इलामका वडा कार्यालयमा तालाबन्दी
‘कोशी’ प्रदेश नामकरणको विरोधमा सङ्घर्ष समितिले इलामका स्थानीय पालिकाका केही वडा कार्यालयमा तालाबन्दी गरेको छ।
दुर्घटनामा साइकल यात्रीको मृत्यु
विराटनगरमा ट्याक्टरको ठक्करबाट एक जना साइकल यात्रीको मृत्यु भएको छ ।
ओखलढुङ्गा क्याम्पसमा ताला
स्वतन्त्र विद्यार्थी युनियन (स्ववियु) निर्वाचन मिति नजिकिँदै गर्दा ओखलढुङ्गा क्याम्पसमा विवाद उत्पन्न भएको छ। सङ्गठन विशेषको आधारमा क्याम्पसले भर्ना शुल्कमा विभेद गरेको आरोप लगाउँदै नेपाल विद्यार्थी सङ्घ एकाइ कार्यसमिति ओखलढुङ्गा क्याम्पस आन्दोलित भएको छ। क्याम्पसले विद्यार्थी भर्ना गर्दा विभेदपूर्ण ढङ्गले शुल्क असुलेको दाबी गर्दै सत्यतथ्य विवरण सार्वजनिक गर्न नेविसङ्घले माग गरेको छ। यस क्रममा सङ्घले आइतबार क्याम्पस प्रशासनमा तालाबन्दी गरेको छ।
विराटनगर महानगरमा सकारात्मक परिवर्तन
लामो समयदेखि एउटै शाखामा बस्दै आएका कर्मचारीलाई सरुवा गरी आन्तरिक प्रशासन सञ्चालन शैलीमा परिवर्तन गरेपछि विराटनगर महानगरपालिकामा केही सुधारका सङ्केत देखा परेको छ। महानगरले कर्मचारी सरुवामार्फत सबै महाशाखा र शाखाको नेतृत्वदेखि अन्य कर्मचारी परिवर्तन गरेपछि सबैजसो शाखामा नयाँपन आएको छ। त्यसको सबैभन्दा सकारात्मक प्रभाव महानगरको राजस्व महाशाखामा देखिएको छ।
शिक्षक सङ्घ पाँचथरको अध्यक्षमा होम खनाल
नेपाल शिक्षक सङ्घ पाँचथरको अध्यक्षमा होमप्रसाद खनाल निर्विरोध निर्वाचित हुनुभएको छ। निलगिरि मावि सुभाङका प्रधानाध्यापक खनाल आइतबार फिदिममा सम्पन्न नवौँ जिल्ला अधिवेशनबाट निर्विरोध निर्वाचित हुनुभएको हो।
रुइतद्वारा जन्मस्थानका नागरिकको आँखा उपचार
वरिष्ठ नेत्र रोग विशेषज्ञ डा. सन्दुक रुइतले आफू जन्मेको ठाउँ ताप्लेजुङको फक्ताङ्लुङ गाउँपालिकामा पुगेर आँखाका बिरामीको उपचार गर्नुभएको छ । जिल्लाकै दुर्गम तथा बिकट स्थानीय तहको रूपमा रहेको फक्ताङ्लुङ गाउँपालिकामा डा. रुइतले शल्यक्रियासहित आँखाका बिरामीको उपचार गर्नुभएको हो ।
शहीदको सपना साकार पार्न सबै लागौँ : सभामुख घिमिरे
प्रतिनिधि सभाका सभामुख देवराज घिमिरेले शहीदको सपनालाई साकार पार्न सबै लाग्नु पर्ने बताउनुभएको छ । उहाँले शहीदले गरेको बलिदानी र देखेको सपनाअनुसार जनताको जीवनमा अनुभूत गर्नेगरी काम गर्नुपर्ने भन्दै यस्तो बताउनुभएको हो ।
पुलको नट भाँचिदा सवारी आवागमन प्रभावित
भोजपुर र धनकुटा जोड्ने अरुण नदीको पुलमा लगाइएको नट बोल्ट भाँचिदा सवारी साधन आवतजावत प्रभावित भएको छ ।
दुर्घटनामा एकको मृत्यु, एक घाइते
