नेकपा (माओवादी केन्द्र)का अधिकांश पदाधिकारीको पराजय
नेपाल कम्युनिस्ट पार्टी (माओवादी केन्द्र)का २१ पदाधिकारीमध्ये जम्मा चार जनाले मात्रै प्रत्यक्ष निर्वाचनमार्फत प्रतिनिधि सभामा प्रवेश गर्दै हुनुहुन्छ । केही पदाधिकारी उम्मेदवार नै बन्नुभएको थिएन भने उम्मेदवार भएका पनि अधिकांश पराजित हुनु परेको छ । हालसम्म निर्वाचित हुने पदाधिकारीमा अध्यक्ष पुष्कमल दाहाल ‘प्रचण्ड’, उपमहासचिव वर्षमान पुन, जनार्दन शर्मा, शक्ति बस्नेत हुनुहुन्छ । सात जना उपमहासचिवमध्ये गिरिराजमणि पोखरेल महोत्तरी–१, मातृका यादव धनुषा–१, पम्फा भुसाल ललितपुर–३ बाट पराजित हुनुभयो । उपमहासचिव हरिबोल गजुरेलको उम्मेदवारी थिएन ।
दोलखामा मंसिर १५ गतेभित्र पुनः मतदान गर्ने आयोगको निर्णय
निर्वाचन आयोगले दोलखामा मंसिर १५ गतेभित्र पुनः मतदान गराउने निर्णय गरेको छ । आयोगले १० वटा मतदान केन्द्रमा यही मंसिर १५ गते पुनः मतदान गराउने निर्णय गरेको हो ।
प्रतिनिधि सभाका ६० निवर्तमान सांसद पराजित
अघिल्लो प्रतिनिधि सभामा रहेका ६० निवर्तमान सांसद प्रतिनिधि सभा सदस्य निर्वाचनमा पराजित हुनुभएको छ।
पुनः मतगणनाको माग गर्दै मन्त्री कार्कीद्वारा निवेदन दर्ता
सुनसरीको निर्वाचन क्षेत्र नम्बर–४ को मतगणना शनिबार दिउँसोबाट स्थगित भएपछि पुनः गणनाका लागि सञ्चार तथा सूचना प्रविधि मन्त्री ज्ञानेन्द्रबहादुर कार्कीले निर्वाचन अधिकृतको कार्यालयमा निवेदन दर्ता गराउनुभएको छ ।
नेप्से परिसूचक ३२.४३ अंकले वृद्धि
साताको पहिलो कारोबार दिन आइतबार नेप्से परिसूचक उच्च अङ्कले बढेको छ।
प्रकाशमान सिंहको विजयी जुलुस (भिडियो)
काठमाडौं निर्वाचन क्षेत्र नम्बर १ बाट प्रतिनिधि सभा सदस्यमा निर्वाचित हुनुभएका नेपाली कांग्रेसका नेता प्रकाशमान सिंह सहितको टोलीले विजयी जुलुस निकालेको छ।
पाँच दलको सरकार बन्छ : गृहमन्त्री खाण
गृहमन्त्री बालकृष्ण खाणले अब पाँच दलीय गठबन्धनको सरकार बन्ने बताउनु भएको छ ।
वडाको बजेट निर्माणमा विवाद
कालीगण्डकी गाउँपालिका वडा ३ का अध्यक्षले वडा सदस्यहरुलाई थाहा नै नदिई बजेट बनाउने गरेको पाइएको छ । वडा अध्यक्ष रुपबहादुर श्रीसले वडा सदस्यहरुसँग समन्वय नै नगरी एकलौटी रुपमा बजेट निर्माण गर्ने गरेको वडा सदस्य तारा रानाले गुनासो गर्नुभयो ।
पुनः मतदान हुनुपर्छ : नेता खनाल
पूर्वप्रधानमन्त्री एवं नेकपा (एकीकृत समाजवादी) का सम्मानित नेता झलनाथ खनालले चुनावमा धाँधली भएको आरोप लगाउनुभएको छ।
समानुपातिक मतगणना : कांग्रेस र एमालेले कटाए २० लाख
निर्वाचन आयोगले समानुपातिकतर्फ अहिलेसम्म कुल ७६ लाख १२ हजार छ सय ९८ मतगणना गरेको छ।
गृहमन्त्री खाणद्वारा राप्रपाका नेता बोहोरालाई बधाई
गृहमन्त्री बालकृष्ण खाणले रुपन्देही क्षेत्र नम्बर ३ बाट प्रतिनिधि सभा सदस्य निर्वाचित राष्ट्रिय प्रजातन्त्र पार्टीका नेता दीपक बोहोरालाई बधाई दिनुभएको छ।
एक सय २५ क्षेत्रको मतपरिणाम सार्वजनिक
मङ्सिर ४ गते सम्पन्न प्रतिनिधि सभा तथा प्रदेश सभा सदस्य निर्वाचनअन्तर्गत हालसम्म एक सय २५ क्षेत्रको मतपरिणाम आइसकेको छ।
