गोली पड्काउँदै आतङ्क मच्चाउने चार युवा पक्राउ
सिराज खान नेपालगन्ज, वैशाख १५ गते । सार्वजनिक स्थलमा गोली पड्काउने चार जना युवकलाई जिल्ला प्रहरी कार्यालय बाँकेले पक्राउ गरेको छ । नेपालगन्जका विभिन्न स्थानमा खुल्लमखुल्ला पेस्तोलबाट गोली चलाएर आतङ्क मच्चाउने चार जनालाई पक्राउ गरेर थप अनुसन्धान सुरु गरिएको जिल्ला प्रहरी कार्यालय बाँकेले जनाएको छ । जिल्ला प्रहरी कार्यालय बाँकेका प्रहरी प्रवक्ता डिएसपी दीपक पातलीका अनुसार पक्राउ पर्नेहरूमा नेपालगन्ज एकका ४० वर्षीय विश्व विजय पोख्रेल, नेपालगन्ज १८ का ३० वर्षीय विशाल आउजी, नेपालगन्ज चारका २१ वर्षीय अस्मित मल्ल र २० वर्षीय सौगात श्रेष्ठ छन् ।उनीहरूले गत शुक्रवार नेपालगन्ज १२ मा रहेको नमस्ते दोहरीबाट बाहिर निस्की साथमा बोकेको पेस्तोलबाट गोली पड्काई बा ४ च ३०७१ नम्बर को कारमा चढेर नेपालगन्ज १८ विशालनगर चोकमा भइरहेको नाइट क्रिकेट प्रतियोगितामा पुगी खेल भइरहेको स्थानमा हुल हुज्जत गर्दै खुकुरी देखाएर खेल भइरहेको स्थानमा उपस्थित मानिसहरूलाई आतङ्कित बनाउनुका साथै पेस्तोलबाट पुनः गोली पड्काई भागेको प्रहरी प्रवक्ता डिएसपी पातलीले बताउनुभयो । उहाँले घटना भए लगत्तै पिछा गर्दै गएको प्रहरी टोलीले कोहलपुर १० हाई स्कुलबाट ती चार जनालाई नियन्त्रणमा लिई आवश्यक अनुसन्धान एवं कारबाही प्रक्रिया अगाडी बढाइएको बताउनुभयो । यसैबिच प्रहरीले ठुलो मात्रामा लागु औषध ब्राउन सुगरसहित एक महिलालाई यहाँस्थित नेपाल भारत नाकाबाट पक्राउ गरेको जनाएको छ । सीमावर्ती भारतीय बजार रुपैडिहाबाट नेपालगन्ज आउँदै गरेकी नेपालगन्ज उपमहानगरपालिका वडा नम्बर १३ कि ३४ बर्सिया पुष्पा लोनियालाई प्रहरीले १९ ग्राम २ मिलिग्राम ब्राउन सुगरसहित पक्राउ गरेको डिएसपी पातलीले बताउनुभयो । उहाँले पुष्पालाई शङ्का लागेर जाँच गर्दा उनले बोकेको झोलामा ब्राउन सुगर फेला परेकोले उनलाई पक्राउ गरेर अनुसन्धान भइरहेको जनाउनुभयो ।प्रहरीका अनुसार लागु औषधका कारोबारीले महिलालाई भरिया बनाउने गरेको पाइएको छ । पक्राउ परेकी पुष्पाको बारेमा पनि अनुसन्धान भइरहेको प्रहरीले जनाएको छ ।
समावेशीकरणको दिशामा नयाँ फड्को : गोरखापत्रद्वारा प्रकाशित ल्होमी भाषा
समावेशीकरणको दिशामा नयाँ फड्को : गोरखापत्रद्वारा प्रकाशित ल्होमी भाषा
हावाहुरीले उडायो घर गोठको छाना
ताप्लेजुङमा आइतबार साँझ आएको हावाहुरीले विभिन्न ठाउँमा स्थानीयको घर तथा गोठमा क्षति गरेको छ । प्रहरीका अनुसार जिल्लाको मिक्वाखोला गाउँपालिका र फुङ्लिङ नगरपालिकामा बढी क्षति गरेको हो ।
