जुम्ला प्रतिनिधिसभामा ज्ञानेन्द्र शाही दोब्बर मतले अगाडि
जुम्ला प्रतिनिधिसभामा ज्ञानबहादुर शाहीले दोब्बर मतले अग्रता कायम राख्नुभएको छ।
रुकुम पश्चिममा जनार्दन शर्माको अग्रता
एक प्रतिनिधिसभा र दुई प्रदेशसभा रहेको रुकुम पश्चिममा नेकपा (माओवादी केन्द्र)ले अग्रता लिएको छ।
सुर्खेत–२ मा कांग्रेसका थानीको अग्रता कायमै
सुर्खेतको प्रतिनिधि सभा निर्वाचन क्षेत्र नम्बर २ मा नेपाली कांग्रेसका हृदयराम थानीले अग्रता कायम राख्नुभएको छ । ४० हजार नौ सय ५९ मत गणना हुँदासम्म थानीले १८ हजार ७७८ मत प्राप्त गर्नुभएको छ । उहाँका निकटतम प्रतिस्पर्धी नेकपा एमालेका अमृतबहादुर बुढाक्षेत्रीले १५ हजार ५८८ मत प्राप्त गर्नुभएको छ ।
-original-thumb.jpg)
जाजरकोटमा बस्नेतको अग्रता, आचार्यले पछ्याउँदै
प्रदेश सभा तथा प्रतिनिधि सभाको मत गणना जारी छ । सत्ता गठबन्धन दल नेकपा (माओवादी केन्द्र) का उपमहासचिव शक्तिबहादुर बस्नेतले अग्रता कायम गर्नुभएको छ ।
जुम्ला (क) मा स्वतन्त्र उम्मेदवार देवेन्द्र शाहीको अग्रता
जुम्ला प्रदेश सभा निर्वाचनमा गठबन्धनलाई पछि पार्दै स्वतन्त्र उम्मेदवार देवेन्द्रबहादुर शाहीले अग्रता लिएका छन् । मुख्य निर्वाचन अधिकृतको कार्यालयका अनुसार १०६१२ मत गणना हुँदा देवेन्द्रबहादुर शाहीले ४ हजार ४१ मत ल्याएर अग्रस्थानमा छन् ।
कालिकोटमा मतगणना सुरु
एक निर्वाचन क्षेत्र रहेको कालिकोटको मतगणना सुरु भएको छ। मङ्गलबार बिहान आठ बजे बसेको सर्वदलीय बैठकपश्चात् मतगणना २ बजेदेखि सुरु भएकाे छ। दुई प्रदेश सभा सदस्य रहेको कालीकोटमा प्रदेश सभा क बाट मतगणना सुरु गरिएको छ ।
सल्यानमा गठबन्धनकाे एस र प्रदेशसभामा माओवादीकाे अग्रता
प्रतिनिधि र प्रदेश सभामा सत्ता गठवन्धनका उम्मेदवारको अग्रता छ । सल्यानमा नेकपा एकीकृत समाजवादीका उपमहासचिव प्रकाश ज्वालाले छ हजार ७५१ मत लिनुभएको छ । ज्वालाले ११ हजार ७९६ मतका साथ अग्रता कायम गर्नुभएको छ ।
रुकुम पश्चिममा माओवादीका जनार्दन शर्माको अग्रता
रुकुम पश्चिममा प्रतिनिधिसभा सदस्यको लागि भएको निर्वाचनमा नेकपा (माओवादी केन्द्र) का उम्मेदवार जनार्दन शर्माले ३५९ मत ल्याउनु भएको छ ।
मुगुको मतगणना अनिश्चित
मतदान केन्द्रबाट मतपेटिका आउन ढिलाइ हुँदा मुगुमा मतगणना अनिश्चित बनेको छ । जिल्लाको माथिल्लो मुगुको मतदान केन्द्रबाट मतपेटिका जिल्लाको मुख्य निर्वाचन कार्यालयमा नआइपुगेकाले मतगणना अनिश्चित बनेको हो ।
