पुराना लिखत खोज्दै मालपोत
मालपोत कार्यालय काभ्रेपलाञ्चोकले ४४ वर्ष पुराना लिखत तथा मिसिल खोज्न सुरु गरेको छ। जिल्लाको भुम्लु गाउँपालिका–७ र ८ (साबिक भुम्लुटार, फलाँटे गाविस)का जग्गाधनी पुर्जाविहीन (लालपुर्जा) नागरिकलाई लालपुर्जा दिन सहजीकरण गर्ने उद्देश्यले मालपोत कार्यालयले पुराना लिखत तथा मिसिल खोज्न सुरु गरेको हो।
भानुपार्क मिचेर पानी ट्याङ्की निर्माण हुँदै
कुनै पनि आयोजनाको शिलान्यास जहाँ गरियो, संरचना निर्माण त्यहीँ हुनुपर्ने हो तर खानेपानी तथा सरसफाइ आयोजनाले भने एक ठाउँमा शिलान्यास गरेर अर्कैतिर पानी ट्याङ्की निर्माण गर्न थालेको छ, त्यो पनि ऐतिहासिक सम्पदा मिचेर। गत भदौ १३ गते नीलकण्ठ नगरपालिकाका प्रमुख भीमप्रसाद ढुङ्गानाले नगरपालिकाले हाल पार्किङको रूपमा प्रयोग गरिरहेको जमिनमा आयोजनाको शिलान्यास गर्नुभएको थियो तर अहिले त्यही आयोजनाको ट्याङ्की निर्माण जिल्ला प्रशासन कार्यालय नजिकै रहेको भानुपार्कमा सुरु गरिएको छ।
आठ महिनामा दुई सय चौध दुर्घटना
चालु आर्थिक वर्षको आठ महिनामा जिल्लामा दुई सय १४ दुर्घटना भएका छन् । जिल्लामा भएका दुर्घटनामा परी ४९ जनाको मृत्यु भएको छ ।
आज घोडे जात्रा पर्व विभिन्न कार्यक्रम गरी मनाइँदै
चैत्र कृष्ण औँसीका दिन प्रत्येक वर्ष मनाइने घोडे जात्रा पर्व आज विभिन्न कार्यक्रम आयोजना गरी विशेषगरी काठमाडौँ उपत्यकामा मनाइँदैछ ।
पशु बलि दिएर छावालाई तालिम
हात्ती प्रजनन केन्द्रका माउते राकेश महतोले छावा (गोपालगञ्ज नामकरण)को टाउको र कानको जोर्नीमा खुट्टाले बिस्तारै धकेल्दै ‘बैठ’ (बस) भनेपछि सरक्कै बस्यो । अनि फेरि उहाँले त्यही जोर्नीमा खुट्टाले बिस्तारै धकेल्दै भुइँमा भएको लौरो आफूलाई दिन छावालाई निर्देशन दिनुभयो, “उपर दे (माथि दे) ।”
राहदानी विभागले घोडेजात्राको बिदामा सेवा दिने
राहदानी विभागले घोडेजात्राको बिदाका दिन मंगलबार पनि आफ्नो सेवा दिने भएको छ।
मंगलबार टुँडिखेलमा घोडेजात्रा मनाइँदै
राष्ट्रपति एवम् नेपाली सेनाका परमाधिपति रामचन्द्र पौडेलको समुपस्थितिमा नेपाली सेनाले सैनिक मञ्च टुँडिखेलामा मङ्गलबार घोडेजात्रा कार्यक्रम गर्दैछ।
प्रतिष्ठानको शिक्षाध्यक्षमा शेरचन नियुक्त
मदन भण्डारी स्वास्थ्य विज्ञान प्रतिष्ठान हेटौँडाको शिक्षाध्यक्षमा बागमती प्रदेश सरकारले डा. सुरेन्द्र शेरचन नियुक्त हुनुभएको छ ।
पाहाँ चर्हे जात्रा सुरु
काठमाडौं उपत्यकाको ठूलो पर्व जात्राको रुपमा लिइने पाहाँ चर्हे जात्रा आज बाट सुरु भएको छ । सोमबार चर्हेको पहिलो दिन कंकेश्वरी मन्दिर नजिक लिङ्गो (यँसी) उठाइयो ।
३५ युट्युब च्यानल काउन्सिलको विशेष निगरानीमा
प्रेस काउन्सिल नेपालले पत्रकार आचारसंहिताको उल्लङ्घन गर्ने ३५ वटा युट्युब च्यानललाई विशेष निगरानीमा राखेको जनाएको छ ।
पेशागत महासङ्घको नयाँ कार्यसमिति चयन
