‘गठबन्धनको विकल्प छैन’
स्थानीय तहको निर्वाचन सम्पन्न भइसकेपछि मुलुकको ध्यान प्रतिनिधि सभा र प्रदेश सभाको निर्वाचनतर्फ केन्द्रित भएको छ । सत्ता साझेदार पाँच दलका शीर्ष नेताहरूले प्रतिनिधि सभा र प्रदेश सभा निर्वाचनसम्म गठबन्धनलाई अझ प्रभावकारी बनाउन जुट्नुभएको छ ।
दलितका मुद्दालाई सञ्चार माध्यमले पर्याप्त स्थान दिनुपर्छः अध्यक्ष बस्नेत
काठमाडौं, जेठ १९ गते। प्रेस काउन्सिल नेपालका अध्यक्ष बालकृष्ण बस्नेतले दलित समुदायका मुद्दालाई सञ्चार माध्यमले पर्याप्त स्थान दिनुपर्ने बताउनुभएको छ। प्रेस काउन्सिल नेपाल र क्रियाशील दलित पत्रकार सङ्घको संयुक्त आयोजनामा काउन्सिल सभाहलमा भएको अन्तरक्रिया कार्यक्रममा सम्बोधन गर्दै अध्यक्ष बस्नेतले दलित समुदायका एजेण्डा घटना घटेपछि मात्र उठाउनेभन्दा खोजेर सञ्चार माध्यमले स्थान दिनुपर्नेमा जोड दिनुभएको हो। उहाँले दलित समुदायका मुद्दा साझा मुद्दा भएको भन्दै यसमा प्रेस काउन्सिलले समुदाय र सञ्चार माध्यमलाई सचेत गराउँदै अगाडि बढ्ने बताउनुभयो। कार्यक्रममा सङ्घको तर्फबाट कार्यपत्र प्रस्तुत गर्दै अधिकारकर्मी सुशील विकले दलित समुदायका मुद्दा दलित पत्रकारबाहेक अन्यले प्राथमिकताका साथ स्थान दिएको नपाइएको बताउनुभयो। कार्यक्रममा बोल्दै नेपाल पत्रकार महासङ्घका अध्यक्ष विपुल पोख्रेलले समस्याको पहिचान गरी सञ्चार माध्यम र पत्रकार दलित समुदायको उत्थानका लागि काम गर्नुपर्नेमा जोड दिनुभयो। दलितकै सन्दर्भमा समाचारमा विषयवस्तु कसरी प्रवर्द्धन गर्ने भन्ने विषयमा महासङ्घले भूमिका निर्वाह गर्ने प्रतिबद्धता जनाउनुभयो।न्युनतम पारिश्रमिक निर्धारण समितिकी अध्यक्ष संगीता खड्काले दलित समुदायका मुद्दालाई सञ्चार माध्यमले निरन्तर स्थान दिनुपर्ने भन्दै पत्रकारको न्युनतम पारिश्रमिकका विषयमा समिति गम्भीर रहेको बताउनुभयो।प्रेस काउन्सिल नेपालका मुख्य अधिकृत झबिन्द्र भुसालले काउन्सिलले समाचारकक्ष र प्रकाशित समाचार सामग्रीलाई दलितमैत्री बनाउन र समावेशीकरणका मुद्दालाई सञ्चार माध्यमले महत्व दिए/नदिएको विषयमा अनुगमन कार्यलाई प्रभावकारी बनाउने जानकारी दिनुभयो।
शुक्लागण्डकी नगरपालिकामा सेवा प्रवाह केन्द्र स्थापना
तनहुँको एक पालिकाले सेवा प्रवाह सञ्चालन केन्द्र स्थापना गरेको छ । शुक्लागण्डकी नगरपालिकाले सेवा प्रवाहलाई सहजता ल्याउन केन्द्र स्थापना गरेको हो ।
झापामा मोटरसाइकल चोरी गर्ने गिरोह पक्राउ
