म्याग्दीको बिममा पक्की पदमार्ग निर्माण
म्याग्दीको मालिका गाउँपालिका–७ बिमको तल्लो र डाँडागाउँमा पक्की पदमार्ग निर्माण भएको छ । गाउँको सौन्दर्यकरणका लागि बस्तीभित्रको कच्ची पैदलमार्गलाई ढलान गरेर पक्की बनाइएको हो । पक्की पदमार्ग निर्माण भएपछि हिलो र धुलोको समस्या हट्नुका साथै गाउँ सफा सुग्घर भएको डाडागाउँका टुकमान जुग्जालीले बताउनुभयो ।
सम्झना युवा क्लबलाई उपाधि
अर्जुनचौपारी १ बजारमा दरौखोला युवा परिवारले आयोजना गरेको पुरुष भलिबलको उपाधि सम्झना युवा क्लबले जितेको छ । सम्झनाले आयोजक ‘ए’ लाई ३–१ को सेटमा २५–२२, १९–२५, १७–२५, २५–२३, ९–१५ ले पराजित गरेको हो ।
‘समग्र विकास नै मानवअधिकार हो’
अनौपचारिक क्षेत्र सेवा केन्द्र (इन्सेक) का अध्यक्ष डा. कुन्दन अर्यालले मानवअधिकारबारेमा फरक–फरक धारणा आउने भए पनि विकास र मानवअधिकार एकै सिक्काका दुई पाटा रहेको बताउनुभएको छ ।
कास्कीमा जिप दुर्घटना हुँदा दुईको मृत्यु, १० घाइते
पोखराबाट कास्कीको अन्नपूर्ण गाउँपालिका–४ सल्यान जाँदै गरेको ग १ ज ५५४७ नम्बरको यात्रुवाहक जिप दुर्घटना हुँदा दुई जनाको घटनास्थलमै मृत्यु भएको छ भने बालकसहित १० जना घाइते भएका छन्।
भदौरेमा जिप दुर्घटना, १२ जना घाइते
कास्कीको अन्नपूर्ण गाउँपालिका–४ थमाकोडाँडामा आइतबार दिउँसो जिप दुर्घटना भएको छ । दुर्घटनामा १२ घाइते जना भएका छन् ।
चिस्यान केन्द्र बनेपछि आलु भण्डारणमा सहज
तनहुँको म्याग्दे गाउँपालिकामा निर्माण सम्पन्न भएको चिस्यान केन्द्र सञ्चालनमा आएको छ । कृषकले उत्पादन गरेका कृषिजन्य वस्तुको भण्डारण गरी उचित मूल्यमा बिक्रीवितरण गर्ने उद्देश्यसहित गत वर्ष माघमा निर्माण थालिएको चिस्यान केन्द्र सम्पन्न भएर बिहीबारदेखि सञ्चालनमा आएको हो ।
दलित समुदायको विकास र उत्थानको लागि सञ्जाल गठन
स्थानीय तहमा दलित समुदायको विकास र उत्थानको माग पुरा गराउन तनहुँको एक पालिकामा दलित सञ्चाल गठन गरिएको छ ।
छोरीलाई स्वावलम्बी बनाउन बागलुङ ‘नगरकी छोरी’ कार्यक्रम
छोरीहरूको संरक्षण, छोरीलाई गरिने विभेदको अन्त्य, बालविवाहको उन्मूलनसहित छोरीलाई शिक्षित र स्वावलम्बी बनाउने ंउद्देश्यले बागलुङ नगरपालिकाले ‘नगरकी छोरी’ कार्यक्रम कार्यान्वयन गरेको छ ।
खानेपानी आयोजना अलपत्र
पूर्वी नवलपरासीको देवचुली नगरपालिका–१६ मा रहेको आँपचौर खानेपानी आयोजनाको काम अलपत्र परेको छ । खानेपानी योजना निर्माणको जिम्मा पाएको प्रकृति कश्यप समीर जेभीले काम नगरिदिँदा अलपत्रमा परेको हो । तीन वर्षमा ४० प्रतिशत मात्र निर्माण कार्य सम्पन्न गरेको प्रकृति कश्यप समीर जेभीका ठेकेदार सम्पर्कमा नआएपछि दुई वर्षदेखि खानेपानी आयोजनाको कामले गति लिन सकेको छैन । खानेपानी योजनाको यसअघि निर्माण गरिएको संरचनासमेत जीर्ण बन्दै गएको छ ।
