सरकारी वेवसाइट प्रयोगमैत्री बनाइँदै
सूचना प्रविधि विभागले सरकारी वेबसाइटलाई सबै नागरिकका लागि सहज, पहुँचयोग्य र प्रयोगमैत्री बनाउने उद्देश्यले नयाँ वेब पहुँच सुविधा कार्यान्वयनमा ल्याएको छ।
गर्मी बढेसँगै फैलिँदै डढेलो, मासिँदै वन
बर्सेनि वन मासिँदै गएको छ । वन मासिनुमा सबैभन्दा ठुलो समस्या डढेलोले निम्त्याएको छ । सरकारले डढेलो रोकथामका लागि विभिन्न कार्यक्रम कार्यान्वयन गरेको भए पनि प्रभावकारी बन्न सकेको छैन ।
सुरक्षा निकायलाई विपद् व्यवस्थापन सामग्री हस्तान्तरण
सर्लाहीको कौडेनामा सोमबार गाउँपालिका, नेपाल प्रहरी र सशस्त्र प्रहरीलाई विपद् व्यवस्थापन सामग्री वितरण गरिएको छ । बेलायत सरकारको आर्थिक सहयोगमा सञ्चालित रेन कार्यक्रम (उत्थानशीलता, अनुकूलन र समावेशी नेपाल) ले पालिका र सुरक्षा निकायलाई विपद्, पूर्व सूचना र उद्धारमा प्रयोग हुने सामग्री हस्तान्तरण गरेको सो कार्यक्रमकी आस्था प्रधानाङ्गले जानकारी दिनुभयो ।
जीतगढी विजयउत्सवको शुभारम्भ
लुम्बिनी प्रदेशका मुख्यमन्त्री चेतनारायण आचार्यले बुटवलमा जीतगढी विजय उत्सवको शुभारम्भ गर्नुभएको छ। बुटवल उपमहानगरपालिकाको आयोजनामा हरेक वर्ष मनाइँदै आएको यो उत्सव यस वर्ष पनि विशेष कार्यक्रमका साथ सुरु भएको हो ।
लमजुङमा वैशाख १० देखि पठनपाठन सुरु हुने
लमजुङका चार वटा पालिकाका विद्यालयले वैशाख १० गतेदेखि पठनपाठन सञ्चालन गर्ने भएका छन् । शिक्षा तथा मानवस्रोत विकास केन्द्रले २०८३ को शैक्षिकसत्र वैशाख १५ बाट सुरु गर्न निर्देशन दिए पनि लमजुङका स्थानीय तहहरुले वैशाख १० बाट पठनपाठन सञ्चालन गर्न लागेका हुन् ।
अटिजम भएकाको उपचारमा समस्या
वीरेन्द्रनगर नगरपालिका–३ निवासी बादल थापाका छ वर्षीय छोरालाई अटिजम भएको छ । चार वर्षको हुँदा मात्र छोरामा अटिजम रहेको उहाँको परिवारले थाहा पायो । मन्टेसरीमा शिक्षिकाले यो कुरा अभिभावकसामु बताएपछि बिस्तारै परिवारका सदस्यले पनि रोग पहिचान गर्नुभयो । त्यसपछि उपचारका लागि नेपालगन्जदेखि चितवनसम्म पु¥याइयो । तर सहज रूपमा उपचार पाउन नसकेको थापाको गुनासो छ ।
दुई वर्षमा एक किलोमिटर मात्रै ट्र्याक
कालीकोटको नरहरिनाथ गाउँपालिकाको केन्द्र कुमालगाउँदेखि रुप्सा जोड्ने सात किलोमिटर सडक निर्माण सुरु गरिएको दुई वर्षमा एक किलोमिटर मात्रै ट्र्याक खुलेको छ । कडा चट्टान फुटाउन मुस्किल भएकाले सडक निर्माणमा ढिलाइ भएको हो ।
-original-thumb.jpg)
एक वर्षपछि गाउँमा नुन
