षणसम्बन्धी द्विपक्षीय समझदारीपत्रमा हस्ताक्षर भएको छ । जैविक विविधता क्षेत्रमा साझा सहकार्य गर्ने गरी दुई देशबिच भारतको राजधानी नयाँदिल्लीमा हस्ताक्षर भएको हो । नेपालका वन तथा वातावरणमन्त्री माधवप्रसाद चौलागाईं तथा भारतका वातावरण, वन तथा जलवायु परिवर्तनमन्त्री भूपेन्द्र यादवको उपस्थितिमा नेपालतर्फबाट भारतका लागि नेपालका राजदूत डा. शङ्करप्रसाद शर्मा र भारततर्फबाट वातावरण, वन तथा जलवायु परिवर्तन मन्त्रालयका सचिव तन्मय कुमारले उक्त सम्झौतापत्रमा हस्ताक्षर गर्नुभएको हो ।
महानगरका एघार विद्यालयमा विशेष कक्षा
माध्यमिक शिक्षा परीक्षा (एसइई) को नतिजा सुधार्ने उद्देश्यले काठमाडौँ महानगरपालिकाको शिक्षा विभागले विशेष कक्षा सुरु गरेको छ । पहिलो चरणमा छ वटा विद्यालयमा यस्तो कक्षा सुरुवात गरिएको महानगरपालिकाले जनाएको छ । गत वर्षहरूमा लिइएको एसइई परीक्षामा ५० प्रतिशतभन्दा कम विद्यार्थी उत्तीर्ण भएका विद्यालयमा विशेष कक्षा सञ्चालन गर्ने विभागको योजना छ । कुल ११ वटा विद्यालयमा यस्तो कार्यक्रम सञ्चालन गर्ने योजना महानगरपालिकाको छ ।
चुनावी प्रतिस्पर्धामा गालीको वर्षा
राष्ट्रिय स्वतन्त्र पार्टीका सभापति रवि लामिछाने र उहाँकी पत्नी निकिता पौडेलले मङ्गलबार मनकामना मन्दिरको दर्शनपछि राखेको तस्बिरमा ‘सहकारी ठगीको रकम फिर्ता गर्ने बुद्धि मनकामना माताले दिऊन्’ । ‘किर्ते हस्ताक्षर गरेर गरिब जनता ठगेको पाप नलागोस्’ । ‘जय सहकारी’ जस्ता प्रतिक्रियाको ओइरो आयो । नेपाली कांग्रेसका सभापति गगनकुमार थापाले सर्लाहीको चुनावी कार्यक्रमबाट सार्वजनिक गर्नुभएको तस्बिरमा प्रतिक्रिया आयो, ‘बाख्रोले पनि यसपालि घन्टी बजाउने भयो’ । ‘प्रमाण नभएको खाली पानाको भेट किताबसँग’ ।
उम्मेदवारीमा ४०–४९ उमेरकै वर्चस्व
प्रतिनिधि सभाका २७५ सदस्यका लागि फागुन २१ गते निर्वाचन सम्पन्न हुँदै छ । २०७९ को निर्वाचनबाट गठित प्रतिनिधि सभा भदौ २३ र २४ को आन्दोलनपछि विघटन भएसँगै नयाँ निर्वाचन हुँदै छ । पहिलो हुने निर्वाचित हुने निर्वाचन प्रणाली (प्रत्यक्ष) बाट १६५ र समानुपातिक निर्वाचन प्रणालीतर्फ ११० सदस्य निर्वाचित हुने छन् । प्रत्यक्ष र समानुपातिक दुवै निर्वाचन प्रणालीतर्फ गरी कुल छ हजार ५४१ जना उम्मेदवार चुनावी मैदानमा छन् । जसमध्ये २७५ जना फागुन २१ को निर्वाचनबाट निर्वाचित हुने छन् ।
सङ्खुवासभा–ताप्लेजुङ सीमामा ४.७ म्याग्निच्युडको भूकम्प
सङ्खुवासभा–ताप्लेजुङ सीमाक्षेत्र आसपास शुक्रबार बिहान ३:१८ बजे ४.७ म्याग्निच्युडको भूकम्प गएको छ।
प्रदेश राजधानीका पूर्वाधार प्राथमिकतामा
प्रतिनिधि सभा निर्वाचनको मिति नजिकिएसँगै राजनीतिक दल र उम्मेदवार आफ्ना भावी योजना र कार्यक्रमसहित मतदातासमक्ष पुग्ने क्रमले तीव्रता पाएको छ । बागमती प्रदेशको राजधानीका उम्मेदवार तथा दलको प्राथमिकता पूर्वाधारमै केन्द्रित भएको छ ।
