प्रहरीले आफूलाई रूपान्तरण गरी जनताको पक्षमा काम गर्नुपर्छ : मुख्यमन्त्री भट्ट
सुदूरपश्चिम प्रदेशका मुख्यमन्त्री त्रिलोचन भट्टले प्रहरी र प्रहरीको अनुसन्धानलाई अहिलेको युग अनुसार आधुनिक बनाउनु पर्ने बताउनुभएको छ ।
१६ वर्षीय कैनीले बनाउनुभयो, विद्युतीय मोटरसाइकल
कैलालीको धनगढी उपमहानगरपालिका–५ जाइँका १६ वर्षीय सोहन कैनीले विद्युतीय मोटरसाइकल निर्माण गर्नुभएको छ ।
सुदूरपश्चिममा हुलाकी सडक: अर्बौँ लगानी, गति सुस्त
सुदूरपश्चिम प्रदेशमा निर्माणाधीन हुलाकी सडकको गति सुस्त देखिएको छ । कैलालीको लम्की–खग्रौला र धनगढीको क्याम्पस रोडदेखि भजनीसम्म को काम सन्तोषजनक रुपले अघि बढन सकेको छैन ।
पहिरोले रित्तिँदै बाजुराका गाउँबस्ती
बाजुराका अधिकांश गाउँबस्तीबाट समथर, तराई र सहरी क्षेत्रतर्फ बसाइँ सर्ने क्रम पछिल्लो समय बढ्दै गएको छ। बर्सेनि बाढीपहिरोले गाउँबस्तीमा क्षति पु-याउन थालेपछि बसाइँ सर्ने क्रम बढेको हो। हिमाली गाउँपालिका–४, बोर्ताका कर्णवीर भण्डारीले पहिरोले गाउँबस्तीमा बास बस्न नसकिने अवस्था भएपछि ज्यान जोगाउनकै लागि बस्ती छाडेर सुरक्षित स्थानमा सर्नु परेको बताउनुभयो।
सुदूरपश्चिममा एमाले एक्लै चुनावी मैदानमा
सुदूरपश्चिममा सत्तारुढ गठवन्धनविरुद्ध विभिन्न पार्टीसँग तालमेल गर्ने प्रयत्न गरेको नेकपा (एमाले) अन्ततः झण्डै एक्लै नै चुनावमा होमिएको छ । एमालेले रेशम चौधरी संरक्षक रहेको नागरिक उन्मुक्ति पार्टी, नेपाली कांग्रेस (बीपी) र राप्रपासित चुनावी तालमेल गर्ने प्रयास गरे पनि सफलता नभएपछि एक्लै भएको हो ।
कैलाली बाढीः ‘किन खेती लगाइएछ जस्तै लागेको छ’
लगातार दुईपटक आएको बाढीले यहाँका चार पालिकामा कृषितर्फ क्षति भएको छ । कैलालीको टीकापुर, भजनी नगरपालिका, जानकी र जोशीपुर गाउँपालिकामा बाढीले धानबाली, तरकारी खेती र पशुपालक किसानलाई क्षति गरेको छ ।
खेतखेतमा उम्मेदवार
कैलालीमा चुनावी चहलपहल बढ्न थालेको छ । मङ्सिर ४ गते हुने प्रदेश तथा प्रतिनिधि सभा सदस्य निर्वाचनका लागि उम्मेदवारी दर्तापछि चुनावी चहलपहल बढ्न थालेको हो । उम्मेदवारी दर्तालगत्तै राजनीतिक दल र उम्मेदवार प्रचारप्रसारमा केन्द्रित भएका छन् । भोट माग्दै दलका नेता, कार्यकर्ता गाउँमा पस्न थालेका छन् । यसैगरी मतदाता रिझाउनका लागि उनीहरू जनतालाई खेतको काममा पनि सघाउन थालेका छन् ।
सुदूरपश्चिममा सत्तारुढ गठबन्धनमध्ये काङ्ग्रेसबाट धेरै उम्मेदवार
आगामी मङ्सिर ४ गते हुने निर्वाचनका लागि सत्तारुढ गठबन्धनको मुख्य दल नेपाली काँग्रेसले सुदूरपश्चिमका १६ मध्ये ९ क्षेत्रमा उम्मेदवार उठाउन पाएको छ । यस्तै प्रदेशका ३२ मध्ये १८ क्षेत्रमा काँग्रेसका उम्मेदवार छन् ।
