गोरखापत्र
स्विजरल्यान्ड सरकारबाट प्राप्त हुने अनुदान रकम स्वीकार
सरकारले वैदेशिक रोजगारीबाट फर्केकाहरुको पुनः एकीकरण आयोजना सञ्चालन गर्नका लागि स्विजरल्यान्ड सरकारबाट प्राप्त हुने ८६ करोड १३ लाख नेपाली रुपियाँ अनुदान रकम स्वीकार गर्ने निर्णय गरेको छ ।
सबै जनप्रतिनिधिद्वारा पदबहाली गरी आफ्नो कार्यभार ग्रहण
बाबुराम देवकोटासिन्धुलीमाढी, जेठ ९ गते । सिन्धुली जिल्लामा स्थानीय तहको प्रमुख तथा उपप्रमुख पदमा निर्वाचित सबै जनप्रतिनिधिले आफ्नो कार्यभार ग्रहण गर्नुभएको छ ।जिल्लाका नौ वटा स्थानीय तहमध्ये सात वटा पालिकाका प्रमुख तथा उपप्रमुखले सोमबार एक समारोहबीच पदबहाली गरी कार्यभार सम्हाल्नुभएको छ । बाँकी दुई पालिका दुधौली नगरपालिका र हरिहरपुरगढी गाउँपालिकाका प्रमुख तथा उपप्रमुखले शपथग्रहण गरेकै दिन शुक्रबार पदबहाली गरी कार्यभार सम्हाल्नुभएको छ ।कमलमाई नगरपालिकाका मेयर उपेन्द्रकुमार पोख्रेलले आफ्नो कार्यभार सम्हाल्नु हुँदै कमलामाई नगरपालिकालाई सबै मिलेर सुन्दर र समुन्नत बनाउनुपर्ने बताउनुभयो । उहाँले भन्नुभयो, ‘हामीले म र मेरो लागि धेरै ग¥यौँ, अब हामी र हाम्रो भनेर सबैले साथ सहयोग गरेर यो नगरलाई समुन्नत बनाउन लाग्न हार्दिक अनुरोध गर्न चाहन्छु ।’यसअघिको स्थानीय सरकारले गरेको राम्रा कामलाई निरन्तरता दिँदै अझ जनमुखी कार्यक्रम ल्याउने उहाँको भनाइ थियो । सो अवसरमा मेयर पोख्रेलले उपप्रमुख मञ्जु देवकोटालाई पद तथा गोपनीयताको शपथग्रहण गराई पदबहाली गराउनुभएको छ ।बाँकी तीनपाटन, फिक्कल, गोलन्जोर, सुनकोसी, घ्याङलेख, मरिण गाँउपालिकामा निर्वाचित प्रमुख तथा उपप्रमुखले पनि सोमबार नै पदबहाली गरी आफ्नो कार्यभार सम्हाल्नुभएको छ । घ्याङलेख गाउँपालिकाका अध्यक्ष जगतबहादुर भोलनले कृषि, रोजगारी, स्वास्थ्य, शिक्षाको कार्यक्रम गाउँपालिकाको पहिलो प्राथमिकता भएको बताउनुभयो ।सिन्धुलीको नौ वटा स्थानीय तहमध्ये सात वटा पालिका सत्तारुढ गठबन्धन नेपाली कांग्रेस र नेकपा (माओवादी केन्द्र)ले जित निकालेको छ । नेकपा (एमाले)ले दुई वटा पालिका जित्न सफल भएको छ । सत्तारुढ गठबन्ध कमलामाई नगरपालिका, दुधौली नगरपालिका, घ्याङलेख गाउँपालिका, तीनपाटन गाउँपालिका, सुनकोसी गाउँपालिका, मरिण गाउँपालिका र हरिहरपुरगढी गाउँपालिकामा जित निकाल्न सफल भएको छ ।