आमाले हुन् कोखबाट, जन्माएकी हामीलाई
बुबाले हुन् पैसा कमाई, हुर्काएका हामीलाई ।
घरको पिलर बलियो जग, हुन है पिता उनी
तिम्रै छोरा हुन पाउ, पिता जुनी जुनी ।।
आमा तिम्ले तोते बोल्दै, हिँड्न सिकायौ
बुवा तिम्ले मेहेनत गरी अघि, बढ्न सिकायौ ।
स्वयम् ब्रह्म्मा, विष्णु, महेशले नि माथि मनेका
आमा बुवा तिमी नै हौ, हामीले जानेका ।।
विश्व घुमभन्दा गणेश बा–माको परिक्रमा गरे
तेसैले पहिले पुजिने देव, पुजामा उनि परे ।
पुराणमा सुखैसुख मानिएको, स्वर्ग पाउँछ कस्ले ?
जस्का साथमा बा–मा, स्वर्ग पाउँछ उस्ले ?
जन्मदिने आमा नै हुन्, बुबा कर्म दिने
नसोच्नु यी महान् देउतालाई, वृद्धाश्रम लिने ।
अचेल वृद्धाश्रमा देउता राखि, मन्दिर मन्दिर धाउँछन्
जीवित देउता रूवाएर, सुख कहाँ पाउँछन् ?
