रास्वपाले तोक्यो समानुपातिक सांसदको जिम्मेवारी
प्रतिनिधि सभाको सबैभन्दा ठुलो दल राष्ट्रिय स्वतन्त्र पार्टी (रास्वपा) ले आफ्नो प्रतिनिधित्व नभएको निर्वाचन क्षेत्रमा समानुपातिक सांसदलाई जिम्मेवारी तोकेको छ । रास्वपा महामन्त्री कवीन्द्र बुर्लाकोटीका अनुसार पार्टीका तर्फबाट प्रत्यक्ष निर्वाचनमा विजय प्राप्त गर्न नसकेका निर्वाचन क्षेत्रलाई केन्द्रित गरी समानुपातिक सांसदहरूलाई जिम्मेवारी तोकेको हो । रास्वपाले जिम्मेवारीसहित प्रतिनिधित्व गर्ने सांसदहरूको विस्तृत विवरण नाम, जिम्मेवारी, क्षेत्र तथा सम्पर्क नम्बर सार्वजनिक गरेको हो ।
रक्षात्मक बन्दै कम्युनिस्ट आन्दोलन
नेपाल कम्युनिस्ट पार्टीको ७७ औँ स्थापना दिवसका अवसरमा देशभरका कम्युनिस्ट पार्टीले बुधबार विविध कार्यक्रम आयोजना गर्दै छन् । विभिन्न उतारचढाव पार गर्दै आएको नेपालको कम्युनिस्ट आन्दोलनले पछिल्लो आमनिर्वाचनपछि ठुलो धक्का खाएको छ । कम्युनिस्ट पार्टीहरूले संसदीय राजनीतिमा हासिल गरेका उपलब्धिलाई संस्थागत गर्न नसक्दा तथा नेतृत्वको उच्च महत्वाकाङ्क्षाका कारण अहिलेको अवस्था आएको पुराना कम्युनिस्ट अगुवा रामप्रसाद अधिकारीले बताउनुभयो । “‘नेताभित्रको अह्मता र गल्ती गरेपछि माफी माग्नु पर्दैन भन्ने अतिवादी चिन्तनले कम्युनिस्ट पार्टी पछिल्लो नतिजा स्विकार्न बाध्य भएको हो,” उहाँले थप्नुभयो, “सच्चिने वा सक्किने भन्ने अवस्थामा कम्युनिस्ट आन्दोलन पुगेको छ ।”
-original-thumb.jpg)
बालश्रम निषेध गर्न विधेयक मसौदा
सरकारले बालश्रमलाई पूर्ण रूपमा निषेध र नियमन गर्न ‘बालश्रम (निषेध तथा नियमित गर्ने) विधेयक, २०८२’ को मसौदा तयार गरेर सरोकारवालाबाट सुझाव लिने गरी सार्वजनिक गरेको छ । श्रम, रोजगार तथा सामाजिक सुरक्षा मन्त्रालयले २५ वर्ष पुरानो बालश्रम (निषेध र नियमित गर्ने) ऐन, २०५६’ लाई प्रतिस्थापन गर्न यो नयाँ विधेयक ल्याएको हो ।
सिंहदरबारको पुनर्निर्माण जटिल
दक्षिण एसियाकै वैभवशाली इतिहास बोकेको सिंहदरबारको पुनर्निर्माण २०७२ सालको भूकम्पपछिको भन्दा जटिल र चुनौतीपूर्ण देखिएको छ । सिंहदरबारलाई दक्षिण एसियाकै उत्कृष्ट भौतिक संरचनाका रूपमा लिने गरिन्छ ।
अब घरबाटै ‘एनओसी’
वैदेशिक अध्ययनमा जाने विद्यार्थीले वैदेशिक अध्ययन अनुमतिपत्र ‘नो अब्जेक्सन सर्टिफिकेट’ का निम्ति ठुलो तनाव खेप्नु परेको विगत छ । वर्तमान सरकारले त्यसमा व्यापक सरलीकरण गरेको छ । अब घरबाटै ‘नो अब्जेक्सन सर्टिफिकेट’ (एनओसी) लिन सक्ने भएका छन् । एनओसी विद्यार्थी आफैँले प्रिन्ट गरेर लिन सक्ने गरी सहजीकरण गरिएको छ ।