हुम्लाको ३४ मतदान केन्द्रका मतपेटिका हेलिकोप्टरबाट ल्याइँदै
दक्षिणी क्षेत्रका चार वटा गाउँपालिका अन्तर्गतको ३४ वटा मतदान केन्द्रको मतपेटिका हेलिकप्टरबाट ल्याइँने भएको छ । दुर्गम क्षेत्रको मतदान केन्द्रबाट पैदल मार्गबाट ढुवानी गरेर ल्याउँन जोखिम देखिएपछि निर्वाचन आयोगले हेलिकोप्टरमै ढुवानी गर्न सहमति दिएपछि मङ्गलबार दिउँसो सर्केगार्ड गाउँपालिकाको केन्द्र सर्केगार्डबाट ल्याउन लागिएको हो ।
मकवानपुरमा डिना र बर्तौला अगाडि
मकवानपुरमा प्रतिनिधि तथा प्रदेश सभा सदस्यका लागि भएको निर्वाचनको मतगणनाको प्रारम्भिक नतिजाअनुसार प्रतिनिधि सभा निर्वाचन क्षेत्र नम्बर १ मा नेपाली कांग्रेस र क्षेत्र नम्बर २ मा नेकपा एमालेका उम्मेदवारले अग्रता लिनुभएको छ ।
मार्तडी दिनभर तनावग्रस्त
सोमबार बिहानै देखि जिल्ला सदरमुकाम मार्तडी निकै तनावग्रस्त बनेको छ । त्रिवेणी नगरपालिका–७ मा मतदान स्थलमा विद्यार्थी नेता चेतन एडीको हत्या गरेको आरोप सहित अनेरास्ववियु सदरमुकाम मार्तडीमा आन्दोलित छ ।
जुम्लामा मतगणना सुरु
जुम्लामा मत गणना सुरु गरिएको छ । मुख्य निर्वाचन अधिकृत विष्णु प्रसाद गौतमका अनुसार प्रतिनिधिसभाको मत गणना सुरु भएको छ भने प्रदेशसभाको मत गणनाको तयारी भइरहेको छ ।
लिमीका मतपेटिका हेलिकोप्टरबाट ओसारियो
नाम्खा गाउँपालिका–६ को हिमालपारिको गाउँका मतपेटिका हेलिकोप्टरमार्फत ढुवानी गरिएको छ । लिमी जाने दुई वटै नाकामा बाक्लो हिउँ जमेर बन्द लिमीका तीन वटै मतदान केन्द्रका मतपेटिका हेलिकोप्टरबाट ढुवानी गरिएको हो ।
सल्यानमा मतगणना सुरु
सल्यानमा मतगणना सुरु भएको छ । दिउँसो १ः १५ बजेदेखि मतगणना सुरु भएको हो । एक प्रतिनिधि सभा र दुई प्रदेश सभा रहेको सल्यानमा एकै पटक संघ र प्रदेशको मतगणना सुरु भएको मुख्य निर्वाचन अधिकृतको कार्यालय सल्यानले जनाएको छ ।
सल्यानमा मतगणना ढिला
प्रतीक इच्छुक शर्मा सल्यान,मङ्सिर ५ गते । सल्यानमा ११ बजेबाट मतगणना सुरु हुने भनिएपनि अहिलेसम्म मतगणना हुन सकेको छैन । व्यवस्थापनमा समय लागेको कारण सल्यानमा मतगणना ढिला भएको हो । जिल्लाका २०५ मतदान केन्द्रबाट जिल्लाको मुख्य निर्वाचनको कार्यालयमा आइतबार राति ३ बजेसम्म मतपेटीका आइसकेको थियो । यस्तै, मतगणनाको लागि सोमबार बिहान ८ बजे सर्वदलीय बैठकसमेत बसेको थियो । तयारी नपुगेकाले मतगणनामा ढिलाइ भएको मुख्य निर्वाचन अधिकृत गिरीराज गौतमले बताउनुभयो । उहाँका अनुसार जतिसक्दो छिटो मतगणनाको लागि तयारीका काम भइरहेको छ र अबको आधा घण्टा भित्र मतगणना सुरु हुनेछ । मतगणनाको लागि सदरमुकामस्थित मुख्य निर्वाचन कार्यालय परिसरमा सुरक्षा कडा पारिएको प्रमुख जिल्ला अधिकारी विपिन आचार्यले जानकारी दिनुभयो ।