आकस्मिक कक्षमा विशेषज्ञ चिकित्सक
बिहीबार सम्पन्न हुने प्रतिनिधि सभा निर्वाचनलाई लक्षित गर्दै स्वास्थ्य तथा जनसङ्ख्या मन्त्रालयले देशभरका स्वास्थ्य संस्थामा प्रभावकारी स्वास्थ्य सेवा सञ्चालन गर्ने भएको छ । स्वास्थ्य मन्त्रालयले निर्वाचनमा हुन सक्ने झडपलाई आकलन गरेर आकस्मिक कक्षमा जनशक्ति बढाउने भएको छ । आकस्मिक कक्षमा जनशकित बढाउनुका साथै विशेषज्ञ सेवा आकस्मिक कक्षमै व्यवस्थापन गरेको छ । मन्त्रालयले स्वास्थ्य संस्थामा स्वास्थ्य सेवा नियमित र प्रभावकारी रूपमा सञ्चालन गर्न विशेष तयारी गरेको जानकारी दिएको छ ।
रिपोर्टिङ गर्न पास अनिवार्य
निर्वाचनका दिन (फागुन २१ गते) पत्रकारले सूचना तथा प्रसारण विभागद्वारा जारी भएको पास भए निर्वाध रिपोर्टिङ गर्न पाउने भएका छन् । निर्वाचन आयोगद्वारा जारी भएका पासबाट समेत अरू सञ्चारकर्मी फिल्डमा जान सक्ने छन् ।
निर्वाचन सुरक्षा : सबै मतदान केन्द्रमा एकीकृत सुरक्षा टोली
प्रतिनिधि सभा सदस्य निर्वाचनको सुरक्षार्थ परिचालन हुने नेपाल प्रहरी, सशस्त्र प्रहरी बल नेपाल, नेपाली सेना र राष्ट्रिय अनुसन्धान विभागसहितको एकीकृत सुरक्षा टोली ७७ वटै जिल्लाका मतदान केन्द्रमा परिचालन भएको छ ।
चुनावका लागि उपत्यकाबाट बाहिरिए साढे सात लाख जना
निर्वाचनका अवसरमा करिब सात लाख ५० हजार मानिस काठमाडौँ उपत्यकाबाट बाहिरिएका छन् । बुधबार साँझसम्म थप एक लाख यात्रु बाहिरिने प्रहरीको अनुमान छ । आमनिर्वाचन, होली पर्व र एक हप्ताको सरकारी बिदाले गर्दा उपत्यकाबाट बाहिरिने सङ्ख्या अत्यधिक भएको काठमाडौँ उपत्यका ट्राफिक प्रहरी कार्यालयले जनाएको छ । मङ्गलबार एक लाखको हाराहारीमा यात्रु बाहिरिएका छन् ।
अत्यावश्यक सेवा नियमित
फागुन २१ गते हुने प्रतिनिधि सभा सदस्य निर्वाचनका समयमा अत्यावश्यक सेवा सञ्चालनमा कुनै समस्या नहुने भएको छ । सरकारले निर्वाचनको सुरक्षालाई ध्यान दिँदै फागुन २० देखि २२ गतेसम्म सार्वजनिक बिदा दिए पनि सो अवधिमा अत्यावश्यक सेवा सञ्चालनमा कुनै समस्या नहुने गरी आवश्यक प्रबन्ध सरकारले गरेको छ ।
युद्धको मारमा पश्चिम एसिया ७८७ इरानी मारिए
अमेरिका/इजरायल–इरान युद्धको चौथो दिनसम्ममा ७८७ जना इरानी नागरिक मारिएका छन् । यस युद्धमा छ अमेरिकी सेनाको पनि ज्यान गएको छ । युद्ध लम्बिँदै जाँदा अमेरिका र इजरायलले आक्रमण थप तीव्र पारेका छन् । इरानका सामरिक महत्वका विभिन्न स्थलमा हवाई आक्रमण जारी राखिएको अमेरिकी समाचार संस्था एपीले जनाएको छ । आफ्ना सर्वोच्च नेता आयातोल्लाह अली खामेनीसहित धेरै उच्च अधिकारी मारिएपछि आक्रोशित इरानले इजरायलसहित अमेरिकी सैन्य अखडा रहेका खाडी क्षेत्रका देशमा प्रत्याक्रमण जारी राखेको छ । अमेरिकाका राष्ट्रपति डोनाल्ड ट्रम्पले इरानलाई पराजित नगरेसम्म युद्ध नरोकिने बताउनुभएको छ ।