कर्मचारी माग्न काठमाडौँ
उत्तरी चीनसँग सिमाना जोडिएको उपल्लो मुस्ताङको ल्होमन्थाङ गाउँपालिकामा रहेको भन्सार कार्यालयलाई चुस्त र सशक्त बनाउने माग गर्दै ल्होमन्थाङ र लोघेकर दामोदरकुण्ड गाउँपालिकाका अध्यक्ष काठमाडाैँ पुग्नुभएको छ ।
अपराध नियन्त्रणमा दुईदेशीय समन्वय
भारतको बिहारस्थित सुपौल जिल्ला वीरपुरमा भारत नेपाल सीमावर्ती जिल्लास्तरीय समन्वय समितिको बैठक हालै सम्पन्न भएको छ । नेपालको सप्तरी र सुनसरीका प्रमुख जिल्ला अधिकारी, जिल्ला सुरक्षा निकायका प्रमुख पदाधि
आगलागी छानबिन गर्न समिति गठन
नेपालगन्जस्थित भेरी अस्पतालको मेडिकल स्टोरमा भएको आगलागीबाट बहिरङ्ग (ओपिडी) भवन र प्रयोगशालामा प्रयोग हुने विभिन्न रसायनलगायतमा ठुलो क्षति भएपछि दुई दिनका लागि सेवा बन्द गरिएको छ ।
प्रदेश सरकारले सडक कालोपत्रे गर्दै
बागमती प्रदेश सरकारको लगानीमा दोलखाका दुई सडक कालोपत्रे हुने भएको छ । दोलखाको शैलुङ गाउँपालिका र मेलुङ गाउँपालिका जोड्ने सडक कालोपत्रे हुने भएको हो । तामाकोशी गाउँपालिका–१, भिरकोट हुँदै वैत्यश्वर गाउँपालिका जोड्ने सडक कालोपत्रे गर्ने तयारी भएको छ । प्रदेशको भौतिक पूर्वाधार विकास मन्त्रालय अन्तर्गत पूर्वाधार विकास कार्यालय दोलखामार्फत दुई मुख्य सडक कालोपत्रेका लागि बोलपत्र आह्वान गरिएको छ । पूर्वाधार कार्यालयले १६ करोड १० लाख रुपियाँको बजेटमा टेन्डर आह्वान गरेको हो
पुरानै स्वरूपमा फर्काइँदै बटौली बजार
बुटवलको पुरानो एवं ऐतिहासिक ‘बटौली’ बजार पुरानै स्वरूप झल्किने गरी पुनर्निर्माण गरिने भएको छ ।
गोरखामा चट्याङ लागेर एक जनाको मृत्यु, दुई जना घाइते
गोरखामा चट्याङ लागेर एक जनाको मृत्यु भएको छ भने २ जना गम्भीर घाइते भएका छन् । मृत्यु हुनेमा सहिद लखन गाउँपालिका – १ बक्राङका ४२ वर्षीय राजु खनालको मृत्यु भएको छ भने पालुङटार नगरपालिकाका – ७ का ५० वर्षीय सुक माया आले र उहाँकी बुहारी १८ वर्षीय बिपना आले गम्भीर घाइते भएका जिल्ला प्रहरी कार्यालय गोरखका प्रहरी निरीक्षक धुब्र प्रसाद शर्माले जानकारी दिनुभयो ।
म्याद थपेको थप्यै, सडक अलपत्र
ठेकेदार कम्पनीको ढिलासुस्तीका कारण बर्दियाको २७ किलोमिटर लामो सडक अलपत्र परेको छ ।
तरबूजा खेती गरेरै जीविका चलाउँँदै दुई सय परिवार
यहाँको शुक्लाफाँटा नगरपालिका–३ पिपलाडीका बन्धु चौधरीले स्याली नदी बगरमा उत्पादित तरबूजा बिक्री गरेरै जीविका चलाउँदै आउनुभएको छ । विगत १५ वर्षदेखि उहाँले बगरमा तरबूजाखेती गर्दै आउनुभएको छ ।
मौरीपालेर वार्षिक आठ लाख बढी आम्दानी
