सङ्घीय कानुन नबन्दा प्रदेशमा अन्योल
संसदीय समितिले सङ्घीयता आत्मसात् गरी सङ्घीय कानुन, कार्यविधि नआउँदा प्रदेशले समयमै कानुन बनाउन खोजे पनि असमानता र सङ्घर्ष उत्पन्न भएको औँल्याएको छ । राष्ट्रिय सभाको विधायन व्यवस्थापन समितिको अध्ययन प्रतिवेदनले सङ्घीय कानुन समयानुकूल रूपमा सङ्घीयताको मर्म अनुरूप नआउँदा प्रदेशका कानुनसँग बाझिएको देखाएको हो ।
निर्वाचनको ४८ घण्टाअगावै सीमा नाका बन्द गरिने
फागुन २१ गते हुने प्रतिनिधिसभा सदस्य निर्वाचनमा नेपाल–भारत सीमानाका ४८ घण्टाअगावै बन्द गरिने भएको छ ।
ढिस्कोले पुरिएर कामदारको मृत्यु
झापाको शिवसताक्षीमा माटोको ढिस्कोले पुरिएर एकजना कामदारको मृत्यु भएको छ । जिल्ला प्रहरी कार्यालय झापाका अनुसार मृत्यु हुनेमा सिरहा लहान बस्ने अन्दाजी ३५ वर्षीय रमेशकुमार यादव रहेका छन् ।
सांस्कृतिक पर्वको सगुन प्रहरीले गर्यो नष्ट, महासंघको आपत्ति
काठमाडौँको टोखा नगरपालिका वडा नंं ३ स्थित साङ्बो भोटेसहितका परिवारको सांस्कृतिक पर्वका लागि बनाइएको तुङ्बा लगायतका सामग्री प्रहरीले नष्ट गरेपछि सो परिवार समस्यामा परेका छन् ।
केन्द्रीय सुरक्षा समिति बैठकमा गृहमन्त्री: सुरक्षा व्यवस्था चुस्त बनाउन निर्देशन
गृहमन्त्री ओमप्रकाश अर्यालले आसन्न प्रतिनिधिसभा सदस्य निर्वाचनको सुरक्षा तयारीबारे ब्रिफिङ लिँदै जोखिम आकलन गरी सुरक्षा व्यवस्था चुस्त राख्न सुरक्षा निकायका प्रमुखहरूलाई निर्देशन दिनुभएको छ।
टुथपेस्टलगायत सौन्दर्यका सामग्रीको नियमन गर्न सङ्घको माग
टुथपेस्टलगायतका विभिन्न सौन्दर्य सामग्रीको नियमन गर्न चिकित्सक सङ्घले माग गरेको छ ।
आगो लगाउने होइन, देश सम्हाल्ने शक्ति चाहिएको छ : सभापति थापा
नेपाली कांग्रेसका सभापति गगनकुमार थापाले मुलुक अहिले चरम निराशा र अविश्वासको भुमरीमा रहेकाले देशलाई सम्हाल्ने शक्तिको खाँचो रहेको बताउनुभएकाे छ ।
इलाका प्रशासनको भवन निर्माण सम्पन्न
इलामको पश्चिमी क्षेत्रलाई लक्षित गरी बनाइएको इलाका प्रशासन कार्यालय मङ्गलबारेको नयाँ भवन निर्माण सम्पन्न भएको छ ।
चुनावको नामबाटै झस्किन्छन् विपन्न बस्तीका नागरिक
कोशी राजमार्गबाट भित्र छिर्नेबित्तिकै विराटनगर–४ को वनलौरीटोल पुगिन्छ । महानगरभित्रको यस बस्तीको दृश्यले यो सहर नै हो त भनी जोकसैको मनमा प्रश्न उठिहाल्छ ।
दुई सय बत्तिस दलित उम्मेदवार चुनावी मैदानमा
प्रतिनिधि सभाको प्रत्यक्षतर्फको १६५ सिटका लागि ६५ वटा राजनीतिक दल र स्वतन्त्र गरी तीन हजार ४०६ उम्मेदवार चुनावी मैदानमा हुँदा करिब २३२ अर्थात् ६.८१ प्रतिशत दलित समुदायका व्यक्ति चुनावी प्रतिस्पर्धामा उत्रिएका छन् ।
निर्वाचन एकै चरणमा हुन्छ : प्रम
