गोरखापत्र अनलाइन
बाल सुधार गृहमा झडप र आगजनी
बाँकेको डुलुवास्थित जयेन्दु बाल सुधारगृहमा रहेका बालकहरूको दुई समूहबीच बिहीबार झडप भएको छ । दिउसो झडप भएपछि केही बालकहरूलाई अन्यत्र स्थानान्तरण गर्ने क्रममा सुधार गृह भित्र आगजनी समेत भएको छ ।
नेफ्टा फिल्म अवार्डको औपचारिक घोषणा
११औँ नेफ्टा फिल्म अवार्डको औपचारिक घोषणा भएको छ। बिहीबार सोल्टी होटलमा आयोजित समारोहमा वरिष्ठ अभिनेता मदनकृष्ण श्रेष्ठले नेफ्टा आयोजकका पदाधिकारीलाई ट्रफी हस्तान्तरण गर्दै अवार्डको अमेरिकी संस्करण घोषणा गर्नुभयो।
प्रधानसम्पादक भट्टराईलाई सम्मानित गरिने
कर्ण कौशल्या–सीता स्मृति प्रतिष्ठानले भोग्य–सगुन शाह राष्ट्रिय पत्रकारिता पुरस्कार गोरखापत्र राष्ट्रिय दैनिकका निमित्त प्रधानसम्पादक शिवकुमार भट्टराईलाई प्रदान गर्ने निर्णय गरेको छ। प्रतिष्ठानको बुधबार बसेको बैठकले पत्रकारिताको माध्यमबाट समाजसेवामा विशेष योगदान पु-याउनुभएबापत प्रधानसम्पादक भट्टराईलाई यो पुरस्कार प्रदान गर्ने निर्णय गरेको प्रतिष्ठानका अध्यक्ष डा. केदार न्यौपानेले जानकारी दिनुभयो।
कोसीटप्पुलाई निकुञ्जमा परिणत गर्न माग
देशको चरा र अर्नाको राजधानी मानिएको प्रदेश १ र मधेश प्रदेशमा फैलिएको कोसीटप्पु वन्यजन्तु आरक्षलाई राष्ट्रिय निकुञ्ज बनाउनुपर्ने स्थानीय जनप्रतिनिधिले माग गरेका छन्। देशको सानो आरक्षका रूपमा समेत रहेको कोसीटप्पु वन्यजन्तु आरक्षलाई पर्यटक भिœयाउन र जनमैत्री विकास गर्नका लागि राष्ट्रिय निकुञ्ज बनाउनुपर्ने कोसी गाउँपालिकाका अध्यक्ष ऐयुब
पशुचौपाया ओसारपसारमा रोक
सिन्धुलीको तीनपाटन र फिक्कल गाउँपालिकाले पशुचौपाया ओसारपसारमा रोक लगाएको छ । तीनपाटन गाउँपालिकाको वडा नं. ३, ४, ८ र ११ तथा फिक्कल गाउँपालिका–२ र ४ मा पशुचौपायामा खोरेतको सङ्क्रमण देखिएपछि नियन्त्रण गर्न पशुचौपाया ओसारपसारमा रोक लगाएको ती गाउँपालिकाले जनाएका छन् ।
चिकित्सकले छ महिना देखि तलब पाएनन्
तनहुँको सदरमुकाम दमौली स्थित दमौली अस्पतालमा कार्यरत चिकित्सकले ६ महिनादेखि तलब भत्ता पाउन सकेका छैनन् । लामो समय देखि तलब नपाउँदा ऋण खोजेर दैनिक खर्च टार्नु परेको चिकित्सकले बताएका छन् ।
त्रिशूली जलविद्युत् केन्द्रको जीर्णोद्धार हुँदै
नेपालको पाँचौँ पुरानो जलविद्युत् आयोजना त्रिशूली जलविद्युत् केन्द्रको जीर्णोद्धार तथा आधुनिकीकरण गरिने भएको छ । वैशाखदेखि सुरु भएको केन्द्रको जलाशय पुनस्र्थापनाको काम एक महिनाभित्र र विद्युत्गृहलाई स्वचालित बनाउने काम एक वर्षभित्र सक्ने गरी काम भइरहेको नेपाल विद्युत् प्राधिकरणले जनाएको छ ।
बचत फिर्ता माग्ने बढेपछि शिवशिखर सहकारी समस्यामा
बचतकर्ताले रकम फिर्ता माग्न थालेपछि शिवशिखर बहुउद्देश्यीय सहकारी संस्था समस्यामा परेको छ । सो सहकारी संस्थाले बचतकर्ताको विश्वास गुमाउँदै गएपछि सो सहकारी संस्थाको सुर्खेत शाखाबाट आफ्नो रकम फिर्ता माग्ने बचतकर्ताको सङ्ख्या बढेको हो तर बचतकर्ताले रकम भने पाएका छैनन् ।
प्रहरीले समात्यो १५ जना गैँडा सिकारीको गिरोह
