.jpg)
‘मौद्रिक तथा वित्तीय सहयोग सुदृढ गर्न जेटिसिसी प्रभावकारी’
नेपाल राष्ट्र बैङ्कका गभर्नर प्राडा विश्वनाथ पौडेलले मौद्रिक तथा वित्तीय क्षेत्रका अन्तरदेशीय सरोकारका विषयमा परिणाममुखी संवाद र तिनलाई प्राविधिक रूपमा समाधान गर्न नेपाल–भारत संयुक्त समन्वय संयन्त्र (जेटिसिसी) प्रभावकारी भएको बताउनुभएको छ ।
-original-thumb.jpg)
सहकारीले किन्यो समर्थन मूल्यमा धान
बर्दियाको ताराताल साना किसान कृषि सहकारी संस्था लिमिटेडले सरकारले तोकेको समर्थन मूल्यमा किसानको धान खरिद गरेको छ । व्यापारीले सरकारले तोकेको समर्थन मूल्यमा समेत धान खरिद नगरेपछि उक्त सहकारी अग्रणी देखिएको हो ।
कर्णालीमा भित्रिए पाँच लाखभन्दा बढी पर्यटक
पर्यटनको राम्रो सम्भावना भएको कर्णाली प्रदेशमा गत वर्ष पाँच लाखभन्दा बढी पर्यटक घुमेका छन् । यहाँका रारा, से फोक्सुन्डो, काँक्रेविहार, सहिद पार्कलगायतका स्थानमा पाँच लाख १८ हजार ९७० पर्यटक आएका छन् ।
दैलेखको ग्यासबाट मल कारखाना चलाउन सुझाव
दैलेखको जलजलेमा फेला परेको प्राकृतिक मिथेन ग्यासको उत्पादन र बिक्रीवितरणको जिम्मा नेपाल आयल निगमलाई दिन सरकारलाई सुझाव दिइएको छ । नेपाल निगमका निर्देशक विनीतमणि उपाध्यायको संयोजकत्वमा गठित ‘दैलेखको प्राकृतिक ग्यासको व्यावसायिक सम्भाव्यता अध्ययन’ टोलीले निगमलाई उत्पादन, सञ्चालन र वितरणको जिम्मा दिन सुझावसहितको प्रतिवेदन तयार पारेको छ । टोलीले मङ्गलबार उद्योग, वाणिज्य तथा आपूर्तिमन्त्री अनिलकुमार सिन्हालाई अध्ययन प्रतिवेदन बुझाउँदै छ ।
मलेसियाको श्रम मापदण्डबारे धारणा माग
श्रम, रोजगार तथा सामाजिक सुरक्षा मन्त्रालयले वैदेशिक रोजगार व्यवसायी (म्यानपावर) कम्पनी छनोटका लागि पठाएको मलेसिया सरकारले तोकेका नयाँ १० मापदण्डबारे म्यानपावर व्यवसायीसँग आधिकारिक धारणा मागेको छ ।
चार उद्योगमा लाइन जोडियो
डेडिकेटेड तथा ट्रङ्क लाइनबाट विद्युत् उपभोग गरेका रुपन्देहीमा सञ्चालित चार उद्योगले प्रिमियम महसुलको बक्यौता रकम नेपाल विद्युत् प्राधिकरणलाई तिरेका छन् । नेपाल विद्युत् प्राधिकरणले महसुल तिर्ने उद्योगको काटिएको लाइन जोडिदिएको छ । भैरहवा क्षेत्रमा सञ्चालित पञ्चकन्या प्लास्टिक उद्योग, पञ्चकन्या स्टिल इन्डस्ट्रिज, सिद्धार्थ पेटप्लान्ट र श्याम प्लास्टिकले सोमबार बक्यौताको पहिलो किस्ता तिरेको नेपाल विद्युत् प्राधिकरणले जनाएको छ । ती उद्योगमा विच्छेद गरिएको विद्युत् लाइन पहिलो किस्ता तिरेपछि जडान गरिएको प्राधिकरणका कार्यकारी निर्देशक मनोज सिलवालले जानकारी दिनुभयो ।
तीन सय उनासी नेपालीको शव ल्याइयो
सरकारले विप्रेषणका कारण मुलुकको अर्थव्यवस्था टिकिरहेको भनिरहँदा चालु आर्थिक वर्ष २०८२/८३ को पहिलो तीन महिनामा ३७९ युवाले ज्यान गुमाएका छन् । यो सङ्ख्या चालु आव (साउन, भदौ र असोज) तीन महिनाको अवधिमा विदेशमा मृत्यु भएर वैदेशिक रोजगार बोर्डको सचिवालयबाट सहायता रकम लिनेको हो । यसबाहेक वैदेशिक रोजगारीका क्रममा ज्यान गुमाएका तर आर्थिक सहायता लिन नआएका र आएर पनि नपाउनेको सङ्ख्या अझ धेरै छ । बोर्डका अनुसार यस अवधिमा बोर्डको कल्याणकारी कोषबाट २३ करोड ९० लाख रुपियाँ मृतक श्रमिकका परिवारका सदस्यले आर्थिक सहायता लिएका छन् ।