बाजुरासँग सिमाना जोडिएको जिल्लाको ताँजाकोट गाउँपालिकाले एक वर्षपछि नुन पाएको छ । नुन ढुवानीको जिम्मा लिएको ढुवानी सप्लायर्सले ढिलो ढुवानी गरेर गाउँपालिका केन्द्रमा पु¥याएपछि गाउँपालिकाका जनप्रतिनिधिसँगको बैठकपछि ताँजाकोटवासीले नुन पाएका हुन् । आर्थिक वर्ष सम्पन्न भएको नौ महिनापछि नेपाल साल्ट ट्रेडिङ कर्पोरेसन लिको ढुवानी अनुदानको नुन आइपुगेलगत्तै आइतबार बिदाको दिन भए पनि गाउँपालिकावासीलाई बिक्री गरिएको साल्ट ट्रेडिङ कर्पोरेसन लिमिटेड हुम्ला शाखाका प्रमुख राजबहादुर लामाले बताउनुभयो । चालु आवको पहिलो चौमासिक अवधिभित्र ढुवानी हुनुपर्ने कोटाको नुन यतिबेला ताँजाकोट गाउँपालिकामा आएपछि बिक्रीवितरण गरिएको जानकारी उहाँले दिनुभयो ।
आलो रगत पिउने मेला
मुस्ताङको थासाङ गाउँपालिका घट्टेखोलामा शनिबारदेखि याकनाक (चौरी) को आलो रगत पिउने मेला सुरु भएको छ । हिमालय याकनाक संरक्षण समितिले आयोजना गरेको मेलाको पहिलो दिन छिमेकी जिल्ला म्याग्दी, बागलुङ र पर्वतसहित कास्की, तनहुँ, चितवनलगायतका जिल्लाबाट सर्वसाधारणको भिड लागेको समितिका संयोजक बुद्धिरत्न तुलाचनले बताउनुभयो ।
धमाधम हटाइँदै अतिक्रमण
वीरगन्ज महानगर क्षेत्रमा त्रिभुवन राजपथ अन्तर्गतको सडक दायाँबायाँ २५ मिटरभित्रका संरचना (घरटहरा) आइतबार बिहानैदेखि भत्काउन सुरु गरिएको छ । सडक डिभिजन कार्यालय हेटौँडाले क
घोराही–रक्षाचौर सडक : तिस वर्षपछि खोलियो ट्र्याक
दाङ जिल्लाको उत्तरी क्षेत्रलाई जोड्ने सडकका रूपमा रहेको घोराही–तुलसीपुर–रक्षाचौर सडकखण्डको विवादित तीन सय मिटर ट्र्याक खोल्ने काम तीस वर्षपछि समाधान भएको छ । सडकखण्डको तुलसीपुर कुटेचौर टेलिया कुलोदेखि वडा नम्बर ४, ग्वारखोलासम्मका ट्र्याक भने जग्गा विवादका कारण खोल्न सकिएको थिएन । तुलसीपुर उपमहानगरपालिका–१९ का वडाध्यक्ष प्रेमनाथ योगीले सडकका ट्र्याक खोलिएको तीस वर्षपछि विवादित ठाउँका जग्गा धनीलाई सहमतिमा ल्याएर वडाको बजेटबाट ट्रयाक खोलिएको बताउनुभयो । सडकखण्ड अन्तर्गत कुटेचौरदेखि सक्रामसम्मको सडकको दुवैतर्फ नाला निर्माण सम्पन्न भएको उहाँले बताउनुभयो । तुलसीपुर कुटेचौरका स्थानीय पलबहादुर वलीले सडक ट्र्याक खोलिएसँगै ग्वारखोलामा पुल बन्ने आशा पलाएको र छिट्टै सडक कालोपत्रे हुने अपेक्षा गरिएको बताउनुभयो ।
हिंसाका घटना वृद्धि
बाँकेमा महिला, बालबालिका र ज्येष्ठ नागरिकविरुद्ध हिंसाका घटना वृद्धि भएको पाइएको छ । जिल्ला प्रहरी कार्यालय बाँकेले सार्वजनिक गरेको गत चैत महिनाको मासिक तथ्याङ्कमा मात्रै महिला, बालबालिका र ज्येष्ठ नागरिकविरुद्ध हिंसाका १०३ वटा उजुरी जिल्ला प्रहरी कार्यालयमा दर्ता भएको पाइएको हो । जिल्ला प्रहरी कार्यालय बाँकेका निमित्त सूचना अधिकारी प्रहरी निरीक्षक रमेश विष्टका अनुसार चैत महिनामा हिंसाका १०३ वटा उजुरी दर्ता भएकामा ८२ वटा विभिन्न तरिकाले उजुरी फस्र्योट गरिएको तथा २१ वटा उजुरी फस्र्योट हुन बाँकी रहेका छन् । सूचना अधिकारी विष्टले पीडित भएर उजुरी दिनेमा १८ देखि २५ वर्षका २५ जना तथा २६ देखि ३९ वर्षका ५२
ताप्लेजुङको पर्यटन विकास