बीस वटा घडियाल राप्तीमा छाडियो
चितवन राष्ट्रिय निकुञ्जको प्रजनन केन्द्रमा हुर्किएका २० वटा घडियाल गोहीलाई प्राकृतिक बासस्थानमा छाडिएको छ । निकुञ्जको मुख्यालय कसरास्थित घडियाल गोही प्रजनन केन्द्रमा हुर्किएका २० वटा गोहीलाई राप्ती नदीमा छाडिएको हो ।
कालीगण्डकी करिडोरः तिप्ल्याङ–पोखरेबगर खण्डमा कालोपत्र
राष्ट्रिय गौरवको कालीगण्डकी करिडोर, बेनी–जोमसोम–कोरला सडक योजनाअन्तर्गत म्याग्दीको तिप्ल्याङ–पोखरेबगर खण्डमा कालोपत्र गरिएको छ ।
पहिरोले बेँसीसहर–चामे सडक अवरुद्ध
पहिरोले बेँसीसहर–चामे सडक अवरुद्ध भएको छ । लमजुङ र मनाङलाई जोड्ने एकमात्र यस सडकखण्डअन्तर्गत मस्र्याङ्दी गाउँपालिका वडा नं ४ श्रीचौरमा वर्षासँगै पहिरो जाँदा सडक अवरुद्ध भएको हो ।
पीडामाथिको पीडाले गाउँ नै शोकमग्न
नाट्यसम्राट् बालकृष्ण समको नाटक मुकुन्द इन्दिराको यो श्लोक दुःखमाथि थपिएको पीडा थपिँदा सम्झने गरिन्छ । त्यस्तै दुःखमाथि पीडा कुनै एक व्यक्तिलाई मात्र होइन गोरखा नगरपालिका–७ पौवाखेत गाउँलाई पुगेको छ । ४० वर्षका क्यान्सरपीडित छोरालाई काठमाडौँस्थित पशुपति आर्यघाटमा अन्तिम बिदाइ गरी काजकिरिया घरबाटै गर्न गोरखा हिँडेकी ७० वर्षीया आमासहित पाँच जना त्रिशूली तरेर जान नै पाएनन् । पाँच जना सवार बा २ ज ४१९६ नम्बरको ट्याक्सी त्रिशूलीमा खस्दा घटनास्थलमा नै मृत्यु भयो । चितवनको इच्छाकामना गाउँपालिका–५, पृथ्वीराजमार्ग सडक खण्डको सिमलधारा नजिक शनिबार बिहान ७:१५ बजे भएको दुर्घटनामा एकै परिवारका पाँच जनाको मृत्यु भएको हो । एक जना बेपत्ता छन् ।
अग्रदिपलाई पराजित गर्दै सम्झना फाइनलमा
अर्जुनचौपारी १ बजारमा दरौखोला युवा परिवारले आयोजना गरेको भलिबलमा सम्झाना युवा क्लब र आयोजक ए फाइनलमा प्रवेश गरेका छन्।
पोखरा अर्चलेमा बस दुर्घटना, दुई घाइते
पोखरा महानगरपालिका वडा नम्बर २७, अर्चलेमा शनिबार बिहान बस दुर्घटना हुँदा दुई जना घाइते भएका छन् ।
हामी भविष्यलाई स्वर्ग बनाउँछौँ : राष्ट्रपति पौडेल
राष्ट्रपति रामचन्द्र पौडेलले प्रतिगामीको स्वर्ग अतीतमा हुने र लोकतन्त्रवादी तथा समाजवादीको स्वर्ग भविष्यतिर हुने बताउनुभएको छ।
वैदेशिक रोजगारीमा गएका एउटै पालिकाका सातको मृत्यु
तनहुँबाट विदेश गएका १५ जनाले ज्यान गुमाएका छन् । ज्यान गुमाएकामध्ये एउटै पालिकाको मात्रै सात जना छन् । चालु आर्थिक वर्षको फागुन सम्ममा सो सङ्ख्यामा ज्यान गुमाएको सुरक्षित आप्रवासन (सामी) कार्यक्रम अन्तर्गत आप्रवासी स्रोत केन्द्रले जनाएको छ ।
त्रिशूली दुर्घटनाको शोकमा गोरखा : एकै परिवारका पाँच जनाको मृत्यु, एक बेपत्ता