त्यस्तै, नेकपा एमालेले सत्तारुढ गठबन्धनका उमेद्वारलाई पराजित गरी फिक्कल गाउँपालिका र गोलन्जोर गाउँपालिकामा जित निकालेको छ । जिल्लाको ७९ वडामध्ये सबैभन्दा बढी वडामा नेपाली काँग्रेसका वडाध्यक्ष पदका उम्मेदवारले जित हात पारेका छन् । नेपाली कांग्रेसले ३० वटा, नेकपा माओवादी केन्द्रले २६ वटा र नेकपा एमालेले २३ वडा जित्न सफल भएको जिल्ला निर्वाचन कार्यालयले जनाएको छ ।
अस्पतालको बेवास्ताका कारण विना पोस्टमार्टम शव चिहानघाटमा
प्रेमराज सिंखडाकालीकोट, जेठ ९ गते । शंकास्पद रूपमा मृत्यु भएका रास्कोट नगरपालिका ८ का ४४ वर्षीय प्रेम दर्जीको शव विना पोष्टमार्टम चिहानघाटमा पुगेपछि तनाव बढेको छ । पोष्टमार्टम गर्ने भनी रास्कोट सामुदायिक अस्पतालमा दुई दिनसम्म राखिए पनि पोष्टमार्टम नगरिएको भेटिएपछि दाहसंस्कारमा किचलो थपिएको हो ।आक्रोशित आफन्त तथा मलामीहरूले विना पोष्टमार्टम दाहसंस्कार नगर्ने बताएपछि खाल्डो खनिएको भागमाथि शव राखिएको छ । जिल्लाबाट पोष्टमार्टमका लागि डाक्टरसहितको टोली आउन लागेको अस्थायी प्रहरी चौकी शान्तिघाटले गोरखापत्रलाई जानकारी दिएको छ । स्थानीय तहको निर्वाचनमा विजयी रास्कोट नगरपालिका प्रमुख धर्मराज शाही र उपप्रमुख मनिराज बरालको विजयी भोजमा सहभागी दर्जीको शनिबार पाटेडीलको पानिगौंडामा शव भेटिएको थियो । मृतक दर्जी विजयी भोजमा दमाह बजाउन र नाचगान गर्न बायालपाटासम्म उपप्रमुखको घरमा समेत पुगेको बताइएको छ । उपप्रमुख मनिराज बरालको घर पाटेडीलमा राति ८ बजेसम्म नाचगान गरेका दर्जी सोही राति बेपत्ता हुनुभएको थियो । दर्जीको शव पानिगौंडाको कुलोमा जेठ ७ गते साँझ ६ बजे भेटिएको थियो । दर्जीको शवलाई जेठ ८ गते बिहान पोष्टमार्टम गर्न रास्कोट सामुदायिक अस्पतालमा पठाइएको थियो । अस्पतालका स्वास्थ्यकर्मी शेरमान गुरूङले माथिल्लो तहको आदेशअनुसार शवलाई हेरफेर मात्र गरी पठाएको जानकारी दिनुभयो । जिल्ला प्रहरी कार्यालय कालीकोटका प्रमुख डिएसपी सिद्धराज न्यौपानेका अनुसार प्रहरीले पोष्टमार्टम गर्न अस्पताललाई पत्राचार गरिएको छ ।
६६ हजार बालबालिकालाई टाइफाइडविरुद्धको खोप
बागलुङका ६६ हजार ९२५ जना बालबालिकालाई टाइफाइड रोगविरुद्धको खोप लगाइने भएको छ । स्वास्थ्य कार्यालय बागलुङले १० स्थानीय तहका १५ देखि २३ महिनासम्मका तीन हजार ५४ र दुई वर्षदेखि १५ वर्षसम्मका ६३ हजार ९२५ जना बालबालिकालाई खोप लगाएको हो ।
नवनिर्वाचित जनप्रतिनिधिद्वारा शपथ, केहीले गर्नुभयो पदभार ग्रहण