पर्यटकको भरिया बनेर हिमालको यात्रा गर्ने गरेका मिङ्मा ग्याबु शेर्पाले अब संसदीय यात्रा तय गर्नुभएको छ । ताप्लेजुङको फक्ताङलुङ गाउँपालिका–६, लेलेपको सेकाथुममा जन्मनुभएका शेर्पाको बाल्यकाल त्यहीँ बित्यो ।
सरकारी निकायलाई दिइएको त्रिविको जग्गा फिर्ता अन्योलमा
त्रिभुवन विश्वविद्यालयका नाममा रहेको तर विभिन्न धार्मिक तथा सामाजिक संस्थाले अतिक्रमण गरेको जग्गा फिर्ता ल्याउने प्रव्रिmया सुरु भए पनि सरकारी संस्थाले नै ओगटेको जग्गालाई के गर्ने भन्ने विषयमा अन्योल भएको छ ।
पक्की घर पाएपछि मुक्त कमैया दङ्ग
मुक्त कमैया जगतराम चौधरीको जीवनको आधा समय अरूको घरमा कमैया बस्दै बित्यो । सानैदेखि बच्चा स्याहार्ने कामबाट कमैया जीवन सुरु गर्नुभएका उहाँले ४० वर्षसम्म अरूको घरमा काम गर्नुभएको थियो । चौधरी भन्नुहुन्छ, “आधा जीवन बर्दगोरियाका विभिन्न मालिकको घरमै बिताएँ । कमैया मुक्तिको बेला पनि कमैया नै थिएँ । कमैयाबाट मुक्त त भएँ तर, पहिलो चरणमा परिचयपत्र पाउनबाट वञ्चित भएँ ।”
घरमै पुग्न थाल्यो राहदानी
स्थानीयले घरमै राहदानी पाउन थालेका छन् । दुर्गम क्षेत्रका बासिन्दाले घरमै राहदानी पाउन थालेपछि पैसा र समयको बचत भएको छ । डडेलधुराको ग्रामीण क्षेत्र महाकाली नदी किनारको बस्ती परशुराम नगरपालिका–६, करालीकी निर्मला बोहोराले एक दिनको यात्रा गरेर जिल्ला सदरमुकाम खलङ्गामा रहेको जिल्ला प्रशासन कार्यालय पुगेर अनलाइन प्रक्रियामार्फत राहदानीका लागि दर्ता गराउनुभएको थियो ।
चिबहालमा गुन्जिए दुई कवि
कवि डा. अनन्त अधिकारी र सरस्वती चिमौरियाले आआफ्ना कविता वाचन गर्नुभएको छ । सुनकोशी वाङ्मय प्रतिष्ठानको आयोजनमा भएको कविता वाचन कार्यक्रममा दुई कविले १०/१० थान कविता वाचन गर्नुभएको हो । कार्यक्रमका प्रमुख अतिथि कवि उषा शेरचनले कविहरूलाई सम्मानपत्र प्रदान गर्दै कविताले मन छोएको बताउनुभयो । यस्तो व्यस्तताबिच पनि कविमनको उल्लेख्य उपस्थिति हुनु सकारात्मक कुरा भन्दै उहाँले प्रशंसा गर्नुभयो ।
‘चियासँग कविता’ कन्सर्ट
‘चियासँग कविता’ कन्सर्टको ५५ औँ शृङ्खला सम्पन्न भएको छ । कार्यक्रममा कविहरू उत्तम तुम्सा लिम्बू र डिआर फुयाँलले कविता वाचन गर्नुभएको थियो । यस्तै कविसँगै तेजेन्द्र गन्दर्भले साङ्गीतिक प्रस्तुति राख्नुभएको थियो ।
अमेरिकामा मनाइयो नेपाल दिवस
विगतका वर्ष झैँ यस वर्ष पनि नर्थ क्यारोलिनाको मोरिसभिलमा शनिबार नेपाल दिवस भव्यताका साथ सम्पन्न भएको छ । नर्थ क्यारोलिनास्थित नेपालीको साझा संस्था नेपाल सेन्टर फर नर्थ क्यारोलिना (एनसिएनसी) ले आयोजना गरेको नेपाल दिवसको यो १० औँ संस्करण हो । नेपाल दिवसमा करिब तीन हजार मानिसको उपस्थिति रहेको आयोजक संस्थाले जनाएको छ ।
सय नाघ्यो कि त भन्सार लाग्यो