निर्वाचन सुरक्षा : सेना परिचालन गर्न सिफारिस
राजनीतिक दलले निर्वाचनमा सहभागिताका लागि सुरक्षाको प्रत्याभूति हुनुपर्ने सर्त राखिरहँदा निर्वाचन आयोगले सुरक्षाको वातावरण सुनिश्चित गर्न नेपाली सेनासहित चार वटै सुरक्षा निकाय संयुक्त रूपमा यथाशीघ्र परिचालन गर्न सरकारलाई आग्रह गर्ने भएको छ । प्रतिनिधि सभा सदस्य निर्वाचनका लागि निर्वाचन आयोगको उच्चस्तरीय सुरक्षा समितिको बैठकले यसप्रकारको सिफारिस गरेको हो ।
सुविधा कटौतीमा संसद्को असन्तुष्टि
सङ्घीय संसद्का पदाधिकारी र सदस्यको सुविधा कटौती गर्ने सरकारको निर्णयमा संसद् असन्तुष्ट देखिएको छ । पदाधिकारी तथा सदस्यलाई मर्का नपर्ने गरी सुविधा हेरफेरको अधिकार भए पनि दैनिक कामकाजमा असहज हुने गरी सुविधा कटौती भएको भन्दै संसद्का पदाधिकारीले प्रधानमन्त्रीलाई भेटेरै असन्तुष्टि जनाएका हुन् ।
‘नागरिकमा सुशासनको अनुभूति होस्’
प्रधानमन्त्री सुशीला कार्कीले भ्रष्टाचार नियन्त्रण, सुशासन र प्रभावकारी सेवा प्रवाहमा नागरिकले उल्लेख्य सुधारको अनुभूति गर्ने गरी सबै मन्त्रालयलाई ‘ब्लुप्रिन्ट’ तयार पारेर कार्यान्वयन गर्न निर्देशन दिनुभएको छ ।
पैँतालिस जना सहिद घोषणा (नामावलीसहित)
सरकारले जेनजी आन्दोलनका क्रममा काठमाडौँसहित विभिन्न जिल्लामा मृत्यु भएका ४५ जनालाई सहिद घोषणा गरेको छ । प्रधानमन्त्री तथा मन्त्रीपरिषद्को कार्यालय सिंहदरबारमा सोमबार बसेको मन्त्रीपरिषद् बैठकले ४५ जनालाई सहिद घोषणा गर्ने निर्णय गरेको सञ्चार तथा सूचना प्रविधिमन्त्री जगदीश खरेलले जानकारी दिनुभयो ।
दोलखामा हिमपहिरो : तीन जनाको मृत्यु आठ जना बेपत्ता
दोलखाको गौरीशङ्कर गाउँपालिका–९, यलुङ बेसक्याम्प क्षेत्रमा गएको हिमपहिरोमा परेर तीन जना पर्यटकको मृत्यु भएको छ । आठ जना पर्यटक बेपत्ता भएको प्रहरीले जनाएको छ ।
दृष्टिविहीन शिक्षकको सय किलोमिटरको सङ्घर्ष
रुपन्देहीको तिलोत्तमा नगरपालिका–५ का टीकाराम घिमिरे हरेक बिहान अँध्यारोमै उठ्नुहुन्छ । पूर्ण दृष्टिविहीन उहाँ बिहान घरबाट निस्कँदा बाटो देख्नुहुन्न तर आफ्नो कर्तव्य र जिम्मेवारी भने स्पष्ट देख्नुहुन्छ– विद्यालय पुग्ने र बालबालिकालाई पढाउने ।
पुरुषको वेवारिसे शव फेला
झापाको कन्काई नगरपालिकामाका एक बेवारिसे शव फेला परेको प्रहरीले जनाएको छ । पहिचान नखुलेको एक पुरुष घोप्टो परेको अवस्थामा कन्काई नगरपालिका २ स्थित झण्डी खोपमा सोमबार अपरान्ह शव फेला परेको जिल्ला प्रहरी कार्यालय झापाका प्रवक्ता खगेन्द्रबहादुर खड्काले बताउनुभयो ।
मोटरसाइकल दुर्घटनामा दुई जनाको मृत्यु
मोटरसाइकल दुर्घटनामा परेर दुई जनाको मृत्यु भएको छ । पाणीनी गाउँपालिका निगालीबाट दुर्गाफाटतर्फ आउँदैगरेको ना ३६ प ३५०९ नम्वरको मोटरसाइकल अनियन्त्रित भई दुर्घटना हुँदा दुई जनाको मृत्यु भएको हो ।
गंगाचिल पहिलो पटक काठमाडौंमा देखिए (फोटो फिचर)
