काठमाडौं–५ मा मतगणना सुरु (फोटो फिचर)
काठमाडौं क्षेत्र नम्बर ५ को मतगणना सुरु भएको छ । टोखा नगरपालिकाको कार्यालयमा सोमबार दिउँसोबाट मतगणना थालिएको हो ।
विजयी सुरुआतसँगै चर्चामा योगेश
यस पटकको प्रतिनिधिसभाको निर्वाचनमा विजयी सुरुआत गरेको नेपाली कांगेसको उम्मेदवार हुनुहुन्छ, योगेश गौचन थकाली । उहाँले नेकपा (एमाले)का उम्मेदवार प्रेमप्रसाद तुलाचनलाई पराजित गर्दै सङ्घीय संसद्को यात्रा तय गर्नुभएको हो ।
सप्तरी २ मा डा. सिकेको अग्रता
सप्तरी प्रतिनिधि सभा सदस्य निर्वाचन क्षेत्र नं २ को मतगणना जारी छ। सोमबार बिहानदेखि मतगणना सुरु भएको हो । अहिलेसम्म जनमत पार्टीका उमेदवार डा. सिके राउतले ६२९ मत प्राप्त गरी अग्रता लिएको छ।
धनुषा क्षेत्र नम्बर ३ मा एमालेको अग्रता
धनुषा जिल्लाको निर्वाचन क्षेत्र नम्बर ३ को प्रतिनिधिसभा प्रत्यक्ष तर्फको जम्मा १३७१ मतगणना हुँदा एमाले (सूर्य छाप)को अग्रता देखिएको छ ।
प्युठानमा मतपेटिकाको सिल तोडिएपछि गणनामा हुन सकेन
प्युठान नौबहिनी बराह माध्यमिक विद्यालय मतदान केन्द्र झिम्पको मतपेटिकाको सिल ताडिएको भेटिएपछि मतगणना रोकिएको छ । उम्मेदवारहरूले विरोध जनाएपछि सर्वदलीय बैठक बस्न नसकेपछि गणना सुरु हुन नकसेको हो ।
विश्वकप विजेताले कति पाउनेछ ?
फिफाले कतार विश्वकपका लागि पुरस्कार, प्रोत्साहन र अन्य विषयमा खर्च गर्ने रकम सार्वजनिक गरिसकेको छ। यस पटक कुल राशिमा २९ प्रतिशतले वृद्धि गरी फिफाले एक अर्ब अमेरिकी डलर पु-याएको छ। विश्वकपमा सहभागी ३२ टिमले प्राप्त गर्ने स्थानका आधारमा ४४ करोड डलर वितरण गरिने छ भने बाँकी रहेको ६६ करोड डलर फुटबल कम विकसित भएका राष्ट्रिय सङ्घहरू, क्लबहरूको हित तथा क्लबको बीमा र खेलाडी सुरक्षा योजनामा फिफाले खर्च गर्ने छ । यस हिसाबले वास्तविक पुरस्कार रकम ४४ करोड डलर मात्र हो, जुन सन् २०१८ को दाँजोमा चार करोड डलर बढी छ।
म्याग्दीमा मतपेटिका आइपुग्न अझै नौ घण्टा लाग्ने, मतगणना बेलुकीबाट
आइतबार सम्पन्न प्रतिनिधि तथा प्रदेश सभा निर्वाचनको मतगणना म्याग्दीमा सोमबार साँझबाट मात्र सुरु हुने भएको छ । जिल्लाको दुर्गम धवलागिरि गाउँपालिका १ गुर्जा र ४ नम्बर वडा मुदीको बगरा मतदान केन्द्रका मतपेटिका आएपछि मात्र मतगणना सुरु गरिने सहायक निर्वाचन अधिकृत तेजप्रसाद पौडेलले जानकारी दिनुभयो । गुर्जा र बगराको मतपेटिका बेनी ल्याउन ९ घण्टा लाग्छ ।
कास्कीमा घण्टीको अग्रता