लीलाराज खडका विर्तामोड, जेठ १९ गते। झापाको विर्तामोड र आसपपासका क्षेत्रमा मोटरसाइकल चोरी गर्ने ठूलो गिरोहलाई प्रहरीले पक्राउ गरेर सार्वजनिक गरेको छ। इलाका प्रहरी कार्यालय विर्तामोडले बिहीवार पत्रकार सम्मेलन गरेर मोटरसाइकल चोरी गर्ने १० जना र उनीहरुले चोरी गरेका विभिन्न कम्पनीका १२ वटा मोटरसाइकल सार्वजनिक गरेको हो। तीन दिन पहिले मात्रै झापाको दमकबाट चार थान मोटरसाइकल र २ जना मोटरसाइकल चोरीमा संग्लनलाई प्रहरीले पक्राउ गरेको थियो। प्रहरीले मोटरसाइकल चोरीमा संलग्न विर्तामोड नगरपालिका-५ का १८ वर्षीय करण मण्डल, विर्तामोड-३ का १९ वर्षीय कुमार राजवंशी, अर्जुनधारा-८ का १८ वर्षीय समीर मियाँ, टिकुली-५ सप्तरीका २७ वर्षीय करण महमद, गौरीगंज-५ का १८ वर्षीय ओम प्रकाश यादव, चुलाचुली इलामका १८ वर्षीय राहुल श्रेष्ठ र अन्य १४ र १५ वर्षका झापाकै नाबालाकलाई पक्राउ गरेको हो। दुई जना नाबालक भएकाले सार्वजनिक नगरेको इलाका प्रहरी कार्यालय अनारमनीका प्रमुख प्रहरी नायव उपरीक्षक रुगमबहादुर कुँवरले जानकारी दिनुभयो। प्रहरीले ४ वटा बजाज, ५ वटा हिरो होण्डा, एउटा टीभीएस, एउटा यामाहा र एउटा सुजुकी कम्पनीका मोटरसाइकल बरामद गरेको छ। प्रहरीले चोरीका मोटरसाइकल झापाको अर्जुनधारा १० मा रहेको करण महमदको ग्यारेजबाट बरामद गरेको हो। तराई जिल्लामा मोटरसाइकल चोरी गरेर पहाडी जिल्लामा बिक्री गर्ने गरेकोसमेत खुलेको छ। प्रहरीले मोटरसाइकल चोरीमा संलग्न ठूलो गिरोहको पहिचान भइसकेको दाबी गरेको छ। पक्राउ परेका सबै जनालाई चोरी मुद्दामा म्याद थप गरेर आवश्यक कानुनी कारबाही अगाडि बढाइ सकिएको प्रहरीले जनाएको छ।
किसान पेन्सन योजनामा कृषि श्रमिकलाई समेट्न माग
काठमाडौं, जेठ १९ गते। संयुक्त ट्रेड युनियन समन्वय केन्द्र (जेटीयूसीसी) ले सरकारको बजेटमा किसान पेन्सन योजनामा कृषि श्रमिकलाई समेट्न माग गरेको छ। जसअन्तर्गत, श्रम रोजगारी सिर्जना गर्ने सम्बन्धमा किसान पेन्सन योजना सुरु गर्न बिउपूँजी स्वरुप एक अर्ब विनियोजन गरिएकोमा यसमा कृषि श्रमिकलाई पनि समेट्नुपर्ने सुझाव राखिएको छ। श्रम, रोजगार तथा सामाजिक सुरक्षा मन्त्रीको नेतृत्वमा उच्चस्तरीय समन्वय समिति गठन गर्ने भनिएको बुँदामा श्रमिक वर्गको प्रतिनिधित्व अनिवार्य गर्नुपर्ने बताइएको छ।