दार्चुलामा विद्यार्थीलाई भर्नासँगै पाठ्यपुस्तक
विगत वर्षमा शैक्षिक सत्र सकिनै लाग्दा विद्यार्थीले पुस्तक पाउने अवस्था यो वर्ष भने अन्त्य भएको छ । यहाँका विद्यार्थीले यस वर्ष भर्नासँगै पाठ्यपुस्तक पाएका छन् ।
विपत् व्यवस्थापनसम्बन्धी नीति निर्माण गर्दै पालिका
गर्मीयाम सुरु भएसँगै तराई क्षेत्रमा हुने आगलागी, डुबान, नदीको कटान र सर्पको टोकाइजस्ता समस्याको समाधान गर्न स्थानीय सरकार विपत् व्यवस्थापनसम्बन्धी कानुन बनाउन लागिपरेका छन् । विपत् व्यवस्थापनको पूर्वतयारीमा जुट्न नीति तथा कानुनी निर्माणका लागि घोडाघोडी नगरपालिकाले मस्यौदा निर्माण गर्ने तयारी गरेको छ ।
सात वर्षमा पनि सम्पन्न भएन हापुरखोला पुल
तुलसीपुर उपमहानगरपालिका–१५ मा पर्ने डुरुवा–कोठरी जोड्ने हापुरखोलामा पुल निर्माण हुन लागेको करिब सात वर्ष भयो । तर अझै पनि त्यो पुल निर्माणको काम आधामात्रै छ ।
बैतडीको जोशी हत्या प्रकरण : हत्या आरोपमा दुई जना पक्राउ
बैतडीको दोगडाकेदार गाउँपालिका –८ कालागाउँका ३७ वर्षीय वासुदेव जोशीको हत्यामा संलग्न रहेको आरोपमा प्रहरीले दुई जनालाई पक्राउ गरेको छ ।
‘धर्मसंस्कृति र सभ्यताले मानसखण्ड क्षेत्र समृद्ध छ’
नेपाली कांग्रेसकी नेतृ तथा प्रतिनीधि सभा सदस्य आरजु राणा देउवाले सुदूरपश्चिम काठमाडौंबाट सुदूर भए पनि सनातन धर्म, संस्कृति, सभ्यताका हिसावले केन्द्रमा रहेको बताउनुभएको छ । तीन दिने मानसखण्ड सम्मेलनको सोमबार भएको समापन कार्यक्रममा उहाँले सो कुरा बताउनुभएको हो । मानसखण्डको ठूलो महत्व रहेको चर्चा गर्दे यस क्षेत्रको विकासमा मानसखण्डको भूमिका रहने विश्वास उहाँले व्यक्त गर्नुभयो ।
धनगढीका निजी विद्यालयले शुल्क वृद्धि गर्न नपाउने
धनगढी उपमहानगरपालिका भित्र रहेका निजी विद्यालयले चालु शैक्षिकसत्रमा शुल्क वृद्धि गर्न नपाउने भएका छन् ।
घरमै जन्मदर्ताको प्रमाणपत्र दिने अभियान सुरु
बाजुराको बूढीगङ्गा नगरपालिका वडा नं. –४ मा जन्मदर्ता अभियान सुरु गरिएको छ । जन्मदर्ता नभएर पढाइ छुटेका बालबालिकालाई घरमै जन्मदर्ताको प्रमाणपत्र दिने उद्देश्यले यो जन्मदर्ता अभियान सुरु गरिएको हो ।
कोभिड होल्डिङ सेन्टर अलपत्र
भारतबाट फर्केका नागरिक तथा कोरोना सङ्क्रमितलाई राख्ने उद्देश्यले कैलालीमा निर्माण गरिएको एक हजार शøयाको सुविधा सम्पन्न होल्डिङ सेन्टर अलपत्र परेको छ। सङ्घीय सरकारको २८ करोड ८१ लाख १२ हजार रुपियाँ लगानीमा बनेको होल्डिङ सेन्टर प्रयोगमा नआई अलपत्र परेको हो। गत वर्ष जेठमा तयार भएको उक्त होल्डिङ सेन्टर एक वर्षदेखि प्रयोगविहीन छ।
-original-thumb.jpg)
सुदूरपश्चिमलाई देशकै समृद्ध प्रदेश बनाउँछौं : मुख्यमन्त्री शाह