झापामा सवारी दुर्घटनामा परेर एक युवकको मृत्यु भएको छ भने अर्का एक घाइते भएका छन् ।
ओखलढुङ्गा सवारी दुर्घटनाप्रति प्रधानमन्त्रीद्वारा दुःख व्यक्त
प्रधानमन्त्री पुष्पकमल दाहाल ‘प्रचण्ड’ ले ओखलढुङ्गामा आज भएको सवारी दुर्घटनामा परी घाइते भएकाको तत्काल उद्धार गर्न निर्देशन दिनुभएको छ ।
शङ्कास्पद अवस्थामा बालिकाको शव फेला
ताप्लेजुङको फक्ताङ्लुङ गाउँपालिकामा शङ्कास्पद अवस्थामा बालिकाको शव फेला परेको छ । प्रहरीका अनुसार घरबाट हराएको तीन सातापछि बालिकाको शव फेला परेको हो ।
-original-thumb.jpg)
बोलेरो दुर्घटनाका मृतकको पहिचान खुल्यो
आइतबार बिहान चिशंखुगढी गाउँपालिकादेखि ओखलढुङ्गा सदरमुकाम आउँदै गरेको ना १ ज ८४७३ नम्बरको बोलेरो जिप दुर्घटना हुँदा दुई जनाको घटनास्थलमै ज्यान ज्यान गएको छ ।
‘सुखानी काण्ड’को ५० वर्ष– झापा विद्रोहको सम्झना
फागुन २१ अर्थात् नेपाली कम्युनिस्ट आन्दोलनको ऐतिहासिक दिन भनेर कम्युनिष्टहरुले भन्दै आएको ‘झापा विद्रोह’ भएको ५० वर्ष पुगेको छ । २०२९ फागुन २१ मा पञ्चायती शासकविरुद्ध भएको झापा विद्रोहमा पाँच जना सहिद बन्नु भएको थियो ।
बोलेरो दुर्घटनामा दुईको मृत्यु, आठ घाइते
चिशंखुगढी गाउँपालिका देखी ओखलढुङ्गा सदरमुकाम जाँदै गरेको बोलेरो जिप दुर्घटना हुँदा दुई जनाको ज्यान गएको छ ।
सहकारीमा सङ्कट नल्याउन आग्रह
जिल्ला सहकारी सङ्घ झापाले अनावश्यक हल्ला र उक्साहटको पछाडि नलाग्न सहकारी संस्थाका सदस्यलाई आग्रह गरेको छ । श्रम र पसिनाबाट आर्जित रकम बचतका रूपमा जम्मा गरी सहकारीमार्फत लगानी गरिएको कर्जा नतिर्न अराजक र स्वार्थ समूहले योजनाबद्ध रूपमा हल्ला फिजाएर सहकारीमा सङ्कट निम्त्याउन खोजिएको आरोप लगाएको छ ।
सखर बनाउने चटारो
पाँचथरको हिलिहाङ गाउँपालिका–७ का भीमप्रसाद पोखरेल उज्यालो हुनासाथ उखु काटेर पेल्न थाल्नुहुन्छ । पुस १५ गतेदेखि सखर बनाउन थाल्नुभएका उहाँको फागुन महिनाभरि यसरी नै चल्छ । पाँचथरकै फिदिम नगरपालिका–४ का बुद्धि खपाङ्गीले हेवा खोलानजिकै बेँसीको खेत भाडामा लिएर उखु रोप्नुभएको छ । फिदिम–४ र हिलिहाङ–७ मा ग्यावराको बीचमा बगेको हेवा खोला आसपास तीन सय रोपनीभन्दा धेरै क्षेत्रमा गेँवरा (गेमरा) जातका उखु खेती भएको छ ।
मापदण्डविपरीतका संरचना हटाउने अभियान तीव्र
विराटनगर महानगरपालिकाले सडक मापदण्डविपरीत बनेका संरचना हटाउने अभियानलाई तीव्रता दिएको छ। विराटनगरलाई सफा, सुन्दर र व्यवस्थित बनाउने अभियान अन्तर्गत महानगरपालिकाले सडक मापदण्डमा परेका संरचना हटाउन थालेको हो। पटक–पटक आग्रह गर्दा पनि अटेर गरेपछि महानगरपालिकाले डोजर लगाउनु परेको प्रमुख प्रशासकीय अधिकृत विष्णुप्रसाद कोइरालाले जानकारी दिनुभयो।