प्रेमराज सिंखडाकालीकोट, जेठ ९ गते । कालीकोटका नौ वटा पालिका प्रमुखहरुले पद तथा गोपनीयताको शपथ ग्रहण लिनुभएको छ । जिल्ला न्यायाधीश तथा प्रमुख निर्वाचन अधिकृत लालकाजी श्रेष्ठले उहाँहरुलाई शपथ खुवाउनुभएको हो । जिल्ला समन्वय समितिको सभाहलमा आयोजित कार्यक्रममा खाँडाचक्र नगरपालिका प्रमुख कमल शाही, तिलागुफा नगरपालिका प्रमुख शङ्करप्रसाद उपाध्याय, रास्कोट नगरपालिका प्रमुख धर्मराज शाही, नरहरिनाथ गाउँपालिका अध्यक्ष नगेन्द्र विष्ट, शान्नीत्रिवेणी गाउँपालिका अध्यक्ष मोहन केसी, पलाँता गाउँपालिकाका अध्यक्ष विष्णुबहादुर रोकाया, पचालझरना गाउँपालिका अध्यक्ष देवजङ शाहीले शपथ लिनुभएको हो । यस्तै, शुभकालिका गाउँपालिका अध्यक्ष गोविन्द्र आचार्य र महावै गाउँपालिका अध्यक्ष खेमबहादुर सिहंले पनि पद तथा गोपनीयताको शपथ लिनुभयो । जिल्लाका नौ स्थानीय तह मध्ये खाँडाचक्र नगरपालिका र शान्नीत्रिवेणी गाउँपालिकामा स्वतन्त्र उम्मेदवार कमल शाही र मोहन केसीले जित्नुभएको थियो । रास्कोट नगरपालिका, पलाँता गाउँपालिका, पचालझरना गाउँपालिका, शुभकालिका गाउँपालिका र महावै गाउँपालिका अध्यक्षमा माओवादी केन्द्रले जित हात पारेको छ । तिलागुफा नगरपालिका र नरहरीनाथ गाउँपालिकामा नेपाली कांग्रेसका उम्मेदवार निर्वाचित भएका छन् । जिल्लाका तीन स्थानीय मध्ये एक नगरपालिका र दुई गाउँपालिकामा नेकपा एमालेका उम्मेदवारले उपप्रमुख र उपाध्यक्ष जितेका छन् । माओवादी केन्द्र पाँच प्रमुखसहित चार उपप्रमुख र उपाध्यक्ष, कांग्रेसले दुई प्रमुखसहित एक उपाध्यक्ष जितेको छ । दुई प्रमुखमा भने स्वतन्त्र उम्मेदवार निर्वाचित भएका छन् । सबैले आजै पदभारग्रहण गर्नेशपथसँगै तत्काल पदभार ग्रहण गर्नेमा खाँडाचक्र नगरपालिका प्रमुख कमल शाही, तिलागुफा नगरपालिका प्रमुख शङ्करप्रसाद उपाध्याय, रास्कोट नगरपालिका प्रमुख धर्मराज शाही हुनुहुन्छ । यस्तै नरहरीनाथ गाउँपालिका अध्यक्ष नगेन्द्र विष्ट, शान्नीत्रिवेणी गाउँपालिका अध्यक्ष मोहन केसी, महावै गाउँपालिका अध्यक्ष खेमबहादुर सिहंले पनि पदभार ग्रहण गर्नुभएको छ । पद तथा गोपनीयताको शपथपछि नौ वटा स्थानीय तहका प्रमुख मुख्य निर्वाचन कार्यालय जिल्ला अदालतमा । तस्विरः प्रेमराज सिम्खडा ।
ओखलढुङ्गामा सिद्धिचरणको स्मरण
