दोलखाको गौरीशङ्कर बहुमुखी क्याम्पसलाई ‘क्युएए’ प्रमाणपत्र
दोलखा सदरमुकाम चरिकोटमा रहेको गौरीशङ्कर बहुमुखी क्याम्पसले गुणस्तर सुनिश्चितता तथा प्रत्यायन ‘क्युएए’ प्राप्त गरेको छ । विश्वविद्यालय अनुदान आयोगले गुणस्तर सुनिश्चितता तथा प्रत्यायन ‘क्युएए’ प्रक्रिया पूरा गरेर शैक्षिक गुणस्तर सुनिश्चितता तथा प्रत्यायन परिषद्को सिफारिसको आधारमा क्याम्पसले ‘क्युएए’ प्राप्त गरेको हो ।
चमार समुदायकाे पहिलो डाक्टर स्मृति हरिजन
एउटा दलित परिवारको सङ्घर्ष । जसले सपना देख्न कहिल्यै छाडेनन् । इँटा भट्टाको तातो धुवाँ र धुलोबिच पसिना बगाउँदै, जातीय अपमान र चरम गरिबीका बाबजुद पनि पढाइलाई कहिल्यै छाडेनन् । कपिलवस्तुको बहादुरगञ्ज निवासी सन्तराम हरिजन जीवनको हरेक मोडमा सङ्घर्षसँग लड्दै, आफ्ना सन्तानहरूको उज्ज्वल भविष्यको सपना देखिरहे । कृष्णनगर नगरपालिका–८, बहादुर गन्जकी स्मृति हरिजन मधेसी दलित समुदाय (विशेष गरी चमार, डोम, मुसहर, बादी) बाट उहाँ हालसम्मकै पहिलो महिला चिकित्सक बन्न सफल भएकी छिन् ।
गुल्मीमा शिक्षक पाउनै मुस्किल
गुल्मीमा गणित, अङ्ग्रेजी र विज्ञानका शिक्षक पाउनै मुस्किल भएको छ । धुर्कोट गाउँपालिकाले ज्ञानोदय माध्यमिक विद्यालयमा गणित शिक्षक सङ्घीय अनुदानका लागि चौथो पटक विज्ञापन गर्दा पनि शिक्षक पाउनै मुस्किल भएको गाउँपालिकाले जनाएको छ ।
कृषि विश्वविद्यालयमा ‘बायोसेफ्टी लेभल टु प्लस’ प्रयोगशाला
चितवनको कृषि तथा वन विज्ञान विश्वविद्यालयको पशु विज्ञान, पशु चिकित्सा तथा मत्स्य विज्ञान सङ्काय परिसर, रामपुर, चितवनमा ‘बायोसेफ्टी लेभल टु प्लस’ प्रयोगशाला निर्माण गरिएको गरिएको छ । प्रयोगशालाको बागमती प्रदेश सरकार, कृषि तथा पशुपन्छी विकास मन्त्रालयका मन्त्री प्रकाश श्रेष्ठले उद्घाटन गर्नुभएको छ ।
सामुदायिक विद्यालयले कुनै पनि शुल्क उठाउन नपाउने
तनहुँको भानु नगरपालिकाका सामुदायिक विद्यालयहरूलाई कुनै पनि शुल्क उठाउन प्रतिबन्ध लगाइएको छ । कक्षा नर्सरीदेखि माध्यमिक तहसम्म कुनै पनि शीर्षकमा शुल्क लिन नपाउने व्यवस्था गरिएको नगरपालिकाले जनाएको छ ।
बेनीघाट रोराङमा शिक्षक साटासाट कार्यक्रम प्रभावकारी बन्दै
धादिङको बेनीघाट रोराङ गाउँपालिकामा शिक्षक साटासाट कार्यक्रम प्रभावकारी बन्दै गएको छ ।
हुम्लामा चौध सय निरक्षर