यहाँको इटहरी उपमहानगरपालिका–४ का युवराज भट्टराईले मौरीपालन गरेर वार्षिक रु आठ लाख बढी आम्दानी गरिरहनुभएको छ ।
औलोको जोखिम कायमै
कर्णाली प्रदेशका कुल ७१८ वडामध्ये आठ वटा वडा औलोको जोखिममा रहेका पाइएको छ ।
सेवाग्राहीबिनै सार्वजनिक सुनुवाइ
जिल्लामा सरकारी कार्यालयहरूद्वारा संयुक्त रूपमा आयोजना गरिएको सार्वजनिक सुनुवाइ कार्यक्रम सेवाग्राहीबिनै सञ्चालन भएको छ ।
भवनको जग खन्दा सडकमा पहिरो
कालीकोट जिल्ला सदरमुकामसमेत रहेको मान्मबजारको खाँडाचक्र नगरपालिकाको नयाँ भवन निर्माणका लागि जग खन्दा पहिरो गएपछि सडक अवरोध भएको छ ।
सय वर्ष पुरानो झोलुङ्गे पुल जोखिमपूर्ण
जाजरकोट र रुकुमपश्चिम जोड्ने एक सय वर्ष पुरानो पुल जीर्ण भएको छ ।
विपिन जोशीको रिहाइमा प्रयासरत : इजरायली राजदूत
नेपालका लागि इजरायली राजदूत स्मुलिक आरी बासले हमास लडाकुको अपहरणमा परेका नेपाली विद्यार्थी विपिन जोशीको सुरक्षित रूपमा फिर्ता गराउनका लागि आफू प्रयत्नरत रहेको बताउनुभएको छ ।
चुस्त स्थानीय प्रशासन
सूचना प्रविधिले विश्व मानव समाजलाई अति धेरै सुविधा प्रदान गर्न थालेको छ ।
हाम्रो देश हामी नै बनाऔँ
एमाले संसदीय दलको शनिबार भएको बैठकमा प्रधानमन्त्री केपी शर्मा ओलीले अमेरिकी सहयोग परियोजना ‘मिलेनियम कम्प्याक्ट च्यालेन्ज (एमसिसी)’ अमेरिकाले नै बन्द गरेकाले अब देश बनाउन हामी नै अग्रसर हुनुपर्ने बताउनुभयो ।
युवाशक्तिको सिर्जनात्मक उपयोग
नेपाल एक सुन्दर, सांस्कृतिक रूपले समृद्ध र विविधतायुक्त राष्ट्र हो तर विकासको गति सुस्त हुँदा यहाँको सबैभन्दा ऊर्जाशील वर्ग युवाशक्ति रोजगारीको खोजीमा बिदेसिने बाध्यतामा छन् ।
कश्मीर आतङ्ककारी हमलापछि नेपाल–भारत सीमा क्षेत्रमा कडा निगरानी
सुनसरी, वैशाख १५ गते । भारतको जम्मु कश्मीर राज्यको पहलगाममा भएको आतङ्ककारी हमलापछि यहाँको नेपाल–भारत सीमा क्षेत्रमा निगरानी बढाइएको छ । खुला सीमाका कारण कुनै किसिमका अवाञ्छित गतिविधि हुन नदिन निगरानी बढाइएको प्रमुख जिल्ला अधिकारी धर्मेन्द्रकुमार मिश्रले जानकारी दिनुभयो । जिल्लाको बर्जु, हरिनगर र कोसी गाउँपालिकामा पर्ने नेपाल–भारत सीमा क्षेत्रको निरीक्षण गर्नुका साथै सुरक्षा सतर्कता बढाइएको उहाँले बताउनुभयो । सशस्त्र प्रहरी, नेपाल प्रहरी र भारतीय सीमा सुरक्षा बल एसएसबीसहितको टोलीले संयुक्त गस्ती गर्नुका साथै सीमा क्षेत्र भएर आवतजावत गर्ने मानिसलाई जाँच गरेर मात्र आवतजावत गर्न दिएको सशस्त्र प्रहरी उपरीक्षक निर्मलकुमार थापाले जानकारी दिनुभयो ।
सामुदायिक विद्यालयको गुणस्तर
