रेखीराम राना
पाल्पा, असोज १ गते । पाल्पामा कुटपिटबाट एक जना युवकको मृत्यु भएको छ । मृत्यु हुनेमा तिनाउ २, घोडेबाँसका २४ वर्षका सुनिल खत्री रहनुभएको छ । आइतबार राति १० बजेतिर तिजको नाचगान गर्ने क्रममा स्थानीय युवाबिच झैझगडा हुँदा खत्री गम्भीर घाइते हुनुभएको थियो ।
घाइते खत्रीको सोमबार राति लुम्बिनी प्रादेशिक अस्पताल उपचारको क्रममा मृत्यु भएको जिल्ला प्रहरी कार्यालय पाल्पाका प्रमुख प्रहरी उपरीक्षक हेरम्ब शर्माले जानकारी दिनुभयो ।
कुटपिटमा संलग्न भएको आरोपमा चार जनालाई पक्राउ गरिएको उहाँले बताउनुभयो । थप अनुसन्धान भइरहेको प्रहरीले जनाएको छ ।