-original-thumb.jpg)
विपन्न विद्यार्थीलाई शैक्षिक सामग्री सहयोग
विपन्न, असक्त, द्वन्द्वपीडित तथा अभिभावकविहीन विद्यार्थीहरूको शैक्षिक पहुँच अभिवृद्धि गर्ने उद्देश्यले पूर्वी मकवानपुरको बागमती गाउँपालिकास्थित सामुदायिक विद्यालयमा अध्ययनरत विद्यार्थीलाई शैक्षिक सामग्री वितरण गरिएको छ ।
युवतीलाई बलात्कार गरेको आरोपमा पक्राउ
सुस्तमनस्थितिकी ३० वर्षीया युवतीलाई जबर्जस्ती करणी गरेको आरोपमा अछाम प्रहरीले एक जनालाई नियन्त्रणमा लिएको छ ।
खोरमा आगलागी हुँदा वृद्धको मृत्यु, डढेलोले दुई घरमा क्षति
सल्यानमा विद्युत् तार सर्ट भई बाख्रा खोरमा भएको आगलागीमा परेर एक वृद्धको ज्यान गएको छ ।
-original-thumb.jpg)
‘कोसेलीगृह’ उपयोगविहीन
कर्णाली प्रदेश राजधानी सुर्खेत वीरेन्द्रनगरमा कर्णालीका स्थानीय तथा रैथाने उत्पादनको बजारीकरण गर्ने उद्देश्यका साथ निर्माण गरिएको कोसेलीगृह भवन उपयोगविहीन भएको छ । कर्णाली प्रदेशको उद्योग तथा उपभोक्ताहित संरक्षण निर्देशनालयले करिब २०७९ सालमा सो कोसेलीगृह निर्माण गरेको हो तर अहिलेसम्म उक्त भवनको सदुपयोग हुन सकेको छैन
लाँकुरीको रुख छुट्याउँछ सुर्खेत र जाजरकोट
जाजरकोट र सुर्खेतको सिमाना एउटा लाँकुरीको रुखले छुट्याएको छ । उक्त रुखले जाजरकोटको शिवालय गाउँपालिका र सुर्खेतको चिङ्गाड गाउँपालिकालाई छुट्याएको हो । रुख भएको स्थान जाजरकोटको शिवालय गाउँपालिका–५ र सुर्खेतको चिङ्गाड गाउँपालिका–३ पर्छ । शिवालयका स्थानीयवासीका अनुसार करिब ४० वर्षअघि रोपिएको उक्त रुखले अहिले दुई जिल्लाको सिमाना छुट्याउ
-original-thumb.jpg)
एउटा ग्याबिनबाट तीन संरचना सुरक्षित
दक्षिणी क्षेत्रको ताँजाकोट गाउँपालिकाको केन्द्र छप्रेलामा ग्याबिन लगाउने कार्यले एकै पटक तीन वटा संरचनालाई सुरक्षित बनाएको छ । बजारको मुख्य भागमै रहेको भिरालो क्षेत्रमा ग्याबिन लगाउँदा नयाँ बन्दै गरेको विद्यालय भवन, सडक र बस्ती सुरक्षित भएको हो ।
सुत्केरीको ज्यान बचाउन सकस
कालीकोटको नरहरिनाथ गाउँपालिका–८ की २७ वर्षीय भावना विष्टको उपचारका क्रममा मृत्यु भयो । प्रदेश अस्पताल सुर्खेतमा चैत ३० गते शल्यक्रियामार्फत सुत्केरी भएकी उहाँको पहिलो अपरेसन सफल भए पनि वैशाख २ गते रगत जमेको भन्दै गरिएको दोस्रो शल्यक्रियापछि अवस्था जटिल बन्यो । अवस्था बिग्रँदै गएपछि परिवारले करिब आठ लाख ६० हजार रुपियाँ खर्च गरेर चिकित्सकसहितको हेलिकोप्टर चार्टर गरी उहाँलाई काठमाडौँ लगेका थिए । काठमाडौँस्थित मेडिसिटी अस्पताल पु¥याएलगत्तै चिकित्सकले मृत घोषणा गरे ।