निर्वाचनमा चार दलबिच मुख्य प्रतिस्पर्धा हुन्छ : संयोजक प्रचण्ड
नेपाली कम्युनिष्ट पार्टी (नेकपा) का संयोजक पुष्पकमल दाहाल ‘प्रचण्ड’ ले आगामी निर्वाचनमा चार दलबिच मुख्य प्रतिस्पर्धा हुने बताउनुभएको छ ।
कालीका मन्दिर परिसरमा चैते दशैं मेला हुने
चैते दशैंको अवसरमा बागलुङ कालीका मन्दिर परिसरमा विविध कार्यक्रमसहित मेला आयोजना गरिने भएको छ ।
१८ गतेदेखि ड्रोन उडाउन नपाइने
जिल्ला प्रशासन कार्यालय सल्यानले आगामी फागुन २१ गते हुने निर्वाचनलाई लक्षित गर्दै ड्रोन प्रयोगमा प्रतिबन्ध लगाएको छ । प्रशासनले ड्रोनको प्रयोगसम्बन्धी सूचना जारी गर्दै निर्वाचनको निष्पक्षता, सुरक्षा संवेदनशीलता र शान्ति सुव्यवस्था कायम राख्न यस्तो निर्णय गरेको जनाएको हो ।
अठार वर्षपछि फरार युवक पक्राउ
बेग्लाबेग्लै तीनवटा डाँका–चोरी मुद्दामा १८ वर्ष १५ दिनको कैद सजाय पाएका एक युवक लालबन्दीबाट पक्राउ परेका छन् ।
-original-thumb.jpg)
‘चुनावी तालमेलको विषयमा छलफल भएको छैन’
नेकपा (एमाले) का महासचिव शङ्कर पोखरेलले अहिलेसम्म निर्वाचनमा अन्य दलसँग चुनावी तालमेलको विषयमा छलफल नभएको बताउनुभएको छ ।
लागु औषधसहित दुई जना पक्राउ
अर्जुनचौपारी गाउँपालिका–१, जिरो चोकबाट लागु औषधसहित दुई जनालाई जिल्ला प्रहरी कार्यालय स्याङ्जाले पक्राउ गरेको छ ।
पारिवारिक वातावरणमा होली मनाउन आग्रह
जिल्ला प्रशासन कार्यालय गुल्मीले फागु पूर्णिमा अर्थात होलीलाई पारिवारीक रूपमा मनाउन आग्रह गरेको छ । प्रतिनिधिसभा सदस्य निर्वाचन, २०८२ को तयारी अन्तिम अवस्थामा पुगेको बेला मनाइने होली पर्वलाई स्वस्थ र सभ्य बनाउन प्शासनले आग्रह गरेको हो ।
उम्मेदवार मतदाता भेटघाटमा केन्द्रित
निर्वाचन आचारसंहिताले आमसभा गर्न छुट दिए पनि बागलुङका अधिकांश उम्मेदवार जनताको घरदैलोमा पुगेर भेटघाट अभियानमा केन्द्रित भएका छन् । आमसभा गरेर भाषणबाजी गर्नुभन्दा जनताको घरदैलोमा पुग्दा स्थानीयका माग र वास्तविक समस्या बुझ्न सकिने हुँदा घरदैलो अभियानमा केन्द्रित भएको उम्मेदवारले बताएका छन् ।
घर घरमा मतदाता शिक्षा
आगामी २१ गते हुन गइरहेको प्रतिनिधि सभा सदस्य निर्वाचनलाई लक्षित गर्दै उम्मेदवार मतदातालाई आफ्नो पक्षमा पार्न व्यस्त भइरहँदा मतदाता स्वयंसेवक भने मतदाता शिक्षा दिन व्यस्त छन् । मतदान प्रव्रिmयालाई सहज, सरल बनाउन, बदर हुने मत घटाउनका लागि आयोगले गत ३ गतेदेखि सुरु गरेको स्वयंसेवक १७ गतेसम्म परिचालन हुने छ ।
एकछत्र जितेका पुरानालाई नयाँको चुनौती
दुई निर्वाचन क्षेत्र रहेको स्याङ्जामा यही फागुन २१ गतेको प्रतिनिधि सभा निर्वाचनका लागि चौबिस जना उम्मेदवार मैदानमा उत्रिएका छन् । विगतका चुनावमा नेपाली कांग्रेस र नेकपा (एमाले) ले जित हासिल पार्दै आएको यो जिल्लामा यस पटकको निर्वाचनमा बहुपक्षीय प्रतिस्पर्धा हुने भएको छ । पुराना दलसँग नयाँ दलका उम्मेदवारले आफ्ना चुनावी एजेन्डा प्रस्तुत गरिरहेका छन् ।
