गोरखापत्र अनलाइन
सामाजिक सुरक्षा कोषबाट साढे उन्नाइस अर्ब भुक्तानी
सामाजिक सुरक्षा कोषले हालसम्म योगदानकर्तालाई दाबी भुक्तानीबापत करिब १९ अर्ब ४५ करोड रुपियाँ भुक्तानी गरेको छ । सामाजिक सुरक्षा योजनामा योगदान गर्न सुरु गरेयता विभिन्न चार योजना अन्तर्गत दुई लाख ७७ हजार ४६१ योगदानकर्तालाई उक्त रकम भुक्तानी गरिएको कोषले जनाएको छ । योजनामा २०७६ साउन १ देखि कोषमा रोजगारदाता र योगदानकर्ताले रकम जम्मा गर्न थालेका हुन् ।
योगदानकर्तालाई सञ्चय कोषले राखिदियो मुनाफा
कर्मचारी सञ्चय कोषले आर्थिक वर्ष २०८१/८२ मा आर्जित मुनाफाबाट सञ्चयकर्ता तथा योगदानकर्ताको खातामा करिब पाँच अर्ब ३० करोड रुपियाँ जम्मा गरेको छ । कोषका अनुसार करिब पाँच अर्ब १९ करोड रुपियाँ सञ्चयकर्ताको खातामा र १० करोड ५५ लाख रुपियाँ योगदानमा आधारित निवृत्तिभरण कोषका योगदानकर्ताको खातामा जम्मा गरिएको हो ।
राष्ट्रपति पौडेलद्वारा सेतो मच्छेन्द्रनाथको पूजा आराधना एवम् दर्शन
सेतो मच्छेन्द्रनाथको रथ तानेर असन ल्याएपछि बिहीबार राति राष्ट्रपति रामचन्द्र पौडेलले रथको पूजा एवम् दर्शन गरी प्रसाद ग्रहण गर्नुभएको छ ।
मस्र्याङ्दीको उत्पादन बयालिस मेगावाटमा सीमित
तनहुँको आँबुखैरेनी गाउँपालिका–४ स्थित ६९ मेगावाट क्षमताको मस्र्याङ्दी जलविद्युत् केन्द्रको उत्पादनमा उल्लेख्य गिरावट आएको छ । सुक्खायामका कारण नदीमा पानीको बहाब घटेपछि केन्द्रको उत्पादन हाल ४२ मेगावाटमा खुम्चिएको हो ।
सरसफाइ प्रवर्धनसम्बन्धी प्रतिवेदन सार्वजनिक
नियमित खोप कार्यक्रममार्फत सरसफाइ प्रवर्धन कायक्म मूल्याङ्कन प्रतिवेदन सार्वजनिक गरिएको छ । स्वास्थ्य तथा जनसङ्ख्या मन्त्रालय अन्तर्गतको परिवार कल्याण महाशाखाको नेतृत्वमा उक्त प्रतिवेदन तयार गरिएको हो ।
भत्काइयो अनधिकृत संरचना
काठमाडौँ उपत्यका विकास प्राधिकरणले काठमाडौँको तारकेश्वर नगरपालिका वडा नं. ११ मा अनधिकृत रूपमा निर्माण गरिएका संरचना भत्काएको छ । नेपाल प्रहरीको सहयोगमा बिहीबार ती संरचना भत्काइएको हो ।
महिला, बालबालिका मन्त्रालय नगाभ्न सुझाव
महिला, बालबालिका तथा ज्येष्ठ नागरिक मन्त्रालयलाई अन्य मन्त्रालयमा गाभ्ने चर्चा चलिरहँदा सरोकारवालाले यस्तो गर्न धारणा व्यक्त गरेका छन् । राष्ट्रिय महिला आयोगद्वारा बिहीबार आयोजित ‘सङ्घीय तहमा महिला, बालबालिका तथा ज्येष्ठ नागरिक मन्त्रालयको अपरिहार्यता’ विषयक छलफल कार्यक्रममा सहभागी विभिन्न आयोगका पदाधिकारीसहित महिला अधिकारकर्मीले नयाँ सरकार यो विषयमा गम्भीर हुनुपर्ने सुझाव दिएका छन् ।