सुरक्षित आवासको व्यवस्था
धनुषाको मुखियापट्टी मुसहरनिया गाउँपालिका–२ का ६५ वर्षीय राजेन्द्र माझीे पक्की घर पाएपछि निकै खुसी हुनुहुन्छ । बर्सौंदेखि चुहिने फुसको छाप्रोमा कष्टकर जीवन बिताउँदै आएका उहाँ अहिले पक्की घरमा ढुक्कले बस्न पाएपछि खुसी हुनुभएको हो ।
-original-thumb.jpg)
भिटामिन ‘ए’ खुवाउने अभियान प्रभावित
हुम्लामा भिटामिन ‘ए’ क्याप्सुल र जुकाको औषधी समयमै नपुग्दा राष्ट्रिय खोप तथा पोषण अभियान प्रभावित भएको छ । समयमै भिटामिन ‘ए’ क्याप्सुल र जुकाको औषधी नपुग्दा राष्ट्रिय खोप तथा पोषणसम्बन्धी अभियान प्रभावित भएको हो ।
किसानका पक्षमा आवाज उठाउँदै
राष्ट्रिय प्रजातन्त्र पार्टीकी नेतृ खुश्बु ओली समानुपातिकतर्फबाट प्रतिनिधि सभा सदस्य बन्नुभएको छ । उहाँले राप्रपाबाट संसद्मा प्रमुख सचेतकको समेत जिम्मेवारी पाउनुभएको छ ।
नहर जीर्ण हुँदा किसान चिन्तित
पर्वत जिल्लाको फलेवास नगरपालिका अन्तर्गत पर्ने ४० वर्ष पुरानो नहर जीर्ण बन्दा यहाँका किसान समस्यामा परेका छन् । नहर पुरानो भएसँगै खेतीयोग्य जमिनमा पानी नपुग्दा उत्पादन घट्दै गएको छ भने नहरको दिगो सुधार हुन सकेको छैन । नहर निकै पुरानो भइसकेको छ । मुख्य नहर मात्र नभई अधिकांश शाखा नहर पनि जीर्ण अवस्थामा छन् । कतै भत्किएका छन् भने कतै पहिरोले पूरै बन्द भएको छ । जसका कारण नहरबाट पानी खेतसम्म पुग्नै गाह्रो हुन्छ ।
ढल निर्माण तथा प्रशोधन आयोजना अधुरै
मोरङको लेटाङ नगरपालिका–३ को कमलपुर सामुदायिक वननजिकै दुई बिघा जग्गामा दुई वटा भव्य भवन छन् । ढल डम्पिङ गर्न भवननजिकै दुई वटा विशाल ट्याङ्की बनाइएको छ । सुरक्षागार्ड बस्ने
पुनर्निर्माण सम्पन्न भएपछि यातायात सहज हुने विश्वास
बाढीका कारण पूर्वी पहाडी तथा तराईका जिल्ला जोड्ने बिपी राजमार्ग अन्र्तगत १ नम्बर पुल (भकुन्डे) देखि सिन्धुलीको नेपालथोकसम्मको २८ किलोमिटर सडक क्षतिग्रस्त भएको डेढ वर्ष भइसक्दा
दुर्लभ एकसिङे गैँडाको चोरीसिकार शून्य
विश्वकै दुर्लभ एकसिङे गैँडाको चोरीसिकार नियन्त्रणमा चितवन राष्ट्रिय निकुञ्जले महत्वपूर्ण उपलब्धि हासिल गरेको छ । पछिल्लो २९ महिनाभन्दा बढीको समयमा निकुञ्ज र मध्यवर्ती क्षेत्रमा एउटा गैँडा पनि चोरीसिकारबाट नमरेको निकुञ्जले दाबी गरेको छ ।
दुई सय वर्ष पुरानो मन्दिर पुनर्निर्माण सुरु
