ललिता साह
सप्तरी, चैत १४ गते। सप्तरीको रुपनी गाउँपालिका-२ पिपराही स्थित रहेको जेएस आर इँटा भट्टा उद्योगमा मंगलबार बिहानै पर्खाल भत्किएर एक कामदारको मृत्यु भएको हो।
इँटाको भट्टामा पाकिसकेको इँटा निकाल्ने क्रममा भट्टाको पूर्वी भागको पर्खाल भत्किदा ४५ वर्षीय अलिम अजिमको मृत्यु भएको छ।
भारतको जिल्ला कुच बिहार ग्राम पञ्चायत अठरजनी अजिम विगत केही महिनादेखि कामदारको रुपमा सो भट्टामा काम गर्दै आएको जिल्ला प्रहरी कार्यालयका प्रवक्ता प्रहरी नायब उपरीक्षक नरेशकुमार सिंहले जानकारी दिनुभयो।
इँटाको पर्खाल भत्किदा मृतकको अजिमकै श्रीमती मुजिना विवि र नियारूल हकको खुट्टामा चोट लागेर घाइते भएका छन्।
सप्तरीमा दुई दर्जन बढी इँटा उद्योग छन्। तर दुई र चार बाहेकले नयाँ निर्देशन अनुसारको नयाँ मोड्युल प्रक्रिया अनुसार इँटाभट्टाहरु निर्माणमा परिवर्तन गर्न सकेको छैन। नसकेकोले सप्तरीमा पछिल्ला दिनमा इँटाभट्टा केन्द्रित यस्ता दुर्घटना बढेका छन्।