प्रहरीको केन्द्रीय अनुसन्धान ब्युरो (सीआईबी) ले गैँडाको चोरी सिकारीमा संलग्न रहेका १५ जनाको टोलीलाई पक्राउ गरेको छ । लामो समय देखि गैँडा सिकारीमा संलग्न रहँदै आएका टोलीलाई प्रहरीले विभिन्न मितिमा पक्राउ गरी बिहीबार सार्वजनिक गरेको हो ।
राष्ट्रपतिको सम्बोधन आज
राष्ट्रपति विद्यादेवी भण्डारीले सङ्घीय संसद्का दुवै सदनको संयुक्त बैठकलाई शुक्रबार सम्बोधन गर्नुहुने भएको छ। संसद् सचिवालयका अनुसार संयुक्त बैठकलाई उहाँले शुक्रबार अपराह्न ३ बजे सम्बोधन गर्नुहुनेछ।
सहमतिपछि नगर सभा
स्थानीय जनप्रतिनिधिबीच विवादका कारण धनुषाका नगराइन र कमला नगरपालिकामा रोकिएको नगर सभा सम्पन्न भएको छ। जनप्रतिनिधिबीच सहमति भएपछि नगर सभा सम्पन्न भएको बताइएको छ। कमला नगरपालिकामा बुधबार नगरप्रमुख विश्वेश्वरप्रसाद यादवको प्रमुख आतिथ्यमा छैटौँ नगर सभा भएको छ। सम्पन्न नगर सभाबाट ५५ करोड ४५ लाख ४१ हजार ७७४ रुपियाँको बजेट सर्वसम्मतिले पारित गरिएको छ।
उत्पादन बढाउन आवश्यक
राष्ट्रिय योजना आयोगका उपाध्यक्ष डा. मीनबहादुर श्रेष्ठले आन्तरिक उत्पादन तथा रोजगारी बढाउन आवश्यक ठाउँमा ‘इन्टरभेन्सन’ गर्नुपर्ने बताउनुभएको छ । अर्थतन्त्रमा सुधार ल्याउन राजस्व चुहावट नियन्त्रण र औपचारिक माध्यमबाट बढी विप्रेषण भिœयाउनुपर्ने आवश्यकता देखिएको पनि उहाँले औँल्याउनुभएको छ । नेपाल उद्योग परिसङ्घको प्रतिनिधिमण्डलसँगको भेटमा बिहीबार डा. श्रेष्ठले अर्थतन्त्र सुधारका लागि ठोस र परिणाममुखी काम गर्दै निजी क्षेत्रलाई नै अर्थतन्त्रको मेरुदण्डका रूपमा अगाडि बढाउनुपर्ने धारणा व्यक्त गर्नुभयो ।
सत्ता साझेदारीलाई बलियो बनाउने निर्णय
नेपाल कम्युनिस्ट पार्टी (एमाले)को सचिवालय बैठकले वर्तमान सरकार गठन भएपछि जनतामाझ व्यापक उत्साह सिर्जना भएको निष्कर्ष निकालेको छ । बुधबारको सचिवालय बैठकपछि उपमहासचिव प्रदीपकुमार ज्ञवालीले सञ्चारकर्मीसँग कुराकानी गर्दै पार्टीको पहलकदमी र अग्रसरतामा वर्तमान सरकार गठनपछि मुलुकको आर्थिक, सामाजिक, सांस्कृतिकलगायत सबै क्षेत्रमा सकारात्मक प्रभाव देखिएको बताउनुभयो ।
सुरक्षा जाँच उपकरण व्यवस्था गर्न निर्देशन
संस्कृति, पर्यटन तथा नागरिक उड्डयनमन्त्री सुदन किराँतीले त्रिभुवन अन्तर्राष्ट्रिय विमानस्थलमा सुरक्षा जाँच उपकरण (स्क्यानर)को व्यवस्था गर्न निर्देशन दिनुभएको छ । बिहीबार बिहान विमानस्थलको अनुगमनमा पुग्नुभएका मन्त्री किराँतीले विमानस्थलमा पाँच सय ट्रलीको मूल्याङ्कन गरी आर्थिक प्रस्तावना तयार गर्न र ट्रलीका १५ सय चक्कालगायत पार्टपुर्जा खरिद गर्न निर्देशन दिनुभयो ।
प्रदेश सरकारबाट व्यवसायीले पाएनन् एक अर्ब
मधेश प्रदेश सरकारबाट काम गरेका ठेकेदार र उपभोक्ताले पाउनुपर्ने करिब एक अर्ब रुपियाँ भुक्तानी गर्न बाँकी छ। मधेश प्रदेशका भौतिक पूर्वाधार विकास मन्त्रालय, सामाजिक विकास मन्त्रालय, खानेपानी तथा ऊर्जा विकास मन्त्रालयलगायत सबै मन्त्रालयबाट भएको कामको भुक्तानी बाँकी रहेको हो। प्रदेशको अघिल्लो सरकारको कार्यकालमा भएका विभिन्न विकासका कामको भुक्तानी नपाएका निर्माण व्यवसायीले भुक्तानीका लागि बुधबार मन्त्रालय घेराउ गरेका हुन्।