जेटीयूसीसीका महासचिव नवराज दाहालले विज्ञप्तिमार्फत श्रम बजारसँग सम्बन्धित विषयमा सुझावसहित बजेटमा समावेश गरिनुपर्ने बुँदाहरु सार्वजनिक गर्नुभएको हो। जेटीयूसीसीले राहत तथा प्रोत्साहन अन्तर्गत बजेटले कर्मचारीको मासिक पारिश्रमिक १५ प्रतिशतले वृद्धि भएको उल्लेख गरिएको तर, औपचारिक र अनौपचारिक क्षेत्रका श्रमिकलाई पर्ने असर र समाधानको विषय उल्लेख नभएको बताएको छ। वैदेशिक रोजगारीबाट फर्किएका युवाको सीप र पूँजीमा लगानी गर्दै स्वरोजगार क्षेत्रमा प्रोत्साहन गरिने कार्यक्रमलाई प्रभावकारी रुपमा कार्यान्वयन गर्नुपर्नेमा जोड दिइएको छ।यस्तै, जेटीयूसीसीले अधिकार सम्पन्न राष्ट्रिय श्रम आयोग गठन हुनुपर्ने माग अगाडि सार्दै आएकोमा “राष्ट्रिय श्रम प्रतिष्ठान” मा सिमित गरिएको विषय उल्लेख छ। सामाजिक सुरक्षा र संरक्षण अन्तर्गतको कार्यक्रमलाई प्रभावकारी बनाइने कार्यक्रम अन्तर्गतको व्यवस्था कार्यान्वयनका लागि ऐन, नियम जारी गरेर प्रभावकारी रुपमा लागू गर्न बताइएको छ। यसैगरी, बजेटमा समावेस नभएका विभिन्न विषय सम्बोधनका लागि जेटीयूसीसीले माग गरेको छ। सरकारको नीति, कार्यक्रम तथा बजेटले समेटेका सम्बन्धित विषयमा प्रभावकारी कार्यान्वयन, अनुगमन तथा निरीक्षणका लागि जेटीयूसीसीको प्रतिनिधित्व रहने गरी संयन्त्र निर्माण गर्ने माग गरिएको छ। श्रमिकको पञ्जीकरण गर्न प्रत्येक स्थानीय तहमा श्रम डेस्कको व्यवस्था गर्नुपर्ने, औपचारिक क्षेत्रका सबै श्रमिकलाई अनिवार्य बैंक खातामार्फत पारिश्रमिक भुक्तानीको व्यवस्था हुनुपर्ने, प्रारम्भिक बालविकास केन्द्रमा शिक्षक तथा कर्मचारीलाई सरकारले निर्धारण गरे बमोजिक न्यूनतम पारिश्रमिक र सामाजिक सुरक्षा योजना उपलब्ध गराउनुपर्ने बताइएको छ।
-original-thumb.jpg)
असिना पानीले सल्यानको कपुरकोटमा दुई करोड बराबरको क्षति
सल्यानको कपुरकोटमा परेको असिना पानीले दुई करोड रुपियाँ बराबरको तरकारी तथा फलफूलमा क्षति पुर्याएको छ ।
बुटवल उपमहानगरपालिका कार्यपालिका सदस्यमा गठबन्धन निर्वाचित
बुटवल उपमहानगरपालिकाको कार्यपालिकामा सबै सदस्य गठबन्धन दलबाट निर्वाचित हुनुभएको छ । आज भएको नगर कार्यपालिकाको निर्वाचनमा आठ जना सदस्य गठबन्धनबाट निर्वाचित हुनुभएको निर्वाचन अधिकृत लेखनाथ पोखरेलले जानकारी दिनुभयो ।
प्रहरीको सरुवा बढुवा उत्कृष्टलाई प्राथमिकता : आईजीपी सिंह
प्रहरी प्रधान कार्यालय नक्सालमा बिहीबार सञ्चारकर्मीसँगको भेटघाट कार्यक्रममा प्रहरी महानिरीक्षक धिरजप्रताप सिंहले सरुवा बढुवामा राजनीनिक प्रभाव रोकिने बताउनुभयो ।
वाणगंगा नगरपालिकामा आइतबार बिदा नहुने