गोरखा नगरपालिका–७ पौवाखेत गाउँ नै शोकमग्न भएको छ। शुक्रबार मात्र ४० वर्षीय शङ्कर रोकाको काठमाडौँमा असामयिक निधन भएपछि दाहसंस्कार गरेर रोका परिवार र उहाँका आफन्त सबै टोली तीन वटा गाडी लिएर गोरखातर्फ जाँदै थियो।
तेरमी पर्वमा रम्दै थकाली समुदाय (फोटो फिचर)
हिमालपारिको जिल्ला मुस्ताङको स्याउको राजधानीका रूपमा लिइने मार्फामा बसोबास गर्ने थकाली समुदायको आफ्नो मुख्य पर्व ‘तेरमी’ मुस्ताङको मार्फामा चली रहेको छ।
राष्ट्रपति पौडेलद्वारा चितवन र तनहुँ जोड्ने त्रिशूली नदीको नवनिर्मित पुल उद्घाटन
राष्ट्रपति रामचन्द्र पौडेलले चितवन र तनहुँ जोड्ने त्रिशूली नदीको नवनिर्मित पुल उद्घाटन गर्नुभएको छ । पुलको शनिबार उद्घाटन गर्नुहुँदै राष्ट्रपति पौडेलले आफू मुलुकको अभिभावकीय भूमिकामा आएदेखि नै यस पवित्र भूमि देवघाट आउने इच्चा तीव्र भएपनि विभिन्न कारणले ढिला भएको बताउनुभयो ।
जिल्लाभरिका एसइई परीक्षार्थी एउटै कोठामा
देशकै थोरै परीक्षार्थी रहेको मनाङ जिल्लामा यस वर्षको माध्यमिक शिक्षा परीक्षा (एसइई) का लागि एउटा मात्रै परीक्षा केन्द्र तोकिएको छ । चालिस जना परीक्षार्थी रहेकाले उक्त परीक्षा केन्द्रमा सबैलाई एउटै कक्षाकोठामा राखेर परीक्षा सञ्चालन गरिएको छ ।
पदयात्रामा मौसमको चुनौती
दुई इटालियन पर्यटकसहित दिवस गुरुङ यतिबेला अन्नपूर्ण आधार शिविरको पदयात्रामा हुनुहुन्छ । वसन्त ऋतुमा ढकमक्क फूलेको लालीगुराँस र हिमाल देखाउँदै पर्यटक घुमाउने उहाँको योजनामा मौसम भने बाधक बनिरहेको छ ।
ऐतिहासिक कट्टेलडाँडासम्म कालोपत्रे
गोरखा सदरमुकामबाट नजिकै रहेको ऐतिहासिक तथा सुप्रसिद्ध बौद्धिक थलोका रूपमा प्रख्यात गोरखा सदरमुकामबाट झन्डै दुई किलोमिरटरको दुरीमा पर्ने कट्टेल चोकदेखि कट्टेलडाँडासम्म सडक कालोपत्रे हुने भएको छ । गोरखा नगरपालिका–८ स्थित कट्टेलडाँडाका स्थानीय तथा पूर्वनगर प्रमुख विशेश्वर कट्टेलले धेरै समयको प्रयासपछि अहिले कालोपत्रे हुन लागेको बताउनुभयो । गोरखा नगरपालिकाको विशेष पहलमा भौतिक पूर्वाधार मन्त्रालयको बजेट अन्तर्गत पूर्वाधार कार्यालय गोरखा मार्फत कालोपत्रे गर्न लागिएको हो ।
बागलुङको रिठेखोलामा पक्की पुल निर्माण
पुल अभावमा लामो समयदेखि अगम्य बनेको जिल्लाको पर्यटकीय गाउँ भकुण्डे पुग्न अब सहज भएको छ । सङ्घीय सरकारको रु दुई करोड अनुदानमा रिठेखोलामा मोटर चल्ने पक्की पुल निर्माण भएपछि भकुण्डे पुग्न सजिलो भएको हो ।
निर्माण सुरु भएको दश वर्षपछि पुल सञ्चालनमा
निर्माण सुरु भएको दश वर्षपछि तनहुँ र चितवन जोड्ने पुल सञ्चालनमा आएको छ । तनहुँको देवघाट गाउँपालिका-५ को घिनटार र चितवनको भरतपुर महानगरपालिका-१ को ठिमुरा जोड्ने मोटर पुल सञ्चालनमा आएको हो ।