सुदूरपश्चिम प्रदेश सरकारका मुख्यमन्त्री कमलबहादुर शाहले सुदूरपश्चिमलाई समृद्ध र देशकै नमूना प्रदेश बनाउन हरेक पक्षसँग समन्वय, छलफल गरिरहेको बताउनुभएको छ।
प्राथमिकताका आधारमा बजेट विनियोजन गर्न सुझाव
सुदूरपश्चिम प्रदेश सरकारले आर्थिक वर्ष २०८०/८१ बजेट तथा योजना तर्जुमासम्बन्धी प्रदेशसभा सदस्यहरूसँग छलफल तथा अन्तर्क्रिया गरेको छ ।
कोरोना सङ्क्रमण बढेपछि नाकामै बुस्टर डोज लगाइँदै
भारतबाट फर्किनेहरूमा कोरोना सङ्क्रमण बढ्दोक्रममा देखिएपछि नाकामै कोरोनाविरुद्धको बुस्टर डोज खोप लगाउन थालिएको छ । गौरीफन्टा नाकामा स्वास्थ्यकर्मीले बुस्टर डोज लगाउन थालेका हुन् ।
पाठ्यपुस्तक दार्चुला भित्रियो, विद्यार्थीको हातमा छिट्टै पुग्ने
शैक्षिकसत्र सुरु भएसँगै दार्चुलामा पाठ्यपुस्तक आइपुगेको छ । यसअघि नै स्थानीय तहहरूले पाठ्यपुस्तक खरिदका लागि विद्यालयको खातामा रकम निकासा गरिसकेका थिए ।
सुदूरपश्चिमको पहाडी चार जिल्लामा पुग्यो पुस्तक
सुदूरपश्चिम प्रदेशलाई आवश्यक पाठ्यपुस्तकमध्ये करिब ८० प्रतिशत पाठ्यपुस्तक प्रदेशमा आइपुगेको छ।
सेती प्रादेशिक अस्पतालमा कोरोना सङ्क्रमित महिलाको मृत्यु
सेती प्रादेशिक अस्पताल धनगढीमा आइसीयू (सघन उपचारकक्ष) मा उपचाररत कञ्चनपुरकी कोरोना भाइरस सङ्क्रमित ७३ वर्षीय एक महिलाको उपचारका क्रममा मृत्यु भएको छ ।
मोटरेबल पुल निर्माण
दार्चुलाको नौगाड गाउँपालिका–६, धुलिगडामा आठ वर्ष लगाएर मोटरेबल पुल निर्माण भएको छ। सो पुलमा भार परीक्षण (लोड टेस्ट) गरेर ट्रक र बसलगायतका सवारीसाधन आवतजावत गर्न अनुमति प्राप्त भएको गाउँपालिका अध्यक्ष दलजितसिंह धामीले बताउनुभयो। धुलिगडा पुल सञ्चालनमा आएसँगै नौगाड गाउँपालिकाको खेडासम्म नियमित रूपमा बस सेवा सञ्चालन हुनुका साथै सामान ढुवानीमा सजिलो भएको छ। यहाँको कपडे भीर, सौकेबगड भीर, गोगनेनजिक पहिरो गएको स्थानमा पक्की वाल लगाउने काम भइरहेकाले आउँदो असारसम्ममा होपरीगाड–गोगनेसम्म बस सेवा र ट्रक सञ्चालनमा आउने उहाँले बताउनुभयो।
बाँझो जमिनको तिरो तिर्न भारतमा नोकरी
सिँचाइ अभावका कारण बाजुराका अधिकांश ठाउँको जमिन बर्सेनि बाँझो रहने गरेको छ। नौवटै स्थानीय तहमा खेती गर्ने जमिन प्रशस्त भए पनि सिँचाइको अभावका कारण जमिन बर्सेनि बाँझो रहने गरेको हो। उब्जाउ जमिन हिउँद र बर्खामै बाँझो रहँदै आएपछि यहाँका स्थानीयले भोकमरीको समस्या झेल्दै आउनु परेको छ। गाउँमा कमाइखाने जमिन प्रशस्त भए पनि त्यो जमिनमा सिँचाइ नहुँदा खेती गर्न नसकिएको स्थानीय बताउँछन्।
हुलाकी सडक निर्माणमा ढिलासुस्ती