देउता रिसाउँछन् कि भन्ने डरले छाउगोठमा बस्न बाध्य
खप्तडछान्ना गाउँपालिका–५ की रमिला आग्री पहिलोपटक महिनावारी हुँदादेखि नै छाउगोठमा बस्न थाल्नुभएको थियो । अहिले उहाँको मनमा घरभित्र बस्दा देउता रिसाउँछन् भन्ने गहिरो छाप बसेको छ ।
सुन्दर बारिल झरना
काठमाडौं, असोज २९ गते । बझाङको जयपृथ्वी नगरपालिका–८, खाराबगरमा अवस्थित बारिल झरना । करिब २०० मिटर अग्लो झरना जिल्ला सदरमुकाम चैनपुरबाट नजिकै भएपनि प्रचारप्रसारका कारण ओझेलमा परेको छ ।
पाँच गाउँमा २४ घर भत्किएपछि बास बस्न समस्या
जिल्लाको उत्तरपूर्वी क्षेत्रमा पर्ने जगनाथ गाउँपालिका वडा नं –२ को चार गाउँका २४ घर पूर्णरुपमा भत्किएका छन् । जगनाथ गाउँपालिका वडा नं –२ को काँडाकोट, लुमा, हुनी, बस्केना र शेरा गाउँका २४ परिवारले बास बस्दै आएको घर अविरल वर्षाका कारण आएको बाढीपहिरोले भत्काइदिएपछि अहिले ती परिवारहरुलाई कहाँ गएर बस्न भन्ने समस्या भएको हो ।
सङ्कटापन्न सूचीमा रहेको सुनगोहोरो धानखेतमा फेला
कैलालीको घोडाघोडी नगरपालिका १ जनकपुरमा शनिबार बिहान विश्वमै संरक्षित प्रजाति सुनगोहोरो फेला परेको छ । स्थानीय पुतली सापकोटाको खेतमा धान काट्दै गर्दा स्थानीयले विस्तारै हिँड्दै गरेको अवस्थामा सुनगोहोरालाई देखेका थिए ।
नौ सिटमा बयासी प्रतिस्पर्धी
कञ्चनपुरमा प्रतिनिधि सभा तथा प्रदेश सभाका नौ पदका लागि ८२ जनाबीच प्रतिस्पर्धा हुने भएको छ। तीमध्ये स्वतन्त्र र विभिन्न पार्टीका बागी उम्मेदवार १८ जना छन्। कञ्चनपुरको क्षेत्र नं. १ मा प्रतिनिधि सभाका लागि तीन जनाको स्वतन्त्र उम्मेदवारी छ। नेकपा (एमाले) प्रदेश कमिटी सचिवालय सदस्य खेम सुवेदी, नेपाली कांग्रेस निकट जगतबहादुर सायर र हरिनादेवी भट्ट रहेका छन्। पार्टीका उम्मेदवारविरुद्ध बागी रहेका सुवेदीलाई नेकपा (एमाले)ले पार्टीबाट निष्कासन गरिसकेको छ। सत्ता गठबन्धनका तर्फबाट नेकपा (माओवादी केन्द्र)का बिना मगर र नेकपा (एमाले) कञ्चनपुरका पूर्वअध्यक्ष तारा लामा तामाङसमेत चुनावी मैदानमा हुनुहुन्छ। क्षेत्र नं. १ को ‘क’ मा नेकपा (एमाले)का केन्द्रीय सल्लाहकार परिषद् सदस्य भक्तबहादुर अधिकारीको स्वत्रन्त्र उम्मेदवारी परेको छ। अधिकारीलाई पनि नेकपा (एमाले)ले कारबाही गरेको छ। ‘क’ प्रदेशमा आठ जना
सुदूरपश्चिममा चौबीस महिला उम्मेदवार
