टेकुस्थित शुक्रराज ट्रपिकल तथा सरुवा रोग अस्पतालमा भर्ना भएका दुई जनामा हैजा पुष्टि भएको छ।
काठमाडौं, असार ५ गते। काठमाडौं महानगरपालिकाको आर्थिक वर्ष २०७९/८० को नीति तथा कार्यक्रममा घरजग्गा बहालमा लिने, दिने सम्बन्धमा कम्पनीमार्फत् कारोबारेको व्यवस्था मिलाइने उल्लेख गरिएको छ।महानगरप्रमुख बालेन्द्र शाहले आइतबार सार्वजनिक गर्नुभएको नीति तथा कार्यक्रममा राजस्व तथा वित्त व्यवस्था सम्बन्धी नीति अन्तर्गत महानगर क्षेत्रभित्रका घरजग्गा लेनदेनका लागि आवश्यक प्रबन्ध मिलाइने जनाइएको छ।करदाताको विद्युतीय लागतका लागि महानगरको छुट्टै एप बनाइ विश्व विद्यालयसँगको सहकार्यमा विवरण संकलन गरिने योजना रहेको छ। कर तथा गैरकर स्थानीय राजस्वको अनुगमन गर्न विशेष टोली गठन गरी परिचालन गर्ने, कर संकलनको अनलाइन प्रणालीलाई थप व्यवस्थित गरिने नीति तथा कार्यक्रममा उल्लेख छ।यसैगरी, कर तथा गैरकरलाई करदाताको पहुँचमा वृद्धि गर्ने, बाह्य विज्ञापन गर्ने स्थान यकिन गरी तोकिएको स्थान र साइजमा विज्ञापन सामग्री राख्ने, राजस्व प्रशासनमा कार्य सम्पादनमा आधारित रही प्रोत्साहन प्रणाली लागू गर्ने जनाइएको छ।
प्रधानमन्त्री शेरबहादुर देउवाले निकट भविष्यमा हुने भनिएको आफ्नो संयुक्त राज्य अमेरिकाको भ्रमण औपचारिकरूपमा तय भएपछि संसद्लाई जानकारी गराउने बताउनुभएको छ।
काठमाडौं महानगरपालिकाको आगामी आर्थिक वर्ष २०७९/८० को नीति तथा कार्यक्रम सार्वजनिक भएको छ।
लहान नगरपालिका १ र २ वडा भएर बग्ने भबरा नहरको बाँध भत्केर निस्केको फोहोर पानी वरिपरि चारैतिरबाट आएर जमेपछि घरबाट निस्कन र बालबालिकालाई विद्यालय पठाउन स्थानीयलाई समस्या भएको छ । लहान–१ का सोनवति सिंह दुनुबारले पानी जमेर विद्यालय पठाउन नपाएको दुखेसो पोख्नुभयो ।
बाँके जिल्लाका पाँच वर्षदेखि ११ वर्ष उमेर समूहका ७६ हजार बालबालिकालाई कोभिडविरुद्धको खोप दिने भएको छ । असार नौ गतेदेखि ११ गतेसम्म सो समूहका बालबालिकालाई कोभिडविरुद्धको फाइजर–बायोएनटेक खोप दिन थालिएको हो । त्यसको तयारी पूरा भएको स्वास्थ्य कार्यालय बाँकेका अधिकृत खोप फोकल पर्सन नरेश श्रेष्ठले बताउनुभयो ।
पछिल्लो २४ घण्टामा थप १८ जनामा कोरोना संक्रमण पुष्टि भएको छ।
सुदूरपश्चिम प्रदेशमा पाँचदेखि १२ वर्षमुनिका तीन जिल्लाका बालबालिकालाई कोरोनाविरुद्धको खोप दिइने भएको छ । पहिलो चरण अन्तर्गत कैलाली, कञ्चनपुर र डडेल्धुराका बालबालिकालाई फाइजर खोप दिन लागिएको हो ।
धादिङ धार्केमा मल लुटपाट गर्ने किसानहरुले आफूहरुलाई व्यापारीले नै सूचना दिएर हौस्याएको आधारमा मल लिन गएको बताएका छन् । भारतबाट भन्सार छली गरेर ल्याइएको रासायनिक मल राजस्व विभागले नियन्त्रणमा लिएपछि व्यापारीहरुले नै आफू बच्न किसानलाई मल आउँदैगरेको सूचना दिएको खुलासा भएको छ ।