जाडो याममा नेपाल आउने आगन्तुक चरा कालो टाउके गंगाचिल पहिलो पटक काठमाडौंको थापाथलीस्थित बागमती नदी किनारमा देखा परेको छ ।
ठुलो आवाज निकाल्ने मोटरसाइकल नियन्त्रणमा
इलाका प्रहरी कार्यालय, रामपुरले ठुलो आवाज निकाल्ने मोटरसाइकल नियन्त्रणमा लिएको छ । स्वरुप परिवर्तन गरी ठुलो आवाज आउने साइलेन्सर राखिएका मोटरसाइकल नियन्त्रणमा लिएको हो ।
फाल्गुनन्दको जन्मजयन्ती मनाउने तयारी
किराँत धर्मावलम्बीका महागुरु तथा १६ औं राष्ट्रिय विभूति फाल्गुनन्द लिङ्देनको जन्मजयन्ती ताप्लेजुङमा भव्यरुपमा मनाउने तयारी गरिएको छ । कात्तिक २५ गते महागुरु लिङ्देनको १४१ औँ जन्मजयन्ती भव्यरुपमा मनाउने तयारी गरिएको हो ।
-original-thumb.jpg)
कृषकलाई धान भित्र्याउने चटारो
म्याग्दीको मङ्गला गाउँपालिका –४, बरंजाका किसानलाई धान भित्र्याउने चटारो छ । हिमाली जिल्ला म्याग्दीका किसानलाई वर्षे बालीअन्तर्गत लगाएको धान पाकेपछि भित्र्याउन भ्याइनभ्याई भएको हो ।
सञ्चारमन्त्री खरेलसँग कोरियाका राजदूत योङको भेटवार्ता
सञ्चार तथा सूचना प्रविधिमन्त्री जगदीश खरेलसँग नेपालका लागि गणतन्त्र कोरिया (दक्षिण कोरिया) का राजदूत पार्क तइ योङले शिष्टाचार भेट गर्नुभएको छ। सिंहदरबारस्थित सञ्चार मन्त्रालयमा भएको भेटमा नेपाल तथा गणतन्त्र दक्षिण कोरियाबिच द्विपक्षीय ऐतिहासिक सम्बन्ध, द्विपक्षीय सहकार्य तथा वर्तमान अवस्था र नेपाल सरकारका प्रथमिकताका सम्बन्धमा छलफल भएको मन्त्रीको सचिवालयले जनाएको छ।
श्रीलङ्कामा वन तथा वन्यजन्तु संरक्षणको लागि “वाना सुराकुमा”कार्यक्रम सुरु
श्रीलङ्काले सोमबार देखि देशको प्राकृतिक वन र वन्यजन्तु स्रोतको संरक्षण गर्न वातावरण मन्त्रालय अन्तर्गत “वाना सुराकुमा”नामक एकीकृत परिचालन कार्यक्रम सुरु गरेको छ ।
मुर्माठाँनाको डाँडा बन्यो मुर्माटप
मुगुको छायानाथ रारा नगरपालिका –९ मा पर्ने मुर्मागाउँको लेकमा अवस्थित हजारौं दशकअघिसम्म ‘मुर्मठाँना’ नामले मात्र चिनिन्थ्यो । मुर्मा गाउँका किसानको पशु चरन क्षेत्रको रूपमा रहेको यो डाँडा अहिले पर्यटन क्षेत्रको मुर्माटपको नामले प्रसिद्ध भएको छ ।
फिलिपिन्समा आँधी ‘कलमेगी’ को प्रकोप : दशौँ हजार नागरिक सुरक्षित स्थानमा सारिए
फिलिपिन्सको पूर्वी र मध्य भागमा आएको शक्तिशाली आँधी ‘कलमेगी’का कारण सोमबारदेखि दशौँ हजार नागरिकलाई सुरक्षित स्थानतर्फ सारिएको छ ।
जापानमा भालुको आक्रमणमा परी दुई जना घाइते
जापानको अकिता प्रान्तमा भएको छुट्टा–छुट्टै भालु आक्रमणमा दुई जना घाइते भएको उल्लेख गर्दै यस क्षेत्रमा भालुहरूको मुठभेड तीव्ररूपमा बढेको स्थानीय प्रहरीले जनाएको छ ।
अपहरण मुद्दा समाधानका लागि उत्तर कोरियाली नेतासँग भेट गर्न जापानी प्रधानमन्त्री ताकाइचीको आग्रह
जापानकी प्रधानमन्त्री साने ताकाइचीले उत्तर कोरियाका नेता किम जोङ-उनसँग भेटवार्ता गर्ने औपचारिक आग्रह गर्नु भएको छ । उहाँले दशकौँदेखि नसुल्झिएको जापानी नागरिक अपहरणको समस्या समाधान गर्न प्रत्यक्ष वार्ताको प्रस्ताव राख्नुभएको हो ।