कपिलवस्तुको वाणगंगा नगरपालिकाले आइतबार बिदा दिने नेपाल सरकारको निर्णय कार्यान्वयन नगर्ने भएको छ ।
गण्डकी प्रदेश प्रशिक्षण प्रतिष्ठानको परिषद् बैठक
गण्डकी प्रदेश प्रशिक्षण प्रतिष्ठानले प्रदेश र स्थानीय तहमा कार्यरत अधिकृत कर्मचारीका लागि सेवाकालीन तालिम पाठ्यक्रम तयार पारेको छ । उक्त पाठ्यक्रम प्रशिक्षण परिषद्को चौथो बैठकले पारित गरेको हो ।
शासकीय स्वरुप र निर्वाचन प्रणालीमा सुधार आवश्यक छ : राप्रपा अध्यक्ष लिङ्देन
राष्ट्रिय प्रजातन्त्र पार्टी (राप्रपा)ले आगामी प्रदेश र सङ्घीय निर्वाचनमा पूर्ण समानुपातिक संसद र जनताले प्रत्यक्ष निर्वाचित गर्ने कार्यकारी प्रधानमन्त्रीको पक्षमा आफ्ना एजेन्डा तयार गर्ने जनाएको छ ।
जहाज दुर्घटना : शव परिवारलाई बुझाइयो
तारा एयरको ट्वीनअटर जहाज दुर्घटनामा मृत्यु भएकाको शव परिवारलाई बुझाइएको छ। दुर्घटनामा मृत्यु भएका सबै २२ जनाको शव मृतकका परिवार आफन्तलाई हस्तान्तरण गरिएको अस्पताल व्यवस्थापनले जनाएको छ।
मुलुकको अर्थतन्त्र संकटमा छ – एमाले महासचिव पोखरेल
गोरखापत्र अनलाइनकाठमाडौं, जेठ १९ गते । नेकपा (एमाले) का महासचिव शंकर पोखरेलले देशको अर्थतन्त्र संकटमा रहेको बताउनुभएको छ । नेपाल राष्ट्र बैंक कर्मचारी संघ केन्द्रीय समितिको बिहीबार राजधानीमा आयोजित आठौं परिषद् बैठकको उद्घाटन समारोहमा उहाँले बजारमा नेपाली पैसा हराएकोप्रति गम्भीर बन्नुपर्ने धारणा राख्नुभयो ।“हिजोको तुलनामा पूँजीगत खर्च घटाइएको छ । जनतामा निराशा बाड्छौं कि आशा बाड्दैछौं ? नागरिकलाई भविष्यप्रति आशावादी बनाउन सक्नुपर्ने भन्नुहुँदै उहाँले यो शब्दबाट होइन, व्यवहार र नीति निर्माताको तहबाट हुनुपर्छ”, उहाँले बताउनुभयो ।लामो समयसम्म वित्तीय क्षेत्रबाट अपेक्षाकृत प्रतिफल आउन नसकेको उहाँको भनाइ छ । नेपालमा जति डलर विक्री हुन्छ, त्यति पैसा नेपाली बैंक र बजारमा आउनुपर्ने तर यो नआएको उहाँले बताउनुभयो । यसको कारण खोज्नुपर्ने भन्नुहुँदै उहाँले यस्ता विषयमा राष्ट्र बैंक मौन बस्न नहुने धारणा राख्नुभयो ।
राष्ट्रपति भण्डारीद्वारा काजी कालु पाँडेको समाधिस्थलमा माल्यार्पण
राष्ट्रपति विद्यादेवी भण्डारीले काजी कालु पाँडेको स्मृति दिवसका अवसरमा बिहीबार चन्द्रागिरि नगरपालिका–१, दहचोकस्थित पाँडेको समाधिस्थलमा माल्यार्पण गर्नुभएको छ ।
कपिलबस्तुको भिक्षुचोकमा नमूना चौमुखे गेटको निर्माण कार्य शुरु