राजन रावत हुम्ला, जेठ १८ गते । साक्षर घोषित भएको हुम्लाका सात वटै गाउँपालिकामा गरी एक हजार चार सय जनसङ्ख्या अझै निरक्षर रहेको पाइएको छ । राष्ट्रिय साक्षरता सम्बन्धी मापदण्ड २०७६ अनुसार ९५ प्रतिशत जनसङ्ख्या साक्षर भएपछि जिल्लालाई साक्षर घोषित गर्न सकिने भएपछि केही जनसङ्ख्या निरक्षर भए पनि घोषणा गरिएको हो ।पन्ध्र वर्ष माथि र ५९ वर्ष मुनिका जिल्लावासी एक हजार चार सय जना निरक्षर रहेको शिक्षा विकास तथा समन्वय एकाइ हुम्लाले आफ्नो प्रतिवेदनमा देखाएको छ । जिल्लामा ९६ दशमलव ०४ प्रतिशत जिल्लावासी साक्षर रहनु भएको छ । यो जनसङ्ख्या तीन दशमलव ९६ प्रतिशत निरक्षर छ । उक्त उमेर समूहका ३५ हजार ३५४ जनसङ्ख्या मध्य ३३ हजार ९५४ जनसङ्ख्या साक्षर भएको एकाइ प्रमुख योगेश आले मगरले बताउनुभयो । गाउँपालिका अनुसार निरक्षर जनसङ्ख्या यस्तो रहेको छ । नाम्खा गाउँपालिकामा १११ जना, सिमकोटमा ३७१ जना, खार्पुनाथमा २९४, सर्केगार्डमा ३१४, चङ्खेलीमा १९२ जना, अदानचुलीमा १९२ र सबै भन्दा कम ताँजाकोट गाउँपालिकामा ६६ जना निरक्षर रहेको प्रतिवेदनले देखाएको छ । यी गाउँपालिकामा निर्धारित उमेर समूहको जम्मा जनसङ्ख्या र साक्षर जनसङ्ख्या भने यस्तो रहेको छ । नाम्खामा जम्मा दुई हजार ८८९ रहेकोमा त्यसमा दुई हजार ७७८ जनसङ्ख्या साक्षर रहेको छ । त्यस्तै सिमकोटमा जम्मा आठ हजार ४४३ रहेकोमा आठ हजार ७२ जनसङ्ख्या साक्षर रहेको छ । यता खार्पुनाथमा चार हजार ३२१ मा चार हजार १३४ साक्षर जनसङ्ख्या रहेको छ । त्यस्तै सर्केगार्डमा सात हजार ४३८ मा साक्षर जनसङ्ख्या सात हजार १२४ रहेको छ । चङ्खेलीमा चार हजार ५६ मा तीन हजार ८६४ जनसङ्ख्या साक्षर छ । अदानचुलीमा चार हजार ३९९ जनसङ्ख्यामा चार हजार २०७ जनसङ्ख्या साक्षर रहेको छ भने ताँजाकोट गाउँपालिकामा ती हजार ८४१ जनसङ्ख्यामा तीन हजार ७७५ जनसङ्ख्या साक्षर रहेको छ । यसअघि सबै भन्दा पहिले खार्पुनाथ गाउँपालिकालाई २०७९ सालको असार ३१ गते ९५ दशमलव पाँच प्रतिशत जनसङ्ख्या साक्षर भएपछि पहिलो गाउँपालिका घोषित गरिएको थियो । त्यसपछि २०८० वैशाख २५ गते ९५ दशमलव छ प्रतिशत जनसङ्ख्या साक्षर भएपछि दोस्रो गाउँपालिकाका रूपमा सिमकोट गाउँपालिकालाई घोषणा गरिएको थियो । त्यसैगरी २०८० असार २५ गते ९५ दशमलव ७४ प्रतिशत जनसङ्ख्या साक्षर भएपछि सर्केगार्ड, सोही वर्षको असा २७ गते ९८ दशमलव २८ प्रतिशत जनसङ्ख्या साक्षर भएपछि ताँजाकोट गाउँपालिका, असार २८ गते ९५ दशमलव ६४ प्रतिशत जनसङ्ख्या साक्षर भएपछि अदानचुली , २९ गते ९५ दहमलव २४ प्रतिशत साक्षर जनसङ्ख्या भएपछि चङ्खेली गाउँपालिका २०८१ फागुन २७ गते ९६ दशमलव १६ प्रतिशत जनसङ्ख्या साक्षर भएपछि नाम्खा गाउँपालिकालाई घोषणा गरिएको थियो ।