सिन्धुली १ प्रदेश सभा (ख) मा कांग्रेस विजयी
सिन्धुली १ प्रदेश सभा (ख)मा नेपाली कांग्रेसका रामकुमार पहाडी विजयी हुनुभएको छ। पहाडी १५ हजार ६२१ मत ल्याएर विजयी हुनुभएको हो।
सुनसरी-४ को मतगणना स्थगित
इनरुवास्थित भगवती माध्यमिक विद्यालयमा भइरहेको सुनसरी निर्वाचन क्षेत्र नम्बर–४ को मतगणना स्थगित भएको छ।
भोजपुरबाट माओवादीका सुदन किराँती विजयी
भोजपुरबाट प्रतिनिधि सभा सदस्यमा नेकपा (माओवादी केन्द्र)का पोलिटब्युरो सदस्य सुदन किराँती विजयी हुनुभएको छ।
मोरङ ४ बाट माओवादीका अमनलाल मोदी विजयी
मोरङ क्षेत्र नम्बर ४ बाट प्रतिनिधि सभा सदस्यमा नेकपा (माओवादी केन्द्र)का अमनलाल मोदी विजयी हुनुभएको छ।
नयाँ सरकार गठन र टिकाउन दुवै गाह्रो हुन्छ : अध्यक्ष ओली
नेकपा (एमाले) का अध्यक्ष एवम् पूर्व प्रधानमन्त्री केपी शर्मा ओलीले निर्वाचनबाट आएको मत परिणामले सहज रूपमा सरकार गठन हुने अवस्था नदेखिएको बताउनुभएको छ । सरकार गठन हुनै गाह्रो भयो भने टिकाउन झन् गाह्रो हुने उहाँको भनाइ छ ।
सुदूरपश्चिममा प्रतिनिधि सभा र प्रदेश सभामा कांग्रेस पहिलो दल
मङ्सिर ४ मा सम्पन्न निर्वाचनमा सुदूरपश्चिम प्रदेशमा प्रतिनिधि सभा सदस्यका १५ र प्रदेश सभाका ३० निर्वाचन क्षेत्रको प्रत्यक्षतर्फको अन्तिम नतिजा आइसकेको छ ।
प्रधानमन्त्री देउवा अध्यक्ष दाहालबीच भेटवार्ता
प्रधानमन्त्री शेरबहादुर देउवा र नेकपा (माओवादी केन्द्र) का अध्यक्षबीच भेटवार्ता भएको छ ।
कपिलवस्तु ३ मा एमालेका मंगलप्रसाद गुप्ता निर्वाचित
कपिलवस्तु क्षेत्र नं ३ को प्रतिनिधि सभाका नेकपा (एमाले) का उम्मेदवार मंगलप्रसाद गुप्ता विजयी हुनुभएको छ ।
धादिङ -२ मा कांग्रेसका रामनाथ अधिकारी विजयी
मुरारी अधिकारीधादिङ, मंसिर ९ गते । धादिङ प्रतिनिधि सभा क्षेत्र नम्बर २ बाट सत्ता गठबन्धनका साझा उम्मेदवार नेपाली कांग्रेसका रामनाथ अधिकारी विजयी हुनुभएको छ। धादिङ कांग्रेसका जिल्ला समापति अधिकारीले नेकपा (एमाले) का खेमप्रसाद लोहनीलाई १० हजार ५ सय ३३ मत अन्तरले पराजित गर्नुभएको हो।कांग्रेसका अधिकारीले ३४ हजार ४ सय ८३ मत पाउनुभएको छ भने एमालेका लोहनीले २३ हजार ९ सय ५० मत पाउनुभएको छ। यो क्षेत्रमा ६७ हजार ६ सय १ मत खसेको थियो।
बारा–१ मा एमालेका अच्युत मैनाली निर्वाचित
बारा क्षेत्र नं १ बाट प्रतिनिधिसभा सदस्यमा नेकपा (एमाले) का अच्युत मैनाली निर्वाचित हुनुभएको छ । उहाँले ३९ हजार एक सय ९५ मत प्राप्त गरी प्रतिनिधिसभा सदस्य पदमा निर्वाचित हुनुभएको हो ।
बारा क्षेत्र ३ मा एमालेका ज्वालाकुमारी साह निर्वाचित
बारा क्षेत्र नं ३ बाट नेकपा (एमाले) का ज्वालाकुमारी साहले २० हजार दुई सय ५१ मत प्राप्त गरी प्रतिनिधिसभा सदस्यमा निर्वाचित हुनुभएको छ । उहाँको प्रतिस्पर्धी जनता समाजवादी पार्टीका रामबाबुकुमार यादवले १७ हजार दुई सय ७९ मत प्राप्त गर्नुभयो ।
मोरङ २ को प्रदेश सभा (ख) मा एमालेका लीलाबल्लभ अधिकारी विजयी
मोरङको निर्वाचन क्षेत्र नम्बर २ (ख) बाट नेकपा (एमाले)का लीलाबल्लभ अधिकारी विजयी हुनुभएको छ।