गोरखापत्र अनलाइन
आठ वर्षमा दुई सय बीस गैँडा मरे
बिगत आठ वर्षमा चितवन राष्ट्रिय निकुञ्ज र आसपासका क्षेत्रमा गरी २२० गैँडा मरेका छन् । आर्थिक वर्ष २०७२/७३ देखि हालसम्ममा ती गैँडा मरेका हुन ।
‘पानी पानी’ सार्वजनिक
सरोज अधिकारी, आस्मा विश्वकर्मा र करिश्मा श्रेष्ठको अभिनय रहेको नयाँ म्युजिक भिडियो ‘पानी पानी’ सार्वजनिक भएको छ । गीतमा समिर आचार्य र एलिना चौहानले स्वर दिनुभएको छ भने आनन्द अधिकारीको शब्द रचना रहेको छ । आशिष अविरल सङ्गीतकार हुन् । गीतको भिडियोका निर्देशक सरोज आफैँ हुनुहुन्छ । भिडियोमा त्रिकोणात्मक प्रेमकथालाई देखाइएको छ ।
‘ज्याकी : आई एम ट्वान्टी वान’को प्रिमियर
शुक्रबारबाट प्रदर्शनमा आउने चलचित्र ‘ज्याकीः आई एम ट्वान्टी वान’को काठमाडौँमा प्रिमियर भएको छ । प्रिमियरमा नेपाली चलचित्रकर्मीहरू र पत्रकारहरूको सहभागिता रहेको थियो । नेपाली चलचित्रको इतिहासमै पहिलो पटक नृत्यको कथा बुनिएको चलचित्र हेर्नेहरूले चलचित्रले पुरानो संरचना भत्काएको प्रतिक्रिया दिनुभएको छ ।
गण्डकीका मुख्यमन्त्रीले आज विश्वासको मत लिनुहुँदै
गण्डकी प्रदेशका नवनियुक्त मुख्यमन्त्री सुरेन्द्रराज पाण्डेले आज विश्वासको मत लिँदै हुनुहुन्छ ।
यसरी हुन सकिन्छ फेसनेबल ...
फेसनेबल भएर हिँड्न चाहनेहरूका लागि वर्षायाम निकै दिग्दार लाग्दो हुन सक्छ । यस्तो मौसममा फेसनेबल भएर हिँड्नु निकै कठिन पनि हुन्छ तर ऋतुअनुसारको सही पोसाक छनोट गर्न सकेमा भने चाहेजस्तो फेसनेबल बन्न सकिने सुझाव फेसन विशेषज्ञहरूको रहेको छ । वर्षायाममा निरन्तर पानी परिरहने हुँदा मौसम चिसो हुने भएकाले त्यहीअनुसारको कपडा छनोट गर्नुपर्ने फेसन डिजाइनर रमिला नेम्कुलले बताउनुभयो । मौसमअनुसारको कपडा छनोट गरेर लगाएमा त्यसले व्यक्तित्व राम्रो बनाउँछ । उहाँ भन्नुहुन्छ, ‘‘बजार ट्रेन्ड हेरर पोसाक छनोट गर्नुभन्दा आफ्नो शरीरमा मिल्ने, लगाउँदा आनन्द र शीतलताको अनुभूति हुने कपडा छनोट गर्नु बुद्धिमानी हुन्छ ।”
पादुका त्रिवेणी धाम ओझेलमा
बाजुराको बूढीनन्दा नगरपालिकाको कर्णाली नदी र बड्डीगाडको बीचमा पर्ने धार्मिक तथा ऐतिहासिक महत्व बोकेको पादुका त्रिवेणी धाम ओझेलमा परेको छ । परापूर्वकालमा निर्माण गरिएका मन्दिरहरू र धर्मशालाको अवशेष मात्र रहेका छन् । धार्मिक तथा पर्यटकीय स्थल भए पनि त्यसको प्रचारप्रसार र संरक्षण हुन नसकेपछि धाम ओझेलमा पर्दै आएको हो ।
वन्यजन्तुको संरक्षणमा जुट्दै स्थानीय
भरतपुर महानगरपालिका–१३, गङ्गानगरका ५१ वर्षीय शुकदेव न्यौपाने अहिले वन र वन्यजन्तुको संरक्षणमा क्रियाशील हुनुहुन्छ। चितवन राष्ट्रिय निकुञ्जको मध्यवर्ती क्षेत्रमा रहेको वेलसहर मध्यवर्ती सामुदायिक वनमा वनरक्षक रहेका न्यौपाने बाघ, गैँडा, भालुजस्ता जनावरको संरक्षणमा हरदिन जुटिरहनुभएको छ।
-original-thumb.jpg)
संरचना निर्माणमा रोक