नारद कोहारतौलिहवा, जेठ १९ गते । कपिलबस्तुको सदरमुकाम तौलिहवास्थित भिक्षेचोकमा नमूना चौमुखे गेटको निर्माण कार्य शुरु गरिएको छ । हुलाकी बाटो विस्तार गर्ने क्रममा ४ महिना अघि तौलिहवास्थित प्रशासनचोक नजिकै रहेको विक्रम सम्वत २०१४ साल निर्मित महेन्द्र गेट भत्काइएपछि यो गेटको निर्माण शुरु गरिएको हो ।नमूना गेट निर्माणका लागि ४ वटा मध्ये ३ वटा पिलर खडा गर्न खाल्डो खनेर निर्माण कार्य थालिएको कपिलबस्तु नगरपालिकाका इन्जिनियर राजेश शैनीले बताउनुभयो । उहाँले भन्नुभयो “चार कुनामा चार वटा पिलर भएको सेमी सर्कुलर मोडेलको गेट निर्माण थालिएको हो ।”करिब ८३ लाख रुपियाँ लागतको नूमना गेटको निर्माणका लागि एमके मंगलदीप जेभी काठमाडौंसँग निर्माणका लागि सम्झौता भएर निर्माण कार्य केही शुरु भएको हो । हुलाकी बाटो निर्माणका क्रममा ऐतिहासिक महेन्द्रगेट भत्काउने कुरा थाहा पाएपछि नगरपालिकाले २ वर्षदेखि नै भिक्षुचोकमा नमूना गेट निर्माणका लागि प्रक्रिया थालिएको थियो । गेटको उचाई साढे ४ मिटर देखि ९ मिटरसम्म हुने नगरपालिकाका इन्जिनियर राजेश शैनीले बताउनुभयो । डिजाईन बुल्ड मेथडमा गेटको भित्र स्पाम साढे २८ मिटरको हुनेछ । गेटमा दिशा र ठाउँ देखाउने एलआइडी प्यानल समेत हुनेछ । गेट २०७९ साउन दोश्रो साता निर्माण सम्पन्न हुने योजना भए पनि सयममा काम नसकिने देखिएको छ ।नमूना गेट निर्माण भएपछि तौलिहवा बजारको समेत चिनारी फेरिने नगर प्रमुख सुदीप पौडेलले बताउनुभयो । उहाँले भन्नुभयो ‘चौमुखे नमूना गेट निर्माणले बुद्धनगरी तौलिहवा बजारको मुहार र चिनारी समेत फेरिनेछ ।’ ठेकेदार कम्पनीलाई समय मै काम सम्पन्न गर्न कडा निर्देशन दिइएको नगर प्रमुख पौडेलले बताउनुभयो । तौलिहवाको भिक्षु चोकमा गेट निर्माण गर्न खाल्टो खन्दै । तस्विर - नारद कोहार । तौलिहवा
गाई फार्ममा आगलागी हुँदा धनजनको क्षति
जनकपुरधाम उपमहानगरपालिका १७ मनहरपुरस्थित गएराती विजय यादवको ओम पशुसेवा केन्द्रमा आगलागी हुँदा करिब साठी लाख रुपियाँ बराबरको धनमाल जलेर नष्ट भएको छ ।
विपद्को भयले त्रसित मनहरू
दिनभरिजसो चहकिलो घाम लागेको त्यस साँझदेखि पर्न थालेको अविरल वर्षासँगै मेलम्चीनदीमा उर्लिएको भेलले हेलम्बु र मेलम्चीवासीका धेरै सपना उडाएको थियो ।
बारामा १० जनाको डुबेर मृत्यु
बारा जिल्लामा चार जना पुरुष, चार बालक र दुई जना बालिका गरी एक वर्षमा १० जनाको पानीमा डुबेर मृत्यु भएको छ । २०७८ साउनदेखि २०७९ जेठ १८ सम्म पानीमा डुबेर उहाँहरुको मृत्यु भएको देखिएको हो ।
