मेक्सिको सिटी, असार २ गते । मेक्सिकोमा अप्रिलको मध्यदेखि बढेको गर्मीका कारण आठ जनाको मृत्यु भएको छ । स्वास्थ्य मन्त्रालयले शुक्रबार जनाएअनुसार राजधानी मेक्सिको सिटीमा यो हप्ता तापक्रम ३५ डिग्री सेल्सियस (९५ फरेनहाइट) पुगेको छ ।
गत अप्रिल १४ देखि जुन १२ को बीचमा सात जनाको हेटस्ट्रोक र एक जनाको डिहाइड्रेसनका कारण मृत्यु भएको मन्त्रालयले जनाएको छ । मोन्टेरीको उत्तरपूर्वी सहरमा, तापमान ४० डिग्री नाघेको छ जसले गर्दा घरहरूमा पानी आपूर्ति कम भएको र वातानुकूलनका लागि बिजुलीको बढ्दो माग बढ्दो छ ।
मोन्टेरीका बासिन्दा वेन्डी टिजेरिनाले सहर औद्योगिक क्षेत्रमा पर्ने भएकाले गर्मी बढी भएको बताउनुभयो ।
‘यहाँ पानीको अभाव छ, तपाईँले बच्चाहरूलाई नुहाउन सक्नुहुन्न । फ्यान पनि प्रयोग गर्न सक्नुहुन्न किनभने तिनीहरूले बिजुली काटिएको छ,’ उहाँले एएफपीलाई भन्नुभयो । उहाँले आफ्नो परिवारले बाच्न कै लागि धेरै पानी पिउने प्रयास गरेको बताउनुभयो ।
न्युभो लियोन राज्यको सरकारले घामबाट बच्न बच्चाहरूलाई स्कुल जाने समय दिनको दुई घण्टामा सीमित गरेको छ । गत वर्ष मेक्सिकोले देशका केही भागहरूमा गर्मीको लहर र वर्षाको अभावको रूपमा खडेरीको आपत्काल घोषणा गरेको थियो । रासस/एएफपी