फागुन ९, २०७५ मा सरकार र शिक्षक महासङ्घबिच २० बुँदे सहमति भयो ।
यस्तो छ आजका लागि विदेशी मुद्रा विनिमयदर
काठमाडौँ, वैशाख १५ गते । नेपाल राष्ट्र बैङ्कले आजका लागि विदेशी मुद्राको विनिमयदर निर्धारण गरेको छ । निर्धारित विनिमयदर अनुसार अमेरिकी डलर एकको खरिददर १३६ रूपैयाँ ४३ पैसा र बिक्रीदर १३७ रूपैयाँ ०३ पैसा कायम भएको छ । युरोपियन युरो एकको खरिददर १५५ रूपैयाँ ०५ पैसा र बिक्रीदर १५५ रूपैयाँ ७३ पैसा, युके पाउन्ड स्टर्लिङ एकको खरिददर १८१ रूपैयाँ ६६ पैसा र बिक्रीदर १८२ रूपैयाँ ४६ पैसा, स्वीस फ्र्याङ्क एकको खरिददर १६४ रूपैयाँ ८० पैसा र बिक्रीदर १६५ रूपैयाँ ५३ पैसा कायम गरिएको छ । अष्ट्रेलियन डलर एकको खरिददर ८७ रूपैयाँ २६ पैसा र बिक्रीदर ८७ रूपैयाँ ६४ पैसा, क्यानेडियन डलर एकको खरिददर ९८ रूपैयाँ ४६ पैसा र बिक्रीदर ९८ रूपैयाँ ८९ पैसा, सिङ्गापुर डलर एकको खरिददर १०३ रूपैयाँ ७३ पैसा र बिक्रीदर १०४ रूपैयाँ १९ पैसा निर्धारण गरिएको नेपाल राष्ट्र बैंकले जनाएको छ । त्यसैगरी केन्द्रीय बैंकले जापानी येन १० को खरिददर नौ रूपैयाँ ४९ पैसा र बिक्रीदर नौ रूपैयाँ ५४ पैसा, चिनियाँ युआन एकको खरिददर १८ रूपैयाँ ७२ पैसा र बिक्रीदर १८ रूपैयाँ ८० पैसा, साउदी अरेबियन रियाल एकको खरिददर ३६ रूपैयाँ ३७ पैसा र बिक्रीदर ३६ रूपैयाँ ५३ पैसा, कतारी रियाल एकको खरिददर ३७ रूपैयाँ ४२ पैसा र बिक्रीदर ३७ रूपैयाँ ५९ पैसा तोकेको छ । केन्द्रीय बैङ्कका अनुसार थाई भाट एकको खरिददर चार रूपैयाँ ०७ पैसा र बिक्रीदर चार रूपैयाँ ०८ पैसा, युएई दिराम एकको खरिददर ३७ रूपैयाँ १४ पैसा र बिक्रीदर ३७ रूपैयाँ ३१ पैसा, मलेसियन रिङ्गेट एकको खरिददर ३१ रूपैयाँ १९ पैसा र बिक्रीदर ३१ रूपैयाँ ३३ पैसा निर्धारण भएको छ । यसैगरी, साउथ कोरियन वन १०० को खरिददर नौ रूपैयाँ ४९ पैसा र बिक्रीदर नौ रूपैयाँ ५३ पैसा, स्वीडिस क्रोनर एकको खरिददर १४ रूपैयाँ ०९ पैसा र बिक्रीदर १४ रूपैयाँ १५ पैसा र डेनिस क्रोनर एकको खरिददर २० रूपैयाँ ७७ पैसा र बिक्रीदर २० रूपैयाँ ८६ पैसा तोकिएको छ । राष्ट्र बैङ्कले हङकङ डलर एकको खरिददर १७ रूपैयाँ ५९ पैसा र बिक्रीदर १७ रूपैयाँ ६६ पैसा, कुवेती दिनार एकको खरिददर ४४४ रूपैयाँ ९० पैसा र बिक्रीदर ४४६ रूपैयाँ ८६ पैसा, बहराइन दिनार एकको खरिददर ३६१ रूपैयाँ ८८ पैसा र बिक्रीदर ३६३ रूपैयाँ ४७ पैसा, ओमनी रियाल एकको खरिददर ३५४ रूपैयाँ ८२ पैसा र बिक्रीदर ३५६ रूपैयाँ ३८ पैसा रहेको छ । भारतीय रूपैयाँ १०० को खरिददर १६० रूपैयाँ र बिक्रीदर १६० रूपैयाँ १५ पैसा तोकिएको छ । राष्ट्र बैङ्कले यो विनिमयदरलाई आवश्यकतानुसार जुनसुकै समयमा पनि संशोधन गर्न सकिने जनाएको छ । वाणिज्य बैङ्कले तोक्ने विनिमयदर भने खुलाबजारका आधारमा फरक हुनसक्ने र अद्यावधिक विनिमयदर केन्द्रीय बैङ्कको ‘वेबसाइट’मा उपलब्ध हुने जनाइएको छ ।