नेकपा (एकीकृत समाजवादी) निकट पेशागत महासङ्घ नेपालले सातौं राष्ट्रिय महाधिवेशनबाट नयाँ कार्यसमिति चयन गरेको छ । काठमाडौंमा सम्पन्न भएको महासंघले प्रेमलकुमार खनालको अध्यक्षतामा नयाँ कार्य समिति चयन गरेको हो ।
मन्थली क्याम्पसमा नेविसङ्घका कार्की र दुई कोषाध्यक्ष निर्वाचित
रामेछाप सदरमुकाम मन्थलीमा रहेको मन्थली शहीद स्मृति बहुमुखी क्याम्पसमा स्वतन्त्र विद्यार्थी युनियन (स्ववियु) सभापतिमा नेविसङ्घका अविनाश कार्कीले निर्वाचित हुनुभएको छ ।
सांसद पद रिक्त रहेको सभामुखद्वारा सभालाई जानकारी
प्रतिनिधिसभामा उपराष्ट्रपति पदमा निर्वाचित हुनुभएका जनता समाजवादी पार्टीका सांसद रामसहायप्रसाद यादवको पद रिक्त रहेको जानकारी दिइएको छ । सभामुख देवराज घिमिरेले प्रतिनिधिसभाको आजको बैठकको प्रारम्भमै त्यससम्बन्धी जानकारी सदनलाई गराउनुभयो ।
मकवानपुरका सबै क्याम्पसको नतिजा सार्वजनिक
त्रिभुवन विश्वविद्यालयअन्तर्गत मकवानपुरका आङ्गिक र सामुदायिक क्याम्पसमा आइतबार भएको स्वतन्त्र विद्यार्थी युनियन (स्ववियु) को निर्वाचनको मत परिणाम सार्वजनिक भएको छ ।
मकवानपुरका सबै क्याम्पसको नतिजा सार्वजनिक
त्रिभुवन विश्वविद्यालयअन्तर्गत मकवानपुरका आङ्गिक र सामुदायिक क्याम्पसमा आइतबार भएको स्वतन्त्र विद्यार्थी युनियन (स्ववियु) को निर्वाचनको मत परिणाम सार्वजनिक भएको छ ।
आजको मौसम यस्तो छ
हाल देशमा स्थानीय वायुसँगै पश्चिमी वायुको सामान्य प्रभाव रहेको छ । जसका कारण हाल देशभर आंशिकदेखि सामान्य बदली रही बागमती, गण्डकी, लुम्बिनी, कर्णाली र सुदूरपश्चिम प्रदेशका थोरै स्थानमा मेघ गर्जन÷चट्याङसहित वर्षा भइरहेको जल तथा मौसम विज्ञान विभाग मौसम पूर्वानुमान महाशाखाले जनाएको छ ।
घटना बाहिर आउने डरले जागिरबाटै राजीनामा
रामेछापका एक महिलाले श्रीमान् जीवित हुँदै एकल महिला भत्ता बुझिरहेको पाइएको छ। जिल्लाको मन्थली नरपालिका–३, ठुलीमदौकी निर्मला खत्रीले श्रीमान् रामबाबु खत्री जीवित हुँदै एकल महिला भत्ता लिइरहेको पाइएको हो। पति रामबाबुले आफैँले कागज बनाइदिएर श्रीमती निर्मलालाई एकल महिला भत्ता खुवाएको पाइएको छ।
झन्डै छ हजार जनामा डेङ्गु सङ्क्रमण
हेटौँडा उपमहानगरपालिकाको मुख्य बजार क्षेत्रमा लामखुट्टे नियन्त्रणका लागि कीटनाशक औषधि छर्कने अभियान सुरु भएको छ। यस वर्षको सुरुवातदेखि डेङ्गु रोगको सङ्क्रमण सुरु भएपछि उपमहानगरपालिकाले यो अभियान सञ्चालन गरेको हो। हेटौँडा उपमहानगरपालिकामा गत वैशाख, जेठबाट डेङ्गु रोगको सङ्क्रमण सुरु भएकामा भदौ, असोजमा पुग्दा महामारीको रूप लिएपछि उपमहानगरपालिकाले सतर्कता अपनाउँदै वर्षापूर्व नै लामखुट्टे नियन्त्रण गर्न कीटनाशक औषधि छर्कने अभियान सुरु गरेको जानकारी दिएको छ।
विश्वासको मत आज
