गोरखापत्र अनलाइन
-original-thumb.jpg)
गाडी सञ्चालन खर्च कटौती
जिल्ल्लाका ११ स्थानीय तहले विगत वर्ष भन्दा आर्थिक वर्ष २०८०/८१ मा इन्धन मर्मत र गाडी भाडामा ६० प्रतिशत कम खर्च गरेको पाइएको छ । महालेखा परीक्षकको कार्यालय काठमाडौँले सार्वजनिक गरेको स्थानीय तहको लेखा परीक्षण प्रतिवेदन अनुसार जिल्लाका ११ स्थानीय तहले आव २०७९/८० मा इन्धनमा पाँच करोड ८४ लाख एक हजार ९४० रुपियाँ, गाडी भाडामा एक करोड २२ लाख रुपियाँ र मर्मतमा तीन करोड ४९ लाख ८३ हजार ५९७ समेत गरी १० करोड ५५ लाख ८६ हजार ५५ रुपियाँ खर्च गरेका थिए । आव २०८०÷८१ मा इन्धनमा तीन करोड ३५ लाख ६५ हजार ४९८ रुपियाँ, गाडी भाडामा २७ लाख ८७ हजार ४८० रुपियाँ र मर्मतमा एक करोड १४ लाख सात हजार ६०२ रुपियाँ गरी चार करोड ६५ लाख ५८० रुपियाँ मात्र खर्च गरेको महालेखाको प्रतिवेदनमा उल्लेख गरिएको छ ।
अन्नपूर्णमा पर्यटनबाट एक करोड १५ लाख आम्दानी
म्याग्दीको अन्नपूर्ण गाउँपालिकाले चारवटा पर्यटकीय स्थलहरुबाट चालु आर्थिक २०८२/०८३ मा एक करोड १५ लाख रुपियाँभन्दा बढी आन्तरिक आम्दानी सङ्कलन गरेको छ ।
नियमित बजेटबाट प्रदेश सभा पुनर्निर्माण
गत भदौ २४ गते जेनजी समूहको आन्दोलनमा आगजनीबाट ध्वस्त गरिएको कर्णाली प्रदेश सभा भवन चालु आर्थिक वर्षको नियमित बजेटबाट पुनर्निर्माण गर्ने निर्णय भएको छ । कर्णाली प्रदेश सभाका सभामुख नन्दा गुरुङको अध्यक्षतामा बसेको कार्यव्यवस्था तथा परामर्श समितिको बैठकले चालु आवको नियमित बजेटबाट पहिलो चरणमा सचिवालय र दलका पदाधिकारीहरूको कार्यालय पुनर्निर्माण गर्ने निर्णय गरेको हो । प्रदेश सभामा आगजनी भएको करिब ४९ दिनपछि यस विषयमा बैठक बसेको हो ।
नेपाली भूभागमा चिनियाँ सुरक्षाकर्मी प्रवेश
हुम्लाको नाम्खा गाउँपालिका–६, लिमी लाप्चास्थित नेपाली भूभागमै पछिल्लो समय चीनको गतिविधि र निगरानी बढेको पाइएको छ । नेपाली भूभागमै चिनियाँ सुरक्षाकर्मीले अनुगमन र माइकिङ गरेर आवतजावतमा अवरोध गर्न थालेको स्थानीयको गुनासो छ । नाम्खा गाउँपालिका–६ को लाप्चा क्षेत्र (लोलुङजोङ) नेपाल र चीनबिच सीमाङ्कनका क्रममा अस्पष्ट रहेको स्थानमध्ये एक हो । चिनियाँ पक्षले यो क्षेत्रलाई निषेधित भने पनि विगतदेखि नै त्यहाँ पुगेर तीर्थालुले कैलाश मानसरोवरको दूरदर्शन गर्दै आएका छन् । यही क्षेत्रमा हाल चिनियाँ पक्षको उपस्थिति बढेको भन्दै स्थानीयले चिन्ता व्यक्त गरेका छन् ।
धनकुटाको तिनघुम्तीमा बस दुर्घटना : एकजना घाइते
धनकुटा नगरपालिका–९ स्थित कोशी लोकमार्गमा पर्ने तिनघुम्तीमा बस दुर्घटना हुँदा एक जनाको घाइते भएका छन् ।
प्रदेश सभा सञ्चालनका लागि गृहकार्य
सुदूरपश्चिम प्रदेश सभाको बैठक सञ्चालनका लागि गृहकार्य थालिएको छ । जेनजी आन्दोलनका क्रममा प्रदेश सभा भवनमा आगजनीपछि अनिश्चित बनेको सभाको बैठक सकेसम्म चाँडै सञ्चालन गर्नका लागि गृहकार्य थालिएको सभामुख भीमबहादुर भण्डारीले बताउनुभयो ।