हिउँ छिचोलेर मतदाता गाउँमा
कर्णालीका हिमाली जिल्ला हुम्ला र डोल्पाका २४ निर्वाचन स्थलमा प्रतिनिधि सभा सदस्य निर्वाचनका सामग्री नेपाली सेनाको हेलिकोप्टरबाट ढुवानी गरिएको छ । तीन दिन लगाएर नेपाली सेनाको हेलिकोप्टरले डोल्पाका २० वटा मतदान स्थल र हुम्लाका चार मतदान स्थलमा निर्वाचन सामग्री ढुवानी गरेको हो ।
निर्वाचनमा मौन अवधि : सूक्ष्म निगरानी गर्दै आयोग
प्रतिनिधि सभा निर्वाचन २०८२ को प्रयोजनका लागि तोकिएको मौन अवधिको निर्वाचन आयोगले सूक्ष्म निगरानी सुरु गरेको छ । मौन अवधि सोमबार राति १२ बजेबाट सुरु भएको थियो । मौन अवधिलाई प्रभावकारी कार्यान्वयन गराउन आयोगले निर्वाचन अधिकृतलाई निर्देशन दिइसकेको छ । सम्बन्धित जिल्लाका निर्वाचन अधिकृत र मातहतका कर्मचारीबाट निगरानी भइरहेको छ ।
औषधी बनाउने सूत्र कानुन अभावमा अलपत्र
नेपाललगायत विश्वभर रहेका औषधीय गुण भएका जडीबुटीको संरक्षणमा जोड दिँदै मङ्गलबार विश्व वन्यजन्तु दिवस मनाइएको छ । नेपालमा जडीबुटीबाट औषधी बनाउने सूत्र बने पनि उपयुक्त कानुनी व्यवस्था नहुँदा हस्तान्तरणमै समस्या देखिएको छ ।
छुट्टाछुट्टै सवारी दुर्घटनामा १५ जनाको मृत्यु
देशका विभिन्न भागमा सोमबार भएका छुट्टाछुट्टै सवारी दुर्घटनामा १५ जनाको मृत्यु भएको छ ।
ज्वरो फैलिएको गाउँका मानिसको स्वाब सङ्कलन
ज्वरोको लक्षण देखिएर एकै घरका दुई जना १३ र १० वर्षका बालकको मृत्यु भएपछि चिकित्सकको टोलीले परिवार र गाउँका मानिसको स्वाब सङ्कलन गरेर परीक्षणका लागि धनगढी पठाएको छ ।
मतदान सामग्री बोकेर कार्यक्षेत्र लागे कर्मचारी र प्रहरी
प्रतिनिधि सभा सदस्य निर्वाचन गराउन मतदान सामग्री बोकेर कर्मचारी र प्रहरी आआफ्नो कार्यक्षेत्र लागेका छन् । बिहीबार हुने निर्वाचनका लागि मतदान अधिकृत, सहायक मतदान अधिकृत, मतदान सहायक, सुरक्षामा खटिने प्रहरी टोली मतदान सामग्री बोकेर टोली सोमबार बिहानदेखि कार्यक्षेत्रमा खटिएको हो । मतदानको दिन प्रयोग हुने सामग्री ५१ प्रकारका छन् ।
कर्मचारी तीन दिन हिँडेर साइपाल
