अर्जुन काफ्ले
स्याङ्जा, फागुन २० गते । पुतलीबजार नगरपालिका ९ कोल्मामा तेस्रो क्रसकन्ट्री दौड प्रतियोगिता फागुन २६ गते हुने भएको छ । स्वास्थ्यका लागी दौड, राष्ट्रका लागी दौड भन्ने मुल नाराका साथ सात सय कोल्मा बहाकोट सम्पर्क मञ्चले दौडको आयोजना गरेको हो ।
कोल्मा क्षेत्रको पर्यटन प्रवद्र्धनमा टेवा पु¥याउने उद्येश्यले प्रतियोगिताको आयोजना गरेको आयोजक मनबहादुर थापाले बताउनुभयो । २० किमी खुला पुरुष र २१ वर्षमुनिका १० किमी गरी दुई विद्यामा प्रतियोगिता हुनेछ ।
प्रतियोगितामा सहभागीहरुले कोल्मा बराहचौरदेखि काहुले, डाँडा स्वारा, नाम्चे, काल्खु, तनहुको शुक्ला गण्डकी नगरपालिका ११ बिसाउना, विरुवा गाउपालिकाको खुदी, मड्किना हुदै कोल्मा बराहचौरमै आएर सकिनेछ ।
प्रतियोगितामा खुलातर्फ प्रमथले ३५ हजार रुपियाँ सहित मेडल र प्रमाण पत्र, दोस्रोले २५ हजार र तेस्रो हुनेले २० हजार रुपियाँ पुरस्कार पाउने छन् । २१ वर्ष मुनिका पुरुष १० किलोमिटर दौडमा प्रथमले १५ हजार, दोस्रोले १० हजार र तेस्रो हुनेले सात हजार रुपियाँ पुस्कार पाउनेछन् ।
प्रतियोगिता खुलाततर्फ बिदेशी खेलाडीसहित एक सय र २१ वर्ष मुनिको दौडमा दुई सय ५० खेलाडी सहभागी हुने अनुमान आयोजकले गरेको छ ।