बाजुरा जिल्लाका स्थानीय तहमा विकास पहिलाे प्राथमिकतामा, एककाे नतिजा बाँकी
शेरबहाुदर सार्कीबाजुरा, जेठ १९ गते । बाजुरा जिल्लाका नौ वटा स्थानीय तह मध्ये आठ स्थानीय तहमा जनप्रतिनिधिको आगमन भए पनि बूढीगङ्गा नगरपालिका जनप्रतिनिधि विहीन भएको छ । वैशाख ३० गते मतदान केन्द्रमा धाँधली भएको विषयमा मतगणना स्थगित गरिएपछि बूढीगङ्गा नगरपालिका जनप्रतिनिधि विहीन भएको हो । तर आठवटा स्थानीय तहमा जनप्रतिनिधिहरुले जनताको विश्वास नटुटाउने गरी विकासलाई पहिलो प्राथमिकतामा राखेका छन् ।बाजुराको स्वामिकार्तिक गाउँपालिकाको अध्यक्ष भरतबहादुर रोकायाले सो क्षेत्रमा फोर जी सहितको एनटिसीको टावर निर्माण गर्ने निर्णय गर्नुभएको छ ।बाजुराको छिमेकी जिल्ला हुम्ला, मुगु, कालिकोट जिल्लालाई बेस बनाएर एक बुहप्राविधिक शिक्षालय खोल्ने, कृषि उत्पादन बढाउन कृषक पेन्सन, निःशुल्क एम्बुलेन्स सेवा दिने स्वामिकार्तिकको पहिलो बैठकमा निर्णय गर्नुभएको छ ।त्यसैगरी, बडिमालिका नगरपालिकाले प्रमुख अम्मरबहादुर खड्काले स्वास्थ्य, शिक्षा, खानेपानी, ढल निकास, डम्पिङ साइट व्यवस्थापनलाई पहिलो प्राथमिकता दिनुभएको छ ।बूढीनन्दा नगरपालिकाले स्वास्थ्य, शिक्षा, खानेपानी, कृषि व्यरोजगारी जस्ता विषयलाई पहिलो प्राथमिकिता दिएको छ । नगर प्रमुख जनककुमार बोहराले नगरपालिकाको पहिलो बैठकमा गुणस्तरीय शिक्षा, स्वास्थ्य, आधुनिक कृषि प्रणालील, जेष्ठ नगरिकलाई निःशुल्क उपचार तथा सामाजिक सुरक्षा भत्ता घरघरमै गएर दिने जस्ता निर्णय गर्नुभएको छ ।त्रिवेणी नगरपालिका, गौमुल छेडेदह, जगनाथ हिमाली गाउँपालिकाले पनि राजजारी, शिक्षा, खानेपानी, निःशुल्क स्वास्थ्य जस्ता विषयमा प्राथमिकता दिएको छ ।
ऊर्जामन्त्री भुसालको आँखाको शल्यक्रिया सम्पन्न
काठमाडौँ, जेठ १९ गते । ऊर्जा, जलस्रोत तथा सिँचाइमन्त्री पम्फा भुसालको मोतीविन्दु (आँखाको नानीमा जालो पर्ने रोग)को सफल शल्यक्रिया गरिएको छ । यही जेठ १८ गते त्रिपुरेश्वरस्थित ‘नेपाल आँखा अस्पताल’मा उहाँको दाँहिने आँखाको शल्यक्रिया गरिएको हो । उहाँको शल्यक्रिया आँखा रोग विशेषज्ञ डा.किरण शाक्यले गर्नुभएको हो । चिकित्सकको सल्लाहअनुसार मन्त्री भुसाल निवासमै स्वास्थ्यलाभ गरिरहनुभएको छ ।
नौ पालिकामा सकियो कार्यपालिकाको निर्वाचन