नेपाल–भारत सीमानाकामा एक सय रुपियाँभन्दा बढी मूल्यका सामानमा भन्सार अनिवार्य गर्ने नियम कडाइसाथ कार्यान्वयनमा आएपछि सीमावर्ती क्षेत्रको जनजीवन र व्यापारमा उल्लेखनीय प्रभाव देखिएको छ । बाँकेको जमुनाह नाका हुँदै भारतबाट सामान ल्याउने नेपाली उपभोक्तामा कमी आएपछि सीमापारिको रुपैडिहा बजार सुनसान बन्न थालेको छ भने सीमावर्ती नेपाली उपभोक्ता भने सास्तीमा परेका छन् ।
अन्नपूर्ण क्षेत्रका हिमालमा आरोहण,सगरमाथा क्षेत्रको बाटै खुलेन
अन्नपूर्ण, धवलागिरि, अमादब्लमलगायतका हिमालमा वसन्तकालीन आरोहण सुरु भए पनि सगरमाथा, ल्होत्से र नुप्त्से आरोहणको बाटो खुल्न विलम्ब भएको छ । समान्यतया सगरमाथा, ल्होत्से र नुप्त्से आरोहणका लागि अघिल्ला वर्षमा अप्रिलको अन्त्यसम्म चौथो आधार शिविरसम्म बाटो बनाउने (डोरी टाँग्ने, भ¥याङ राख्ने) काम सम्पन्न हुने गरेको भए पनि यस वर्ष सगरमाथा आधार शिविरदेखि पहिलो आधार शिविर पुग्ने बाटोमा पर्ने खुम्बु क्षेत्र (रकफल एरिया) मा हिउँको ठुलो थुप्रोले बाधा पु¥याएपछि पछिल्लो दुई सातादेखि बाटो खोल्ने प्रयास अघि बढ्न सकेको छैन । सगरमाथा, ल्होत्से र नुप्त्से चढ्न दोस्रो आधार शिविरसम्म एउटै बाटो प्रयोग हुने गरेको छ ।
इन्धनको मूल्य नघट्नुको कारण कच्चा र प्रशोधितको मूल्य अन्तर
अहिले अन्तर्राष्ट्रिय बजारमा कच्चा तेल र प्रशोधित तेलको लागत मूल्य प्रतिब्यारेल १५० देखि दुई सय अमेरिकी डलर फरक रहेको छ । कच्चा तेल र प्रशोधित तेलको मूल्यको लागतमा फरक पर्दा अन्तर्राष्ट्रिय बजारमा मूल्य घटे पनि नेपालमा भने घट्न नसकेको नेपाल आयल निगमले जनाएको छ ।
छोटी भन्सार नहुँदा व्यापार चलाउन मुस्किल
मोरङमा सीमाक्षेत्रका नागरिकले छोटी भन्सार पुनस्र्थापना गर्नुपर्ने माग गरेका छन् । सीमाक्षेत्रको अवस्था बुझ्न स्थानीय प्रशासनले गरिरहेको अनुगमनमा नागरिकले छोटी भन्सार नहुँदा सानो व्यापार चलाउन मुस्किल परेको बताएका हुन् ।
-original-thumb.jpg)
कानुनबमोजिम मात्र काममा लगाउन निर्देशन
श्रम, रोजगार तथा सामाजिक सुरक्षा मन्त्रालयले स्वास्थ्य संस्थालगायत विभिन्न प्रतिष्ठानमा कार्यरत श्रमिक तथा कर्मचारीलाई प्रचलित कानुनविपरीत काम नलगाउन निर्देशन दिएको छ । मन्त्रालयले अस्पताल तथा स्वास्थ्य संस्थामा कार्यरत चिकित्सक, स्वास्थ्यकर्मी, नर्सलाई श्रम सम्झौता नगरी र तोकिएको समयभन्दा बढी काम लगाएको भन्ने उजुरी आएकाले कानुनविपरीत कार्य नगर्न सम्बन्धित स्वास्थ्य संस्थालाई निर्देशन दिएको हो ।
समाज कल्याण परिषद्को भाडा विवाद : ताला लगाएपछि सम्पर्कमा
समाज कल्याण परिषद्को काठमाडौँस्थित भृकुटीपण्डपको भवन, सटर र हल प्रयोग गरेबापत तिर्नुपर्ने रकम नबुझाएकाहरू सम्पर्कमा आउन थालेका छन् । परिषद्ले चैत ३० गते २० वटा सङ्घ संस्था र व्यक्तिका सटरलाई सात दिनभित्र बक्यौता बुझाउन भन्दै ताला लगाएको थियो ।