बझाङ जिल्लाको दुर्गम हिमाली क्षेत्र साइपाल गाउँपालिकाका मतदान केन्द्रमा निर्वाचन गराउन खटिएका कर्मचारी तथा सुरक्षाकर्मी तीन दिनसम्म पैदल हिँडेर कार्यक्षेत्रतर्फ प्रस्थान गरेका छन् । जिल्ला निर्वाचन कार्यालयका अनुसार साइपालका तीन मतदान केन्द्रमा खटिएका मतदान अधिकृत, सहायक कर्मचारी र सुरक्षाकर्मी निर्वाचन सामग्री बुझेर केही शनिबार र केही आइतबार र बाँकी रहेका सोमबार सदरमुकाम चैनपुरबाट हिँडेका हुन् । दुर्गम भूगोलका कारण सम्बन्धित केन्द्रसम्म पुग्न तीन दिनसम्म पैदल यात्रा गर्नुपर्ने भएकाले टोलीलाई समयमै पठाइएको मुख्य निर्वाचन अधिकृत सुवर्णमान बनेपालीले जानकारी दिनुभयो ।
झापामा निर्वाचनको तयारी पूरा
आगामी बिहीबार हुने निर्वाचनका लागि झापाका पाँच वटै निर्वाचन क्षेत्रमा सम्पूर्ण प्रकारले आवश्यक प्रशासनिक र प्राविधिक तयारी पूरा भएको छ । निर्वाचनलाई स्वच्छ, निष्पक्ष र भयरहित वातावरणमा
-original-thumb.jpg)
पठाइयो निर्वाचन सामग्री
प्रतिनिधि सभा निर्वाचनका लागि बागलुङका १३२ मतदान केन्द्रमा निर्वाचन सामग्री पठाउन सुरु गरिएको छ । निर्वाचनका लागि आवश्यक पर्ने ४९ प्रकारका विभिन्न सामग्रीसहित मतपेटिका, मतपत्रसहित कर्मचारी, सुरक्षाकर्मी मतदान केन्द्रमा जान थालेका छन् ।
मतदान केन्द्रतर्फ कर्मचारी प्रस्थान
यही फागुन २१ गते हुने प्रतिनिधि सभा सदस्य निर्वाचनका लागि दाङ र बाँकेमा मतदान केन्द्रतर्फ कर्मचारी र सुरक्षाकर्मी खटिन सुरु गरेका छन् । निर्वाचनका लागि आवश्यक मतपत्र, मतपेटिकालगायतका सामग्री बुझेर कर्मचारी सम्बन्धित मतदान केन्द्रतर्फ प्रस्थान गरेका हुन् ।
थारू बस्तीमा फगुवाको रौनक
देशभरका थारू समुदायले यस वर्ष पनि परम्परागत ढङ्गले ढुरहेरीपर्व धुमधामसाथ मनाइरहेका छन् । प्रकृति र भूमिसँग गहिरो सम्बन्ध राख्ने थारू समुदायका लागि ढुरहेरी उत्सवको पर्व मात्र नभई सांस्कृतिक प्रतीकसमेत हो ।
अमेरिकामा होली
नर्थ क्यारोलाइनास्थित मोरिसभिलमा शनिबार अपराह्न होलीपर्व मनाइएको छ । नेपाल सेन्टर अफ नर्थ क्यारोलाइना (एनसिएनसी) ले आयोजना गरेको सो पर्वमा करिब दुई सय जना उपस्थित भएको संस्थाले जनाएको छ । उपस्थित मानिसले आपसमा रङको पर्व होली खेलेर एकअर्कालाई विभिन्न रङले रङ्ग्याइदिनुका साथै हाँसखेल र नाचगानसमेत गरेका थिए ।
एकजुट भएर मनाइयो होली
वसन्त ऋतुको आगमनसँगै रङ र खुसीको पर्वका रूपमा मनाइने फागुपर्व सोमबार नेपालका पहाडी क्षेत्रमा धुमधामसाथ मनाइएको छ । चुनावी माहोललाई पर राखेर सबै जना रङको पर्वमा रमाएका थिए । सुन्धारादेखि वसन्तपुरको डबलीसम्म होलीको रमझममा विशेष गरी युवापुस्ता र पर्यटक रमाएका थिए । होलीलाई लक्षित गरी अस्ट्रेलियादेखि नेपाल आएका विदेशी पर्यटक एड्रिन भन्नुहुन्छ, “होली खेल्न नेपाली साथीसँग १५ दिनका लागि यहाँ आएको हुँ ।” उहाँलाई रङसँग खेल्न मन पर्ने भएकाले होली मनाउन नेपाल आएको बताउनुभयो ।