सुदूरपश्चिम प्रदेशबाट प्रतिनिधि र प्रदेश सभा निर्वाचनका लागि २४ जना महिलाको उम्मेदवारी कायम रहेको छ । निर्वाचन आयोगले बुधबार साँझ प्रविष्ट गरेको तथ्याङ्कअनुसार प्रतिनिधि सभा सदस्यतर्फ पुरुष उम्मेदवार १२६ जनामध्ये महिला उम्मेदवार ११ जना रहेका छन् । प्रदेश सभामा पुरुष उम्मेदवार १५० जनामध्ये महिला उम्मेदवार १३ जना छन् । प्रतिनिधि र प्रदेश सभामा दुई÷दुई जना महिला स्वतन्त्र उम्मेदवार हुनुहुन्छ । यद्यपि मुख्य दल नेपाली कांग्रेस र नेकपा (एकीकृत समाजवादी) बाट महिला उम्मेदवारी परेको छैन । नेकपा (एमाले) ले प्रतिनिधि सभामा दुई जना र प्रदेश सभामा एक जना महिलालाई उम्मेदवार बनाएको छ । नागरिक उन्मुक्ति पार्टीले प्रतिनिधि सभामा एक र प्रदेश सभामा दुई जना महिलालाई उम्मेदवार बनाएको छ ।
समयमा काम गरिदिन बाढीपीडितको दबाब
तटबन्धको काम समयमा नभएर बाढीले क्षति बढाएको भन्दै यहाँका बाढीपीडितले रानी जमरा कुलरिया सिँचाइ आयोजनालाई दबाब दिन थालेका छन् । बिहीबार मात्रै टीकापुर र भजनी नगरपालिकाका गाउँलेले आयोजना प्रमुख केदारकुमार श्रेष्ठलाई भेटी समयमा काम नहुनुको कारण र बाढी, डुबान समस्याको दीर्घकालीन समाधान मागेका छन् ।
राहतको पर्खाइमा पहिरो पीडित
शेरबहादुर सार्कीबाजुरा, असोज २६ गते । एक सातासम्मको अविरल वर्षापछि गएको पहिरोले बाजुराका धेरै बस्ती नै छिन्नभिन्न भएका छन्। अविरल वर्षाका कारण जिल्लाको हिमाली, जगनाथ, स्वामिकार्तिक गाउँपालिकामा पहिरो जाँदा स्थानीय धेरै प्रभावित भएका छन्। बाजुराको तल्लो क्षेत्र भनेर चिनिने त्रिवेणी, बूढीगङ्गा, खप्तड छेडेदह गाउँपालिका लगायतका विभिन्न ठाउँका दर्जनौँ घर भत्किएका छन्। जिल्ला प्रहरी कार्यालय बाजुराका प्रमुख सूर्यबहादुर थापाका अनुसार पहिरोले हिमाली, स्वामिकार्तिक र जगनाथ गाउँपालिकामा धेरै क्षति भएको छ। हिमाली गाउँपालिका र स्वामिकार्तिक गाउँपालिकामा गरेर दुई सय बढी घर परिवार पहिरोको जोखिममा परेका छन्। पहिरोले बस्ती नै जोखिममा भएपछि ती परिवार खुला आकाश र विद्यालयमा बसिरहेको हिमाली गाउँपालिका प्रमुख प्रशासकीय राज भण्डारीले जानकारी दिनुभयो। स्वामिकार्तिक गाउँपालिका मुक्तीकोट, फैदा, ठाकुर, जुकोट, जुरु, वाई, साप्पाटा, बाउनी लगायतका ठाउँमा बाढीपहिरोले सबैभन्दा बढी क्षति गरेको छ। स्वामिकार्तिक गाउँपालिकाका वडा नम्बर १, २, ३, ४ का बस्ती बढी जोखिममा छन्। हिमाली गाउँपालिका अध्यक्ष भरत रोकायाले गाउँपालिकामा बाढीले ठूलो क्षति गरे पनि त्यसको विवरण आइनसकेको बताउनुभयो। पहिरोका कारण अहिले एउटा वडाबाट अर्को वडासम्म जानसमेत समस्या भएको छ। मानवीय क्षति असोज १८ गतेदेखि २४ गतेसम्म परेको पानीका कारण गएको पहिरोमा परेर बाजुरामा एक जनाको मृत्यु भइसकेको छ। जगनाथ गाउँपालिका वडा नम्बर १ डिमुरका ४० वर्षीय प्रभुलाल गिरीको पहिरोमा परेर मृत्यु भएको हो। उहाँकी ७५ वर्षीया आमा घाइते हुनुभएको छ।
समुद्र पार गरेर कैलाली पुगेका कर्याङकुरुङ (फोटो फिचर)