ओखलढुङ्गामा युगकवि सिद्धिचरण श्रेष्ठको १११ औं जन्मजयन्ती मनाइएको छ । युगकवि सिद्धिचरण श्रेष्ठ जन्मिनु भएको ओखलढुङ्गामा सोमबार विविध कार्यक्रम गरी जन्मजयन्ती मनाइएको हो ।
कालीगण्डकी गाउँपालिकाले १५ हजार नागरिकको निःशुल्क स्वास्थ्य बीमा गरिदिने
जिल्लाको कालीगण्डकी गाउँपालिकाले पालिकाभित्रका नागरिकहरुको निःशुल्क स्वास्थ्य बीमा गरिदिने भएको छ । दोस्रो कार्यकालको लागि निर्वाचित हुनुभएका बेदबहादुर थापाले पदभार ग्रहण गर्दै पालिका भित्रका १५ हजार नागरिकहरुको निःशुल्क स्वास्थ्य बीमा गरिदिने निर्णय गरेको जानकारी दिनुभयो ।
प्रमुख हमालको पहिलो निर्णय–पञ्चवर्षीय योजना बनाएर विकास गर्ने
अविनाश चौधरीधनगढी, जेठ ९ गते । धनगढी उपमहानगरपालिकाका नवनिर्वाचित नगरप्रमुख गोपाल हमालले पञ्चवर्षीय योजना बनाएर नगरको विकास गर्ने पहिलो निर्णय गर्नुभएको छ । सोमबार पद्भार ग्रहणपछि प्रमुख हमालले आर्थिक वर्ष २०७९/८० देखि आर्थिक वर्ष २०८३/८४ सम्मको पहिलो पञ्चवर्षीय आवधिक योजना बनाएर योजनाबद्ध विकासको काम गर्ने निर्णय गर्नुभएको हो । सीमित स्रोत साधनलाई प्रभावकारी ढङ्गबाट परिचालन गरी लक्ष्य हासिल गर्ने उद्देश्यका साथ योजनाबद्ध विकासको थालनी गर्न पहिलो पञ्चवर्षीय आवधिक योजना कार्यान्वयन गर्ने उहाँले बताउनुभयो । स्थानीय सरकार सञ्चालन ऐन २०७४ मा भएको व्यवस्थालाई दृष्टिगत गरी आवश्यक प्रक्रियागत कारबाही चालू आर्थिक वर्षबाटै अगाडि बढाउने निर्णयमा उल्लेख छ । ‘यसको लागि चालू आर्थिक वर्षको लागि पुग्ने गरी बजेट विनियोजन भइसकेकाले सो कार्य गर्न आवश्यक निर्णय पेश गरेको छु’, निर्णयमा भनिएको छ । यसअघि, नवनिर्वाचित प्रमुख हमालले पद तथा गोपनियताको शपथ लिनु भएको थियो । मुख्य निर्वाचन अधिकृत जयानन्द पनेरुले उहाँलाई पद तथा गोपनियताको शपथ खुवाउनु भएको थियो । १२ हजार ४८ मतान्तरले नेपाली काङ्ग्रेसका उम्मेदवार एवम् निवर्तमान नगरप्रमुख नृपबहादुर वडलाई पराजित गरी हमाल प्रमुखमा निर्वाचित हुनुभएको थियो । विजयी हुनु भएका उहाँले २६ हजार ८६५ मत प्राप्त गर्नुभयो । पराजित वडले १४ हजार ८१७ मत प्राप्त गर्नुभयो ।
पाँच वर्षदेखि ११ वर्षसम्मका बालबालिकालाई लगाइने खोप जुनमा आउने
नेपालमा पाँच देखि ११ वर्ष उमेर समूहका बालबालिकालाई लगाउने कोरोनाविरुद्धको खोप जुन महिनामा आउने भएको छ ।
-original-thumb.jpg)
बुटवल उपमहानगरपालिकाका नवनिर्वाचित प्रमुख र उपप्रमुखद्वारा पदभार ग्रहण