अत्यावश्यक वस्तुको आपूर्ति सहज राख्न निर्देशन
उद्योग, वाणिज्य तथा आपूर्ति मन्त्रालयले अत्यावश्यक वस्तुको आपूर्ति व्यवस्था सहज राख्न सम्बन्धित निकायलाई निर्देशन दिएको छ । मन्त्रालयका सचिव मधुसूदन बुर्लाकोटीको अध्यक्षतामा सोमबार बसेको बैठकले नेपाल आयल निगम, खाद्य व्यवस्था तथा व्यापार कम्पनी र साल्ट ट्रेडिङ कर्पोरेसनलाई अत्यावश्यक वस्तुको मौज्दात पर्याप्त राख्न निर्देशन दिएको हो ।
ब्रोकर कम्पनीमा ‘आइटी अडिट’ अनिवार्य
बढ्दो साइबर जोखिम नियन्त्रण गर्न नेपाल स्टक एक्सचेन्ज (नेप्से) ले सेयर बजारमा ब्रोकर कम्पनीका लागि अनिवार्य सूचना प्रविधि (आइटी) अडिट व्यवस्था लागु गरेको छ । ‘आइटी अडिट गाइडलाइन्स–२०२६’ जारी गर्दै नेप्सेले ट्रेडिङ सिस्टमदेखि ग्राहक डाटा व्यवस्थापन, सर्भर, नेटवर्क सुरक्षा र मोबाइल एपसम्मका सम्पूर्ण डिजिटल पूर्वाधारको नियमित परीक्षण गर्नुपर्ने प्रावधान लागु गरेको हो ।
नेपालीसँगै रङ्गिए पर्यटक
रङहरूको पर्व फागु अर्थात् होली काठमाडौँ उपत्यकासहित पहाडी र हिमाली जिल्लामा हर्षोल्लाससाथ मनाइएको छ । आपसी मेलमिलाप र सद्भावसाथ मनाइने होली वसन्त ऋतुको आगमनसँगै नेपाल घुम्न आएका विदेशी पर्यटकले पनि रङमा रमाउँदै हर्षोल्लाससाथ मनाएका छन् ।
पश्चिम एसियाको युद्ध त्रासमा नेपाली
विश्व मानचित्रको पश्चिमी गोलार्धबाट मध्यपूर्व भनिँदै आएको दक्षिण पश्चिम एसियाका खाडी राष्ट्र अहिले युद्धको चपेटामा छन् । अमेरिका, इजरायलले गरेको संयुक्त आक्रमणको प्रतिकारमा इरान उत्रिएपछि विश्वभर त्रास छाएको छ । यो भू–भाग नेपाली नागरिकको वैदेशिक रोजगारको प्रमुख गन्तव्य मुलुक रहेको क्षेत्र हो ।
अध्यक्ष ओलीको सन्देश : मतदाताबाट अपार माया पाएको छु
नेकपा (एमाले) का अध्यक्ष केपी शर्मा ओलीले झापा ५ आफ्नो राजनीतिक आधारभुमि भएकाले मतदाताको अपार माया रहेको बताउनुभएको छ । निर्वाचनमा मौन अवधी सुरु हुनुभन्दा केही समयअघि सन्देश जारी गर्दै ओलीले सो कुरा बताउनुभएको हो ।
गौशाला बजार तनावग्रस्त, प्रहरीद्वारा १७ राउण्ड अश्रुग्यास प्रहार
गौशाला नगरपालिका –५ स्थित गौशाला बजारमा सोमबार साँझ बालबालिका खेल्ने क्रममा एक महिलाले बच्चा चोरी गर्न लागेको हल्ला फैलिएपछि अवस्था तनावग्रस्त बनेको छ । स्थिति नियन्त्रणमा लिन सुरक्षकर्मीले १७ राउण्ड हवाइ फायर गरेको छ ।
