कर्णाली नदीमा ट्याक्टर खस्दा चालक बेपत्ता

प्रेमराज सिम्खडा

कालीकोट असार २ गते। कालीकोट जिल्लाको पचालझरना गाउँपालिका वडा नम्बर ८ मा ट्याक्टर दुर्घटना भएको छ। कर्णाली करिडोरको मयगाड सडकखण्डमा ट्याक्टर कर्णाली नदीमा खस्दा चालक बेपत्ता भएका हुन्।

बाजुराबाट जितेतर्फ आउँदै गरेको भे २ प ६८१ नम्बरको ट्याक्टर कर्णालीमा बेपता भएको हो। पचालझरना गाउँपालिका पूर्व अध्यक्ष खड्गराज सेजुवालले निकै जोखिम ठाउँमा ट्याक्टर खसेकाले अरु कुनै अवशेष नभेटिएको जानकारी दिनुभयो।

अध्यक्ष सेजुवालले आफूहरुले नदीमा ढुबेर खोज्ने प्रयास गरे पनि पानीको ठूलो बहाव रहेकाले समस्या भएको बताउनुभयो। दुर्घटनास्थलमा भेटिएको नागरिकतामा नन्दलाल वुढथापाका छोरा खत्याड गाविस वडा नम्बर ६ तिलकराज वुढथापा उल्लेख गरिएको छ। प्रहरीले चालकको नागरिकता रहेको अनुमान गरेको छ। प्रहरी भर्खरै घटनास्थलमा पुगेको छ। दुर्घटनाको विषयमा थप जानकारी दिनसक्ने अवस्था नभएको प्रहरीको भनाइ छ।