बुटवल उपमहानगरपालिकाका नवनिर्वाचित नगरप्रमुख खेलराज पाण्डेय र उपप्रमुख सावित्रा अर्यालले पदभार ग्रहण गर्नुभएको छ ।
मतपत्र च्यात्ने कांग्रेस सचिवमाथि अनुसन्धान जारी
मतपत्र च्यातेको आरोपमा पक्राउ परेका नेपाली कांग्रेस जिल्ला कार्यसमिति सचिव राजकुमार ढुङ्गानामाथि अनुसन्धान भइरहेको प्रहरीले जनाएको छ ।
पुनर्वासको प्रमुख र उप्रमुखमा काँग्रेस विजयी
पुर्नवास नगरपालिकामा प्रमुख र उपप्रमुखमा नेपाली काँग्रेसले जित हात पारेको छ । गत ०७४ को निर्वाचनमा दुई वडामा सिमित रहेको काँग्रेस अहिले प्रमुख र उपप्रमुखसहित चार वडामा विजयी भएको हो । ११ वडा रहेको पुनर्वासमा ०७४ मा प्रमुख र उपप्रमुखसहित पाँच वडा एमाले, चारमा मादोवादी र दुई वडामा मात्र काँग्रेस विजयी भएको थियो ।
‘बलेफी गापाको समग्र विकास परिर्वतन र समद्धिमा काम गर्छु’–अध्यक्ष गंगा
चित्र मिजारसिन्धुपाल्चोक, जेठ ८ गते । बलेफी गाउँपालिकाका नवनिर्वाचित अध्यक्ष गंगाबहादुर तामाङले समग्र बलेफीको विकास, परिर्वतन र समृद्धिमा काम गर्ने बताउनुभएको छ । बलेफबासीको स्वास्थ्यलाई ख्याल गर्दे एम्बुलेन्स खरिद गरी अस्पलात र घर लाने लैजाने, स्वास्थ्य चौकीमा स्वास्थ्यकर्मी र जनशक्ति बढाई गुणस्तरीय उपचार सेवा दिलाउने उहाँले बताउनुभएको छ । गर्भवती र सुत्केरी महिलालाई पोषणयुक्त कार्यक्रम अघि सार्ने, जेष्ठ नागरिकको स्वास्थ्य प्रति विभिन्न काम गर्दे सामाजिक सुरक्षा भत्ता घरदैलोमा नै पु¥याउने अध्यक्ष तामाङले बताउनुभयाे ।बलेफी गाउँबासी अधिकांश कृषि पेशा, व्यवसाय निर्भर रहेकाले कृषि क्षेत्रका परिवर्तनका लागि कृषकसँगको सहभागितामा योजना तर्जुमा गर्ने, समयमा रासायनिक मल, वीउबीजन, औषधी उपलब्ध गराउने उहाँले बताउनुभएको छ । दूधमा प्रतिलिटर दुई रुपियाँ अनुदान दिने, बलेफीमा विभिन्न नाममा जथाभावी कर संकलन गरिँदै आइएको छ । कर जनताको पहुँचअनुसार पार्ने र अतिन्यून कर प्रणाली लागू गरिने अध्यक्ष गंगाले जानकारी दिनुभएको छ ।
लाटोकोसेरोसहित दुई भारतीय पक्राउ
पर्सा प्रहरीको टोलीले लाटोकोसेरोसहित दुई भारतीयलाई पक्राउ गरेको छ । पर्साको छिपहरमाई गाउँपालिका–१ मिर्जापुरको गोरेटो बाटो हुँदै अवैधरूपमा लाटोकोसेरो नेपालबाट भारततर्फ लाँदै गरेको अवस्थामा प्रहरीले उनीहरुलाई पक्राउ गरेको हो ।
प्रतिबन्धित लागूऔषधसहित तीनजना पक्राउ
प्रहरीले प्रतिबन्धित लागूऔषधसहित तीन जनालाई पक्राउ गरेको छ ।