यस्तै, सल्यानमा ५३ दशमलव २७ प्रतिशत मत खसेको हो । मुख्य निर्वाचन अधिकृतको कार्यालयका अनुसार पुरुष ४० हजार २१ र महिला ४४ हजार १ गरी ८४ हजार २२ मत खसेको छ । एक प्रतिनिधि र २ प्रदेश सभा रहेको सल्यानमा १ लाख ५७ हजार ७ सय १ मतदाता रहेका छन् । र प्रदेश सभा (क) मा ७८ हजार ६ सय ६८ र प्रदेश सभा (ख) मा ७९ हजार ३३ मतदाता रहेका छन् ।
प्रदेशभरि शान्तिपूर्ण मतदान
कर्णाली प्रदेशका १० जिल्लामा सामान्य छिटपुट घटनाबाहेक समग्रमा निर्वाचनमा शान्तिपूर्ण मतदान भएको छ। आइतबार बिहान ४ बजेदेखि मतदान सुरु हुने भनिए पनि मतदाता ६ नबज्दै लाम लागेका थिए। मतदान सुरु भएलगत्तै प्रदेश राजधानी सुर्खेतमा चर्चित उम्मेदवारले सुरुमै मतदान गरेका थिए। सुर्खेतमा ६० प्रतिशत मत खसेको छ। प्रदेश निर्वाचन अधिकारी दुर्गाप्रसाद चालिसेले ६० प्रतिशतभन्दा बढी मत खसेको जानकारी दिनुभयो।
सुन्तला जोन कार्यक्रम प्रभावकारी
दैलेखको दुल्लु क्षेत्र सुन्तला उत्पादनका लागि उर्वर मानिन्छ। यहाँका थुप्रै किसानले सुन्तलाको व्यावसायिक खेती गरेका छन्। दुल्लु नगरपालिका–११, कालभैरवका किसान जगतबहादुर पन्तको सुन्तलाको बगैँचा छ। २०५३ सालदेखि व्यावसायिक रूपमा सुन्तला खेती गर्दै आउनुभएका पन्तले विगतका केही वर्षको तुलनामा यसपालि सुन्तला धेरै फलेको बताउनुभयो। उहाँले भन्नुभयो, “बोटभरि लटरम्म दाना छन्, गत वर्षभन्दा दोब्बर उत्पादन हुने अनुमान छ।” पन्तको बगैँचामा डेढ सय सुन्तलाका बिरुवा र यसकै हाराहारीमा कागती छन्। सुन्तला र कागती उत्पादनबाट वार्षिक तीन लाख रुपियाँभन्दा धेरै आम्दानी गर्दैै आएको उहाँले बताउनुभयो। रोगकीरा र प्राकृतिक प्रकोप नभए सुन्तलाको उत्पादन राम्रो हुने किसानको अनुभव छ। सुन्तलाको बजारीकरणमा पनि समस्या नरहेको र सुन्तला नपाक्दै व्यापारी बगैँचामा आइपुग्ने गरेको किसान बताउँछन्। दूल्लूको सुन्तला गत वर्ष बोटबाटै प्रतिकेजी ५५ रुपियाँका दरले व्यापारीले खरिद गरेका थिए। यहाँको सुन्तला सुर्खेत–नेपालगञ्जका व्यापारीले खरिद गरेर लैजाने गरेका छन्। दुई सय बोट सुन्तला भएका कालभैरवकै किसान प्रकाश भण्डारीले यो वर्ष सुन्तला बाक्लै फलेको र रसिलो भएको जानकारी दिनुभयो। उहाँले सुन्तला खेतीबाट वर्षमा चार लाख रुपियाँको हाराहारीमा कमाइ हुने गरेको बताउनुभयो। आवश्यक प्राविधिक परामर्श नहुँदा उत्पादन सोचेजस्तो भने हुन न