एसइईमा जन्ममिति छेकबारले विद्यार्थी तनावमा
माध्यमिक शिक्षा परीक्षा (एसइई) मा सहभागी हुन तोकिएको उमेरको सीमासम्बन्धमा चार वर्षअघि हटाइएको प्रावधान फेरि लागु गरिएपछि विद्यार्थी तनावमा परेका छन् ।
डिजिटल पत्रकारिता शिक्षाबारे संवाद
त्रिभुवन विश्वविद्यालय अन्तर्गतको आमसञ्चार तथा पत्रकारिता विभागले एक दिवसीय सञ्चार शिक्षा गोष्ठी सम्पन्न गरेको छ । गोष्ठीमा डिजिटल पत्रकारिता प्लेटफर्म र यसको महत्वबारे संवाद गरिएको हो ।
शिक्षामा दुई खर्ब ११ अर्ब नौ करोड
सरकारले आगामी आर्थिक वर्षमा शिक्षा क्षेत्रका लागि दुई खर्ब ११ अर्ब नौ करोड विनियोजन गरेको छ ।
संस्कृत क्याम्पस रुग्ण अवस्थामा
संस्कृत र वैदिक शिक्षालाई वढावा दिने उद्देश्यले महोत्तरीको मटिहानीमा स्थापित याज्ञवल्क्य लक्ष्मीनारायण विद्यापीठ (यालना विद्यापीठ) रुग्ण अवस्थामा पुगेकोमा सरोकारवाला निकायहरुले दुःख व्यक्त गरेका छन् ।
एचपिएफमार्फत ६५ वटा विद्यालय भवन निर्माण
ताप्लेजुङमा ह्युमन प्राक्टिस फाउण्डेसन (एचपिएफ) ले ६५ वटा विद्यालय भवन निर्माण गरी दिएको छ । शिक्षा क्षेत्रमा काम गरिरहेको एचपिएफले जिल्लाका विभिन्न विद्यालयका पक्की भवन निर्माण गरी दिएको हो ।
गुणस्तरीय शिक्षाको व्यवस्था गरेर विदेशी विद्यार्थीलाई नेपालमा आकर्षित गरिनुपर्छ : सभापति देउवा
नेपाली कांग्रेसका सभापति शेरबहादुर देउवाले गुणस्तरीय शिक्षा दिने व्यवस्था गरेर विदेशी विद्यार्थीका लागि पनि नेपाललाई शिक्षाको हब बनाउनुपर्नेमा जोड दिनुभएको छ ।
लुम्बिनी प्राविधिक विश्वविद्यालयमा स्नातकोत्तरको पढाइ सुरु हुँदै
लुम्बिनी प्रदेश सरकारको गौरवको योजनाअन्तर्गत २०७९ असार १८ गते नेपालगन्जमा स्थापना भएर सञ्चालनमा आएको लुम्बिनी प्राविधिक विश्वविद्यालयले पहिलोपटक स्नातकोत्तर तहमा विद्यार्थीहरुलाई अध्यापन सुरु गर्न लागेको छ ।
सरकार शिक्षकसँग थप वार्तामा
शिक्षा, विज्ञान तथा प्रविधिमन्त्री रघुजी पन्तले शिक्षकहरूसँग गत वैशाखमा भएको सहमति कार्यान्वयन गर्ने विषयमा सरकारले शिक्षकसँग थप वार्ता भइरहेको बताउनुभएको छ ।
निजी विद्यालयलाई गैरनाफामुलक बनाउनुपर्छः सांसद श्रेष्ठ