क्यान्सर रोगमा उपयोगी लौठसल्लाको संरक्षण
क्यान्सर रोगसँग लड्न प्रयोग हुने ‘ट्याक्सोल’ नामको रसायन निस्कने लौठसल्लाको संरक्षण गरिएको छ । लौठसल्ला मासिन थालेपछि वनस्पति विभाग र जिल्ला वन कार्यालय बैतडीले १३९ बोट वरिपरि काँडेतारको बार लगाएर संरक्षण गरेको हो । विश्वमै निकै महँगो औषधीका रूपमा प्रयोग हुने ‘ट्याक्सोल’ नामको रसायन लौठसल्ला प्रशोधन गरेर निकाल्न सकिने बताइएको छ । पछिल्लो समय डोजरले जथाभाबी सडक निर्माण गर्दा यो प्रजाति सङ्कटमा पर्न थालेको छ ।
५६ हजार ६७३ जना महानगरवासी स्वास्थ्य बिमा कार्यक्रममा आवद्ध
अहिलेसम्ममा ५६ हजार ६७३ जना काठमाडौँ महानगरवासी स्वास्थ्य बिमा कार्यक्रममा आवद्ध भएका छन् । यसमा १३ हजार ५७५ जना ज्येष्ठ नागरिक, एक हजार ८५ जना अपाङ्गता भएका व्यक्ति, एचआइभी सङ्क्रमित दुई जनासहितका व्यक्ति रहेका छन् ।
पहिरोले नारायणगढ–मुग्लिन सडक अवरुद्ध
नारायणगढ–मुग्लिन सडक पहिरोका कारण अवरुद्ध भएको छ । इच्छाकामना गाउँपालिका वडा नम्बर ५ तुइन खोला नजिक पहिरो खस्दा सडक अवरुद्ध भएको हो ।
-original-thumb.jpg)
ऐतिहासिक पाटीपौवा बेवारिसे बन्दै
सिन्धुली जिल्लाको सुनकोशी गडतीर क्षेत्रमा रहेका ऐतिहासिक पाटीपौवा बेवारिसे अवस्थामा पुगेका छन् । पूर्वपश्चिम राजमार्ग खुल्नुअघि पूर्वीपहाडी तथा तराईका जिल्लाबाट नेपाल (काठमाडौँ) प्रवेश गर्ने पैदलमार्गका रूपमा अत्यधिक व्यस्त रहने त्यस क्षेत्रका पाटीपौवा पछिल्लो समय सुनसान अवस्थामा रहने गरेका छन् । बटुवाका निम्ति बास बस्न सुविधा होस् र राणाकालीन बडाहाकिम दौडाहा आउँदा बस्ने व्यवस्थाका लागि त्यस्ता पाटी विसं. १९५० तिर निर्माण भएका स्था
प्रतिकूल मौसमका कारण सुकेटारमा उडान अवरुद्ध
मौसम प्रतिकूलताका कारण ताप्लेजुङको सुकेटार विमानस्थलमा उडान अवरुद्ध बनेको छ । पछिल्लो पाँच दिनयता निरन्तर वर्षा भई मौसम प्रतिकूल हुँदा सुकेटारमा शुक्रबारको उडान रद्द भएको हो ।
वर्षाले धानबाली भित्र्याउन किसानलाई सकस
धानबाली भित्र्याउने बेलामा वर्षा भएपछि सप्तरीका किसान चिन्तित भएका छन् । खडेरीको मार जेलेर खेती गरेका यहाँका किसानलाई धान भित्र्याउने बेलामा वर्षा हुँदा चिन्ता बढाएको हो ।
निःशुल्क स्वास्थ्य शिविरबाट ८२६ महिला लाभान्वित
रोटरी क्लबको आयोजनामा बुर्तिबाङमा महिलाका निम्ति सञ्चालित चारदिने निःशुल्क स्वास्थ्य शिविर बिहीबार सम्पन्न भएको छ । शिविरबाट ८२६ जना लाभान्वित भएका छन् ।
निन्दा खोलामा ‘मल्टिस्पान’ पुल निर्माण
मेचीनगर नगरपालिका–१५ भएर बग्ने निन्दा खोलामा रु चार करोड २० लाख १९ हजार ५० लागतमा मल्टिस्पान झोलुङ्गे पुल निर्माण भएपछि स्थानीयलाई बिर्तामोड वा धुलाबारीको यात्रा सहज भएको छ ।
पानीले डुब्यो धानका पाजा (फोटो फिचर)
पाकिसकेको धानबाली भित्र्याउने बेलामा लगातारको वर्षातले खेतमै धान उम्रिने हो कि भन्ने चिन्ता पाल्पाका किसानलाई परेको छ ।