प्रधानमन्त्री पुष्पकमल दाहाल ‘प्रचण्ड’ले सोमबार प्रतिनिधि सभामा विश्वासको मत लिँदै हुनुहुन्छ। सत्तारूढ दलको गठबन्धन राष्ट्रपति तथा उपराष्ट्रपति चुनावबाट विभाजित भएसँगै नियुक्त भएको अढाई महिनामै प्रधानमन्त्री प्रचण्डले दोस्रो पटक विश्वासको मत लिन लाग्नुभएको हो।
उपराष्ट्रपतिको शपथ आज
निर्वाचन आयोगले राष्ट्रपति रामचन्द्र पौडेलसमक्ष उपराष्ट्रपति पदमा रामसहायप्रसाद यादव निर्वाचित हुनुभएको प्रतिवेदन प्रस्तुत गरेको छ। आयोगले यही चैत ३ गते सम्पन्न उपराष्ट्रपतिको निर्वाचनको परिणामसहितको प्रतिवेदन आज राष्ट्रपति पौडेलसमक्ष पेस गरेको हो। प्रमुख निर्वाचन आयुक्त दिनेशकुमार थपलियाले प्रतिवेदन बुझाउनुभएको राष्ट्रपति कार्यालयका प्रवक्ता सागर आचार्यले जारी गर्नुभएको विज्ञप्तिमा उल्लेख छ। राष्ट्रपति कार्यालयले उपराष्ट्रपतिको शपथग्रहण समारोह सोमबारका लागि तय गरेको छ।
उपत्यकाका १४ वटा क्याम्पसमा ६० प्रतिशत मतदान : सातमा चुनाव हुन सकेन
त्रिभुवन विश्वविद्यालयको देशभरका विभिन्न क्याम्पसमा स्वतन्त्र विद्यार्थी युनियन (स्ववियु) निर्वाचनमा मतदान कार्य सम्पन्न भएको छ।
देशका विभिन्न स्थानमा वर्षा
हाल देशमा स्थानीय वायुसँगै पश्चिमी वायुको सामान्य प्रभाव कायम छ । त्यसका कारण देशभर आंशिकदेखि सामान्य बदली रही पहाडी भूभागका थोरै स्थानमा मेघगर्जन, चट्याङसहित हल्का वर्षा भइरहेको जल तथा मौसम विज्ञान विभाग मौसम पूर्वानुमान महाशाखाले जनाएको छ ।
रसिया र यूक्रेनबीचको युद्ध अन्त्य गर्न एचडब्लुपीएलको आग्रह
दक्षिण कोरियामा मुख्य कार्यालय सञ्चालन गरी विश्व शान्तिको क्षेत्रमा अग्रणी भूमिका निर्वाह गर्दैआएको गैरसरकारी संस्था हेवेनली कल्चर, वल्र्डपिस, रेस्टोरेशन अफ लाइट (एचडब्लुपीएल) ले नेपालमा शाखा विस्तार गरी शान्तिको क्षेत्रमा सचेतना जगाउने कार्यक्रम गर्नेभएको छ ।
स्मृति वाटिका निर्माण अन्तिम चरणमा
सुवर्णेश्वर डाँडामा निर्माण गरिएको गणेशमान सिंह स्मृति वाटिकाको निर्माण अन्तिम चरणमा पुगेको छ। भक्तपुरको सूर्यविनायक नगरपालिकाको वडा नम्बर ५ र ६ मा रहेको यो वाटिकामा लौहपुरुष गणेशमान सिंहको पूर्णकदको सालिक पनि राखिसकिएको छ। २०५४ सालमा गणेशमानको निधन भएपछि तत्कालीन कटुञ्जे गाउँ विकास समिति अध्यक्ष रामेश्वर ढुङ्गेलले वाटिका निर्माण गर्ने घोषणा गर्नुभएको थियो। सोही अवधारणाअनुसार कटुञ्जेको सुवर्णेश्वर मन्दिरसमेतलाई समेटेर त्यसभन्दा पूर्वको डाँडामा वाटिका निर्माण गर्न सबै राजनीतिक दलको समर्थनमा काम थालिएको थियो।
मौलिकता गुमाउँदै बारपाक
पुनर्निर्माणपछि मौलिक पहिचान गुमाएको गोरखाको बारपाकले पर्यटक गुमाउने खतरा बढेको छ। परम्परागत सीप र विधिबाट बनाइएका एकनासे घर नै प्रमुख आकर्षक बनेको बारपाकमा २०७२ सालको भूकम्पपछि पुनर्निर्माण गरियो। नयाँ भवन निर्माण भएपछि मौलिक पहिचान गुमाएकाले पर्यटन क्षेत्रमा असर पर्ने देखिएको हो।