भू–सेवा केन्द्र सञ्चालन गर्न सम्झौता
काठमाडौँ महानगरपालिका र महानगरभित्र रहेका मालपोत कार्यालयबिच भू–सेवा केन्द्र सञ्चालन गर्न सम्झौता भएको छ । काठमाडौँ महानगर, भूमिसुधार तथा मालपोत कार्यालय डिल्लीबजार, मालपोत कार्यालय चाबहिल र मालपोत कार्यालय कलङ्कीबिच बिहीबार सो सम्झौता भएको महानगरको प्रशासन प्रमुख महेश काफ्लेले जानकारी दिनुभयो । महानगरको तर्फबाट कार्यवाहक प्रमुख सुनिता डङ्गोल र सम्बन्धित मालपोत कार्यालयका प्रमुखहरूले सम्झौतापत्रमा हस्ताक्षर गर्नुभएको हो ।
आन्दोलनमा अत्यधिक बल प्रयोग : आयोग
गत भदौ २३–२४ गते नवयुवा (जेनजी) को आन्दोलन हिंसात्मक हुनुमा तत्कालीन सरकार र सुरक्षा निकायको गम्भीर लापर्बाही मुख्य कारण रहेको छानबिन प्रतिवेदनले औँल्याएको छ । घटनाबारे छानबिन गर्न गठित पूर्वन्यायाधीश गौरीबहादुर कार्की नेतृत्वको जाँचबुझ आयोगको प्रतिवेदन सरकारले बिहीबार सार्वजिनक गरेको हो ।
इरानद्वारा मध्यस्थकर्तामार्फत अमेरिकी प्रस्तावको जवाफ, थप प्रतिक्रिया पर्खाइमा तेहरान
रानले अज्ञात मध्यस्थकर्ताहरूमार्फत युद्ध अन्त्य गर्ने १५ बुँदे अमेरिकी योजनाको जवाफ दिएको इरानी अधिकारीलाई उद्धृत गरी तस्निम न्यूज एजेन्सीले बिहीबार जानकारी गराएको छ ।
निर्वाचन सम्पन्न गर्नु मुख्य उपलब्धि : गृहमन्त्री अर्याल
गृहमन्त्री ओमप्रकाश अर्यालले आफ्नो १९१ दिने कार्यकाल सफलतापूर्वक पूरा गरी आज गृह मन्त्रालयबाट बिदाइ हुनुभएको छ ।
अदालत प्रवेश गर्न परिचयपत्र अनिवार्य
सप्तरी जिल्ला अदालत राजविराजमा सेवा लिन आउने सेवाग्राहीलाई अदालत परिसरभित्र प्रवेश गर्दा परिचयपत्र अनिवार्य गरिएको छ ।
पशु चिकित्सकलाई रोग पहिचानका लागि तालिम
धनकुटा र तेह्रथुमका पशु चिकित्सकलाई लक्षित गर्दै पशुहरुमा लाग्ने विभिन्न प्रकारका रोगहरुका नमुना सङ्कलन, प्रेषण तथा रिपोर्टिङ सम्बन्धी दुई दिने तालिम दिइएको छ ।
केही सन्तुष्टि र धेरै आशा बोकेर बिदा माग्दैछु : प्रधानमन्त्री कार्की
प्रधानमन्त्री सुशीला कार्कीले प्रतिनिधिसभा सदस्यको निर्वाचन गराउने कार्यभार पूरा गरेर केही सन्तुष्टि र धेरै आशा बोकेर आफू जिम्मेवारीबाट बिदा हुन लागेको बताउनुभएको छ ।
नयाँ सरकारलाई स्वागत गर्न आतुर छु : प्रधानमन्त्री कार्की
प्रधानमन्त्री सुशीला कार्कीले ६ महिने आफ्नो कार्यभार सफल भएकाले निर्वाचित सरकारलाई स्वागत गर्न आतुर भएको बताउनु भएको छ ।