आइतबार सम्पन्न प्रतिनिधि र प्रदेश सभा सदस्य निर्वाचनको मतगणना सुरु भएको छ । प्रारम्भिक मत परिणाम अनुसार कास्की प्रतिनिधि सभा २ मा नेकपा (एमाले) सूर्य चिन्हका उम्मेदवार विद्या भट्टराई १२२ र राष्ट्रिय स्वतन्त्र पार्टी घण्टी चिन्हका उम्मेदवार माधव कँडेलको १६२ मत प्राप्त गर्नुभएको छ । त्यसै गरी प्रतिनिधि सभा सदस्यका लागि गठबन्धनका तर्फका उम्मेदवार श्रीनाथ बरालले ११० मत प्राप्त गर्नुभएको छ ।
मतपेटिका आउन ढिलाइले काभ्रेपलान्चोकको मतगणना दिउँसोबाट सुरु हुने
प्रतिनिधि तथा प्रदेश सभा सदस्य निर्वाचन सम्पन्न भएसँगै काभ्रेपलान्चोकको मतगणनाको काम दिउँसोबाट सुरु हुने भएको छ । जिल्लाको प्रतिनिधि सभा १ को मतपेटिका निर्वाचन अधिकृतको कार्यालयमा आउन बाँकी रहेकोले मतगणना कार्य ढिला हुने भएको छ ।
काठमाडौँको क्षेत्र नं. ७ मा मतगणना सुरु: अन्य क्षेत्रमा सुरु हुँदै
काठमाडौँ जिल्लाको क्षेत्र नं. ७ को मतगणना कार्य अहिले बिहान ५ बजेबाट सुरु भएको छ । काठमाडौँका मुख्य निर्वाचन अधिकृत राजकुमार खतिवडाले काठमाडौँ क्षेत्र नं. ७ को मतगणना कार्य सुरु भएको र अन्य निर्वाचन क्षेत्रको पनि मतगणना गर्ने कार्यको सुरु गर्ने तयारी भइरहेको जानकारी दिनुभयो ।
अनपेक्षित कम मतदान
प्रदेश र प्रतिनिधि सभा निर्वाचनको पूर्वसन्ध्यामा निर्वाचन आयोगले ७० प्रतिशतसम्म मत खस्ने प्रक्षेपण गरेको थियो । तर, मतदाताले भने निर्वाचन आयोगको प्रक्षेपणलाई साथ दिएनन् । निर्वाचन आयोगको प्रारम्भिक अनुमानमा ६१ प्रतिशत मत खसेको छ जुन आयोगको प्रक्षेपणभन्दा ९ प्रतिशतले कमी हो । वैशाखको स्थानीय तह निर्वाचनभन्दा पनि अहिले कम मत खसेको हो । हालैको स्थानीय तहको अन्तिम नतिजाको तुलनामा पनि सङ्घ र प्रदेशका विधायक छान्ने निर्वाचनमा मतदाताको उत्साह घटेको हो ।
छिट्टै आउँदै रासायनिक मल
मङ्सिर दोस्रो सातादेखि भारतसँग भएको सम्झौताअनुसार ३० हजार मेट्रिक टन रासायनिक मल आउने भएको छ। सरकारदेखि सरकार (जीटुजी) सम्झौताअनुसार ल्याउन लागिएको उक्त मल खरिद गर्न तीन अर्ब २६ करोड रुपियाँ पठाइसकेकाले दोस्रो साता आइपुग्ने कृषि तथा पशुपन्छी विकास मन्त्रालयले जनाएको छ।
विद्युतीय मतदान होस्
२०१५ मा पुख्र्यौली थलो सोलुखुम्बुमा भएको त्यो पहिलो मतदान ८२ वर्षीय दीर्घबहादुर गुुरुङ अहिले पनि झलझली सम्झनुहुन्छ । बसाइँ सरेपछि काठमाडौँ क्षेत्र नम्बर ३ को बौद्धको पानीट्याङ्की मतदान केन्द्रबाट यस पटक मतदान गर्नुभएका उहाँले अहिलेको मतदान उहिलेको भन्दा निकै व्यवस्थित भएको बताउनुहुन्छ । उहाँजस्तै उमेरले नेटो काट्दै गएका मतदाता अबका निर्वाचनहरूमा विद्युतीय मतदान गर्न पाइयोस् भन्ने चाहना राख्नुहुन्छ ।
निर्वाचन शान्तिपूर्ण रूपमा सम्पन्न भयो : प्रधानमन्त्री देउवा