कञ्चनपुर जिल्लामा निर्माणाधीन हुलाकी सडक निर्माण कार्यमा ढिलासुस्ती भएको छ। निर्माण कार्य सुरु भएको छ वर्ष बिते पनि भौतिक प्रगति सन्तोषजनक देखिएको छैन। पाँचौँ पटक थप गरिएको म्याद अब सकिन तीन महिना बाँकी हुँदा पनि निर्माण कार्यले अझै गति लिन सकेको छैन। कामको गति हेर्दा पाँचौँ पटक थप गरिएको समयमा पनि कञ्चनपुर हुलाकी राजमार्ग निर्माण कार्य पूरा हुने अवस्था देखिँदैन। हुलाकी राजमार्ग आयोजना कार्यालय, धनगढीका सूचना अधिकारी इन्जिनियर दीपक सुनारले राजमार्ग निर्माण कार्यमा ठेकेदारले लापरबाही गरिरहेको बताउनुभयो।
बैतडीमा जोशीको हत्या
बैतडीको दोगडाकेदार गाउँपालिका–८ कालागाउँका एक युवकको हत्या भएको छ । अन्दाजी ३७ वर्षीय वासुदेव जोशीको हत्या गरिएका अवस्थामा शव फेला परेको बैतडीका प्रहरी प्रवक्ता प्रहरी निरीक्षक योगेश खत्रीले जानकारी दिनुभयो ।
सरकारी तहमा स्वार्थको द्वन्द्व न्यून गर्न आवश्यक
सरकारी कार्यालयमा काम गर्ने कार्यकारी तहका कर्मचारीहरूमा स्वार्थको द्वन्द्व अत्यधिक रहेको एक कार्यक्रममा सहभागीहरूले औँल्याएका छन् ।
विद्यालयका तह समायोजन गर्दै स्थानीय तह
बैतडीका स्थानीय तहहरूले विद्यालय तह समायोजन गरिरहेका छन् । यहाँको पाटन नगरपालिकाले भौगोलिकरुपमा टाढा भएका र विद्यार्थी सङ्ख्याका आधारमा तह समायोजन गरिरहेको छ ।
चाैँध वर्ष बित्दा पनि भएन प्रमाणीकरण र परिचयपत्र वितरण
डोटीको दिपायल सिलगढी नगरपालिका–७, पाँकरीस्थित चौकीडाँडा गाउँमा दलित समुदायका ४० घरपरिवार बसोबास गर्दै आएका छन् ।
विपन्नलाई उपचार गराउन समस्या
सेती प्रादेशिक अस्पतालले सामाजिक सेवा एकाइबाट लक्षित वर्गलाई दिइँदै आएको सेवा बन्द गरेपछि विपन्नलाई उपचार गराउन समस्या भएको छ । बजेटको अभाव देखाउँदै अस्पतालले सेवा नै बन्द गरेपछि विपन्न, गरिबलगायत लक्षित वर्गलाई उपचार गराउन समस्या भएको हो । अस्पतालले सामाजिक सेवा एकाइमार्फत लक्षित वर्गलाई निःशुल्क उपचार सेवा उपलब्ध गराउँदै आएको थियो ।
हाफ म्याराथनमा नेपाल आर्मीका पाल प्रथम
धनगढीमा आयोजना भएको ‘अब धनगढी दौडिन्छ’ हाफ म्याराथन प्रतियोगितामा नेपाल आर्मीका मुकेश पाल प्रथम हुनुभएको छ । नयाँ वर्षको उपलक्ष्यमा धनगढी जेसिजले आज आयोजना गरेको हाफ म्याराथनको खुल्लातर्फको उपाधी पालले जित्नुभएको हो ।
सिस्नु लगाएर सुदूरपश्चिममा बिसु पर्व मनाइयो
नेकपा (एमाले) का नेताहरुले एक–अर्कालाई सिस्नु लगाएर सुदूरपश्चिमको मौलिक पर्व विसु र नयाँ वर्ष मनाएका छन् । सो पार्टीको सुदूरपश्चिम प्रदेश कमिटीद्वारा धनगढीमा आयोजित कार्यक्रममा केन्द्रीय उपाध्यक्ष विष्णुप्रसाद पौडेलले शुक्रबार मञ्चमा रहेका नेतालाई सिस्नु लगाएर कार्यक्रमको उदघाटन गर्नुभएको हो ।
भारतबाट फर्किने अधिकांशमा कोरोना सङ्क्रमण
केही महिनायता सङ्क्रमण दर शून्य रहेको सुदूरपश्चिम प्रदेशमा कोरोना सङ्क्रमण दर फेरि बढ्न थालेको छ । भारतबाट स्वदेश आउने अधिकांशमा सङ्क्रमण देखिन थालेको हो ।