रेखीराम रानापाल्पा, जेठ १९ गते । जिल्लाको नौवटा पालिकामा कार्यपालिका बनेको छ । जिल्लाको तानसेन, रामपुर, माथागढी, निस्दी, पूर्वखोला, बगनासकाली, तिनाउ, रिब्दीकोट र रैनदेवी छहरा गाउँपालिकामा कार्यपालिकाको निर्वाचन सम्पन्न भएको छ । जिल्लाको तानसेन नगरपालिकाको कार्यपालिकाका लागि ८ जना सदस्य निर्विरोध निर्वाचित हुनुभएको छ । योसँगै तानसेन नगरपालिकामा २४ जनाको कार्यपालिका बनेको छ । रामपुर नगरपालिकामा आठजना कार्यपालिका निर्वाचित भएपछि २० जनाको कार्यपालिका बनेको छ । तानसेनमा गठनबन्धनमा आबद्ध काङ्ग्रेस, माओवादी केन्द्र र एकीकृत समाजवादीबाट उम्मेदवार बनेकाहरू कार्यपालिका सदस्यमा निर्वाचित भएका हुन् । निर्वाचित हुनेमा नेपाली काँग्रेसबाट लक्ष्मी नेपाल, सविता भट्टराई, पूजा रावल, दिनेश गन्धर्व र अनुराम दाम, नेकपा माओवादी केन्द्रबाट मञ्जु विक र लक्ष्मी विक तथा नेकपा एकीकृत समाजवादीका तर्फबाट सञ्जय घले रहनुभएको छ । २४ सदस्यीय कार्यपालिका रहेको तानसेन नगरपालिकामा नेपाली काँग्रेसबाट १७ जना, नेकपा माओवादी केन्द्रबाट दुई जना, नेकपा एमालेबाट चार जना र नेकपा एकीकृत समाजवादीबाट एक जना रहनुभएको छ । यस्तै, रामपुरमा काङ्ग्रेसको एकल बहुमत कार्यपालिका बनेको छ । निस्दी र पूर्वखोला, माथागढी र बगनासकालीमा एमालेका उम्मेदवार कार्यपालिका सदस्यमा निर्वाचित भएका छन् । यस्तै तिनाउ, रिब्दीकोट र रैनादेवी छहरामा गठबन्धनमा आबद्ध दलबाट उम्मेद्वार बनेकाहरू कार्यपालिका सदस्यमा निर्वाचित भएका छन् । जिल्लाको रम्भामा भने अहिलेसम्म कार्यपालिका सदस्यको निर्वाचन भएको छैन ।
प्रदेश र संघको निर्वाचनमा पनि तालमेल हुन्छः नेपाल
नविन शाही सुर्खेत, जेठ १९ गते । नेपाल कम्युनिष्ट पार्टी (एकीकृत समाजवादी)का अध्यक्ष एवम् पूर्वप्रधानमन्त्री माधवकुमार नेपालले सत्तागठबन्धन दलहरुबीच प्रदेश र संघको निर्वाचनमा पनि तालमेल हुने बताउनुभएको छ । पार्टीबाट निर्वाचित जनप्रतिनिधीलाई बधाई ज्ञापन गर्न सुर्खेत आउनुभएका नेता नेपालले पत्रकार सम्मलेनमा बोल्दै दलहरुबीच चुनावी समीक्षाबाट आत्मालोचना भएकाले आगामी निर्वाचनमा पनि तालमेल हुने बताउनुभएको हो । ‘अहिलेको गठबन्धनबीच सम्बन्ध रहिरहन्छ । यस बाहेकको गठबन्धन हुने विकल्प छैन ।’ अध्यक्ष नेपालले भन्नुभयो, ‘स्थानीय तहको निर्वाचनमा गठबन्धनबीच कहिँकतै असहयोग भए तर सम्बद्ध दलहरुले आत्मालोचना गर्नुभएको छ । त्यसैले पनि प्रदेश र संघको निर्वाचनमा तालमेल कायम रहन्छ ।’अध्यक्ष नेपालले गठबन्धन सरकारले जनभावनाअनुसारको नीति कार्यक्रम र बजेट ल्याएको बताउनुभयो । ‘संसद बन्द गरी बजेट ल्याएको भए चुनावी बजेट भन्न सकिन्थ्यो । यो चुनावी बजेट होइन । चुनावको बेला परेको बजेट हो ।’ अध्यक्ष नेपालले भन्नुभयो, ‘गठबन्धन सरकारले उठाएका कुरामा हामी उत्साहित छौं । सरकारले जनभावनालाई अधिकतम समेटेर नीति कार्यक्रम बजेट ल्याएको छ ।’स्थानीय तह निर्वाचनमा नेकपा एकिकृत समाजवादी पार्टीले गर्व गर्न लायक सफलता प्राप्त गरेको बताउनुभयो । ‘कतिपय स्थानमा योग्य, सक्षम, अनुभवी र लोकप्रिय व्यक्ति उम्मेदवार विजय भएकाले गर्व गर्न लायक सफलता प्राप्त भएको निष्कर्ष निकालेका छौं’ अध्यक्ष नेपालले भन्नुभयो, ‘निर्वाचित जनप्रतिनिधीले आफ्नो योग्यता र प्रभावकारिता देखाउँदै आफ्नो पालिकालाई नमूना पालिका बनाउन पार्टीले उहाँहरुलाई प्रशिक्षित र उत्प्रेरित बनाउने छ ।’स्थानीय तहको निर्वाचनमा चुनाव चिन्ह अस्पष्ट हुँदा मत बदर भएकाले आफ्नो पार्टीले धेरै सीट गुमाउनु परेको अध्यक्ष नेपालले बताउनुभयो ।
हुम्लामा एक बोरा सिमेन्टको मूल्य ६ हजार ! खच्चडमा ढुवानीमा भए ६१ प्रतिशत सस्तो
सडक सञ्जालसँग सदरमुुकाम नजोडिएको हिमाली जिल्ला हुम्लामा सिमेन्टको मुल्य ६१ प्रतिशत भन्दा बढीले सस्तो भएको छ । जिल्लाको दक्षिणी क्षेत्र सडक सञ्जालसँग जोडिनुु र छोटो दुरीबाट खच्चडमा सिमेन्ट ढुवाँनी गर्न थालिएपछि मुल्य सस्तिएको हो ।
जुत्ताचप्पल क्षेत्रमा आत्मनिर्भर बन्ने सरकारको नीति सकारात्मक
फुटवेयर म्यानुफ्याक्चर्स एशोसिएशन अफ नेपालले जुत्ताचप्पलको क्षेत्रमा आत्मनिर्भर बन्ने सरकारको नीति सकारात्मक भएको जनाएको छ । एशोसिएशनका अध्यक्ष नानीराज घिमिरेले विज्ञप्ति जारी गर्दै आर्थिक वर्ष २०७९/८० को बजेट वक्तव्यमा आयातलाई निरुत्साहित गर्दै स्वदेशी वस्तुको बृहत् उत्पादन, बजारीकरण र प्रयोग गर्ने सरकारको नीति सकारात्मक भएको बताउनुभएको हो । “निकासी प्रवद्र्धनका लागि निजी क्षेत्रको सहकार्यमा ‘मेड इन नेपाल, मेक इन नेपाल’ अभियान सञ्चालन गर्ने र जुत्ताचप्पलको क्षेत्रमा आत्मनिर्भर बन्न सक्ने क्षेत्रलाई बजेटमा महत्वका साथ उल्लेख गरिनुले यस क्षेत्रका उद्योगी व्यवसायीमा उत्साह थपिएको छ”, विज्ञप्तिमा भनिएको छ ।
योजना अलपत्र बनाउने आठ कम्पनी कालोसूचीमा
ठेक्का सम्झौता गरी समयमै काम पुरा नगरी अलपत्र बनाउने आठ वटा कम्पनीलाई कालोसूचीमा राख्ने तयारी गरिएको छ । प्रधानमन्त्री तथा मन्त्रीपरिषद्को कार्यालयले सूचना जारी गर्दै यी कम्पनीहरुलाई सात दिने स्पष्टीकरणको समय दिएर कालोसूचिमा राख्ने तयारी थालेको हो ।