जलविद्युतबाट आर्थिक समृद्वि
नेपालमा छ हजारभन्दा बढी खोला, खोल्सी तथा नदीनाला रहेका छन् ।
प्रदेश सचिव इमनारायण श्रेष्ठ सहित तीन जना विरुद्ध २१ करोडको भ्रष्टचार मुद्धा दर्ता
काठमाडौँ, वैशाख १५ गते । अख्तियार दुरुपयोग अनुसन्धान आयोगले मधेश प्रदेश सामाजिक विकास मन्त्रालय प्रदेश जनस्वास्थ्य प्रयोगशालाको स्वास्थ्य उपकरण खरिदमा भ्रष्टाचार भएको अभियोगमा तत्कालीन सचिव, निर्देशकलगायतका विरुद्ध विशेष अदालतमा मुद्दा दायर गरेको छ । आयोगले मधेश प्रदेशको सामाजिक विकास मन्त्रालयका तत्कालीन सचिव इमनारायण श्रेष्ठ, लेखा अधिकृत नविन दास र तत्कालीन वरिष्ठ स्वास्थ्य प्रशासक मुक्तिनारायण साह विरुद्ध रु २१ करोड ८९ लाख ३९ हजार ७८० बराबरको बिगो माग दाबी गरेको छ । त्यसैगरी प्रदेश जनस्वास्थ्य प्रयोगशाला जनकपुरधामका तत्कालीन निर्देशक डा श्रवणकुमार मिश्र, वरिष्ठ ल्याब टेक्निसियन गुणानन्द प्रसाद साह, टेक्नोलोजिस्ट मनमोहन मिश्र र ल्याब टेक्नोलोजिस्ट रामउदगार साह विरुद्ध पनि रु २१ करोड ८९ लाख ३९ हजार सात सय ८० बराबरको बिगो माग दाबी गरिएको छ । माइक्रोबायोलोजिस्ट जितेन्द्रकुमार साह, अमरेन्द्रकुमार मिश्र, मेडिकल ल्याब टेक्नोलोजिस्ट दिपेन्द्रकुमार मिश्र, ल्याब असिस्टेन्ट रमेशकुमार मण्डल, कर्मशील प्रसाद गोप, उमेश चौधरी र लेखा अधिकृत अमरदीप महतो विरुद्ध पनि समान रु २१ करोड ८९ लाख ३९ हजार ७८० बराबरको बिगो माग दाबी गरिएको छ । सामान आपूर्तिकर्ता हस्पिटेक इन्टरप्राइजेजका सञ्चालक विशाल पण्डित विरुद्ध रु २१ करोड ८९ लाख ३९ हजार सात सय ८० बराबरको बिगो माग दावी गरिएको आयोगका प्रवक्ता राजेन्द्रकुमार पौडेलले जानकारी दिनुभयो । सोही मुद्दामा आयोगले फरक फरक रुपमा विभिन्न चार वटा मुद्दा दायर गरेको छ । आयोगले मधेश प्रदेश सामाजिक विकास मन्त्रालयका तत्कालीन सचिव इमनारायण श्रेष्ठ, हस्पिटेक इन्टरप्राइजेजका सञ्चालक विशाल पण्डित समेत १५ जना र हस्पिटेक प्रालिका विरुद्ध रु १९ करोड ४६ लाख १३ हजार एक सय २० बराबरको बिगो माग दाबी गरेको छ । मधेश प्रदेशका विभिन्न ६४ वटा स्थानीय तहमा जनस्वास्थ्य प्रयोगशाला निर्माणका लागि खरिद गरिएको उपकरणमा पनि चरम भ्रष्टाचार भएको भन्दै आयोगले रु पाँच करोड एक लाख ९० हजार ८० बराबरको बिगो दाबी गर्दै मुद्दा दायर गरेको छ ।