जाडो छल्न भारततिर बसाइँ सरिरहेका कर्याङकुरुङ सारस चरा कैलालीमा बसाई सर्न थालेका छन् । मङ्गोलिया, रसिया र उत्तरी चीनबाट आएका कर्याङकुरुङ आज कैलारी गाउँपालिका –९ को सामरचौरा गाउँमा देखिएका हुन् ।
एमाले उम्मेदवारको उम्मेदवारी फिर्ता
प्रमुख प्रतिपक्षी दल नेकपा (एमाले) का उम्मेदवारले उम्मेदवारी फिर्ता लिनुभएको छ । प्रतिनिधि सभातर्फ एक मात्रै निर्वाचन क्षेत्र रहेको डडेल्धुरामा एमालेका उम्मेदवार चक्रप्रसाद स्नेहीले उम्मेदवारी फिर्ता लिनुभएको मुख्य निर्वाचन कार्यालयले जनाएको छ ।
लक्ष्मण थारुको उम्मेदवारी रद्द
कैलाली क्षेत्र नम्बर ५ बाट प्रतिनिधि सभा सदस्यमा उम्मेदवारी दिनु भएका नागरिक उन्मुक्ति पार्टीका लक्ष्मण थारु (चौधरी) को उम्मेदवारी रद्द भएको छ ।
नवौँ राष्ट्रिय खेलकुद : फितलो व्यवस्थापन, बन्द प्रशिक्षणबिना खेलाडी सहभागी हुँदै
सुदूरपश्चिम प्रदेशको प्रतिनिधत्व गर्दै गण्डकी प्रदेशको पोखरामा हुँदै गरेको नवौँ राष्ट्रिय खेलकुद प्रतियोगितामा सहभागी हुने खेलाडी फितलो व्यवस्थापनका बीच सहभागी हुँदैछन् । सुदूरपश्चिम प्रदेश खेलकुद परिषद्को व्यवस्थापनमा खेलाडीको बन्द प्रशिक्षणदेखि अन्य विषयमा सुविधा हुनुपर्ने भए पनि प्रदेश छनोटमा परेका कतिपय खेलका खेलाडीले खेल सामग्रीसमेत पाएनन् ।
टीकापुरमा बाढीबाट सात सय परिवार विस्थापित
लगातारको वर्षापछि आएको बाढीले कैलालीको टीकापुर नगरपालिकामा झण्डै सात सय परिवार विस्थापित भएका छन् । यस्तै जानकी गाउँपालिकामा ३६ परिवार विस्थापित भएका छन् । यीमध्ये ४७ घर पूर्णरुपमा क्षति भएको छ । विस्थापितका घरमा बाढीले क्षति पु¥याएपछि खानेपानी तथा शौचालयको समेत समस्या भएको छ ।
चौधरी र थारूको उम्मेदवारी खारेज
नागरिक उन्मुक्ति पार्टीका दुई नेता रेशम चौधरी र लक्ष्मण थारू (चौधरी)को उम्मेदवारी खारेज भएको छ। चौधरीले बर्दिया क्षेत्र नम्बर २ र थारूले कैलाली क्षेत्र नम्बर ५ बाट प्रतिनिधि सभा सदस्यमा उम्मेदवारी दिनुभएको थियो। टीकापुर घटनामा दोषी ठहर भई चौधरी जेलमा हुनुहुन्छ।
डडेलधुरामा सत्ता गठबन्धनको निर्वाचन परिचालन समिति गठन
सत्ता गठबन्धन दल नेपाली कांग्रेस र माओवादीले संयुक्त रुपमा निर्वाचन परिचालन मूल समिति गठन गरेका छन्।
प्रधानमन्त्री देउवाको उम्मेदवारीविरुद्ध परेको उजुरी गैरकानुनी
डडेल्धुरा प्रधानमन्त्री तथा नेपाली कांग्रेसका सभापति शेरबहादुर देउवाको उम्मेदवारी कायम रहने भएको छ ।
खलोले परिवार पाल्न धौधौ
जिञ्जाडाका दलित समुदाय त्यहाँका गैरदलित समुदायमै आश्रित छन् । घरबाहेक उनीहरुसँग न उत्पादन गर्ने जमिन छ, नत हिँड्ने बाटो नै ।