राष्ट्रिय स्वतन्त्र पार्टी (रास्वपा) सांसद एवम् पूर्वशिक्षामन्त्री सुमना श्रेष्ठले निजी विद्यालयलाई राष्ट्रियकरण नभई गैरनाफामुलक बनाउनुपर्ने बताउनुभएको छ ।
माविमा एकै शिक्षकले दुई विषय पढाउनुपर्ने व्यवस्था गरिँदै
माध्यमिक तहमा शिक्षक अभावको समस्या समाधान गर्न सरकारले एउटै शिक्षकबाट दुई वटा विषय पढाउन सक्ने गरी नीतिगत व्यवस्था गर्न लागेको छ ।
१३ औं युसिमास प्रतियोगिता सम्पन्न
विश्वव्यापी रुपमा मान्यता प्राप्त शैक्षिक कार्यक्रम युसिमास (युनिभर्सल कन्सेप्ट अफ मेन्टल अर्थमेटिक्स सिस्टम) नेपालका १३ औं राष्ट्रिय अबाकस तथा मानसिक गणित प्रतियोगिता शनिबार राजधानीमा सम्पन्न गरेको छ।
सबैलामा एकैपटक ३२ शिक्षक नियुक्त
धनुषाको सबैला नगरपालिकाले शिक्षा क्षेत्रलाई प्राथमिकता दिँदै नगरभित्रका सामुदायिक विद्यालयका लागि एकै पटक ३२ जना शिक्षक नियुक्ति गरेको छ ।
सुन्दरबजारका विद्यार्थीलाई पोशाक र झोला
शिक्षा र सामाजिक सेवामा क्रियाशिल राजशान्ती फाउन्डेसनले सुन्दरबजार नगरपालिकाभित्रका विभिन्न विद्यालयमा पोशाक, शैक्षिक सामग्री, पुरस्कार र अक्षयकोष स्थापनामा सहयोग गरेको छ ।
‘विश्वविद्यालयलाई चाँडै अगाडि बढाउनुपर्छ’
सुदूरपश्चिम प्रदेशका सामाजिक विकासमन्त्री मेघराज खड्काले सहिद दशरथ चन्द स्वास्थ्य विज्ञान विश्वविद्यालयलाई चाँडै अगाडि बढाउनुपर्ने बताउनुभएको छ ।
अब्बल बन्दै प्रकाश माध्यमिक विद्यालय
बेनी आसपासका सामुदायिक विद्यालयहरु सङ्कटमा परेका बेला प्रकाश माध्यमिक विद्यालयले भने समाजमा आशा जगाउन थालेको छ । विद्यालय व्यवस्थापन समिति, शिक्षक, कर्मचारी, विद्यालय प्रशासन र अभिभावकको इच्छाशक्ति भए सामुदायिक विद्यालयले पनि गुणस्तरीय शिक्षा दिन सक्दो रहेछ भन्ने गतिलो उदाहरण प्रकाश माविले प्रस्तुत गरेको छ ।
दलित छात्रालाई साइकल उपहार
घरदेखि टाढाको विद्यालय जार्नुपर्ने बाध्यताले पढाइनै छोड्नु पर्ने अवस्था रहेको रौतहटको अति विपन्न दलित वर्गका छात्रा साइकल उपहार पाएपछि खुसी भएका छन् ।
निजीमा भन्दा सामुदायिक विद्यालयमा विद्यार्थीको भिड
पढाईमा अब्बलतासँगै चर्चित छ, गणेश माध्यामिक विद्यालय । अन्यत्रका धेरै सामुदायिक विद्यालय खाली हुँदै गर्दा यहाँ भने विद्यार्थीको भिड देखिन्छ ।
विद्यालयलाई आर्थिक सहयोग
मालिका गाउँपालिका–१ छिसको एक परिवारका सदस्य स्थानीय सिद्ध आधारभूत विद्यालयलाई सामुहिक रुपमा आर्थिक सहयोग गरेका छन् ।