प्रधानमन्त्री सुशीला कार्कीले फागुन २१ गते सम्पन्न हुन लागेको प्रतिनिधि सभा निर्वाचन एकै चरणमा सम्पन्न हुने बताउनुभएको छ । निर्वाचनको मतपत्र छपाइ गरिरहेको भक्तपुरको सानोठिमीस्थित जनक शिक्षा सामग्री केन्द्र लिमिटेडको अनुगमन गरेपछि बिहीबार प्रधानमन्त्री कार्कीले यस्तो बताउनुभएको हो । निर्वाचन एकै चरणमा सम्पन्न हुने विषयमा निश्चिन्त हुन अनुरोध गर्दै प्रधानमन्त्री कार्कीले भन्नुभयो, “अब चुनाव आयो, निश्चिन्त हुनूस् ।
काठमाडौँ सुधारको खाका अन्तिम चरणमा
काठमाडौँ उपत्यकामा सडकको ट्राफिक अस्तव्यस्तता छल्न पैदल हिँड्दा पनि समयमा गन्तव्यमा पुगिँदैन । हरेक दिन भक्तपुरबाट काठमाडौँ जागिर खान आइपुग्नुहुने रञ्जित साखकर्मी भन्नुहुन्छ, “सवारीसाधनबाट छिटो पुगौँला भनेर सोच्नु दिनको समयमा महाभारतको युद्ध जित्नु जस्तै हो ।” जागिर खाएर बेलुका घर पुग्दा धुवाँ, धुलो र सडकको यात्राले घरका मान्छेसँग बोल्न पनि मन नलाग्ने साखकर्मी सुनाउनुहुन्छ ।
जलवायु परिवर्तनको असर : न्यूनीकरण अभ्यास घरखेतबाटै
नेपालको मौलिक अर्थतन्त्रको पर्याय मानिने कृषि प्रणालीमा जलवायु परिवर्तनको असर न्यूनीकरण तथा अनुकूलनको अभ्यास अब किसानले आफ्नो घरखेतबाटै गर्न सक्ने भएका छन् ।
प्रजातन्त्र दिवस तीन दिनसम्म मनाइने
राष्ट्रिय प्रजातन्त्र दिवस तीन दिनसम्म भव्य रूपमा मनाइने भएको छ । २००७ फागुन ७ गते प्रजातन्त्र स्थापना भएको दिनको सम्झनामा सरकारले आउँदो फागुन ६ देखि ८ गतेसम्म दिवस मनाउने निर्णय गरेको हो ।
प्रतिकूल बकपत्र गर्नेविरुद्ध मुद्दा
अख्तियार दुरुपयोग अनुसन्धान आयोगले सरकारी साक्षीका रूपमा प्रस्तुत गरिएका दुई व्यक्तिले अदालतमा प्रतिकूल बकपत्र गरेपछि विशेष अदालत, काठमाडौँमा भ्रष्टाचार मुद्दा दायर गरेको छ ।
सामाजिक सञ्जालको दुरुपयोगप्रति आपत्ति
नेपाल कम्युनिस्ट पार्टी (एमाले) ले फागुन २१ गते हुन लागेको प्रतिनिधि सभा सदस्य निर्वाचनलाई गम्भीर चासोका रूपमा हेरिएको जनाएको छ । पार्टी मुख्यालय च्यासलमा पत्रकार सम्मेलन गर्दै एमालेले १६३ निर्वाचन क्षेत्रमा उम्मेदवारी दिएको र नागरिकको खबरदारीका रूपमा हेरेको उल्लेख गरेको छ ।
आश्वासन मात्रै हुने छैन सुशासन
आगामी फागुन २१ गते सरकारले प्रतिनिधि सभा सदस्य निर्वाचनको मिति घोषणा गरेसँगै सबै राजनीतिक दल उम्मेदवारी दर्ता गरी निर्वाचनको मैदानमा उत्रेका छन् । अहिले निर्वाचनको माहोल तीव्र बन्दै गएको छ । जेनजीको प्रमुख माग नै भ्रष्टाचारको अन्त्य गर्दै सुशासन कायम हुनु हो । राजनीतिक दलले अहिले निर्वाचनमार्फत नयाँ बन्ने सरकारमा पुगेर सुशासन कायम गर्ने प्रतिबद्धता जनाउन घोषणापत्र लेखनको गृहकार्य गरिरहेका छन् ।
अमेरिका र इरानबिच आज मस्कटमा वार्ता हुँदै
सैन्य आक्रमणको धम्की दिइरहेको अमेरिकाले शुक्रबार इरानसँग वार्ता गर्दै छ । परमाणु कार्यक्रमसम्बन्धी सम्झौताका लागि वार्तामा बस्न अमेरिकाले लगातार विभिन्न तरिकाले दबाब दिएपछि इरान अन्ततः वार्ताका लागि तयार भएको हो । दुई देशबिच ओमानको राजधानी मस्कटमा वार्ता हुने सहमति भएको अमेरिकी टेलिभिजन संस्था सिएनएनले जनाएको छ ।
मलसँग मत साट्छौँ भन्छन् किसान