लागू औषध ब्युरोको कारबाही विवादमा, माथिल्लो तहबाटै अनुसन्धान हुने
नेपाल प्रहरीको लागू औषध व्युरो अन्तर्गत झापामा परिचालित टोलीले गरेको एउटा सर्च र कारबाही प्रक्रियाको घटना विवादित बनेको छ ।
क्यामरुनलाई बुढासुब्बा कप फुटबलको उपाधि
२३ औं बुढासुब्बा फुटबल कपको उपाधि एभिनियर फुटबल क्लब क्यामरुनले जितेको छ। धरान रङ्गशालामा शनिबार भएको फाइनल खेलमा काँकडभिट्टा फुटबल ट्रेनिङ सेन्टरलाई १–० गोलले हराउँदै एभिनियर फुटबल क्लब क्यामरुन च्याम्पियन बनेको हो।
नयाँ भवनबाट बिर्तामोड नगर अस्पतालको सेवा सुरु
सभामुख देवराज घिमिरेले हरेक नेपालीले सर्वसुलभ रुपमा स्वास्थ्यमा पहुँच पाउनुपर्ने बताउनुभएको छ।
बालिकाको शव शंकास्पद भएपछि पोष्टमार्टम गर्न धरान पठाइयो
ताप्लेजुङको फक्ताङ्लुङ गाउँपालिकामा बिहीबार फेला परेको बालिकाको शव शंकास्पद भएपछि पोष्टमार्टम गर्न धरान पठाइएको छ।
परिवार नियोजनको अस्थायी साधन प्रयोग गर्ने महिला बढ्दै
सन्तानको रहर पुगेका र सन्तानबीच जन्मान्तर समय बढाउन महिलाले अस्थायी साधनको प्रयोग गर्न थालेका हुन् । स्वास्थ्यकर्मीका अनुसार अहिले सिधै स्वास्थ्य संस्थामा सम्पर्क गर्ने र गाउँ टोलमा सञ्चालन हुने शिविरमार्फत महिलाहरूले परिवार नियोजनको साधन लिने गरेका छन् ।
वर्षा नहुँदा समयमा मकैखेती गर्न कठिनाइ
यसपटक अहिले मकैखेती गर्ने बेलामा एकपटक पनि वर्षा हुन सकेको छैन । वर्षा नहुँदा समयमा मकैखेती गर्न कठिनाइ हुन थालेपछि उदयपुर जिल्लाका पहाडी क्षेत्रका मकै उत्पादक कृषक चिन्तित बनेका छन् ।
सवा करोड लगानीमा मह प्रशोधन उद्योग सञ्चालन
झापाको शिवसताक्षी नगरपालिकाका मौरीपालक महिलाको पहलमा झापामा पहिलो पटक मह प्रशोधन उद्योग स्थापना भएको छ । सतासी महिला मौरीपालन सहकारी संस्था, सहारा नेपाल र होक्से कृषि सहकारी संस्थाको एक करोड २५ लाख रुपियाँ लगानीमा सहारा सतासी महिला मौरी मह उद्योग सञ्चालनमा आएको हो ।
चार वर्षमा बाइस प्रतिशत काम
धनकुटा र पाँचथर जोड्ने भेडेटार–रवी–राँके राजमार्गको २२ प्रतिशत मात्र काम सम्पन्न भएको छ। काम सुरु भएको ४८ महिनामा २२ प्रतिशत मात्र काम सम्पन्न भएको हो। पहाडी जिल्ला धनकुटा, पाँचथर, इलाम र सुनसरी, मोरङलाई जोड्न निर्माणाधीन उक्त एक सय किलोमिटर लामो राजमार्ग गत वर्षको माघसम्ममा हस्तान्तरण गर्नुपर्ने थियो तर आयोजनाको चार पटक म्याद थप्दा २२ प्रतिशत मात्र काम सम्पन्न भएको हो।