रुपन्देहीको सैनामैना नगरपालिकामा रहेको ऐतिहासिक मलमलादेवी मन्दिरको पुनर्निर्माण थालिएको छ । पुरानो मन्दिर अत्यन्तै जीर्ण भएकाले करिब ४० लाख रुपियाँ लगानीमा मन्दिर पुनर्निर्माण थालिएको हो । सैनामैना नगरपालिका र लुम्बिनी प्रदेश सरकारको आर्थिक सहयोगमा मन्दिर पुनर्निर्माण सुरु भएको एक वर्षभित्रै सम्पन्न गर्ने गरी सम्झौता भएको छ ।
पाँच सय चालिस हेक्टर वनक्षेत्रमा आगलागी
गुल्मी जिल्लाका विभिन्न १३ ठाउँमा वनक्षेत्रमा आगो लागिरहेको छ । डिभिजन वन कार्यालय गुल्मीका सिनियर फरेस्टर कमल रेग्मीका अनुसार सोमबारसम्म ४३६ हेक्टर वनक्षेत्रमा आगलागी भएको छ । जिल्लामा १८ हजार २२३.८८ हेक्टरमा फैलिएको ४५८ वटा सामुदायिक वन रहेको जानकारी उहाँले दिनुभयो ।
ग्रामीण क्षेत्रबाट महुवा सङ्कलन
कैलालीको ग्रामीण क्षेत्रमा महुवा सङ्कलन हुन थालेको छ । सिजन सुरु भएपछि स्थानीयले जङ्गलबाट महुवा सङ्कलन गर्न थालेका हुन् । औषधीय गुण भएको महुवा सङ्कलन गर्न अहिले ग्रामीण क्षेत्रका स्थानीयलाई भ्याइनभ्याइ भएको छ । गहुँ भित्र्याउने काम सकिएपछि उनीहरूको सक्रियता महुवा सङ्कलनमा बढेको हो । फुर्सदको समयमा गाउँघरका मान्छेले महुवा सङ्कलन गरिरहेको कैलारी गाउँपालिका–७ छटकपुर वसन्ताका दयाराम चौधरीले जानकारी दिनुभयो ।
घर बैतडीमा, कर डडेलधुरामा
सरकारी लापर्बाहीका कारण बैतडीको एक वडाको मालपोत र घर कर डडेलधुरा गएर तिर्नु पर्छ भन्ने सुन्दा जो कसैलाई पनि अचम्म लाग्न सक्छ । हो, यस्तो अनौठो सास्ती ५० वर्षदेखि चलिरहेको छ ।
साङ्गीतिक प्रस्तुति दिँदा सर्जकको नाम अनिवार्य
कुनै पनि साङ्गीतिक प्रस्तुति दिँदा गीतकार, सङ्गीतकार र गायक/गायिका गरी तिनै पक्षको नाम भन्नुपर्ने माग सरोकारवालाले गरेका छन् । गीतकार प्रतिष्ठान, नेपालद्वारा आयोजित ‘नेपाली गीत/सङ्गीतमा रचनाकार, सङ्गीतकार र गायक/गायिकाको भूमिका’ विषयक अन्तर्क्रियामा सो कुरामा जोड दिइएको हो । प्रतिष्ठानका अध्यक्ष अनुराग अधिकारीले साङ्गीतिक संस्थाका प्रतिनिधि, गायक/गायिका, सङ्गीतकार र गीतकारसँग छलफल गरेर अवधारणापत्र तयार पारिएको जानकारी दिनुभयो ।
-original-thumb.jpg)
खुल्यो पुनः श्रम स्वीकृति
वैदेशिक रोजगार विभागले पश्चिम एसियाका देशमा जाने श्रमिकका लागि नयाँ र पुनः श्रम स्वीकृति दिने निर्णय गरेको छ । यसअघि पश्चिम एसियाका देशमा कार्यरत रहेकै बेला बिदामा घर आएका नेपाली श्रमिकका लागि पुनः श्रम स्वीकृति सुचारु गरेको विभागले सोमबारदेखि भने नयाँ जानेको हकमा पनि श्रम स्वीकृति दिने निर्णय गरेको हो ।