काभ्रेपलाञ्चोक जिल्लाको पाँचखाल नगरपालिकाका कृषक सीता दनुवारलाई प्रतिनिधि सभाको निर्वाचनअगावै आलु खनेर सक्ने र त्यसमा तरकारी रोप्ने चिन्ता छ । आफ्नो खेतसम्म उम्मेदवार कहिले आउलान् र आफूले फलाएको आलुले उचित मूल्य किन नपाएको भनेर जिज्ञासा राखौँला भन्ने उहाँलाई लागेको छ । समयमा रासायनिक मल उपलब्ध नहुँदा किसानले समस्या झेले । त्यसपछि आलुको बिउ राखेको शीतभण्डारले पनि दुःख दियो । अहिले आलुको लगत मूल्य पनि नउठ्ने गरी आलुको भाउमा गिरावट आएपछि उहाँ उम्मेदवारलाई किसानको पक्षमा के गर्नुहुन्छ भनेर प्रश्न सोध्न उम्मेदवार कुरेर बस्नुभएको छ ।
‘अब कुनै पनि पुस्ताले हिंसात्मक सङ्घर्ष गर्न नपरोस् ’
यस वर्षको राष्ट्रिय प्रजातन्त्र दिवस तीन दिनसम्म भव्य रूपमा मनाइने भएको छ । २००७ साल फागुन ७ गते नेपालमा राणा शासनको अन्त्य भई पहिलो पटक प्रजातन्त्र स्थापना भएको दिनको सम्झनामा सरकारले आउँदो फागुन ६, ७ र ८ गते राष्ट्रिय प्रजातन्त्र दिवस मनाउने निर्णय गरेको हो ।
मतपत्र छपाइ कार्य तीव्र, ७२ लाख बढी मतपत्र तयार
आगामी प्रतिनिधि सभा सदस्य निर्वाचन, २०८२ का लागि मतपत्र छपाइको काम तीव्र गतिमा भइरहेको छ । भक्तपुरको सानोठिमीस्थित जनक शिक्षा सामग्री केन्द्रमा दुवै निर्वाचन प्रणालीका लागि मतपत्र छपाइ कार्य जारी रहेको निर्वाचन आयोगले जनाएको छ ।
भ्रामक विज्ञापन प्रकाशन, प्रसारण नगर्न उम्मेदवारलाई विज्ञापन बोर्डको आग्रह
आसन्न प्रतिनिधिसभा निर्वाचनको प्रचारका क्रममा भ्रामक विज्ञापन प्रकाशन, प्रसारण नगर्न र नगराउन उम्मेदवारहरूलाई विज्ञापन बोर्डले आग्रह गरेको छ ।
स्वास्थ्य बिमा सुधार्न एकद्वार प्रणाली लागु गरौँः प्रधानमन्त्री
प्रधानमन्त्री सुशीला कार्कीले स्वास्थ्य बिमामा एकद्वार प्रणाली लागु गर्नुपर्ने बताउनुभएको छ । प्रधानमन्त्री कार्यालय सिंहदरबारमा आयोजित स्वास्थ्य बिमासम्बन्धी छलफलमा प्रधानमन्त्री कार्कीले बिमितले तीन हजार पाँच सय रुपियाँ तिरेर स्वास्थ्य बिमा गरिसकेपछि उपचार गराउन सक्नुपर्ने बताउनुभयो ।
युगीन रूपान्तरणमा सम्पूर्ण शक्ति
जेनजी आन्दोलनपछि गठित प्रधानमन्त्री सुशीला कार्की नेतृत्वको सरकारले फागुन २१ गतेको प्रतिनिधि सभा सदस्य निर्वाचन सफल बनाउन अर्जुनदृष्टि लगाएर काम गरिरहेको छ । परिवर्तित राजनीतिक सन्दर्भमा निर्वाचन गराउने मुख्य दायित्व पाएको सरकारले भदौ २३ र २४ गतेको जेनजी आन्दोलनमा उठेका मुद्दालाई सम्बोधन गर्दै देशलाई निर्वाचनतर्फ लैजान दृढ सङ्कल्पित भएर काम अगाडि बढाएको हो ।
ओपिडी सेवा पच्चिस हजारमा सीमित
स्वास्थ्य बिमा बोर्डले स्वास्थ्य बिमा गरेका बिमितले २५ हजारसम्मको मात्र बहिरङ्ग (ओपिडी) सेवा लिन पाउने भएका छन् । स्वास्थ्य बिमा बोर्ड धराशायी बन्दै गएपछि अबदेखि खर्च जोगाउन बोर्डले यस्तो निर्णय गरेको हो । ओपिडीमा २५ हजारसम्मको सीमा आउँदो फागुन १ गतेदेखि लागु हुने छ ।