प्रधानमन्त्री शेरबहादुर देउवाले प्रतिनिधिसभा र प्रदेशसभाको निर्वाचन शान्तिपूर्ण रूपमा सम्पन्न भएको बताउनुभएको छ। आइतबार निर्वाचन सम्पन्न भएपछि निर्वाचन आयोगलाई धन्यवाद दिनुहुँदै प्रधानमन्त्री देउवाले यस्तो बताउनुभएको हो।
६१ प्रतिशत मतदान : निर्वाचन आयोग
निर्वाचन आयोगका प्रमुख आयुक्त दिनेशकुमार थपलियाले आइतबार देशभर एकसाथ भएको आम निर्वाचनमा ६१ प्रतिशत मतदान भएको जानकारी दिनुभएको छ।
मतदान सकियो (फोटो फिचर)
निर्वाचन आयोगका अनुसार मतदानको विवरण आउने क्रम जारी छ ।
बाजुरामा झडप : गोली लागी एकको मृत्यु
बाजुराको त्रिवेणी नगरपालिकामा सुरक्षाकर्मीले चलाएको गोली लाग्दा एक जना युवकको मृत्यु भएको छ । मृत्यु हुनेमा सोही नगरपालिका वडा नम्बर ७ का अन्दाजी २८ वर्षीय सन्दीप अयडी रहेको जिल्ला प्रहरी कार्यालय बाजुराले जनाएको छ ।
निर्वाचन आमरूपमा शान्तिपूर्ण र व्यवस्थित रह्यो : पर्यवेक्षण संस्था
निर्वाचन पर्यवेक्षण संस्थाले प्रतिनिधिसभा र प्रदेशसभा सदस्यको आज भएको निर्वाचन छिटपुट घटनाबाहेक आमरूपमा शान्तिपूर्ण र व्यवस्थितरूपमा सम्पन्न भएको जनाएको छ ।
मतदान सकियो (फोटो फिचर)
निर्वाचन आयोगले निर्धारित गरेको बिहान ७ बजेदेखि अहिले ५ बजेसम्मको मतदानको अवधि सकिएको छ।
मतदानको समय अवधि सकियो : केही केन्द्रमा मतदान जारी
निर्वाचन आयोगले निर्धारित गरेको बिहान ७ बजेदेखि अहिले ५ बजेसम्मको मतदानको अवधि सकिएको छ।
चुनाव भयो खुसी छु : प्रधानमन्त्री देउवा
प्रधानमन्त्री एवं नेपाली कांग्रेसका सभापति शेरबहादुर देउवाले तोकिएको मितिमा चुनाव भएको भन्दै खुसी व्यक्त गर्नुभएको छ।
निर्वाचनका दिन काठमाडौंका सडक (फोटो फिचर)
सडकमा निर्वाचन आयोगको मापदण्ड अनुसार अनुमति प्राप्त सवारी साधन मात्र देखिएका थिए ।
देशभर ४६ प्रतिशतसम्म मतदान : गृहसचिव
गृहसचिव विनोदप्रकाश सिंहले हालसम्म देशभर ४६ प्रतिशतसम्म मतदान सम्पन्न भएको बताउनुभएको छ ।
इलाममा ११५ वर्षीय ज्येष्ठ नागरिकद्वारा मतदान
यसपटकको निर्वाचनमा इलाममा ११५ वर्षीय ज्येष्ठ नागरिकले मतदान गर्नुभएको छ। फाकफाेकथुम गाउँपालिका वडा नम्बर ७ का ११५ वर्षीय वृद्ध मनबहादुर राईले मतदान गर्नुभएको हो ।
कलाकारद्वारा मतदान, मताधिकार सदुपयाेग गर्न आह्वान
हाँस्य कलाकार हरिवंश आचार्यले गत वर्षको निवार्चनको तस्विर समाजिक सञ्जालमा सार्वजनिक गर्दै लेख्नुभएको छ, “लोकतन्त्रको सुन्दर पक्ष भनेकै निर्वाचनबाट आफूलाई मन पर्ने जनप्रतिनिधि आफैँले छान्न पाउनु हो । सबैले निर्वाचनमा भाग लिई आफ्नो मताधिकार प्रयोग गरौँ।”