डाँफे माविको मतपेटिका फुटाइयो
चङ्खेली गाउँपालिका –५ को डाँफे मावि मतदान केन्द्रको एक समूहले मतपेटिका फुुटाएको छ । युुवाहरुको दुुई समुहबीच झडप हुँदा मतदानका लागि राखिएको मतपेटिका फुटाइएको प्रहरीले जनाएको छ ।
हुम्लाको सरस्वती मावि मतदान केन्द्रमा मतदान कार्य स्थगित
सर्केगार्ड गाउँपालिका –१ को जैर गाउँको सरस्वती मावि मतदान केन्द्रको मतदान कार्य स्थगित भएको छ । वारेसमा मत खसाल्ने विषयलाई दुई पक्षबीच विवाद भएपछि मतदान कार्य स्थगित गरिएको हो ।
रुकुम कारागारमा मतदान सम्पन्न
मुसीकोट नगरपालिका १ रुकुम कारागारमा रहेका कैदीबन्दीले मतदान गरेका छन् । कारागार कार्यालयमा तोकिएको अस्थायी मतदान केन्द्रमा ६४ जना कैदीबन्दीहरुको मत खसेको छ ।
अर्थमन्त्री शर्माद्वारा मतदान
राजु लामिछाने रुकुमपश्चिम, मङसिर ४ गते । प्रतिनिधिसभा सदस्यका उम्मेदवारसमेत रहनुभएका अर्थमन्त्री जनार्दन शर्माले मुसीकोट नगरपालिका ५ सेरीगाउँस्थित यमुनानन्द नमुना माविमा रहेको 'क' मतदान केन्द्रबाट मतदान गर्नुभएको छ । शर्माले मतदान केन्द्रमा पहिलो मत खसाल्नुभएको मतदान अधिकृत जोखबहादुर खड्काले जानकारी दिनुभयो । मतदानपछि शर्माले सबैलाई ढुक्क भएर सही तरिकाले मतदान गर्न आह्वान गर्नुभयो । माओवादी केन्द्रका उपमहासचिवसमेत रहनुभएका अर्थमन्त्री शर्मा वाम लोकतान्त्रिक गठबन्धनको तर्फबाट साझा उम्मेदवार हुनुहुन्छ ।
चार मतदान केन्द्रको जिम्मा महिलालाई
मङ्सिर ४ गते हुने प्रतिनिधिसभा र प्रदेशसभा सदस्य निर्वाचनका लागि हिमाली जिल्ला हुम्लामा चारवटा मतदान केन्द्रको जिम्मा महिलालाई दिइएको छ ।
ढुवानी नहुँदा हुम्लाको चामल नेपालगञ्जमा थन्कियो
नेपालगञ्जबाट कर्णालीको हिमाली जिल्ला हुम्ला पठाउने चामल नेपालगञ्जमै थन्किएको छ । हवाई मार्गबाट ढुवानीका लागि टेण्डर आह्वान गर्दा मापदण्डअनुसारको बोलपत्र नपरेको र स्थलमार्गबाट ढुवानी गर्न समस्या भएकाले हुम्ला जिल्लामा चामल ढुवानी हुन नसकेको हो
चुनावले गर्दा यात्रु बढे
चर्को हवाई भाडा भए पनि यतिबेला हुम्ला भित्रिने यात्रुको सङ्ख्या भने वृद्धि भएको छ। मङ्सिर ४ गतेको प्रतिनिधि तथा प्रदेश सभाको निर्वाचनका लागि मत खसाल्न घर आउने मतदाताका कारण जिल्लामा भित्रिने यात्रुको सङ्ख्या वृद्धि भएको हो।