भक्तपुर दरबार स्मारक संरक्षण तथा हेरचाह कार्यालयले भक्तपुरको चाँगुनारायण नगरपालिका–३, झौखेलस्थित झौखेल धारा क्षेत्रमा रहेको पुरातात्त्विक सम्पदा परिसरमा निर्माण गरिएको भौतिक संरचना रोक्न चाँगुनारायण नगरपालिकालाई पत्राचार गरेको छ । बुधबार कार्यालयले चाँगुनारायण नगरपालिकालाई पत्राचार गरिएको भक्तपुर दरबार स्मारक संरक्षण तथा हेरचाह कार्यालयले जनाएको छ । झौखेल धारा क्षेत्रमा चैत्य, ढुङ्गेधारा र नजिकै पोखरी पनि रहेकाले नगरपालिकाको विनियोजित रकमबाट सो क्षेत्रमा संरचना बनिरहेकाले तत्काल रोक्का गरी प्राचीन पोखरीकै रूपमा कायम गर्ने व्यवस्था मिलाउन पत्राचार गरिएको हो ।
मधेशको अधिकारका लागि सकारात्मक छु : प्रचण्ड
प्रधानमन्त्री पुष्पकमल दाहाल ‘प्रचण्ड’ले आफू सधैँ मधेश र मधेशी जनताको हक–हित र अधिकारका लागि सकारात्मक रहँदै आएको बताउनुभएको छ। उहाँले भन्नुभयो, “मैले मधेशको जनता र त्यहाँका राजनीतिक दलहरूको विश्वास जित्नका निम्ति संविधान संशोधनका लागि सदनमा दुई–दुई पटक प्रस्ताव दर्ता गराएँ ताकि त्यहाँको जनता, राजनीतिक र बुद्विजीवीलाई यो भरोसा होस् कि मधेशी जनताको आवाज र भावनाप्रति प्रचण्ड संवेदनशील छ।’’
खेतमै कुहिन थाल्यो गहुँ
दोलखाका किसानलाई यति बेला हिउँदे मुख्य बाली गहुँ थन्क्याउने चटारो परेको छ । मङ्सिर,पुसमा छरेको गहुँ हिजोआज खेतैभरि पहेँल पुर भएर पाकेपछि किसानलाई गहुँ थन्क्याउने चटारो परेको स्थानीय किसान दल बहादुर राउतले बताउनु भयो ।
काँकडभिट्टाबाट सत्र करोडको बन्दाकोभी भारत निर्यात
काकडभिट्टा नाका हुँदै चालु आर्थिक वर्षको नौ महिनामा रु १७ करोडभन्दा बढीको बन्दाकोभी भारत निर्यात गरिएको छ । धनकुटा, इलाम, झापालगायत जिल्लामा उत्पादन भएको बन्दाकोभी भारत निर्यात गरिएको हो ।
बजेट अधिवेशन आह्वान
राष्ट्रपति रामचन्द्र पौडेलले सङ्घीय संसद्का दुवै सदनको अधिवेशन वैशाख २४ गतेका लागि आह्वान गर्नुभएको छ । संसद्को हिउँदे अधिवेशन गत वैशाख १५ शुक्रबार मध्यरातिदेखि अन्त्य भएको थियो । राष्ट्रपति कार्यालयका प्रवक्ता सागर आचार्यका अनुसार संविधानको धारा ९३ को उपधारा (१) बमोजिम राष्ट्रपति पौडेलले अधिवेशन आह्वान गर्नुभएको हो । सरकारले बजेट अधिवेशन आह्वानका लागि बुधबार राष्ट्रपतिसमक्ष सिफारिस गरेको थियो ।
मिटरब्याज कसुरमा सात वर्ष कैद प्रस्ताव
मिटरब्याजपीडितसँग भएको सम्झौताअनुसार कारोबारलाई कसुर परिभाषित गर्नेगरी अध्यादेश जारी भएको छ। मन्त्रीपरिषद्को सिफारिसमा राष्ट्रपति रामचन्द्र पौडेलले अध्यादेश जारी गर्नुभएको हो। अध्यादेशले मिटरब्याजलाई अनुचित लेनदेनमा परिभाषित गरेको छ। जाँचबुझ आयोगले काम सुरु गरेसँगै सरकारले अध्यादेश सिफारिस गरेको थियो। सिफारिसलगत्तै अध्यादेश जारी भएको हो।
सचिव पाण्डेलाई तीन दिन हिरासतमा राख्न अनुमति
नेपाली नागरिकलाई भुटानी शरणार्थी बनाउने गिरोहसँग मिलेमतो गरेको आरोपमा अनुसन्धान गर्न पक्राउ पर्नुभएका नेपाल सरकारका सचिव टेकनारायण पाण्डेलाई जिल्ला अदालत काठमाडौँले तीन दिन हिरासतमा राख्न अनुमति दिएको छ।
गोरखापत्रको डिजिटल अर्काइभिङ ऐतिहासिक काम : सचिव राउत
सञ्चार तथा सूचनाप्रविधि मन्त्रालयका सचिव कृष्णबहादुर राउतले गोरखापत्र संस्थानले गरिरहेको डिजिटल अर्काइभिङको कामले भावी पुस्तासम्मलाई हुनेगरी ऐतिहासिक काम भइरहेको बताउनुभएको छ ।