चितवन, असार ५ गते। चितवन र आसपासका क्षेत्रमा भरपर्दो विद्युत् सेवा प्रदान गर्ने लक्ष्यका साथ सुरु भएको नयाँ भरतपुर २२०–१३२ किलोभोल्ट (केभी) सवस्टेसनको निर्माण करिब ८० प्रतिशत सकिएको छ। भरतपुर महानगरपालिका–११ आँपटारीमा निर्माणाधीन सवस्टेसन निर्माण दुई महिनाभित्रमा सम्पन्न गरी सञ्चालनमा ल्याउने गरी काम भइरहेको छ। मस्र्याङ्दी करिडोर २२० केभी प्रसारण लाइन आयोजनाअन्तर्गतका निर्माणाधीन सवस्टेसनको मुख्य सिभिल संरचनाको काम अन्तिम चरणमा छ। ‘ग्यास इन्सुलेटेड सवस्टेसन (जिआइएस)’ प्रविधिमा आधारित सवस्टेसनका अधिकांश उपकरण निर्माणस्थलमा ल्याइसकिएको छ। अब ती उपकरणको जडान मात्र बाँकी छ। सवस्टेसनमा १६०–१६० एमभिए क्षमताका दुई वटा पावर ट्रान्सफर्मर रहने छन्। पावर ट्रान्सफर्मर राख्ने सिभिल संरचना निर्माण भइसकेको छ भने ट्रान्सफर्मर जडान गर्न बाँकी छ। नेपाल विद्युत् प्राधिकरणका कार्यकारी निर्देशक कुलमान घिसिङले सवस्टेसन निर्माणस्थलको भ्रमण गरी दुई महिनाभित्र काम सम्पन्न गर्न आग्रह गर्नुभएको छ।आयोजना व्यवस्थापन र ठेकेदार कम्पनीसँग निर्माण प्रगति बेहोरिरहेको समस्यालगायतका विषयमा छलफल गरी दुई महिनाभित्र सवस्टेसन सञ्चालनमा ल्याउन निर्देशन दिनुभयो। आयोजनाअन्तर्गत नयाँ भरतपुर र लमजुङको उदीपुरमा सवस्टेसन निर्माणका लागि भारतीय कम्पनी एल एण्ड टीसँग करिब दुई वर्षअघि ठेक्का सम्झौता भएको थियो।कोभिड–१९ को महामारीका कारण सवस्टेसन निर्माण प्रभावित भएको थियो। तनहुँमा निर्माणाधीन १४० मेगावाटको तनहुँ जलविद्युत् आयोजना पनि नयाँ भरतपुर सवस्टेसनमा नै जोडिनेछ। मस्र्याङ्दी र त्यसका सहायक नदीबाट उत्पादन हुने विद्युत् राष्ट्रिय प्रसारण प्रणालीमा प्रवाहका लागि मस्र्याङ्दी करिडोर २२० केभी प्रसारण लाइन आयोजना सुरु गरिएको हो।प्रसारण लाइनबाट करिब एक हजार ६०० मेगावाट विद्युत् प्रवाह गर्न सकिनेछ। चितवनको भरतपुरदेखि मनाङको धारापानीसम्मको डबल सर्किट प्रसारण लाइनको लम्बाइ करिब ११३ किलोमिटर छ। आयोजनालाई तीन प्याकेजमा विभाजन गरी काम भइरहेको छ। पहिलो प्याकेजअन्तर्गत उदीपुरबाट नयाँ भरतपुर सवस्टेशनसम्मको करिब ६७ किलोमिटर प्रसारण लाइन निर्माण भइरहेको छ।दोस्रो प्याकेजअन्तर्गत नयाँ भरतपुर र उदीपुर सवस्टेशन निर्माणाधीन छन्। तेस्रो प्याकेजअन्तर्गत खुदीबाट धारापानीसम्मको ४६ किलोमिटर प्रसारण लाइन र दुई वटा सवस्टेसन निर्माण भइरहेको छ। यस प्याकेजअन्तर्गत खुदी र धारापानीमा सबस्टेसन निर्माणाधीन छन्। नेपाल सरकारको लगानी र युरोपेली लगानी बैंक (इआइबी)को सहुलितपूर्ण ऋणमा निर्माणाधीन आयोजनाको अनुमानित लागत करिब १६ अर्ब रुपैयाँ छ। रासस
भारतको जयपुरमा आयोजना भएको आईएमएएस दक्षिण एशियन कुमुते च्याम्पियनसिपमा नेपाल टिम च्याम्पियन बनेको छ ।
अर्थमन्त्री जनार्दन शर्मासँग विश्व बैंकको प्रबन्ध निर्देशक मारी अल्का पान्जेस्तुले आज शिष्टाचार भेटवार्ता गर्नुभएको छ।
अखिल नेपाल टेबल टेनिस संघले टेबल टेनिसका पूर्व राष्ट्रिय च्याम्पियन कल्याणराज पाण्डेले नाममा राष्ट्रिय जुनियर टेबल टेनिस प्रतियोगिता आयोजना गर्ने भएको छ ।
नेपाली कांग्रेस (बीपी)का सुदर्शन सिटौला, दीपक कार्की लगायतका केन्द्रीय नेता राष्ट्रिय प्रजातन्त्र पार्टी (राप्रपा) प्रवेश गर्नुभएको छ।
एक वर्ष पहिलादेखि जिल्लाको महत्वपूर्ण पर्यटकीयस्थल कमलदहको नागरिकस्तरबाट सरसफाइ भइरहेको छ । रुकुमपूर्वको सिस्ने गाउँपालिका ५ मा रहेको कमलदहमा मानविय गतिविधिका कारण फोहोर बढ्दै गएपछि कमलदह आसपासका नागरिकले स्वतःस्फूर्त रुपमा कमलदह सफाइ अभियान चलाएका हुन् ।