• गोरखापत्र अनलाइन
• ७ असार २०८०, बिहिबार

झुन्डिएको तारले बढायो जोखिम

रुकुमपश्चिम जिल्ला सदरमुकाम तथा खलङ्गा बजार क्षेत्रमा विद्युत् तार व्यवस्थित नहुँदा दुर्घटनाको जोखिम बढाएको छ। मुसीकोट नगरपालिका–१, खलङ्गास्थित विद्युत् ट्रान्समिटरदेखि सहिद मैदान, पुष्पलाल चोक हुँदै जिल्ला प्रहरी कार्यालय जाने बजारको मुख्य लाइन र सल्लेतर्फको बाटोमा विद्युतीय तारले दुर्घटनाको जोखिम बढाएको छ। सडक प्रयोगकर्ताले छुन सक्ने गरी विद्युतीय तार लत्रिएको पाइन्छ। सो सम्बन्धमा स्थानीयले वडा कार्यालयमा निवेदनसमेत दिएका छन्।